Бек Эйр ұшағы апатқа ұшырады

"Ажал да ғайыптан": Әншілер мен қоғам қайраткерлері тәубеге қалай түскенін жазды

1947
(Жаңартылды 18:24 27.12.2019)
Бүгін Алматы әуежайынан Нұр-Сұлтанға ұшып шыққан Fokker 100 ұшағы көп ұзамай Талғар ауданындағы елді мекенге құлады

НҰР-СҰЛТАН, 27 желтоқсан – Sputnik. Қазақстанның қоғам қайраткерлері, мәдениет пен өнер майталмандары Алматыдағы ұшақ апатынан қаза болғандардың туған-туыстарына көңіл айтып жатыр, деп хабарлайды Sputnik Қазақстан тілшісі.

"Я, Раббым! Сенен келдік, Саған қайтарылушыларданбыз. Қаза болғандар мен зардап шеккендерді мейіріміңе бөлей гөр", - деп жазды әнші Сәкен Майғазиев.

Танымал қазақстандық әнші Димаш Құдайберген де өзінің Инстаграмм парақшасында жазба қалдырды.

"Алла сабыр берсін! Бекем болыңыздар... ", - дейді Құдайберген.

Қайрат Нұртас мешіттің суретін салып: "Апат пен ажал айтып келмейді. Жаратқан ием қайтыс болған жандарға жәннәттән орын берсін, аман қалғандарға жеңілдігін берсін, ғұмырын ұзақ қылсын. Қабырғамды қайыстырған жағдай болды. Аллам сабыр бер", - деп жазба қалдырды. 

Посмотреть эту публикацию в Instagram

Публикация от Кайрат Нуртас (@kair_n)

Қарақат қара фонда "ұшақ апатына қаза болғандардың туыстарына қайғыра көңіл айтатынын" жазды

Бұдан бөлек, апат кезінде қаза болған генерал Рүстем Қайдаровтың суретін салып, ол кісімен таныс болғанын жеткізді. Одан кейін анасының қалай қоңырау шалғанын жазған.

"Дәм-тұзым таусылмапты": Айгүл Иманбаева құлаған ұшаққа билет таппағанын айтты

"Жолдан шаршап келіп, шырт ұйқыда жатыр едім, анамның телефон қоңырауы оятты. "Құлыным-ау, амансың ба? Жолаушылардың ішінде сен де бар ма екен деп жүрегім ұшты. Аман екенсің ғой" деп жылағанда көңілім құлазып сала берді... Кеше өзіміз де кешігіп, әуежайға келген соң рейсіміз де кешігіп, біраз әуре-сарсаңға тап болдық. Ондайда уақыт та өтпей кетеді. Тағы басқа шаруаларымның да қисыны келмей, кешігулер көбейді. Егер Алла тағала сақтаймын десе, осындай көп белгі береді екен-ау", - деп жазды Әбілдина.

Эстрада әншісі Мақпал Жүнісова да жазба қалдырды. 

Ал айтыскер ақын Балғынбек Имашев ұзақ сапардан кейін тәубеге қалай келгенін баяндапты.

"Апат айтып келмейді. Ажал да ғайыптан. Кеше Стамбұлдан ұшып келе салып кешкі 23.10-да Шымкентке ұшуым керек еді. Ұшақ әуелі түнгі 1-ге, одан 1.30-ға, одан кейін 2.10-ға, қойшы әйтеуір, сағат түнгі үштің шамасында ұштық. Сол арада неше рет ренжідік, наразы болдық. "Өмірі осылай кешігіп жүреді", "таңертең Шымкенттен де кешігіп ұшқан, "жоспарымыз бұзылды", "әбден шаршатты" деген сияқты сөздер айтылып жатты. Бүгінгі таңертең Алматы әуежайында болған қайғылы оқиғаны естігенде тәубемізге түстік. Кешіксек те аман-есен қонғанымызға шүкір еттік", - деп жазды Имашев өз парақшасында.

Айтыскер қаза тапқан отандастарымыздың отбасына көңіл айтып, апат туралы көп хабар таратпауды сұрады.

"Айтпақшы, бүгін вацаптан да, жаңалықтардан да, әлеуметтік желіде де осы қайғылы хабар қырғын келіп жатыр. Лентамыз түгелдей қирап жатқан авиалайнер мен қайғылы суреттерге толып кетті. Жаманатты тарата бермейікші, жақсылықты бұлай жарыса таратпаймыз ғой. Неге жамандықты жаюға соншалық белсендіміз деп жүректерімізге бір үңіліп қояйықшы. Жақсы сөз - жарым ырыс. Жұма берекелі болсын, еліміз үшін, бір-біріміз үшін дұғада болайық! ", - дейді ол.

Сенатор Дана Нұржігіт пен қоғам белсендісі Мұхат Тайжан да қайғыға ортақ екенін жеткізді. 

Орта салмақтағы әлем чемпионы Геннадий Головкин Twitter арқылы көңіл айтты. 

