Рустем Қайдаров

Алматыдағы ұшақ апатынан генералдар кеңесінің төрағасы қаза тапты

734
Соңғы деректер бойынша үшақ апатынан қаза тапқандар саны 15 адамға жетті, зардап шеккендер отыздан асқан

НҰР-СҰЛТАН, 27 желтоқсан – Sputnik. Алматы маңындағы ұшақ апатынан Қазақстан генералдары кеңесінің төрағасы Рүстем Қайдаров қаза болды, деп хабарлайды Sputnik Қазақстан.

Кеңестегілер 79 жастағы төрағаның қаза болғанын растады. Қазіргі кезде штабта президиумның шұғыл жиналысы шақырылды. Сол жерде Қайдаровпен қоштасу рәсімін ұйымдастыру мәселесі қаралады.

Рүстем Есімханұлы Қайдаров 1940 жылы 18-мамырда Семей облысы Бесқарағай ауданы Сосновка ауылында дүниеге келген. Киров атындағы ҚазМУ-ді заңгер мамандығы бойынша бітірген. Кеңес Армиясының қатарында азаматтық борышын өтеп, КСРО ІІМ-нің Қазақстан және Қырзызстан бойынша ұйымдасқан қылмысқа және жемқорлыққа қарсы күрес жөніндегі аймақаралық басқармасының бастығы болған. Ал 1992-1995 жылдары ҚР ішкі істер министрінің орынбасары - бас тергеу басқармасының бастығы. 2000 жылдан бері "Генералдар кеңесі" ҚБ төрағасы қызметін атқарды.

Биыл әділет генерал-майоры, "Парасат" орденінің иегері, Рүстем Есімханұлы Қайдаров Sputnik Қазақстанның "Әңгімең жарасса" жобасына сұхбат берген болатын.

Алматы маңындағы ұшақ апаты

"Алматы – Нұр-Сұлтан" бағыты бойынша №2100 рейсін орындаған Fokker 100 ұшағы Талғар ауданындағы тұрғын алабына құлады. Ұшақ бетон қоршауын бұзып, екі қабатты ғимаратқа соғылған. Шұғыл түрде құтқару жұмыстары басталды. Өрт болған жоқ. Жолаушылар мен экипаж мүшелерін эвакуациялау жүргізілді.

Соңғы деректер бойынша қаза тапқандар саны 15 адамға жетті, зардап шеккендер отыздан асқан.

Президенттің тапсырмасымен премьер-министр басқаратын комиссия құрылды. Вице-премьер Роман Скляр оқиға орнында жүр. Комиссия құрамына индустрия жне инфрақұрылымдық даму министрі және басқа да мемлекеттік органдардың өкілдері кірді. 

Бұған қоса, Fokker 100 ұшақтарын пайдалануға уақытша тыйым салынды.

Жедел қызмет штабы құрылып, шұғыл желі жұмыс істеп тұр: 8 (7172) 53-32-84, Алматы облыстық төтенше жағдайлар департаменті – 8 (7282) 22-02-13, 22-02-18, Нұр-Сұлтан қалалық ТЖД – 8 (7172) 24-52-12, 24- 51-71, 24- 51- 47.

Қазақстан президенті Қасым-Жомарт Тоқаев қаза болғандардың жақындарына қайғырып көңіл айтты.

734
Кілт сөздер:
ұшақ апаты
Тақырып:
Алматы маңындағы ұшақ апаты (68)
Тақырып бойынша
Ұшақ апатынан кімдердің зардап шеккені белгілі болды
Ұшақ апаты: тірі қалғандардың тізімі жарияланды
Алматы түбінде жолаушылар ұшағы құлады - оқиға орнынан видео
Алматы маңындағы ұшақ апатынан қаза болғандардың аты-жөні жарияланды
Bek Air апатынан зардап шеккендерге шұғыл қан доноры қажет
Алматы маңындағы ұшақ апаты: қаза тапқандар саны 15 адамға жетті
Ан-2 ұшағы

Қазақстанның шығысында ұшақ өртенді

819
Семей – Үржар бағыты бойынша санитарлық рейс орындаған ұшақ әуежайға қонғаннан кейін жана бастаған

НҰР-СҰЛТАН, 30 мамыр – Sputnik. Қазақстанның шығысында Үржар әуежайында Ан-2 ұшағы өртенді, деп хабарлайды азаматтық авиация комитеті.

Оқиға сағат 15:31-де, әуе кемесі қонғаннан кейін алты минуттан соң болды. Санитарлық рейс орындаған ұшақ Үржарға Семейден ұшып келген.

Өрт шыққан кезде ұшақ бортында адамдар болмаған. Сағат 15:50-де өрт сөндірілді. Зардап шеккендер жоқ.

