Кісен, архивтегі сурет

Жындыханадан қашып кетті: жас қызды зорламақ болған күдікті қайдан табылды?

1847
(Жаңартылды 11:57 10.10.2019)
Ауруханадан қашып кеткен күдікті тергеу изоляторына қамалды. Оқиғаға қатысты тексеріс жүріп жатыр

НҰР-СҰЛТАН, 10 қазан – Sputnik. Елордалық тәртіп сақшылары жындыханадан қашып кеткен ер адамды ұстады. Ол зорлық жасады деген күдікке ілінген болатын, деп хабарлайды Sputnik Қазақстан тілшісі.

"9 қазан сағат кешкі 22.40-да кешенді жедел-іздестіру шарасы барысында күдікті ұсталды. Ол тергеу изоляторына қамалды. Тексеріс жүріп жатыр", - делінген хабарламада.

Қашып кеткен ер адам танысының үйінде болған.

42 жастағы ер адам 9 қазан күні сағат 12:20-де Жансүгірұлы мен Құдайбердіұлы көшелерінің қиылысындағы медициналық мекемеден қашып кеткен болатын. Ол Қазақстан Республикасы қылмыстық кодексінің 120-бабы ("Зорлау") бойынша күдікке ілінген.

Тағы оқыңыз: "Аузы қанап кетіпті": елордада мектеп жанында ер адам қызға шабуыл жасады

Еске сала кетсек, 5 қыркүйек күні күдікті астанадағы колледж студентін зорламақ болды. Ер адамды сол білім ордасының қызметкері көріп қалып, ұстап алған. Кейін полиция шақырған.

1847
Кілт сөздер:
зорлау, күдікті, қыз, жындыхана
Тақырып бойынша
"Әйелімді зорлады" Отбасылы еркек қаскүнемнің жыныс мүшесін кесіп тастады
Зорлық жасады деген күдікті Нұр-Сұлтандағы аурухананың аумағынан қашып кетті
Әйелін талдырып, өгей қызын зорлады: ауыр қылмыс жасаған ақтөбелік ұсталды
Тальго жолсеріктері пойызда әйел зорлады: ҚТЖ мәлімдеме жасады
Көкшетауда қоныс колониясында жазасын өтеп жүрген ер адам әйел зорлады
Доллар, архивтегі фото

Маңғыстауда Нигерия азаматы полицейге пара бермек болды

66
Шетел азаматы Қазақстанда пара беруге талпынғаны үшін ірі көлемде айыппұл төлеуі немесе үш жылға дейін бас бостандығынан айырылуы мүмкін  

НҰР-СҰЛТАН, 4 тамыз – Sputnik. Нигерия азаматы Маңғыстау облысында көші-қон полициясының қызметкеріне пара бермек болды.

Ер адам Маңғыстау облысының аумағында еркін жүріп-тұрып, заңсыз қызметпен айналысқысы келген, деп хабарлады Polisia.kz.

Полиция әңгіме қандай заңсыз қызмет жайлы екенін нақтылаған жоқ.

Тәртіп сақшыларының мәліметінше, Маңғыстау облысы полиция департаментінің аға инспекторы Қуат Қанбаев ақшадан бас тартып, өзіндік қауіпсіздік басқармасына пара беру әрекеті туралы хабарлаған.

Шетел азаматы ұсталып, оған қатысты Қазақстан Қылмыстық кодексінің 367-бабы бойынша қылмыстық іс қозғалды.

Нью-Йоркте қазақстандық ұсталды: министрліктің ресми түсініктемесі

Бұл бап параның он еседен жиырма есеге дейінгі мөлшерінде айыппұл салуды немесе үш жылға дейін бас бостандығынан айыруды көздейді. Сондай-ақ кінәлінің мүлкі тәркіленіп, өмір бойына белгілі бір лауазымдарды атқару немесе белгілі бір қызметпен айналысу құқығынан айырылуы мүмкін.

Бүгінгі таңда ұсталған адамға ешқайда кетпеу туралы қолхат түрінде бұлтартпау шарасы қолданылды. Материал процессуалдық шешім қабылдау үшін сотқа жолданды.   