​Айта кетейік, бұған дейін мемлекет басшысы Қасым-Жомарт Тоқаев қаза болғандардың жақындарына көңіл айтып, кінәлі адамдардың қатаң жазаланатынын жеткізді. Қазақстанның тұңғыш президенті Нұрсұлтан Назарбаев пен сенат төрайымы Дариға Назарабаева да көңіл айту хабарламасын таратты.

Алматыдағы трагедия

Қайғылы оқиға бүгін таңғы жетіде Алматы түбінде болды. Алматы әуежайынан Нұр-Сұлтанға ұшып шыққан Fokker 100 ұшағы көп ұзамай Талғар ауданындағы елді мекенге құлады.

Ұшақ бортында 93 жолаушы, 5 экипаж мүшесі болған.

Полиция әзірге 12 адамның қаза болғанын растады. Көз жұмғандар арасында Informburo.kz ақпарат агенттігінің шығарушы редакторы Дана Круглова бар.

1947
Кілт сөздер:
әншілер, ұшақ апаты
Тақырып:
Алматы маңындағы ұшақ апаты (68)
Тақырып бойынша
Ұшақ апатының екі себебі зерделеніп жатыр – министр
Алматы түбінде ұшақ апатынан қаза тапқандардың жаңа тізімі жарияланды
Алматы маңында құлаған ұшақтың ішінде басқа елдің азаматтары болған
Тоқаев 28 желтоқсанды жалпыұлттық аза тұту күні ретінде жариялады
"Жұрт дүрлігіп, жылады": ұшақта болған кәсіпкер апат кезінде не болғанын айтты
Алматыда ұшақ құлады: желіде сәбиді құтқару сәті түсірілген видео тарады
Бетін жауып отырған ер адам, архивтегі сурет

Нұр-Сұлтанда көшеде есінен танып қалған ер адамды тонап кетті

146
(Жаңартылды 18:34 28.09.2020)
Тонаушылар көшенің қақ ортасында ер адамның ақшасын ғана емес, көзілдірігін, белбеуі мен оттығын да тартып әкеткен

НҰР-СҰЛТАН, 28 қыркүйек – Sputnik. Нұр-Сұлтанда көшеде есінен танып қалған 57 жастағы ер адамды тонап кетті, деп хабарлайды Polisia.kz порталы.

Жәбірленушінің айтуынша, ол Қарасай батыр көшесінен теміржол вокзалына қарай жаяу жүріп келе жатқан. Гараждардың маңына жеткенде, ер адам есінен танып қалған. Оған не себеп болғанын өзі де білмейді. Біраз уақыттан соң көзін ашса, қасында екі бейтаныс жігіт қалтасын ақтарып жатыр екен.

Күдіктілер есін жиған ер адамды ұра бастайды. Киімнің қалтасынан 30 мың теңгені алып, шалбарының белбеуін, көзілдірігі мен оттығын да тартып әкеткен.

Полицейлер адам тонады деген күдікпен екі ер адамды – қаланың 26 және 36 жастағы тұрғындарын "ізін суытпай"  ұстады.

Анықталғандай, олар бұған дейін де сотты болған және қылмыстық жауапкершілікке тартылған.

Тағы оқыңыз: Алматының қақ ортасында мәжіліс депутатын тонап кетті

Заттай айғақтар мен ақша тәркіленіп, иесіне қайтарылды.

Күдіктілер уақытша ұстау изоляторына қамалды. Бұл фактіге қатысты Қылмыстық кодекстің 191-бабы (Тонау) бойынша сотқа дейінгі тергеу жүріп жатыр.

Бұл бап бойынша мүлкi тәркiленiп немесе онсыз, 2 мың АЕК-ке дейiн айыппұл салу не сол мөлшерде түзеу жұмыстарына не бір мың сағатқа дейінгі мерзімге қоғамдық жұмыстарға тарту, немесе 4 жылға дейiн бас бостандығын шектеу не сол мерзiмге бас бостандығынан айыру жазасы қарастырылған.

146
Кілт сөздер:
тонаушылар, Нұр-Сұлтан
Тақырып бойынша
Қазақстандық жігіт Ресейде сатушыны тонап, оны жұбатып тұрған жерінен ұсталды
Алматыда қарулы қарақшы супермаркетті тонады
Өлтіремін деп қорқытқан: Қаскелеңде бақсыдан келе жатқан әйелді зорлап, тонап кетті
Ақтөбе тұрғыны қонаққа келіп, Kaspi қосымшасы арқылы үй иесін тонап кеткен
Иллюстративті фото

Былтырғы оқиға есіне түсіп кеткен: Көңілдесін ұрып өлтірген атбасарлық сотталды  

2909
(Жаңартылды 17:34 28.09.2020)
Ішімдік ішкен ер адам жатын бөлмеге кіріп, әйелді бауыр тұсынан бір ұрған. Ол қатты соққыдан сылқ ете түседі. Бірақ ашуға булыққан ер адам онымен тоқтамаған

НҰР-СҰЛТАН, 28 қыркүйек – Sputnik. Атбасарда көңілдесін ұрып өлтірген 35 жастағы ер адам 9 жылға бас бостандығынан айырылды, деп хабарлайды Sputnik Қазақстан.