Ұшақ "Тараз Жаңа Әлем" жекеменшік әуе компаниясына тиесілі.

Тағы оқыңыз: Қарағанды түбінде апат: әскери ұшақтың құлаған сәтінің видеосы жарияланды

Бұл факті бойынша индустрия және инфрақұрылымдық даму министрлігі авиациялық оқиғалар мен оқыс оқиғаларды тексеру басқармасы тергеу жүргізіп жатыр.

Жеңіл моторлы Ан-2 ұшақтары ауыл шаруашылығында, әдетте алқаптарға  тыңайтқыштар мен пестицидтер шашу үшін пайдаланылады.

819
Кілт сөздер:
өрт, ұшақ
Астанадағы жедел жәрдем автокөлігі

Атырау облысында жедел жәрдем бригадасы көз жұмды

4081
Исатай ауданы дәрігерлік амбулаториясының екі медицина қызметкері мен жедел жәрдем көлігінің жүргізушісі мерт болды

НҰР-СҰЛТАН, 30 мамыр – Sputnik. Атырау облысында жол апатынан жедел жәрдем бригадасы қаза болды, деп хабарлайды ҚазАқпарат.

Оқиға Исатай ауданы Зинедин ауылының маңында болған.

Құрылысы былтыр басталған Астраханға баратын тас жолда жедел жәрдем әскери "КамАЗ"-бен соқтығысқан.

"Исатай ауданының дәрігерлік амбулаториясына тиесілі жедел жәрдем көлігінде жүргізуші мен екі медицина қызметкері болған. Олардың барлығы да ажал құшты", - мәлімдеді өңірдің полиция департаментінің баспасөз қызметінен.

Тағы оқыңыз: Түркістан облысында жантүршігерлік жол апаты төрт адамның өмірін қиды

ІІМ Батыс өңірлік әскери-тергеу басқармасы "КамАЗ" рөлінде мерзімді әскери борышын өтеп жүрген 20 жастағы сарбаз болғанын нақтылады.

Тергеу амалдары жүргізілуде.

4081
Кілт сөздер:
жедел жәрдем, Атырау облысы, жол апаты
Тақырып бойынша
Көкшетау түбінде жол апатынан үш адам көз жұмды
Батыс Қазақстанда жантүршігерлік жол апатынан 12 адам зардап шекті
Тоқтап үлгермеген: 18 көлік соқтығысқан жол апатынан 29 адам зардап шекті – фото
Ақмола облысында жол апатынан екі адам қаза тапты, біреуі – сәби
Аурухана қызметкері

Қазақстанда тағы 476 адам коронавирус жұқтырды

447
Өткен тәулікте вирус жұқтырған 476 адам анықталды, өсім қарқыны 4,6 процентті құраған, ауырғандардың ең көбі Нұр-Сұлтан мен Алматы қаласында

НҰР-СҰЛТАН, 31 мамыр – Sputnik. Қазақстанда бір тәуліктің ішінде індетке шалдыққан тағы 476 адам тіркелді, деп хабарлайды жедел штаб.

"Өткен тәулікте коронавирус инфекциясын жұқтырған тағы 476 адам тіркелді. Өсім қарқыны – 4,6%", - делінген хабарламада.

Оның ішінде:

  • Нұр-Сұлтан қаласы – 149 (7,6%)
  • Алматы қаласы – 117 (4,7%)
  • Қарағанды облысы – 44 (5,3%)
  • Батыс Қазақстан облысы – 41 (7,1%)
  • Маңғыстау облысы – 31 (13,8%)
  • Қызылорда облысы – 25 (7,2%)
  • Шымкент қаласы – 22 (2,7%)
  • Қостанай облысы – 12 (7,3%)
  • Атырау облысы – 12 (1,2%)
  • Жамбыл облысы – 7 (1,9%)
  • Түркістан облысы – 6 (1,7%)
  • Шығыс Қазақстан облысы – 5 (4,4%)
  • Алматы облысы - 4 (1,1%)
  • Ақмола облысы – 1 (0,7%).

Республикада вирус жұқтырғандар саны 10 858 адамға жетті. 5220 адам жазылып шықса, отыз сегіз науқас қайтыс болды.

447
Кілт сөздер:
коронавирус
Тақырып:
Коронавирус эпидемиясы
Тақырып бойынша
Нұр-Сұлтанда коронавирус жұқтырған 14 науқас жансақтау бөлімінде жатыр 
Сұлтанғазиев қай облыстарда коронавирус жұқтырғандар саны артқанын айтты 
Дәрігер салонға барғанда коронавирус жұқтырудан қалай сақтану керектігін айтты
Кентауда коронавирус жұқтырған әйел дені сау бала туды