Баскетбол добы

Жаттығу кезіндегі оқушы өлімі: Алматыдағы оқиғаның мән-жайы анықталды

659
(Жаңартылды 11:50 08.11.2019)
Он бес жастағы жасөспірім жедел жәрдем келгенше көз жұмды. Сол күні ол денсаулығына шағымданбаған және барлық сабаққа қатысқан екен

НҰР-СҰЛТАН, 8 қараша – Sputnik. Қайғылы оқиға Қазақ спорт және туризм академиясында баскетболдан жаттығу кезінде болған. Он бес жастағы бала спорттық жаттығу барысында есінен танып қалған. Бапкер көмектесуге тырысқанымен оқушы сол жерде тіл тартпай кетіпті.

Қазақ спорт және туризм академиясының хабарлауынша, жасөспірім оқу орнында бір жарым ай жаттыққан. Қазір педагог жұмысынан уақытша шеттетілді, деп хабарлайды КТК телеарнасы.

Тағы оқыңыз: "Көз алдында өлді": Алматыдағы трагедияның қалай болғанын қала тұрғыны айтып берді

Білім беру мекемесінің бірінші проректоры Мұхтар Есқалиевтің айтуынша, жаттықтырушы тергеу шаралары уақытына қызметінен шеттетілді.

"Ол оқу-жаттығу барысында өзін жайсыз сезінген, одан кейін құлап қалған. Бапкер дәрігерлер келгенше медициналық көмек көрсеткен. Педагог бүгінгі күннен бастап жұмысынан шеттетілді", - деп түсіндірді Есқалиев.

Куәгерлердің айтуынша, жедел жәрдем 8 минутта келген, бірақ баланы құтқарып үлгермепті.

"Бригада келіп, барлық реанимациялық шараларды жасады. Бірақ жедел жәрдем келгенше оқушының қайтыс боп кеткенін анықтады. Жасөспірімнің неден көз жұмғаны белгісіз", - деді Алматы жедел жәрдем қызметі емдеу ісі жөніндегі директор орынбасары Шайхидин Бәдіров.

Мектеп директорының айтуынша, бала денсаулығына ешқашан шағымданбаған және қайғылы оқиға болған күні де барлық сабаққа қатысқан.

Қазір полицейлер істі тергеп жатыр. Сот-медициналық сараптама жүргізілуде. Қазақ спорт және туризм академиясы жеткіншектер медициналық анықтамасыз жаттығуға жіберілмейді деп отыр.

Оқушының туыстары қайғылы оқиға жайлы ештеңе айтпады.

659
Кілт сөздер:
адам өлімі, оқушы, Алматы
Тақырып бойынша
Дәрігерді шақырдым, ал ұлым қолымда өліп бара жатты – уланған қос сәбидің анасы
Төтенше жағдайлар департаменті алматылықтарды сабыр сақтауға шақырды
Екібастұзда жасөспірімдер 3-сынып оқушысын соққыға жығып, видеоға түсірген
Алматыда мас жүргізуші бақылау-өткізу бекетін бұзып өтпек болды

Алматы тұрғыны блок бекетті бұзып өтпек болды: полицей көз жұмды

672
Құқық қорғау органдарының мәліметінше, жол апатын жасаған жүргізуші мас болған. Сотқа дейінгі тергеу басталды

НҰР-СҰЛТАН, 25 мамыр – Sputnik. Алматыдағы блок бекеттердің бірінде жол апатынан полиция қызметкері көз жұмды, деп хабарлайды Polisia.kz.

Трагедия дүйсенбі таңертеңгі сағат 05:26-да Алматы облысы Қарасай ауданы Көксай ықшамауданында болды. Жаңа Ғасыр көшесімен қиылыста, Кожабекова көшесімен солтүстік бағытта келе жатқан "BMW" маркалы автокөліктің жүргізушісі, 1992 жылы туған А.есімді қала тұрғыны №4 бақылау-өткізу бекетіне соқтығысқан.

Оқи отырыңыз: Блок бекеттер әзірге алынбайды – денсаулық сақтау министрлігі   

Алдымен бетон қоршауға барып тиген, содан кейін инерциямен патрульдік көлікке соқтығысқан, оның салонында екі полиция қызметкері отырған. Өкінішке қарай, патрульдердің бірі, 42 жастағы Жалғас Жанғазиев алған жарақатынан жедел жәрдем келгенге дейін жан тапсырды. Оның әріптесі Дастан Абдықанов жақын жерде орналасқан ауруханаға өте ауыр жағдайда жеткізілді.

