Сәби, архивтегі сурет

Нәресте тоңазытқыштан табылды: атыраулық дәрігерлердің ауыр қылмысы ашылды

1980
(Жаңартылды 18:19 04.10.2019)
Дәрігерлер тірі нәрестені тоңазытқыш камерасында қалдырып кеткен. Өйткені құжатта сәбидің өлі туғаны жазылған

НҰР-СҰЛТАН, 4 қазан — Sputnik. Атырау облыстық перинаталдық орталығының жетекшісі нәрестенің өліміне кінәлі деген күдікке ілінді. Бұл туралы сыбайлас жемқорлыққа қарсы іс-қимыл агенттігі төрағасының орынбасары Шыңғыс Қабдола хабарлады.

Ведомство жетекшісінің айтуынша, нәресте тірі болған. Алайда дәрігерлердің салғырттығынан құжатта өлі деп жазылған.

Сондықтан дәрігерлер оның тірі екенін біле тұра, тоңазытқыш камерасында қалдырып кеткен.  

"Сәбидің тірі екенін білсе де, дәрігерлер құжатты бүлдіргісі келмеген. Өйткені базаға енгізілген мәліметті дұрыстау мүмкіндігі қарастырылмаған", - деді Қабдола.

Бұл жағдай Атырау облыстық перинаталдық орталығының жетекшісіне қатысты басқа істі тексеру кезінде анықталған.

Тағы оқыңыз: Әйел "мас" нәресте босанды – дәрігерлер сәбидің жағдайы туралы айтты

Бұған дейін медициналық мекеменің басшысы жемқорлыққа байланысты ұсталғаны хабарланған болатын.

Бастапқыда іс қылмыстық кодекстің 317-бабына сәйкес қозғалды. Бұдан кейін 99-бапқа ("Қасақана адам өлтіру") өзгертілді. Кінәсі дәлелденсе, орталық жетекшісі 20 жылға дейін бас бостандығынан айырылуы мүмкін.

1980
Кілт сөздер:
дәрігерлер, Атырау облысы, тоңазытқыш, нәресте
Тақырып бойынша
Сегіз сағат жер астында жатқан нәресте тіріліп кетті - видео
Қостанайда қоқыс жәшігінен нәресте табылды – видео
Таразда перзентханадан нәресте ұрланды
Нәресте анасын емгеннен кейін шетінеп кетті
Рудныйда бұта арасынан нәресте табылды
Загрузка...