Апат

Алматыда троллейбус жас жігітті басып кетті: жүргізуші ес-түссіз болған

1422
(Жаңартылды 13:02 06.01.2020)
Жантүршігерлік жол апаты Алматы қаласында Сәтпаев көшесінің бойында болған екен

НҰР-СҰЛТАН, 6 қаңтар – Sputnik. Алматыдағы апат кезінде троллейбус жаяу жүргіншіні басып кетті. Ол көз жұмды, ал жүргізуші ауруханаға жеткізілді, деп хабарлайды Sputnik Қазақстан тілшісі.

Жол апаты Сәтпаев көшесінің бойында болған. Оқиға орнына жеткен полицейлер троллейбус жүргізушісінің Розыбақиев көшесіне жетпей, денсаулығына байланысты рөлге ие бола алмай қалғанын анықтады. Қоғамдық көлік жолдан шығып кетіп, алдымен екі көлікті, одан кейін жаяу жүргіншіні соққан. Сөйтіп, ағашқа барып тірелген.

Массовое ДТП со смертельным исходом по улице Сатпаева
© Sputnik / Стрингер.
Сәтпаев көшесіндегі апат

"Жаяу жүргінші троллейбус астында қалып қойған. Оны алып шығу үшін құтқарушыларды шақыруға тура келді. Олар қоғамдық көлікті домкратпен көтеріп, ер адамды алып шыққан. Жас жігіт жедел жәрдем жеткенше оқиға орнында қаза болды", - дейді полицейлер.

Апат кезінде троллейбус жүргізушісі де қатты жарақат алды. Ол шұғыл ауруханаға жеткізілді. Полиция бірқатар сараптама тағайындады. Соның нәтижесінде жол апатының себебі анықталады.

Массовое ДТП со смертельным исходом по улице Сатпаева
© Sputnik / Стрингер.
Жол апаты

"Алматыэлектротранс" компаниясы да түн ортасында болған апаттың мән-жайын түсіндірді.

"Кеше, 5 қаңтарда, шамамен сағат 23:20-да троллейбус жүргізушісі Сәтпаев көшесімен саябаққа қарай жүріп бара жатқан. Розыбақиев көшесіне жетпей жатып, оның қан қысымы көтерілген. Содан есінен танып қалған. Троллейбус бірден оңға қарай бұрылып, тұрақта тұрған Lexus GS300 пен Honda Accord көліктерін соққан. Одан кейін тротуарға шығып, жаяу жүргіншіні басып кеткен", - делінген компанияның әлеуметтік желідегі парақшасында.

Массовое ДТП со смертельным исходом по улице Сатпаева
© Sputnik / Стрингер.
Апат салдарынан адам қаза тапты

Оқиға орнына полиция, төтенше жағдайлар мен жедел жәрдем қызметкерлері барған. Компания өкілдері де болыпты. Дәрігерлер жаяу жүргіншіге шұғыл медициналық көмек көрсеткен. Алайда ол алған жарақатынан қайтыс болды.

"Қаза тапқан ер адамның отбасына өтемақы төленеді. Компания атынан оның отбасына және жақындарына қайғырып, көңіл айтамыз", - дейді компания өкілдері.

Тағы оқыңыз: Автобус жүргізушісі жолақысын алып жатып, троллейбусқа соғылған

Жас жігіт Honda Accord жүргізушісі болған. Ол өз көлігіне бара жатқан. Бірақ, бірнеше метр қалғанда троллейбус қағып кеткен.

1422
Кілт сөздер:
жолаушылар, Алматы, жол апаты
Тақырып бойынша
Toyota жүргізушісі жол бойында отырған сатушы әйелдерді қағып кетті - видео
Алматыда троллейбус өртенді
Алматы сауда үйінің тұрағында ішінде тауары бар жүк көлігі өртеніп кетті
Фотодерек: Алматыда троллейбус кептелісі болды
Алматыда LRT құрылысы бастала ма – әкімнің жауабы
Үрейде отырған қыз, иллюстративті фото

Ақтөбе облысында сыныптасын соққыға жыққан қыздардың видеосы желіде тарап кетті

499
(Жаңартылды 11:43 22.09.2020)
Қазіргі кезде кәмелетке толмағандар ісі жөніндегі инспекторлар ауданның оқу орындарында профилактикалық әңгіме жүргізуде

НҰР-СҰЛТАН, 22 қыркүйек – Sputnik. Ақтөбе облысында сыныптасын соққыға жыққан оқушы қыздардың видеосы желіде тарап кетті, деп хабарлайды Sputnik Қазақстан.

Видеода екі қыздың ұстасып тұрғанын көруге болады. Одан кейін монтаждалған нұсқасы жалғасады. Ол жерде бір қыз екіншісін шашынан сүйреп, ұрып жүр. Ал екінші видеода капюшон киген тағы бір қыз жерде жатқан қызды тізесімен басып отыр.

"Сонда қыздардың проблемасын ағаң шешіп бере ме? Ағасы қатты екен", – дейді сары капюшон киген қыз. Арғы жағында "түсіріп ал, түсіріп ал" деп жылаған адамның дауысы естіледі. 

Посмотреть эту публикацию в Instagram

Публикация от AKTOBE Zello - НОВОСТИ АКТОБЕ (@aktobe_zello_)

Бұл оқиға Ақтөбе облысының Темір ауданына қарасты Шұбарши кентінде болған. Аудандық полиция бөлімі кәмелетке толмағандардың өз сыныптасын ұрып-соғу фактісі бойынша тексеріс жүргізуде.

