Пышақ, архивтегі фото

Басын кесіп тастаған: Риддерде жас қыз жантүршігерлік қылмыс жасады

10132
(Жаңартылды 10:28 07.10.2019)
Бұл оқиға осыдан бес жыл бұрын болған. Бірақ қылмыстық материалдар баспасөзде жарияланған жоқ. Себебі ішінде жантүршігерлік детальдар көп болды...

НҰР-СҰЛТАН, 5 қазан – Sputnik. 2014 жылы ақпанда Шығыс Қазақстан облысының Риддер қаласында қатты суық болды. Түнде қақаған аяз тұрды. Ондайда полицейлер де кабинеттен шыққысы келмей, қылмыс болмаса екен деп отырады. Бірақ кезекшілік бөліміне қоңырау түсті. Белгісіз бір әйел көпқабатты үйлердің бірінде ер адамның мәйіті жатқанын хабарлаған. Мекенжайын айтып, тұтқаны тастай салады. Sputnik Қазақстан қылмыстық іс материалдарға сүйеніп, жантүршігерлік қылмыстың қалай болғанын баяндайды.

Полицияның өзі есеңгіреп қалды

Шұғыл тергеу тобы күнде сан алуан қылмыстарды көріп жатады. Бірақ осы жолы олардың өздері "шок" болды. Кіреберістің баспалдағында шалқасынан ер адамның денесі жатқан. Мәйіттің айналасын қан басқан. Қабырға, сүйеніш, тіпті төбе де қанға боялыпты.

Ал ер адамның денесін зерттеу кезінде полицейлердің жүрегі айныған. Сот-медициналық сараптама жасаған маман жерде жатқан жігіттің басын кесіп тастағанын жеткізді. Арқа жағынан бір жапырақ терісі ғана басты ұстап тұрған...

"Балталап тастадым": павлодарлық қанішердің өлер алдындағы ашық әңгімесі

Құқық қорғаушылар мерт болған ер адамның қалтасынан жеке құжаттарын тапты. Бірақ үйдің тұрғындары Александр Бабенконы танымайтын болып шықты. Ал полицияда оның екі рет істі болғаны анықталды. Бір рет бұзақылық үшін жауапқа тартылса, көп ұзамай, есірткі заттарымен ұсталған екен.

Тергеушілер Бабенконың түнгі уақытта қаланың шетіне қалай келгенін түсінбейді. Себебі ол мүлдем басқа мекенжайда тұратын. Полиция оқиға орнын қоршап жүргенде криминалистер маңызды бір дәйекті тапты.

Қан іздері үшінші қабатқа қалай жеткен?

Криминалист сарапшының біреуі оқиға орнын тыңғылықты зерделеп, тамшылаған қанның іздері баспалдақпен жоғары қарай кеткенін байқап қалады. Тамшылар үшінші қабаттағы №115 пәтердің есігі алдында үзілген. Криминалист осыны бірден тергеушілерге айтады.

Құқық қорғаушылар есікті қағады. Бірақ ешкім ашпайды. Бірнеше минуттан кейін ұйқылы-ояу әдемі бір қыз шығады. Аты – Яна. Полиция қылмыс туралы айтқанда ол түнде айғай-шуды естімегенін жеткізеді. Бірақ тергеушілер үйге кірейік дегенде қарсылық көрсетеді, табалдырықтан аттауға да рұқсат бермеген. Полиция қызметкерлері де қайтпайды. Ақыр соңында ішке кіреді.

Бір кезде арғы бөлмеден тағы бір қыз атып шығып, құқық қорғаушыларға жұдырық ала жүгірген. Сабырға келмейді. Қолына кісен салынған кезде ғана тынышталған. Сөйтсе, ол 21 жастағы Вероника С. деген қыз екен. Полиция оны да жақсы біледі.

Жансақтау бөлімінен бір-ақ шыққан

Вероника "Печенька" деген лақап атпен танымал болған. Жасөспірім кезінде бұзақылық жасап, төбелескені үшін талай рет полицияға жеткізілген. Ал сол күнгі қанды оқиғаның алдында ғана оған қатысты тағы бір сот шешімі шыққан.

