Ақша, архив фото

Сегіз кредит жапқан: қомақты қаржы ұрлаған Қазақстан азаматы Ресейде ұсталды

2586
(Жаңартылды 17:07 21.11.2019)
Қазақстан мен Ресейдің тәртіп сақшылары бірігіп, банктен қомақты қаражат ұрлаған 29 жастағы ер адамды қолға түсірді

НҰР-СҰЛТАН, 21 қараша – Sputnik. Қостанай облысы Жітіқара қаласындағы банк филиалынан 87 миллион теңгені (225 мың 47 доллар) қолды еткен қызметкер Челябіде ұсталды, деп хабарлайды жергілікті alau.kz порталы.

Күдіктіні облыстық полиция департаментінің криминалдық полициясы мен Ресей Федерациясы ішкі істер министрлігінің Челябі облысы бойынша басқармасы бірігіп қолға түсіріпті.

29 жастағы банк қызметкері 2019 жылдың 12 қарашасында Жітіқара қаласындағы банк филиалынан 87 миллион теңгені (225 мың 47 доллар) ұрлап, Ресейге қашып кеткен.

Тағы оқыңыз: Татуласуға жол жоқ: ұрлық ауыр қылмыс санатына жатқызылады

Бүгінгі күні Қостанай облысының полиция департаменті Қазақстан Республикасы қылмыстық кодексінің 189-бабы, 4-тармағы (сенiп тапсырылған бөтен мүлiктi иемдену немесе талан-таражға салу) бойынша сотқа дейінгі тергеуді бастады. Сот күдіктіні қамауға алу туралы санкция берді.

Құқық қорғаушылар 29 жастағы банк қызметкерінің 2019 жылдың 12 қарашасында Ресей шекарасынан өткенін анықтапты.

Қылмысты тергеу үшін арнайы жедел-іздестіру тобы құрылып, оны облыстық полиция департаменті криминалдық полиция басқармасының басшысы, подполковник Мейрам Базарбаев басқарды. Ал істі облыстық полиция департаментінің басшысы, полиция генерал-майоры Бекет Аймағамбетов жеке бақылауына алыпты.

Челябі қаласы тәртіп сақшыларының көмегімен күдіктіні анықтау үшін жедел-іздестіру шаралары жүргізілді. Нәтижесінде, 29 жастағы банк қызметкерін Ресейге қазақстандық такси жүргізушісі жеткізгені анықталыпты.

Тағы оқыңыз: Галереядан шамамен 8 млн теңгенің картинасы ұрланды

Ресейлік полицейлер күдіктіні Челябідегі "Куб" дүкенінен және қаланың басқа бөлігінен іздеген екен.

Тергеу барысында Қазақстан азаматының ақшаның бір бөлігін ұстап жібергені белгілі болды. Ол өзінің және туыстарының сегіз кредитін интернет арқылы жауыпты.

Қазіргі таңда күдіктіні Қостанай облысына қайтару мәселесі қарастырылып жатыр. Бүгінде ол Челябі қаласындағы уақытша тергеу абақтысында отыр.

Қостанай облысы полиция департаментінің басшысы, полиция генерал-майоры Бекет Аймағамбетов істі тергеуге көмектескен ресейлік әріптестеріне алғыс айтты.

2586
Кілт сөздер:
ұры, Ресей, Қазақстан
Тақырып бойынша
Көзін байлап, далаға тастаған: жүк көлігін тоқтатқан жігіттер ұры болып шықты
Дәмхананы тонамақ болған жігіт күлкіге қалды – видео
Нұр-Сұлтанда үй қызметшісі бұрынғы жұмыс берушісін тонап кетті
Жас қыз ұрыны аяғымен қысып, тырп еткізбей ұстап жатты – видео
Шымкенттік жігіттің қылмысы видеоға түсіп қалды
Бетін жауып отырған ер адам, архивтегі сурет

Нұр-Сұлтанда көшеде есінен танып қалған ер адамды тонап кетті

147
(Жаңартылды 18:34 28.09.2020)
Тонаушылар көшенің қақ ортасында ер адамның ақшасын ғана емес, көзілдірігін, белбеуі мен оттығын да тартып әкеткен

НҰР-СҰЛТАН, 28 қыркүйек – Sputnik. Нұр-Сұлтанда көшеде есінен танып қалған 57 жастағы ер адамды тонап кетті, деп хабарлайды Polisia.kz порталы.

