Дана Круглова

Алматы түбіндегі ұшақ апатынан журналист көз жұмды

1223
(Жаңартылды 13:33 27.12.2019)
Журналист Дана Круглова жаңа жылды Нұр-Сұлтанда ата-анасымен бірге қарсы алу үшін таңғы рейске отырған

НҰР-СҰЛТАН, 27 желтоқсан – Sputnik. Алматы маңындағы ұшақ апатынан Informburo ақпарат агенттінің журналисі, шығарушы редактор Дана Круглова қаза тапты. Бұл ақпаратты әріптестері растады. 

Дана Круглова жаңа жылды Нұр-Сұлтанда ата-анасымен бірге қарсы алу үшін таңғы рейске отырған.

"Дана Круглова нағыз журналист болды. Оның мақалалары резонанс туғызатын және барлық редакцияға үлгі еді. Жылдың басында Дана шығарушы редактор қызметіне тағайындалды. Ал 1 желтоқсанда журналистік зерттеу бөлімін басқаруға кірісті. Дана адал, батыл әрі әділ адам еді. Біз үшін бұл үлкен қайғы", - дейді Informburo.kz бас редакторы Михаил Дорофеев.

Дана Круглова 1984 жылы 8 сәуірде дүниеге келген. Букетов атындағы Қарағанды мемлекеттік университетін журналистика мамандығы бойынша тәмамдаған. Informburo.kz-дағы жұмысын 2016 жылы репортер қызметінен бастады.

Ұшақ апаты

Бүгін таңғы сағат 07:22-де болды. "Бэк Эйр" әуе компаниясының Fokker 100 ұшағы бетон қоршауды бұзып өтіп, Қызылту кентіндегі екі қабатты құрылысқа соғылған.

Соңғы мәліметтерге сәйкес, апат 15 адамның өмірін қиды. Медицина мекемелеріне 66 адам жеткізілді. 6 адамның жағдайы ауыр. Ұшақта 93 жолаушы мен 5 экипаж мүшесі болған.

Фото с места происшествия
© Sputnik / Тимур Батыршин
Жолаушылар ұшағы құлаған жер

Президент тапсырмасымен премьер-министр жетекшілік ететін комиссия құрылды. Комиссия құрамына индустрия және инфрақұрылымдық даму министрі мен басқа да мемлекеттік орган өкілдері кірді. 

Бұған қоса, Fokker 100 ұшақтарын пайдалануға уақытша тыйым салынды.

Жедел қызмет штабы құрылып, шұғыл желі жұмыс істеп тұр: 8 (7172) 53-32-84, Алматы облыстық төтенше жағдайлар департаменті – 8 (7282) 22-02-13, 22-02-18, Нұр-Сұлтан қалалық ТЖД – 8 (7172) 24-52-12, 24- 51-71, 24- 51- 47.
Қазақстан президенті Қасым-Жомарт Тоқаев қаза болғандардың жақындарына қайғырып көңіл айтты.

1223
Кілт сөздер:
ұшақ апаты
Тақырып:
Алматы маңындағы ұшақ апаты (68)
Тақырып бойынша
Алматы түбінде ұшақ апатынан қаза тапқандардың жаңа тізімі жарияланды
Танымал адвокат ұшақ апатынан қалай аман қалғанын айтып берді
Алматыдағы ұшақ апатынан генералдар кеңесінің төрағасы қаза тапты
Ұшақ апатынан кімдердің зардап шеккені белгілі болды
Алматы түбіндегі апат: Bek Air 4,5 сағаттан соң ғана мәлімдеме жасады
Алматыдағы ұшақ апаты: ұшқыштардың аты-жөні белгілі болды
Тоқаев 28 желтоқсанды жалпыұлттық аза тұту күні ретінде жариялады
Күшік

Атырауда тоңазытқыш есігімен итті азаптаған видеоға қатысты іс тоқтатылды

230
(Жаңартылды 09:50 03.07.2020)
Облыстық полиция департаментінің өкілдері итке екі рет сараптама жасалып, ешқандай жарақат анықталмағанын айтады

НҰР-СҰЛТАН, 3 шілде – Sputnik. Әлеуметтік желілерде тез таралып, қолданушылардың ашу-ызасын тудырған даулы видео қатысты қылмыстық  іс тоқтатылды.