Сот материалдарына сәйкес, Вероника жергілікті жерде дискотекаға жігітімен бірге барған. Сол жерде бір қыз "Печеньканың" жігітіне көз қысқан ба, қылымсыған ба, әйтеуір Вероникаға оның әрекеті ұнамай қалады. Ол көп ойланбай, "бәсекелесін" далаға шығарып, соққының астына алған. Оны қатты ұрғаны сонша, жаңағы қыз жансақтау бөлімінен бір-ақ шыққан. Сот қатаң шешім шығармады. "Печеньканы" түрмеге қамаған жоқ, бостандығын шектеп жібере салды.

Осылайша, кеше ғана құқық қорғаушылардың назарына іліккен Верониканың қолына тағы кісен салынды. Бірақ осы жолғы қылмысты кім жасады? Оны полиция әлі білмейтін.

Верониканың әңгімесі

Қанның іздері тура қыздар тұратын пәтердің алдында үзілсе де, екеуі қылмыс туралы ештеңе білмейтінін және түнде ешкімнің дауысын естімегенін қайта-қайта айтады. Ал Вероника қолындағы кісенге қарамастан, полицияға қарсылық көрсетіп, балағат сөздерін тоқтатпайды. Ал тоңазытқыштың көкөніс сақтайтын жәшігінен қанға боялған пижама шыққанда сап тыйылады. Көп ұзамай бәрін айтып береді.

Оның айтуынша, күндіз әжесі қайтыс болған. Үйде қарбалас. Туған-туыстары жерлеу рәсімдерін ұйымдастырып жүргеннен кейін Вероника құрбысының үйінде түнеп шығуға шешім қабылдаған. Түнде екеуі арақтан ұрттап, біраз әңгіме айтқан. Содан бір нәрсеге келіспей қалады. Жанжал шығады. "Печенька" ашуын басамын деп, далаға барған. Төменгі қабатқа түскенде жерде жатқан жігіттің денесіне шалынып қалады. Сол кезде пижамасына қан жұққан.

"Ол дем алып жатқан. Мен алғашқы көмекті де көрсетіп көрдім. Бірақ амал қанша, тура менің қолымда қайтыс болды. Содан мен үйге жүгіріп барып, Янаны ояттым. Полицияға да мен қоңырау шалғанмын. Жақында ғана істі болып шыққанымды білесіз ғой. Енді, тағы проблема болады деп қорықтым. Содан бәрін жасыруға тура келді", - деді Вероника.

"Печенька" осының бәрін жылап тұрып айтады. Полиция да сене бастайды. Бірақ тергеушілер қыздың бір нәрсені жасырып отырғанын сезеді. Сондықтан екеуін де полицияға алып кетеді. Таңға дейін уақытша қамау изолияторына отырғызып қояды.

Қыздар "өте жақын" қарым-қатынаста болған

Вероника изоляторда талай рет болған. Сондықтан еш қорықпай отыра береді. Ал нәзік Яна ондай жерге бірінші рет түскеннен кейін ұзақ шыдай алмайды. Таңға қарай Александр Бабенконы құрбым өлтірді деп мәлімдейді.

Жауап алу кезінде Яна құрбысымен "өте жақын" қарым-қатынаста болғанын да ашық айтты. Сол себепті Вероника оған жиі келіп, түнеп кететін. Екеуінің арасындағы махаббат туралы ешкім білмеген.

Жақында Яна бір жігітпен танысқан екен. Ол жұбайымен ажырасқаннан кейін бір қыз тәрбиелеп жүрген. Сөйтіп, екеуі жақын араласып кетеді. Бірақ Яна өз құрбысының долы мінезін біле тұра, оған ештеңе айтпайды. Ал Вероника келетін күні жігітін үйіне шақырған. Бірақ құрбысының қонуға сұранатынын білмеген.

Қызғаныштың әсері қатты

Алекстандр Бабенко №115 пәтерге түн ортасында келген. Қолында екі бөтелке арағы да болыпты. Үшеуі бірден дастарқан жайып, таныстық үшін рөмке көтеруге кіріседі.