Жәбірленушінің айтуынша, ол Қарасай батыр көшесінен теміржол вокзалына қарай жаяу жүріп келе жатқан. Гараждардың маңына жеткенде, ер адам есінен танып қалған. Оған не себеп болғанын өзі де білмейді. Біраз уақыттан соң көзін ашса, қасында екі бейтаныс жігіт қалтасын ақтарып жатыр екен.

Күдіктілер есін жиған ер адамды ұра бастайды. Киімнің қалтасынан 30 мың теңгені алып, шалбарының белбеуін, көзілдірігі мен оттығын да тартып әкеткен.

Полицейлер адам тонады деген күдікпен екі ер адамды – қаланың 26 және 36 жастағы тұрғындарын "ізін суытпай"  ұстады.

Анықталғандай, олар бұған дейін де сотты болған және қылмыстық жауапкершілікке тартылған.

Тағы оқыңыз: Алматының қақ ортасында мәжіліс депутатын тонап кетті

Заттай айғақтар мен ақша тәркіленіп, иесіне қайтарылды.

Күдіктілер уақытша ұстау изоляторына қамалды. Бұл фактіге қатысты Қылмыстық кодекстің 191-бабы (Тонау) бойынша сотқа дейінгі тергеу жүріп жатыр.

Бұл бап бойынша мүлкi тәркiленiп немесе онсыз, 2 мың АЕК-ке дейiн айыппұл салу не сол мөлшерде түзеу жұмыстарына не бір мың сағатқа дейінгі мерзімге қоғамдық жұмыстарға тарту, немесе 4 жылға дейiн бас бостандығын шектеу не сол мерзiмге бас бостандығынан айыру жазасы қарастырылған.

147
Кілт сөздер:
тонаушылар, Нұр-Сұлтан
Тақырып бойынша
Қазақстандық жігіт Ресейде сатушыны тонап, оны жұбатып тұрған жерінен ұсталды
Алматыда қарулы қарақшы супермаркетті тонады
Өлтіремін деп қорқытқан: Қаскелеңде бақсыдан келе жатқан әйелді зорлап, тонап кетті
Ақтөбе тұрғыны қонаққа келіп, Kaspi қосымшасы арқылы үй иесін тонап кеткен
Иллюстративті фото

Былтырғы оқиға есіне түсіп кеткен: Көңілдесін ұрып өлтірген атбасарлық сотталды  

2936
(Жаңартылды 17:34 28.09.2020)
Ішімдік ішкен ер адам жатын бөлмеге кіріп, әйелді бауыр тұсынан бір ұрған. Ол қатты соққыдан сылқ ете түседі. Бірақ ашуға булыққан ер адам онымен тоқтамаған

НҰР-СҰЛТАН, 28 қыркүйек – Sputnik. Атбасарда көңілдесін ұрып өлтірген 35 жастағы ер адам 9 жылға бас бостандығынан айырылды, деп хабарлайды Sputnik Қазақстан.

Тергеу материалдарына сәйкес, ер адам үйінде ішімдік ішіп отырғанда өзімен бірге тұратын әйелдің 2019 жылы желтоқсан айында таныс адамымен көзіне шөп салғаны есіне түскен. Қызғаныш сезімі билеп, әйелден өшін алуға ұмтылған.

"Ол жатын бөлмеге кіріп, әйелді бауыр тұсынан бір ұрады. Ол қатты соққыдан сылқ ете түседі. Бірақ ашуға булыққан ер адам онымен тоқтамаған, басынан және бетінен ұрғылай берген. Әйел есінен танып қалғаннан кейін есікті құлыптап, далаға шығып кеткен. Сол күні үйге келмеген", - дейді полицейлер.

