Сіріңке

Қарағанды облысында жас жігіт анасын өртеп жіберді

2410
(Жаңартылды 09:26 15.11.2019)
Қарағанды облысындағы Дубовка ауылында 21 жастағы жігіт туған анасын ұрып өлтіріп, денесін өртеп жіберген

НҰР-СҰЛТАН, 15 қараша – Sputnik. Әйелдің жартылай жанған мәйітін ауыл шетінен тұрғындар тауып алған. Полиция күдіктіні қамауға алды, деп хабарлайды Астана телеарнасы.

42 жастағы әйелдің жартылай жанған мүрдесі Дубовка ауылынан екі шақырым қашықтағы иен даладан табылды. Оны ауыл тұрғындары байқап қалып, дереу полиция шақырған.

Көп ұзамай марқұмның туған ұлы күдікке іліккен. 21 жастағы жігіт анасын алдымен ұрып, содан соң өртеп, танысымен бірге ауыл шетіне апарып тастағанын полицияға айтқан.

Қазір күдікті қамауда. Оған қатысты «адам өлтіру» бабымен іс қозғалды.  

"Полицияда қылмыстық іс тіркеліп, тиісті сараптамалар тағайындалды. Оқиғаның мән-жайы анықталуда", - дейді Қарағанды облыстық полиция департаментінің баспасөз хатшысы Жанатай Сембеков.

Көршілері бұл отбасымен араласпаған. Айтуларынша анасы ішімдікке салынған. Ана мен бала арасындағы кикілжіңге осы себеп болғанына сенімді. Олар өз сөздерінде ішімдікке салынған анасының әрекеттері баласын шаршатқанын айтып қалды. 

Күдікті өзінің туған анасы және нағашы әжесімен бірге тұрған. Көршілерінің айтуынша, қазір әжей өзі жалғыз қалған.

Олар күдікті жігіттің оғаш қылықтардан аулақ болғанын да айтады. Ал қайғылы оқиғаға анасының ішімдікке салынуы себеп болуы мүмкін деп отыр.

Дубовка ауылының әкімдігі де күдікті жігітке шаң жуытпады.

"Ол дизайнер мамандығын бітіріп, қалада жұмыс істейтін. Кәрі нағашы әжесі мен шешесінің бар проблемасын бір өзі арқалап жүрген еді", - деді әкімдік өкілдері. 

"Бала ақылды, суретті жақсы салатын. Дизайнер мамандығын таңдады, ешкімге қарсы сөйлемейтін, сыпайы. Сенер сенбесімізді білмейміз. Тұрғындар кейінгі уақытта мамасы ішеді деген. Содан шаршады ма, әлде намыстанды ма, жас бала ғой", - деді Қарағанды облысы Дубовка ауылдық округі әкімдігінің бас маманы Ерке Оразбаева.

Алайда жас жігітке жасалған жақсы мінездеме оның ауыр айыбын жуып-шая алмайды. Анасының денесін жасыруға көмектескен танысы да жазасыз қалмауы мүмкін. Оны тұтқындау мәселесі әлі шешілген жоқ. 

2410
Кілт сөздер:
өрт, жігіт, Қарағанды облысы
Тақырып бойынша
Алматыдағы үш адамның өлімі: бұрынғы прокурордың қылмысы қалай ашылды
Қызын өлтіріп, мәйітін өртеген: жазадан жалтармақ болған ерлі-зайыпты ұсталды
Нұр-Сұлтанда күйеуі өртеп жіберген әйел көз жұмды
Бетін жауып отырған ер адам, архивтегі сурет

Нұр-Сұлтанда көшеде есінен танып қалған ер адамды тонап кетті

146
(Жаңартылды 18:34 28.09.2020)
Тонаушылар көшенің қақ ортасында ер адамның ақшасын ғана емес, көзілдірігін, белбеуі мен оттығын да тартып әкеткен

НҰР-СҰЛТАН, 28 қыркүйек – Sputnik. Нұр-Сұлтанда көшеде есінен танып қалған 57 жастағы ер адамды тонап кетті, деп хабарлайды Polisia.kz порталы.

Жәбірленушінің айтуынша, ол Қарасай батыр көшесінен теміржол вокзалына қарай жаяу жүріп келе жатқан. Гараждардың маңына жеткенде, ер адам есінен танып қалған. Оған не себеп болғанын өзі де білмейді. Біраз уақыттан соң көзін ашса, қасында екі бейтаныс жігіт қалтасын ақтарып жатыр екен.

Күдіктілер есін жиған ер адамды ұра бастайды. Киімнің қалтасынан 30 мың теңгені алып, шалбарының белбеуін, көзілдірігі мен оттығын да тартып әкеткен.

Полицейлер адам тонады деген күдікпен екі ер адамды – қаланың 26 және 36 жастағы тұрғындарын "ізін суытпай"  ұстады.

Анықталғандай, олар бұған дейін де сотты болған және қылмыстық жауапкершілікке тартылған.

Тағы оқыңыз: Алматының қақ ортасында мәжіліс депутатын тонап кетті

Заттай айғақтар мен ақша тәркіленіп, иесіне қайтарылды.

Күдіктілер уақытша ұстау изоляторына қамалды. Бұл фактіге қатысты Қылмыстық кодекстің 191-бабы (Тонау) бойынша сотқа дейінгі тергеу жүріп жатыр.