Вероника ол күні көп ішпегенін айтады. Себебі ертесінде әжесінің жерлеу рәсіміне бару керек. Ал Яна мен Александр қатты мас болып қалады. Бір-екі сағаттан кейін "Печенька" отырысты доғарып, түнгі қонаққа үйіне қайтуға бұйырады. Дәл осы кезде жанжал туындайды. Үйден кім кетуі керек? Вероника мен Александр осыны анықтауға кірісіп кетеді. Екеуі де бір-біріне бой бермейді.

Верониканың бойы - 180 сантиметр, күші де бар. Оған мас жігітті кіреберіске итеріп шығару қиынға соқпады. Сол жерде екеуінің "пікірталасы" жалғасты. Бірінші қабатқа түскенде Александр қыздың намысына тиетін бірнеше қатты сөз айтып қалады. "Печенька" шыдай алмай, жұдырықпен бір ұрады. Александр да жұдырық ала жүгіреді. Дәл сол кезде Вероника қалтасындағы бәкісін алып шыққан.

Мас жігіт төніп келгенде бірден мойнына пышақ салған. Қан атқылай бастайды. "Печенька" тоқтамады. Александрды шаштан алып, мойнына бәкісін сұққылай берді. Қызғаныштың әсері қатты болғаны сонша, Вероника жас жігіттің басын кесіп тастауды ойлаған. Бірақ далада біреудің дауысы естіледі. Ол дереу қалтасынан бағалы заттарын алып, үйге жүгіріп кірген. Ал бірнеше минуттан кейін полицияға хабар береді. Өзі киімін ауыстырып, сүйіктісінің қасына жатқан.

Сотта Вероника көп сөйлеген жоқ. Мас болмағанын және қорғаныс үшін қылмысқа барғанын айтумен болды. Аффект күйінде болдым деп ақталды. Бірақ сот-психиатрлық сараптама "Печеньканың" қылмыс жасағанда есін білгенін көрсетті.

Сот шешімімен Вероника 8 жылға түрмеге қамалды. Яна қылмыстық жазаға тартылған жоқ.

10132
Кілт сөздер:
Риддер, қанды оқиға, қылмыс
Тақырып бойынша
Ресейлік танымал әншіні кім өлтіргені 17 жылдан кейін анықталды
Бизнесменнің бүкіл отбасын қырып салған: Алматыдағы адам шошырлық қылмыстың мән-жайы
Қарағандыда дүйім жұртты дүр сілкіндірген қанды оқиға бойынша сот басталды
14 еркек зорлағанын айтқан қызды жала жапты деп айыптап жатыр
Шыбын жанын шырқыратқан: табиғат аясына шыққан үш жігіт жантүршігерлік қылмыс жасады
Ту тұғыр

Атырауда 203 миллион теңге бөлінген ту тұғырдың құлау себебі анықталды

23
(Жаңартылды 11:56 14.08.2020)
Облыстық прокуратура құрылыс басқармасы заңнама талаптарын бұзып, ту тұғырды ауыстыруға өз бетінше келісім бергенін анықтады

АЛМАТЫ, 14 тамыз – Sputnik. Атырауда өткен жылы қатты желден құлаған ту ілетін тұғырға сметада көрсетілген сомадан үш есе аз ақша жұмсалған. Бұл туралы "Ақ Жайық" газеті хабарлады.

"Жобалық-сметалық құжаттама талаптарына қарамастан, мердігер авторлық бақылаушының келісімінсіз ту орнатқаны анықталды. Оның құны сметада көрсетілген 203 миллион теңгеден үш есе аз. Облыстың құрылыс басқармасы заңнама талаптарын бұзып, ту тұғырды ауыстыруға өз бетінше келісім берген", - деп мәлімдеді Атырау облысының прокуратурасы.
Флагшток рухнул в Атырау. Фото с места события
Атырау қаласында құлаған ту тұғыр.

Бұл жағдай адамдардың өмірі мен денсаулығына қауіп төндірген. Енді аса ірі көлемде қаржы жымқыру фактісі бойынша материалдар сотқа дейінгі тергеу жүргізу үшін экономикалық тергеу департаментіне жолданды.

Ал қалпына келтіру жұмыстарын мердігер өз қаражатына жүргізеді.

Оқи отырыңыз: Қазақстанның бас туы қалай көтеріледі – егемендік рәмізінің құпиясы

Айта кетейік, 2019 жылы желтоқсанның соңында Атыраудағы Республика алаңында тұрғызылып жатқан биіктігі 91 метрлік құрылым қатты желге шыдас бермей құлаған болатын.

