Сырғанақ

Алматы облысында сырғанақ тепкен ер адам мерт болды

580
(Жаңартылды 19:27 28.01.2020)
Дәрігерлер оның өмірін сақтап қалуға тырысқанымен, ер адам тіл тартпай кетті. Ал полиция төтенше жағдайды тергеуді бастады

ТАЛДЫҚОРҒАН, 28 қаңтар — Sputnik. Отыз жастағы Талдықорған тұрғыны Текелі маңындағы тау-шаңғы базасында сырғанақ теуіп жүріп, ауыр жарақат алды. Ол ауруханаға жеткізілгенімен, қаза тапты. Полиция аталған факт бойынша қылмыстық тергеуді бастады, деп хабарлайды Sputnik Қазақстан.

Қайғылы оқиға туралы ақпарат әлеуметтік желілерде жарияланды.

"Жұма, 24 қаңтар күні Текелі маңындағы шаңғы базасында біздің ағамыз қаза болды. Ол баллоннан ұшып кетті. Оның омыртқасы үш жерден сынып, ауруханаға жетпей жан тапсырды", - делінген желіде.

Алматы облысының полициясы аталған фактіні растап, ол бойынша қылмыстық тергеу басталғанын атап өтті.

Посмотреть эту публикацию в Instagram

Публикация от ТАЛДЫКОРГАНЕЦ (@taldykorganec.insta)

"Қылмыстық кодекстің 306-бабының 3-тармағына (Қауіпсіздік талаптарына сай келмейтін тауарлар шығару немесе сату, жұмыстар жүргізу немесе қызметтер көрсету) сәйкес қажетті сараптамалар бекітіліп, тергеу жүргізіліп жатыр. Тексеру барысында адам өлімінің барлық мән-жайы анықталады", - деп хабарлады Алматы облыстық полиция департаменті.

Аталған бап бойынша төрт жылдан сегіз жылға дейін бас бостандығынан айыру жазасы қарастырылған.

580
Кілт сөздер:
ер адам, сырғанақ, Алматы облысы
Тақырып бойынша
Шығыс Қазақстанда бойжеткен шанадан құлап қаза тапты
Көктайғақта қалай дұрыс құлау керек? Астаналық дәрігерден кеңес
Шығыс Қазақстанда баллонды көлікке байлап сырғанаған екі бозбала көз жұмды
Сырғанақ тепкен төрт жасар қыз мерт болды
Алматы маңындағы тауларға сырғанауға кеткен адамдар үсіп өле жаздады
Загрузка...