"BMW" жүргізушісі қамауға алынды. Бұл факті бойынша сотқа дейінгі тергеу басталды.  

672
Кілт сөздер:
жол апаты, полицей, Алматы
Тақырып бойынша
Нұр-Сұлтаннан шыға алатындар тізіміне тағы бір санат қосылды
СҚО-да карантинде кедергісіз жүру үшін полицей 1 миллион 300 мың пара алған
Нұр-Сұлтан айналасындағы блок бекеттер қашан алынады
Алматыдағы блок бекеттерге адамдардың не үшін жиналғаны белгілі болды 
Терминал, архивтегі фото

Талдықорғанда ер адам төлем терминалын ұрлап кетті видео

132
(Жаңартылды 15:02 22.05.2020)
Күдіктіден ұрланған терминал мен сол аппараттан шыққан ақшаның бір бөлігі – 200 жүз мың теңге тәркіленді

НҰР-СҰЛТАН, 22 мамыр – Sputnik. Талдықорғанда ер адам ойын-сауық орталықтарының бірінде тұрған төлем терминалын ұрлап кеткен. Қаскөй ішіндегі ақшаның бір бөлігін пайдасына жаратып үлгеріпті.

Талдықорған қаласының Шығыс қалалық полиция бөлімшесінің кезекші бөліміне төлем терминалының ұрланғаны туралы хабар 20 мамыр күні түскен, деп хабарлады Polisia.kz.

"Қылмыстың ізін суытпай Сарқан ауданының 31 жастағы тұрғынын ұстадық. Күдіктіден ұрланған терминал мен сол аппараттан шыққан ақшаның бір бөлігі – 200 жүз мың теңге тәркіленді. Күдікті ұрлық жасағанын толық мойындады. Терминалды жалғыз өзі далаға шығарып, таксиге тиеп алып, жалдамалы пәтеріне алып барған", – дейді қалалық полиция басқармасының басшысы Асқар Нұрсапа.

Қылмыскер такси жүргізушісіне терминалдың өз меншігі екенін және оны басқа жерге жеткізу керек болғанын айтқан.

Оқи отырыңыз: Алматы облысында қылмыстық топ құрықталды

"Жалдамалы пәтерде қолда бар құралдарын пайдаланып, терминалдың ақша салынған бөлігін сындырған. Ішінен шыққан ақшаның көп бөлігін қажетіне жұмсап үлгеріпті. Қалғанын біз тәркіледік", – деп жалғастырды басқарма басшысы.

Қолға түскен тұрғын 2012 жылы да қарақшылық жасағаны үшін сотты болған екен. ҚР ҚІЖК 128-бабына сәйкес уақытша ұстау изолияторына қамауға алынды. Енді ол бүлінген терминалды және одан ұрланған ақшаны өтеуі қажет.

132
Кілт сөздер:
видео, ұрлық, Талдықорған
Тақырып бойынша
40 минут ішінде 3 дүкенді тонаған: Қарағандыда әккі ұрылар іздестіріліп жатыр – видео
Ордабасы тұрғыны көшеде келе жатып, ұрланған көлігін танып қойды  
Белгісіз біреулер 13 миллион теңгені ұрлау үшін Нұр-Сұлтан тұрғынын аңдыған
Талдықорғанда екі жігіт аса қауіпті қылмыскерді ұстады
Ақтөбе тұрғыны ерекше тәсілмен ұрлық жасады
Ақша, тиын

42 500 теңге ала алмаған азаматтардың өтініші қайта қаралады: не істеу керек

3
Әлеуметтік төлем тағайындалмаған азаматтар аудандық немесе қалалық штабқа растайтын құжаттармен қоса тиісті өтініш беруі қажет

НҰР-СҰЛТАН, 25 мамыр – Sputnik. Төтенше жағдай кезінде әлеуметтік төлем тағайындалмаған азаматтардың өтінішін қайта қарау тәртібі бекітілді, деп хабарлайды Sputnik Қазақстан еңбек және халықты әлеуметтік қорғау министрлігінің баспасөз қызметіне сілтеме жасап.