23
Кілт сөздер:
ту тігу, Атырау
Тақырып бойынша
Терезеге ілінген көк ту: даулы іс Жоғарғы сотқа дейін жетті
Мемлекеттік ту көтерілді: Елорда күнін тойлау басталды
Қазақстандағы ең үлкен ту төмен түсірілді – фото
Жаңа ту бекітілді деген ақпарат жалған – Қазақстанның қорғаныс министрлігі
Енді VR-жобаның көмегімен Рейхстагқа Ту тігуге болады
Төбелес, иллюстративті фото

Екі қолын жұлып, көзін ағызып жіберген: Оралда сұмдық оқиғаға қатысты сот басталды

1137
(Жаңартылды 10:22 14.08.2020)
Осы іске қатысы бар деп айыпталып отырғандардың бірі – екі жыл бұрын шымкенттік бейтаныс қызға бүйрегін тегін берген азамат

НҰР-СҰЛТАН, 14 тамыз – Sputnik. Оралда жеке күзет агенттігінің қызметкерлері айықтырғышқа жеткізілген адамды қорлап өлтірген. Марқұмның туыстары кінәлілердің кейбірі бостандықта жүргенін айтады.

Күзетшілердің соты онлайн-форматта қайта жалғасты. Ал сот отырысына себепкер жаға ұстататын қанды оқиға былтыр желтоқсанда болған еді. Жаңажылдық корпоративтік кештен "көңілді" шыққан жігітті полиция наркологиялық диспансерге жеткізген, деп хабарлайды "Астана" арнасы.

Ол жабық мекемеде бүлік шығарған соң, көмекке шақыртылған күзетшілер жігітті өлімші етіп, тепкінің астына алады. Бейнебақылау камерасына түсіп қалған видеода бес жігіт бір адамға жабылып жатқаны анық көрінеді.

"Күзетшілер інімнің екі қолын қайырып, тепкінің астына алды. Жағын сындырып, көзін ағызып жіберген. Біз оны мәйітханаға барғанда танымай қиналдық. Сот кезінде күзет агенттігінің қызметкерлері лицензияны сатып алғандарын, жұмыс кезінде мас болғандарын мойындады", - дейді марқұмның туысы Бақыт Ахметова.

Ахметова інісінің жанталасып сыртқа қашып шыққанын айтады. Темір қоршаудан секіріп өте алмай жатқан жігітті қуғыншылар аяғынан ұстап, кері тартқан. Сол кезде, қолтықтарын қаңылтыр кесіп өтіпті. Марқұм осыдан кейін қансырап өлді, дейді апасы. 

"Інімнің өліміне кінәлілердің бәрі жауапқа тартылуы тиіс. Бұл істе полицияның да айыбы бар. Олар інімнің ақшасын тартып алып, өзін диспансерге тастап кетіпті. Інім сыртқа қашып шығып, жанармай құю бекетінен көмек сұрағанда да, ондағылар қол ұшын бермеген. Кейін жедел жәрдемді шақырған кезде бәрі де кеш болды. Сот осы жәйттерді ескерсе екен", - дейді ол.

Айта кетейік, адам өлтірді деп айыпталғандардың бірі - осыдан екі жыл бұрын шымкенттік бейтаныс қызға бүйрегін тегін берген Абзал Әділов. Ол осы отадан кейін күзет агенттігіне жұмысқа орналасқан екен.

Оқи отырыңыз: Нұр-Сұлтандағы мемлекеттік мекемеде не үшін төбелес болды – видео

Ал марқұмның туыстары "айран ішкен құтылып, шелек жалаған тұтылды", дейді. Өйткені, жігітті соққыға жыққан 6 күзетшінің 2-уі ғана айыпталушы орындығында отырғанын айтады. Қалғандары "куәгер" ретінде көрсетілген.

