Смартфон

Телефоннан тоқ соққан қыздың сынып жетекшісі: "Ақкөңіл, ақжарқын оқушы еді"  

333
(Жаңартылды 08:24 01.10.2019)
Қарапайым телефон қуаттағыштан қаза тапқан оқушының қайғысы барша мектеп ұжымының қабырғасын қайыстырды

НҰР-СҰЛТАН, 1 қазан – Sputnik. Бұған дейін Алматы облысындағы Бестөбе ауылында мектеп оқушысы телефонын қуаттаймын деп ажал құшқанын хабарлаған едік. Қайғылы оқиға қыздың ауылдастары мен  барша мектеп ұжымының қабырғасын қайыстырып кетті. 

Марқұм Қаратал ауданындағы Максим Горкий атындағы мектепте оқыған. Былтыр ғана басқа мектептен ауысып келген қызға сыныптастары да тез бауыр басып қалыпты. Құрбылары оны өте ұқыпты, білімді, спортқа жақын еді деп еске алады. Марқұм баскетболдан аудандық қыздар құрамасы сапында ойнаған, деп хабарлады КТК. 

"Баскетболға қатысатын. Анасына қолқанат, сүйікті қызы еді. Ешкімде шаруасы жоқ, пәк қыз. Ешкімнің ала жібін аттамаған", - дейді ауылдасы Аяжан. 

Қарапайым телефон қуаттағыштан қаза тапқан оқушының қайғысы барша мектеп ұжымының қабырғасын қайыстырды. Марқұмның сынып жетекшісі смартфон ұстайтын өзге оқушыларды аса абай болуға шақырады.   

"Ұялы телефон қолданып жүрген балалар өте абай болыңыздар дегім келеді. Сақтаныңыздар, сақтықта қорлық жоқ. Енді Алуаның өзіне келетін болсам, тамаша ақкөңіл, ақжарқын оқушы еді. Біз қайғырып, ата-анасына, тума-туыстарына көңіл айтамыз", - деді марқұмның сынып жетекшісі Гүлнар Жанысбаева.

Тағы оқыңыз: Телефонды суға түсіріп алған. Панкратионнан Ресей чемпионы ваннада көз жұмды 

9-сыныпта оқитын қыз үйінде телефонын тоққа сұғып, әуен тыңдап жатқан екен. Осы сәтте жасөспірімді тоқ соққан. Оқушы оқиға орнында жан тапсырған.  

Оқиғаның ақ-қарасын аудандық полиция қызметкерлері анықтап жатыр. Әзірге ақау шыққан телефонның қайда жасалғаны белгісіз. Оны тәртіп сақшылары сараптамаға жіберген.

 

 

333
Кілт сөздер:
Алматы облысы, телефон қуаттағыш
Тақырып бойынша
"Аяғым батпақта! Бұтақтан ұстап тұрмын" Бәлеге душар болған ақтөбелік әлі табылмай жатыр
Қыршын кетті: Алматы облысындағы жасөспірімнің қазасы желіні дүрліктірді
Телефонға үңілген келіншек бассейнде батып жатқан сәбиін көрмей қалды
Шымкенттікті телефонның "зарядкасынан" тоқ соқты: жігіт тіл тартпай кетті   
Дәрігер телефонның жарығы орны толмас өкінішке әкелуі мүмкін екенін айтты
Загрузка...