Ал желіде қызу талқыланған видеода ер азамат иттің мойнын мұздатқыш есігіне қыстырып, азаптаған. Оның осы әрекетіне байланысты құқық қорғау органдарының өкілдері қылмыстық іс қозғаған болатын.

Атырау облыстық полиция басқармасы өкілдерінің түсіндіруінше, күдіктінің іс-әрекетінде Қылмыстық кодекстің 316-бабы (жануарларды азаптау) бойынша қылмыс белгілері болған.

"Алайда, қазір қылмыстық істің тоқтатылғандығы белгілі болды", - деп хабарлайды "Мой город" порталы.

Полицейлердің мәліметінше, азаптаудан кейін итке екі рет сараптама жүргізілгенімен ешқандай жарақат байқалмаған.

"Осы сараптама негізінде қылмыстық іс тоқтатылды", - делінген Атырау облыстық полиция департаментінің хабарламасында.

Оқи отырыңыз: Алматы облысында итті тірідей өртегендер ұсталды
Айта кетейік, итті азаптаған Еркінқала ауылының тұрғыны Марғұлан Жұматаев өз әрекеті үшін көпшіліктен кешірім сұрады. 

Посмотреть эту публикацию в Instagram

Публикация от kris_p_brothers (@kris_p_brothers_official)

230
Кілт сөздер:
ит, Атырау облысы
Тақырып бойынша
Жасөспірім қызға тиіспек болған педофил итке талана жаздады
Петропавл тұрғыны итті төртінші қабаттан лақтырып жіберді
Сүйіктісін итке жегізген: түрмеге қамалған атақты спортшылар
Итке шалынып құлаған әйел саусақтарынан айырылды
Қаршыға итке бас салды: соңында ешкім күтпеген оқиға болды – видео
Ержан Баяхметов марапатталған сәт

Талдықорғанда суға батқан көлік жүргізушісін оқиға куәгері құтқарды

54
(Жаңартылды 09:06 03.07.2020)
25 жастағы Ержан Баяхметов ерлік үлгісін көрсеткені үшін ведомстволық медальмен марапатталды

НҰР-СҰЛТАН, 3 шілде – Sputnik. Талдықорған қаласында 25 жастағы жүргізушіні өзенге батып бара жатқан көліктен шығарып алған азаматқа ішкі істер министрлігі құрмет көрсетті, деп хабарлайды Sputnik Қазақстан тілшісі.

Жол апаты 22 наурызда Талдықорған қаласындағы "Қызыл тас" саяжай тұрғын алабының аумағында болған. Audi 100 көлігінің жүргізушісі рөлге ие бола алмай, Қаратал өзеніне көпір үстінен құлаған. Ер адам көліктен шығып, жағаға шығуға ұмтылғанымен, өзен ағысы оған мұрша бермеген.

"Оқиғаға куә болған жас жігіт батыл қадам жасап суық суға түседі де жүргізушіні жағаға шығарып, алғашқы медициналық көмек көрсеткен. Кейінірек жедел жәрдем дәрігерлері оқиға орнына жетіп, жәбірленушіні ауруханаға жатқызды", - делінген Алматы облыстық төтенше жағдайлар жөніндегі департамент хабарламасында.
Ержан Баяхметов - герой, спасший жизнь утопающему
© Photo : ДЧС Алматинской области
Ерлік көрсеткен Ержан Баяхметов марапатталды

Департамент қызметкерлері құтқарушы жігіттің 25 жастағы Ержан Баяхметов екенін анықтап, оған тиісті деңгейде құрмет көрсетті.

Ішкі істер министрінің бұйрығымен Баяхметов адамды құтқаруда көрсеткен ерлігі үшін ведомстволық "Суға батқандарды құтқарғаны үшін" медалімен марапатталды.