"Алдын ала мәліметтер бойынша 9-сыныптың үш оқушысы әдепсіз қарым-қатынасқа байланысты сыныптасын ұрып-соққан. Сөйтіп, болған оқиғаның бәрін ұялы телефонның камерасына түсірген", – дейді полицейлер.

Құқық қорғаушылардың айтуынша, қазіргі кезде кәмелетке толмағандар ісі жөніндегі инспекторлар ауданның оқу орындарында профилактикалық әңгіме жүргізіп жатыр.

Оқи отырыңыз: Оқушы мұғалімді сабақ үстінде соққыға жықты: оқиғаның мән-жайы

499
Кілт сөздер:
жасөспірімді соққыға жығу, жасөспірімдер
Тақырып бойынша
Нұр-Сұлтанда спортшы 4 жасар қызды соққыға жықты - видео
Соққыға жығылған Бурабайдың бұрынғы әкімі көз жұмды
Шымкентте автобус жүргізушісін соққыға жықты – полиция бұзақыны ұстады
Қордайдағы оқиға: ақсақалдың екі ұлын соққыға жыққандар ұсталды
Көкшетауда 3 әйел ер адамды жабылып соққыға жықты - оқиға немен аяқталды
Қолға салынған кісенді шешу

Екібастұздық блогер бала зорлады деген күдікпен қамалды видео

878
Екібастұз тұрғыны кәмелетке толмаған қызды зорлады деген күдікпен қамауға алынды, ол 17 жылға дейін бас бостандығынан айырылуы мүмкін

АЛМАТЫ, 21 қыркүйек – Sputnik. Екібастұздық блогер кәмелетке толмаған қызды зорлады деген күдікпен қамауға алынды, деп хабарлайды Sputnik Қазақстан.

"Қазақстан Республикасы Қылмыстық кодексінің 120-бабының 3-1 бөлігі (зорлау) бойынша сотқа дейінгі тергеу жүргізіліп жатыр. Аталған қылмысты жасады деген күдікпен 40 жастағы ер адам Екібастұздың уақытша ұстау изоляторына қамалды", - деп хабарлады Sputnik Қазақстан тілшісіне полиция департаментінің баспасөз қызметі.

Полиция тергеу құпиясын сақтау мақсатында басқа мәліметтерді хабарлаған жоқ. Сотқа дейінгі тергеу жүргізіліп жатқан бап бойынша 12 жылдан 17 жылға дейін бас бостандығынан айыру жазасы қарастырылған.

Сонымен қатар әлеуметтік желіде күдіктінің әпкесі бауырының қылмыс жасамағанын мәлімдеп, видео жариялады. Ол жерде әйел көпшіліктен көмек сұрайды. 

"Сараптама қыздың пәк екенін көрсетті. Екі сараптама жасалды", - дейді әйел видеода.

Оқи отырыңыз: Адам саудасы: полиция үш күн ішінде 50-ден астам қылмысты анықтады

Сондай-ақ, әйел полиция тарапынан қысым көрсетіліп жатқанын хабарлады. Блогердің әпкесі бауырының кәмелетке толмаған үш қызы бар екенінін, оның жақында ғана педофилді ұстағанын айтты.

878
Кілт сөздер:
Екібастұз, күдікті, педофил
Тақырып бойынша
Қарағандыда ерлі-зайыпты қызын зорлады: оқиға немен аяқталды
Трансгендерді зорлады деп айыпталған ҰҚК қызметкері сотталып жатыр
"6-сыныптан бастап зорлады": Түркістанда 14 жастағы қыз өгей әкесіне айып тақты
Оралда жасөспірімді зорлады деп айыпталған ер адам түрмеде отырмайтын болды
Үштөбеде оқушыны зорлады деген күдікке ілінген мұғалімдерге қатысты ақпарат жарияланды
Архивтегі фото

Коронавирустан бір аптада 28 адам қайтыс болды

19
Қазақстанда өткен аптада коронавирус инфекциясынан болатын өлім-жітім алдыңғы аптамен алыстырғанда азайды

НҰР-СҰЛТАН, 22 қыркүйек – Sputnik. 14-20 қыркүйек аралығында Қазақстанда коронавирус инфекциясынан 28 адам көз жұмды, деп хабарлады COVID-19 індетін таратпау жөніндегі ведомствоаралық комиссия.

Бір апта ішінде қанша адам қайтыс болды  

  • Алматы қаласы – 2,
  • Шымкент қаласы – 1,
  • Атырау облысы – 5,
  • Шығыс Қазақстан облысы – 6,
  • Жамбыл облысы – 3,
  • Батыс Қазақстан облысы – 4,
  • Қарағанды облысы – 3,
  • Қостанай облысы – 1,
  • Маңғыстау облысы – 1,
  • Павлодар облысы – 1,
  • Солтүстік Қазақстан облысы – 1.

Салыстыру үшін айтсақ, бұдан алдыңғы аптада індет 37 қазақстандықтың өмірін жалмаған еді.

Ресми мәлімет бойынша, Қазақстанда барлығы 1 699 адам қайтыс болды.

19
Кілт сөздер:
коронавирус
Тақырып:
Коронавирус эпидемиясы
Тақырып бойынша
Министрлік қатаң карантин қандай жағдайда енгізілетінін айтты
Ғалымдар коронавирусқа қарсы дәрінің өлімге әкеп соғатын қаупін анықтады
Ракпен ауыратын қазақстандықтарға емді тоқтату ұсынылды
Қазақстанда коронавирусты қайта жұқтырғандар бар ма?
Өзбекстанның вице-премьері қайтыс болды