1137
Кілт сөздер:
оқиға, сот, Орал
Тақырып бойынша
Маска тағудан бас тартқан 22 жастағы алматылық қыз сот алдында жауап береді
Министрлік Қордайдағы жаппай төбелес қалай басталғанын айтып берді
Жұдырық ала жүгірді: Ақтаудағы төбелес видеоға түсіп қалды
Шымкентте жаппай төбелес кезінде ауыр жарақат алған жігіт қайтыс болды
Нұр-Сұлтанда жаппай төбелес видеоға түсіп қалды – полиция түсініктеме берді
Науқас

Қамалжан Надыров кімдердің ауруханаға ауыр жағдайда түсетінін айтты

0
Басқарма басшысының айтуынша, қазір күніне 60-тан астам науқас ауруханаға жатқызылады. Ал бір ай бұрын тәулігіне 417 науқас келіп түсіп отырған

АЛМАТЫ, 14 тамыз – Sputnik. Алматыда ауыр және өте ауыр жағдайда ауруханаға түскен әрбір екінші адам бұған дейін өз бетінше емделген науқастар. Бұл жайында қаланың қоғамдық денсаулық сақтау басқармасының басшысы Қамалжан Надыров брифинг барысында мәлімдеді, деп хабарлайды Sputnik Қазақстан тілшісі.

Осылайша, ауруханадағы науқастардың 55%-і өз бетінше ем қабылдап қана қоймай, дер кезінде медициналық көмекке жүгінбегені анықталып отыр.

"Науқастардың бұл санаты ауруханаға ауыр және өте ауыр жағдайда қабылданады. Соған сәйкес, олардың қалпына келу мүмкіндігі төмендейді. Яғни, осы санаттағы науқастардың 80%-і стационарға ауыр жағдайда түсетіндіктен, дәрігерлер оларды дереу жасанды тыныс алу аппараттарына қосады", - деді Қамалжан Надыров.

Айтуынша, медициналық көмекке кеш жүгіну аурудың ауырлығы мен ұзақтығына да тікелей әсер етеді. Сол себепті аурудың алғашқы белгілері пайда болған кезде емханаға немесе бірыңғай байланыс орталықтарының мамандарына хабарласу қажет.

Сонымен қатар қазір қала бойынша науқастарға арналған 5 781 төсек-орын бар. Ал стационарлардағы науқастар жүктемесі 19%-тен аспайды. Қазір ауруханаға күніне 60-тан астам науқас ауруханаға жатқызылады. Ал бір ай бұрын тәулігіне 417 науқас келіп түсіп отырған.

Жаңа модульдік аурухана қалай жұмыс істейді

"Резервтік төсек-орын сыйымдылығын арттыруды жалғастырамыз. Жаңа модульдік аурухананың құрылысы қарқынды жүріп жатыр. Бұл 300 төсек-орынға арналған екінші модульдік инфекциялық аурухана, оның ішінде 30 реанимациялық бөлім болады", - деді Надыров.

Айтуынша, аурухананы медициналық жабдықпен және қажетті кадрлармен қамтамасыз ету мәселесі қарастырылып жатыр. Бұл стационар бірінші эшелонның толыққанды клиникасы ретінде жұмыс істейтін болады.

Оқи отырыңыз: Коронавирус пен тұмау: денсаулық министрлігі күзде не болатынын болжады

Айта кетейік, Алматыда пандемия басталғалы бері 13 742 адамнан коронавирус инфекциясы анықталды. Қалалық қоғамдық денсаулық сақтау басқармасының айтуынша, кейінгі 15 күнде ауру деңгейі 7 есе төмендеді. Шілденің соңында күніне 271 адамнан коронавирус инфекциясы анықталса, қазір тәулігіне 40 жағдай тіркеледі.

Қала бойынша 9 306 адам сауығып шықты, бұл инфекция жұқтырған жағдайдың 68%-ін құрайды. Алматыда коронавирустан 195 адам қайтыс болды.

0
Кілт сөздер:
коронавирус, Алматы, емделу
Тақырып:
Коронавирус эпидемиясы
Тақырып бойынша
Ақтөбеде коронавирус жұқтырған балалар Кавасаки синдромына шалдықты
Науқас коронавирустан жазылғанын қалай біле алады
Ордабасы ауданында коронавирус жұқтырған соңғы науқас жазылып шықты
Коронавирус анықтамасын сатқан медицина қызметкері қылмыс үстінде ұсталды – видео  
Бекшин тұмауға шалдыққан науқас коронавирус жұқтырса не болатынын айтты