Келесі күні қайтып келгенде үйдің іші тым-тырыс болған. Көңілдесі жатын бөлмеде сол күйі қозғалмай жатқанын көрген.

Полицейлер атап өткендей, ер адамның зәресі ұшып, қылмыстық жазадан құтылудың амалын іздей бастайды. Содан әйелді далаға сүйреп шығарып, мәйітін жерқоймаға тастап, қашып кетеді.

"Жәбірленуші жабық бас сүйек-ми жарақатын алған. Біршама уақыттан кейін миы ісініп кеткен", - делінген сот-медициналық сараптамада.

Оқи отырыңыз: Түркістанда әйелін пышақтап өлтірген прокурорға сот үкімі шықты 

Қаскүнем тағы бір қылмыс жасайды. Көрші келіншектің кетіп қалғанын пайдаланып, үйіне түскен. Сол жерден ыдыс-аяқ пен тосап ұрлаған.  

Сот оны Қылмыстық кодекстің екі бабы – денсаулыққа қасақана ауыр зиян келтіру және ұрлық бойынша жазаға тартып, 9 жылға бас бостандығынан айыруға шешім шығарды.

2936
Кілт сөздер:
көңілдес, Атбасар
Тақырып бойынша
Күйеуін өлтіріп, анасының қабіріне көмген: елордалық әйелдің адам шошырлық қылмысы
Үйлену тойына ақша жетпеген: Шымкентте бай ерлі-зайыптыны өлтірген жігіт сотталды
Ер адам үйлену тойынан кейін әйелін жансақтау бөлімінен бір-ақ шығарды
16 рет пышақ сұққан: шымкенттік мұғалімді кім және не үшін өлтірді
Бетперде таққан балалар

Қыркүйектің басынан бері 104 оқушы коронавирус жұқтырды Цой

23
Денсаулық министрі әкімдер мектептердегі профилактика шараларының мүлтіксіз орындалуын қамтамасыз етуі қажет деп санайды

НҰР-СҰЛТАН, 30 қыркүйек – Sputnik. Жаңа оқу жылы басталғалы бері Қазақстанда 104 оқушы індетке шалдыққан. Соның ішінде 33 бала мектепте кезекші сыныптарда оқып жүрген оқушылар. Бұл туралы денсаулық сақтау министрі Алексей Цой мәлімдеді, деп хабарлайды Sputnik Қазақстан тілшісі.

"Оқу жылы басталғалы бері 104 оқушы коронавирус инфекциясын жұқтырды, соның 33-і кезекші сыныптарға барып жүрген балалар. Олармен байланыста болған 550 адам анықталды, олардың жетеуі індетке шалдыққан", – деді Цой үкімет отырысында.

Айтуынша, қашықтан оқитындар арасында 71 оқушыда коронавирус диагнозы расталды. Олар 240 адаммен байланыста болған, 15-і індет жұқтырды.

"Барлық оқушы мектепке барып оқығанда, байланыста болғандар саны кемінде 1 500 адамға дейін өсіп, оқушылар, мұғалімдер мен отбасы мүшелері арасында ауру таралып кетер еді", – деді министр.

Оқи отырыңыз: Кезекші топтарда коронавирус анықталса, мектеп жабылуы мүмкін 

Осыған байланысты әкімдер мектептерде санитарлық-дезинфекциялық, маска режимі және басқа да профилактика шараларының мүлтіксіз орындалуын қамтамасыз етуі қажет, деп толықтырды Цой.

23
Кілт сөздер:
коронавирус, балалар
Тақырып:
Коронавирус эпидемиясы
Тақырып бойынша
Карантин аяқталғаннан кейін мектеп формасын кию қайта міндеттеле ме?
Бастауыш сынып оқушыларының 60%-і мектеп партасына отырды
Маңғыстауда мектеп оқушысы жасанды тыныс алдыру аппаратын құрастырды
Қыздар төбелесінен кейін жұмыстан кеткен мектеп директорлары қайта шақыртылды
"Пышақпен қорқытып, видеоға түсірді": Жамбылда бала зорлығына қатысты іс дауға айналды