Темір тор

Елімізде Өзбекстанның екі мың азаматы көші-қон заңнамасын бұзған

191
(Жаңартылды 15:26 24.11.2019)
Қазақстанның ішкі істер министрлігі өзбек әріптестерімен бірге алғаш рет "Нелегал" жедел-алдын алу іс-шарасын өткізді

НҰР-СҰЛТАН, 24 қараша – Sputnik. Елімізде жүріп-тұру ережелерін бұзғаны үшін екі мыңнан астам Өзбекстан азаматы әкімшілік жауапкершілікке тартылды, деп хабарлайды Қазақстанның ішкі істер министрлігі көші-қон қызметі комитеті.

427 азаматтың Қазақстанда жүріп-тұру мерзімі қысқартылды, 186 Өзбекстан азаматы елден шығарылды. Қылмыс үшін Өзбекстан тарапынан іздеуде жүрген 3 адам ұсталды.

"Бірлескен операция 18-22 қараша аралығында Өзбекстан азаматтарының көші-қон заңнамасын бұзуының алдын алу, азаматтардың еліне өз еркімен оралуына жәрдемдесу, заңсыз көші-қон арналарының жолын кесу және іздеуде жүрген адамдарды анықтау мақсатында өткізілді", - делінген ақпаратта.

Шетелдік жұмыс күшін тарту және пайдалану ережелерін бұзғаны үшін төрт күн ішінде 56 жұмыс беруші әкімшілік жауапкершілікке тартылды. Жеке басын куәландыратын құжаттары жоқ 218 шетелдік қабылдау-тарату орындарына қамалды. Көші-қон заңнамасын бұзғаны үшін 6 қылмыстық іс қозғалды.

Сонымен қатар, Қазақстан ішкі істер министрлігі Өзбекстанның 83 азаматына қатысты реадмиссия тәртібінде өз еркімен қайтару бойынша сұрау салу бастамасын көтерді. Бұндай барлық адамға қайтып оралуға куәлік берілді.

Тағы оқыңыз: Қазақстанға келетін шетелдік азаматтар нені білуі керек

Қазақстан тарапы бірлескен міндеттерді шешу, Өзбекстан азаматтарына құқықтық көмек көрсету үшін жағдай жасады. Шетелдіктерді шекараға жеткізу үшін автобустар ұсынды, арнайы машиналармен алып жүру қамтамасыз етілді.

Өз кезегінде, өзбек әріптестер азаматтарының мәселесін дер кезінде шешу үшін Өзбекстанда штаб құрды. Операция барысында Қазақстандағы Өзбекстанның дипломатиялық өкілдігінің қызметкерлері белсенді жұмыс жүргізді.

Көрші елдің мамандары көші-қон қызметі орталықтарының қызметімен танысты. Нұр-Сұлтан, Алматы және Шымкент қалаларының полиция департаменті қабылдау-тарату орындарындағы адамдарға консультациялық көмек көрсетті.

Операция аяқталғаннан кейін өзбек тарапы Қазақстанның ішкі істер министрлігіне азаматтарының мүдделерін қорғауға бағытталған мәселелерді шешуге көмектескені үшін алғыс айтты. Тараптар осындай операцияларды тұрақты негізде жүргізу туралы уағдаласты.

191
Кілт сөздер:
көші-қон, Өзбекстан, Қазақстан
Тақырып бойынша
52 өзбек өртеніп кеткен автобустың иесіне сот үкімі шықты
Қазақ-өзбек шекарасындағы бақылау-өткізу бекеті жабылады
Белгісіз біреулер Тәжікстан шекара бекетіне шабуылдады: 17 адам өлді
Министр Қазақстанның солтүстігінде қалыптасқан жағдайға алаңдаушылық білдірді
Бетін жауып отырған ер адам, архивтегі сурет

Нұр-Сұлтанда көшеде есінен танып қалған ер адамды тонап кетті

146
(Жаңартылды 18:34 28.09.2020)
Тонаушылар көшенің қақ ортасында ер адамның ақшасын ғана емес, көзілдірігін, белбеуі мен оттығын да тартып әкеткен

НҰР-СҰЛТАН, 28 қыркүйек – Sputnik. Нұр-Сұлтанда көшеде есінен танып қалған 57 жастағы ер адамды тонап кетті, деп хабарлайды Polisia.kz порталы.

Жәбірленушінің айтуынша, ол Қарасай батыр көшесінен теміржол вокзалына қарай жаяу жүріп келе жатқан. Гараждардың маңына жеткенде, ер адам есінен танып қалған. Оған не себеп болғанын өзі де білмейді. Біраз уақыттан соң көзін ашса, қасында екі бейтаныс жігіт қалтасын ақтарып жатыр екен.

Күдіктілер есін жиған ер адамды ұра бастайды. Киімнің қалтасынан 30 мың теңгені алып, шалбарының белбеуін, көзілдірігі мен оттығын да тартып әкеткен.

Полицейлер адам тонады деген күдікпен екі ер адамды – қаланың 26 және 36 жастағы тұрғындарын "ізін суытпай"  ұстады.

Анықталғандай, олар бұған дейін де сотты болған және қылмыстық жауапкершілікке тартылған.

Тағы оқыңыз: Алматының қақ ортасында мәжіліс депутатын тонап кетті

Заттай айғақтар мен ақша тәркіленіп, иесіне қайтарылды.

Күдіктілер уақытша ұстау изоляторына қамалды. Бұл фактіге қатысты Қылмыстық кодекстің 191-бабы (Тонау) бойынша сотқа дейінгі тергеу жүріп жатыр.