66
Кілт сөздер:
Нигерия, шетелдік, пара
Тақырып бойынша
"Қызым жазықсыз": Ақжарқын Тұрлыбайдың анасы Тоқаевтан көмек сұрады
Қазақстанның бірқатар өңірінде іздеуде жүрген қылмыскерлер ұсталды
Ақшаны білдіртпей тыққан – ирандық әйел Астана тұрғындарын сан соқтырып кетті
Елімізде Өзбекстанның екі мың азаматы көші-қон заңнамасын бұзған
Блок бекетте шын мәнінде не болғаны жұртқа жария етіледі – полиция бастығы
Қару ұстаған адам, архивтегі сурет

Алматы тұрғыны үйіне келген полицейді оқ атып қарсы алды

264
Тәртіп сақшылары тұтқындалған күдіктінің қылмыс жасаған кезде есірткіге әбден масайып алғанын анықтады

НҰР-СҰЛТАН, 4 тамыз – Sputnik. Алматы қаласының 37 жастағы тұрғыны көмекке келген учаскелік полицейге оқ атты. Бірақ тәртіп сақшысы тығылып үлгерді.

"Кезекші бөлімге бір әйел хабарласып, отбасылық жанжалдан кейін күйеуінің өз-өзіне қол салғысы келетінін айтқан. Содан ол үйге жергілікті учаскелік инспектор Фархат Режапов бірінші болып барды", – дейді алматылық полицейлер.

Аға лейтенант үйдің ауласына кіргенде оқтың атылғанын естіді. Сөйтсе, кезекші бөлімге хабарласқан әйелдің күйеуі терезеден мылтығын шығарып, оқ атып жатыр екен. Тәртіп сақшысы дереу жалтарып үлгерді. Ал оқиға орнына келген арнайы жасақтың сарбаздары тәртіп бұзушыны бірден құрықтады.

"Ол 1983 жылы туған қала тұрғыны болып шықты. Оның өз атына тіркелген аңшы мылтығымен оқ атқаны анықталды. Қылмыс жасаған кезде ол есірткіге әбден масайып алған екен", – деді сақшылар.

Оқи отырыңыз: Көзіне дәл тиген - Алматы облысы полиция бастығының орынбасарына оқ атты

Қазіргі кезде ер адам аудандық полиция басқармасында жауап беріп жатыр.

264
Кілт сөздер:
Алматы, оқиға
Тақырып бойынша
Бес адам ауруханаға түсті: Ақтөбе облысында оқ атқандар ұсталды
Оқ басына тиген - Ақмола облысында сарбаздың денесі табылды
Тұрғындар қорқып қалған: Арыста оқ-дәріні жару қай кезде жүргізіледі
Арысты оқ-дәріден толығымен тазартуға 3-5 жыл уақыт керек – министрлік
Басына оқ тиген Алматы тұрғыны аман қалды
Өткізу бекеті

Қазақстан Ресеймен шекарада неге шектеу енгізді?

7
(Жаңартылды 10:30 05.08.2020)
Шекаралас аймақтардағы эпизоотиялық жағдай облыстардың ветеринарлық қызметінің ерекше бақылауына алынды

АЛМАТЫ, 5 тамыз– Sputnik. Қазақстан Челябі облысында құс тұмауы ошағының анықталуына байланысты Ресеймен шекараға шектеулер енгізді.

"Қазақстанның ауыл шаруашылығы министрлігінің ветеринарлық бақылау және қадағалау комитеті 2020 жылдың 4 тамызынан бастап Челябі облысынан термиялық өңдеуден өтпеген құстарға арналған жемшөп қоспалары, таксидермиялық өңдеуден өтпеген ауланған олжа, сонымен қатар құстарды ұстауға, союға және кесуге қолданылатын құрал-жабдықтар әкелуге және тасымалдауға уақытша шектеулер енгізді", - делінген ақпаратта.

Сонымен қатар шекаралас аймақтардағы эпизоотиялық жағдай облыстардың ветеринарлық қызметінің ерекше бақылауына алынды.

Айта кетейік, 2020 жылдың 3-4 тамызында ветеринарлық және фитосанитарлық қадағалау бойынша федералды қызметтің Челябідегі басқармасы аймақта анықталған құс тұмауы вирусының генетикалық белгілері туралы ақпарат таратты. Құс өлекселерінен алынған барлық сынамаларда H5N8 тұмауы вирусының кіші түрі анықталды.

Құстың барлық түрлі тұмауды тез қабылдайтыны белгілі. Бұл жылдам жұғатын әрі лезде тарайтын вирустық ауру. Соған байланысты құс тұмауының жаппай таралып кету қаупі бар.

H5N8 адамдар үшін төмен патогенді деп саналғанымен, ғалымдардың пікірінше, ол тез өзгеріске ұшырап, тұмаудың басқа түрімен ауырған жағдайда өлімге әкеп соғуы мүмкін.

Тағы оқыңыз: ҰҚК шекарада болған жағдайға қатысты түсініктеме берді

 

7
Кілт сөздер:
құс, тұмау, Ресей, Қазақстан