Тергеу материалдарына сәйкес, ер адам үйінде ішімдік ішіп отырғанда өзімен бірге тұратын әйелдің 2019 жылы желтоқсан айында таныс адамымен көзіне шөп салғаны есіне түскен. Қызғаныш сезімі билеп, әйелден өшін алуға ұмтылған.

"Ол жатын бөлмеге кіріп, әйелді бауыр тұсынан бір ұрады. Ол қатты соққыдан сылқ ете түседі. Бірақ ашуға булыққан ер адам онымен тоқтамаған, басынан және бетінен ұрғылай берген. Әйел есінен танып қалғаннан кейін есікті құлыптап, далаға шығып кеткен. Сол күні үйге келмеген", - дейді полицейлер.

Келесі күні қайтып келгенде үйдің іші тым-тырыс болған. Көңілдесі жатын бөлмеде сол күйі қозғалмай жатқанын көрген.

Полицейлер атап өткендей, ер адамның зәресі ұшып, қылмыстық жазадан құтылудың амалын іздей бастайды. Содан әйелді далаға сүйреп шығарып, мәйітін жерқоймаға тастап, қашып кетеді.

"Жәбірленуші жабық бас сүйек-ми жарақатын алған. Біршама уақыттан кейін миы ісініп кеткен", - делінген сот-медициналық сараптамада.

Оқи отырыңыз: Түркістанда әйелін пышақтап өлтірген прокурорға сот үкімі шықты 

Қаскүнем тағы бір қылмыс жасайды. Көрші келіншектің кетіп қалғанын пайдаланып, үйіне түскен. Сол жерден ыдыс-аяқ пен тосап ұрлаған.  

Сот оны Қылмыстық кодекстің екі бабы – денсаулыққа қасақана ауыр зиян келтіру және ұрлық бойынша жазаға тартып, 9 жылға бас бостандығынан айыруға шешім шығарды.

2909
Кілт сөздер:
көңілдес, Атбасар
Тақырып бойынша
Күйеуін өлтіріп, анасының қабіріне көмген: елордалық әйелдің адам шошырлық қылмысы
Үйлену тойына ақша жетпеген: Шымкентте бай ерлі-зайыптыны өлтірген жігіт сотталды
Ер адам үйлену тойынан кейін әйелін жансақтау бөлімінен бір-ақ шығарды
16 рет пышақ сұққан: шымкенттік мұғалімді кім және не үшін өлтірді
Архивтегі фото

Қытайда тәрбиеші өлім жазасына кесілді

0
Балабақша қызметкері Ван Юнь әріптесінен өш алу мақсатында оның тобына барып жүрген балаларды улағаны анықталды

НҰР-СҰЛТАН, 29 қыркүйек – Sputnik. Қытайдың Цзяоцзо қаласында халық соты балабақша қызметкерін өлім жазасына кесті, деп хабарлады РИА Новости.

Сот материалдарына сәйкес, "Мэнмэн" балабақшасында жұмыс істеген Ван Юнь деген келіншек орта топқа жауапты тәрбиешімен жанжалдасып қалған. Артынан әріптесінен өш алу мақсатында оның тобына барып жүрген балаларды улауға шешім қабылдайды. Сөйтіп, 2019 жылы 27 наурызда таңертең Сунь есімді тәрбиешінің балалары жейтін ботқаға натрий нитритін салып жіберген. Сол күні 25 бала уланып, ауруханаға түсті. Бір бала көз жұмды.

Оқи отырыңыз: Балабақшадағы балалар есек етін жеп келгені әшкере болды 

Тергеу шаралары барысында Ван Юньн осы іспетті тағы бір қылмыс жасағаны анықталды. Осыдан үш жыл бұрын үйдегі жанжалдан кейін ол күйеуін улаған. 2017 жылы ақпан айында алдымен интернет арқылы натрий нитритіне тапсырыс берген. Ал химиялық затты алғаннан кейін суға қосып, күйеуіне берген. Ол кезде ер адам уланғанмен қатты зардап шекпеген.    

Цзяоцзо қаласының орта санаттағы халық сотының шешімімен Ван Юнь өлім жазасына кесілді.

0
Кілт сөздер:
Қытай, балабақша
Тақырып бойынша
Шымкентте балабақшада төрт бала мен тәрбиеші уланып қалды
Алматы облысында балабақшадағы видеодан кейін тәрбиеші хабарсыз кетті
Алматыда балабақшадан сәби ұрламақ болған әйелге қатысты тың дерек шықты
Бүлдіршінді сорпамен күйдірген балабақша қызметкері жазадан құтылды
Шипажайда баланы сүлгімен ұрған тәрбиеші қылмыстық жазаға тартылмайтын болды