"Еңбек және халықты әлеуметтік қорғау министрлігі 42 500 теңге тағайындалмауымен келіспейтін азаматтардың өтінішіне байланысты төлем тағайындау қағидаларына түзетулер енгізді",- делінген хабарламада.  

Бұған дейін әлеуметтік төлемді тағайындаудан бас тарту туралы шешім қабылданған өтініштерді қайта қарау үшін аудандық (қалалық) штабқа растайтын құжаттармен қоса тиісті өтініш беру қажет.

Өтінішті кім береді:

  • Жұмыс беруші тарапынан – шағын және орта бизнес, ірі кәсіпкерлік (карантин енгізілген өңірлерде), коммерциялық емес заңды тұлғалардың қызметкерлері үшін. Бұл ретте өтініш тек әлеуметтік төлем тағайындаудан бас тарту (тоқтату) туралы шешім қабылданған қызметкерлер үшін беріледі.
  • Өз бетінше – әлеуметтік төлемді тағайындаудан бас тарту (тоқтату) туралы  шешім қабылданған жеке кәсіпкерлер, жеке практикамен айналысатын адамдар, бірыңғай жиынтық төлемін төлеушілер, азаматтық-құқықтық сипаттағы шарттар бойынша жұмыс істейтіндер.

Растайтын құжаттар тізімі:

Қызметкерлері үшін құжат тапсыратын жұмыс берушілер үшін:

  • жалақысы сақталмайтын демалысқа жіберу туралы бұйрықтар;
  • жұмыс берушінің төтенше жағдай кезеңінде кірісін жоғалту фактісін растайтын құжаттар (банк шоттарының көшірмесін қоса алғанда, қаржылық және өзге де есептілік, бухгалтерлік баланс және басқа құжаттар);
  • мемлекеттік кірістер органдары қабылдаған декларация (МКК-мен салыстыру үшін, 200-нысан).
  • ЖК және жеке практикамен айналысатын адамдар үшін:
  • мемлекеттік кірістер органдары қабылдаған декларация (мемлекеттік кірістер комитетімен салыстыру үшін, 200 нысан);
  • кірісті жоғалту фактісін растайтын құжаттар (банк шоттарының көшірмесін қоса алғанда, қаржылық және өзге де есептілік, бухгалтерлік баланс және басқа да құжаттар).

Азаматтық-құқықтық сипаттағы шарттар бойынша жұмыс істейтіндер:

  • заңды тұлғамен жасалған жұмыстарды орындауға (қызмет көрсетуге) арналған азаматтық-құқықтық сипаттағы шарт.

Ұсынылған құжаттарды қарағаннан кейін аудандық (қалалық) штаб  әлеуметтік төлемді алуға құқығы бар-жоғы туралы қорытынды шығарады.

Тағы оқыңыз: Жұмысынан айырылған қазақстандықтар мемлекеттен әлеуметтік төлем алады

"Оң қорытынды "Азаматтарға арналған үкімет" мемлекеттік корпорациясының бөлімшесіне беріледі, ол "өтініш берушінің электронды іс макетін" қалыптастырып, деректерді мемлекеттік әлеуметтік сақтандыру қорының филиалына береді. Филиал әлеуметтік төлем тағайындау немесе тағайындаудан бас тарту туралы шешім қабылдайды", - деп хабарлады министрлік.

Егер өтініш беруші аудандық/қалалық штабтың қорытындысымен немесе сақтандыру қоры филиалының шешімімен келіспесе, ол растайтын құжаттармен облыстық штабқа жүгіне алады.

Карантинді ескеріп, халық көп жиналмау үшін өтініштер 1 желтоқсанға дейін қаралады.

3
Кілт сөздер:
төтенше жағдай, әлеуметтік төлем
Тақырып:
Төтенше жағдай және карантин
Тақырып бойынша
Үш миллионға тарта адам 42 500 теңгені екінші рет алды
Төтенше жағдай аяқталған соң 42 500 теңгені қалай алуға болады
42 500 теңгені алғандарға мемлекеттік қолдау көрсетіледі
Төтенше жағдай аяқталды: министр 42 500 теңгеге өтініш беру туралы айтты