Оқи отырыңыз: Қостанайда ер адам терезеден құлай жаздаған баланы құтқарды – видео

Айта кетейік, бүгінгі таңда ержүрек Ержан Баяхметов жергілікті жердегі техникалық қызмет көрсету станциясында слесарь болып жұмыс істейді.

54
Кілт сөздер:
оқиға куәгерлері, ерлік
Тақырып бойынша
Видеоның арқасында 9 жасар бала әжесін өлімнен құтқарды
Тірідей жанып кетер еді: 72 жастағы қария мүгедек әйелін өлімнен құтқарды
Алматы тұрғыны екі адамды құтқарды - оқиға орнында түсірілген видео
Қазақстанда "медициналық оқыс оқиға" ұғымы енгізіледі
Қайғылы оқиға болған Аягөздегі интернатта коронавирус табылды
Зертхана қызметкері, архивтегі фото

Мәскеу дәрігерлері коронавируспен күресу үшін Қазақстанға келе жатыр

135
Топ құрамында Мәскеудің жетекші ауруханаларының 22 медициналық қызметкері бар, олар коронавирус жұқтырған науқастарды емдеп, бай тәжірибе жинақтаған

НҰР-СҰЛТАН, 6 шілде – Sputnik. Тәжірибелі мәскеулік дәрігерлер тобы Қазақстанға ұшып шықты. Дәрігерлер қазақстандық әріптестеріне көмектесуге дайын.

"22 дәрігерден құралған бригада COVID-19 науқастарын емдеуде жергілікті мамандарға көмек көрсету үшін Қазақстанға аттанды. Мультидисциплинарлы медициналық топты Мәскеу денсаулық сақтау департаменті бастығының орынбасары, нейрохирург Алексей Токарев және Мәскеу денсаулық сақтау департаментінің хирургия жөніндегі ұйымдастыру-әдістемелік бөлімінің басшысы Руслан Маер басқарады", - делінген Мәскеу денсаулық сақтау департаментінің хабарламасында.

Бұл Мәскеу денсаулық сақтау департаменті дәрігерлерінің коронавируспен күресуге көмектесу мақсатындағы алғашқы мемлекетаралық медициналық сапары.

Оқи отырыңыз: Қазақстанда коронавирусқа қарсы вакцина бірінші кезекте кімдерге егіледі 

Топ құрамына пульмонолог, кардиолог, эпидемиолог, КТ рентгенологы, жұқпалы аурулар жөніндегі мамандар, анестезиолог-реаниматологтар, КТ рентгенолог дәрігер және коронавируспен ауырған науқастарды емдеуде бай тәжірибесі бар басқа да мамандар кірген. Бұл мәскеулік жетекші ауруханалардың дәрігерлері.

"Мәскеулік мамандар жергілікті ауруханалардың дәрігерлеріне консультативті-диагностикалық көмек көрсетеді. Бригада COVID ауруханаларына барады, клиникаларды қайта бейіндеуге көмектеседі, пациенттерге қарайды және әртүрлі мамандықтағы дәрігерлер үшін оқу семинарларын өткізеді", - деп атап өтті баспасөз қызметі.

Еске сала кетейік, таяуда Қазақстан премьер-министрі Асқар Мамин Ресей үкімет басшысы Михаил Мишустинмен телефон арқылы сөйлесті, оның барысында Ресей Қазақстанға жұқпалы аурулар ауруханалары мен вирусологиялық зертханалар мамандарын жіберуге дайын екендігі белгілі болды.  

135
Кілт сөздер:
дәрігерлер, коронавирус
Тақырып:
Коронавирус эпидемиясы
Тақырып бойынша
Грузиядан Қазақстанға гуманитарлық көмек келді
5 шілдеден карантин басталады: ішкі істер министрі ескерту жасады
COVID-19: министр қандай дәрілер көмектеспейтінін айтты
Қазақстанда өткен тәулікте 1 403 адамнан коронавирус табылды
Пневмония эпидемиясы: коронавирус қайда кетті?