Бұл бап бойынша мүлкi тәркiленiп немесе онсыз, 2 мың АЕК-ке дейiн айыппұл салу не сол мөлшерде түзеу жұмыстарына не бір мың сағатқа дейінгі мерзімге қоғамдық жұмыстарға тарту, немесе 4 жылға дейiн бас бостандығын шектеу не сол мерзiмге бас бостандығынан айыру жазасы қарастырылған.

146
Кілт сөздер:
тонаушылар, Нұр-Сұлтан
Тақырып бойынша
Қазақстандық жігіт Ресейде сатушыны тонап, оны жұбатып тұрған жерінен ұсталды
Алматыда қарулы қарақшы супермаркетті тонады
Өлтіремін деп қорқытқан: Қаскелеңде бақсыдан келе жатқан әйелді зорлап, тонап кетті
Ақтөбе тұрғыны қонаққа келіп, Kaspi қосымшасы арқылы үй иесін тонап кеткен
Иллюстративті фото

Былтырғы оқиға есіне түсіп кеткен: Көңілдесін ұрып өлтірген атбасарлық сотталды  

2923
(Жаңартылды 17:34 28.09.2020)
Ішімдік ішкен ер адам жатын бөлмеге кіріп, әйелді бауыр тұсынан бір ұрған. Ол қатты соққыдан сылқ ете түседі. Бірақ ашуға булыққан ер адам онымен тоқтамаған

НҰР-СҰЛТАН, 28 қыркүйек – Sputnik. Атбасарда көңілдесін ұрып өлтірген 35 жастағы ер адам 9 жылға бас бостандығынан айырылды, деп хабарлайды Sputnik Қазақстан.

Тергеу материалдарына сәйкес, ер адам үйінде ішімдік ішіп отырғанда өзімен бірге тұратын әйелдің 2019 жылы желтоқсан айында таныс адамымен көзіне шөп салғаны есіне түскен. Қызғаныш сезімі билеп, әйелден өшін алуға ұмтылған.

"Ол жатын бөлмеге кіріп, әйелді бауыр тұсынан бір ұрады. Ол қатты соққыдан сылқ ете түседі. Бірақ ашуға булыққан ер адам онымен тоқтамаған, басынан және бетінен ұрғылай берген. Әйел есінен танып қалғаннан кейін есікті құлыптап, далаға шығып кеткен. Сол күні үйге келмеген", - дейді полицейлер.

Келесі күні қайтып келгенде үйдің іші тым-тырыс болған. Көңілдесі жатын бөлмеде сол күйі қозғалмай жатқанын көрген.

Полицейлер атап өткендей, ер адамның зәресі ұшып, қылмыстық жазадан құтылудың амалын іздей бастайды. Содан әйелді далаға сүйреп шығарып, мәйітін жерқоймаға тастап, қашып кетеді.

"Жәбірленуші жабық бас сүйек-ми жарақатын алған. Біршама уақыттан кейін миы ісініп кеткен", - делінген сот-медициналық сараптамада.

Оқи отырыңыз: Түркістанда әйелін пышақтап өлтірген прокурорға сот үкімі шықты 

Қаскүнем тағы бір қылмыс жасайды. Көрші келіншектің кетіп қалғанын пайдаланып, үйіне түскен. Сол жерден ыдыс-аяқ пен тосап ұрлаған.  

Сот оны Қылмыстық кодекстің екі бабы – денсаулыққа қасақана ауыр зиян келтіру және ұрлық бойынша жазаға тартып, 9 жылға бас бостандығынан айыруға шешім шығарды.

2923
Кілт сөздер:
көңілдес, Атбасар
Тақырып бойынша
Күйеуін өлтіріп, анасының қабіріне көмген: елордалық әйелдің адам шошырлық қылмысы
Үйлену тойына ақша жетпеген: Шымкентте бай ерлі-зайыптыны өлтірген жігіт сотталды
Ер адам үйлену тойынан кейін әйелін жансақтау бөлімінен бір-ақ шығарды
16 рет пышақ сұққан: шымкенттік мұғалімді кім және не үшін өлтірді
Зертхана

Өткен тәулікте Қазақстанда 75 адамның індет жұқтырғаны расталды

0
(Жаңартылды 08:12 30.09.2020)
Коронавирус жұқтырған адамдар саны бойынша Шығыс Қазақстанда облысы алға шықты. Өңірде бір тәулік ішінде 22 тұрғын індет жұқтырған

НҰР-СҰЛТАН, 30 қыркүйек – Sputnik. Қазақстанда өткен тәулікте 75 адамның коронавирус індетін жұқтырғаны белгілі болды, деп хабарлайды ведоствоаралық комиссия.

"Пациенттердің коронавируспен ауырғаны ПТР арқылы расталды", – делінген хабарламада.

Қалалар мен өңірлер бойынша:

  • Нұр-Сұлтан қаласы - 16
  • Алматы қаласы - 5
  • Ақмола облысы - 1
  • Ақтөбе облысы - 2
  • Алматы облысы - 3
  • Атырау облысы - 5
  • Шығыс Қазақстан облысы - 22
  • Батыс Қазақстан облысы - 3
  • Қарағанды облысы - 5
  • Қостанай облысы - 2
  • Павлодар облысы - 6
  • Солтүстік Қазақстан облысы – 5.

Айта кетейік, жалпы республика бойынша аталған індетпен ауырғандар саны 107 908 адамға жетті.

0
Кілт сөздер:
індет, коронавирус
Тақырып:
Коронавирус эпидемиясы