Бұл бап бойынша мүлкi тәркiленiп немесе онсыз, 2 мың АЕК-ке дейiн айыппұл салу не сол мөлшерде түзеу жұмыстарына не бір мың сағатқа дейінгі мерзімге қоғамдық жұмыстарға тарту, немесе 4 жылға дейiн бас бостандығын шектеу не сол мерзiмге бас бостандығынан айыру жазасы қарастырылған.

146
Кілт сөздер:
тонаушылар, Нұр-Сұлтан
Тақырып бойынша
Қазақстандық жігіт Ресейде сатушыны тонап, оны жұбатып тұрған жерінен ұсталды
Алматыда қарулы қарақшы супермаркетті тонады
Өлтіремін деп қорқытқан: Қаскелеңде бақсыдан келе жатқан әйелді зорлап, тонап кетті
Ақтөбе тұрғыны қонаққа келіп, Kaspi қосымшасы арқылы үй иесін тонап кеткен
Иллюстративті фото

Былтырғы оқиға есіне түсіп кеткен: Көңілдесін ұрып өлтірген атбасарлық сотталды  

2924
(Жаңартылды 17:34 28.09.2020)
Ішімдік ішкен ер адам жатын бөлмеге кіріп, әйелді бауыр тұсынан бір ұрған. Ол қатты соққыдан сылқ ете түседі. Бірақ ашуға булыққан ер адам онымен тоқтамаған

НҰР-СҰЛТАН, 28 қыркүйек – Sputnik. Атбасарда көңілдесін ұрып өлтірген 35 жастағы ер адам 9 жылға бас бостандығынан айырылды, деп хабарлайды Sputnik Қазақстан.

Тергеу материалдарына сәйкес, ер адам үйінде ішімдік ішіп отырғанда өзімен бірге тұратын әйелдің 2019 жылы желтоқсан айында таныс адамымен көзіне шөп салғаны есіне түскен. Қызғаныш сезімі билеп, әйелден өшін алуға ұмтылған.

"Ол жатын бөлмеге кіріп, әйелді бауыр тұсынан бір ұрады. Ол қатты соққыдан сылқ ете түседі. Бірақ ашуға булыққан ер адам онымен тоқтамаған, басынан және бетінен ұрғылай берген. Әйел есінен танып қалғаннан кейін есікті құлыптап, далаға шығып кеткен. Сол күні үйге келмеген", - дейді полицейлер.

Келесі күні қайтып келгенде үйдің іші тым-тырыс болған. Көңілдесі жатын бөлмеде сол күйі қозғалмай жатқанын көрген.

Полицейлер атап өткендей, ер адамның зәресі ұшып, қылмыстық жазадан құтылудың амалын іздей бастайды. Содан әйелді далаға сүйреп шығарып, мәйітін жерқоймаға тастап, қашып кетеді.

"Жәбірленуші жабық бас сүйек-ми жарақатын алған. Біршама уақыттан кейін миы ісініп кеткен", - делінген сот-медициналық сараптамада.

Оқи отырыңыз: Түркістанда әйелін пышақтап өлтірген прокурорға сот үкімі шықты 

Қаскүнем тағы бір қылмыс жасайды. Көрші келіншектің кетіп қалғанын пайдаланып, үйіне түскен. Сол жерден ыдыс-аяқ пен тосап ұрлаған.  

Сот оны Қылмыстық кодекстің екі бабы – денсаулыққа қасақана ауыр зиян келтіру және ұрлық бойынша жазаға тартып, 9 жылға бас бостандығынан айыруға шешім шығарды.

2924
Кілт сөздер:
көңілдес, Атбасар
Тақырып бойынша
Күйеуін өлтіріп, анасының қабіріне көмген: елордалық әйелдің адам шошырлық қылмысы
Үйлену тойына ақша жетпеген: Шымкентте бай ерлі-зайыптыны өлтірген жігіт сотталды
Ер адам үйлену тойынан кейін әйелін жансақтау бөлімінен бір-ақ шығарды
16 рет пышақ сұққан: шымкенттік мұғалімді кім және не үшін өлтірді
Зертхана

Өткен тәулікте Қазақстанда 75 адамның індет жұқтырғаны расталды

11
(Жаңартылды 08:19 30.09.2020)
Коронавирус жұқтырған адамдар санының ең көбі Шығыс Қазақстан облысында тіркелді. Өңірде бір тәулік ішінде 22 тұрғын дертке шалдықты

НҰР-СҰЛТАН, 30 қыркүйек – Sputnik. Қазақстанда өткен тәулікте 75 адамның коронавирус індетін жұқтырғаны белгілі болды, деп хабарлайды ведоствоаралық комиссия.

"Пациенттердің коронавируспен ауырғаны ПТР арқылы расталды", – делінген хабарламада.

Қалалар мен өңірлер бойынша:

  • Нұр-Сұлтан қаласы - 16
  • Алматы қаласы - 5
  • Ақмола облысы - 1
  • Ақтөбе облысы - 2
  • Алматы облысы - 3
  • Атырау облысы - 5
  • Шығыс Қазақстан облысы - 22
  • Батыс Қазақстан облысы - 3
  • Қарағанды облысы - 5
  • Қостанай облысы - 2
  • Павлодар облысы - 6
  • Солтүстік Қазақстан облысы – 5.

Айта кетейік, жалпы республика бойынша аталған індетпен ауырғандар саны 107 908 адамға жетті.

11
Кілт сөздер:
індет, коронавирус
Тақырып:
Коронавирус эпидемиясы