Ұшақ

Алматы маңында құлаған Bek Air ұшағының екінші ұшқышы қайтыс болды

1682
(Жаңартылды 23:46 28.01.2020)
Жақында ғана пилот өзін жақсы сезінген, одан жауап та алынған болатын. Ол сұқбат беруге дайындалып жүрген еді, деп хабарлады блогер әлеуметтік желіде

НҰР-СҰЛТАН, 28 қаңтар – Sputnik. Алматы маңында құлаған Bek Air ұшағының екінші ұшқышы Мейіржан Молдақұлов өз үйінде қайтыс болды, деп хабарлады блогер Денис Кривошеев.

"Кешке өкпе тромбоэмболиясынан 2019 жылдың 27 желтоқсанындағы әуе апатынан аман қалған Bek Air компаниясының екінші пилоты Мейіржан Молдақұлов қайтыс болды. Кеше ғана ол өзін жақсы сезінген, сауығып келе жатқан еді. Одан жауап та алынды, және де ол үлкен сұқбат беруге дайындалып жүрген болатын", - деп жазды Кривошеев.

Ұшқыштың өлімін Sputnik Қазақстанға Алматы қаласының денсаулық сақтау басқармасы растады.
"Бүгін апатқа ұшыраған Bek Air ұшағының екінші пилоты қайтыс болды", - делінген ведомство ақпаратында.
Басқарма зардап шеккен ұшқыштың 21 қаңтарда тұрақты халде №4 қалалық клиникалық ауруханадан үйіне шығарылғанын еске салды. Одан кейін оның емханада амбулаторлық ем қабылдап, кардиолог, хирург, терапевт пен психолог бақылауында болғанын атап өтті.
"Бүгін сағат 18.00-де жедел медициналық жәрдем қызметіне денсаулықтың күрт нашарлауына қатысты хабар түсті. Жедел жәрдем уақытында келді. Жүрекке реанимациялық шаралар жасалды, бірақ нәтиже болмады", - деді басқарма мамандары.
Мейіржан Молдақұлов ұшақ апаты кезінде қатты жарақат алған. Сол кезде ол Алматы қаласының №4 клиникалық ауруханасына жеткізілген. Оған бірнеше ота жасалды, омыртқасына да операция істелді.
Бесінші қаңтарда Молдақұлов отадан кейін есін жиды. Сөйтіп, салалық бөлімшеге ауыстырылды.
Молдақұлов 1965 жылы 4 мамырда дүниеге келген. Ұшу уақыты – 11 544 сағат, соның ішінде 4 144 сағат Fokker-100 ұшағын басқарды.

Алматы түбіндегі ұшақ апаты

Ұшақ апаты 2019 жылдың 27 желтоқсанында таңғы сағат жетіде болды. Bek Air әуе компаниясының "Алматы – Нұр-Сұлтан" бағытындағы Fokker 100 ұшағы Алматы маңына құлады.
Ұшақта 93 жолаушы мен 5 экипаж мүшесі болған. Апат 12 адамның өмірін қиды, қаза болғандардың ішінде ұшақ командирі бар. Екінші пилот жансақтау бөліміне түскен.
Президент тапсырмасымен премьер-министр жетекшілік ететін комиссия құрылды. Тоқаев апаттың себебін анықтап, кінәлілерді қатаң жазалауды тапсырды. 28 желтоқсан елімізде жалпыұлттық аза тұту күні болды.

Апаттың хронологиясы

10 қаңтарда вице-премьер Роман Скляр арнайы баспасөз мәслихатын өткізіп, үкіметтік комиссияның ұшқыштар әңгімесін зерттеп шыққанын мәлімдеді. Осы және басқа да параметрлік көрсеткіштердің негізінде апаттың хронологиясы жасалды.
Хронология
7:20:02 - ұшақ жолаққа шығады;
7:20:41 - экипаж алдыңғы шассиді көтеруді бастайды;
7:20:45 - ұшақ максималды жылдамдықпен жерден көтеріледі;
Роман Склярдың айтуынша, ұшақ жерден көтерілген бойда алдымен сол жаққа, одан кейін оң жаққа қисая бастайды. Экипаж ұшу траекториясын ұстап қалуға тырысты. Осыдан кейін негізгі шасси және ұшақтың сол жақ қанаты жерге тиеді.
7:20:53 – ұшақ оңға қарай қисаяды. Осы кезде командир: "Не болып қалды?", - деп сұрайды.
7:20:54 – екінші пилоттың жауабы: "Не болғанын білмеймін. Стабилизатор... Тоқта... Мен бұл жерге түсемін (ары қарай боқауыз сөздер кетеді)".   
"Осы кезде екінші ұшқыш қозғалтқыштардың жұмысын баяулатып, ұшуды тоқтатуға әрекет жасаған секілді. Алайда бірнеше секундтан кейін қозғалтқыштардың жұмысы тағы 93-95 процентке артып, әуе кемесі ұшуды жалғастырады", - дейді Скляр.
7:20:57 – командир екінші ұшқышқа: "Керек емес. Не істеп жатырсың?", - деп айтады. Сөйтіп, жылдамдықты арттырып, "Кеттік! Кеттік!" дейді.
7:21:04 – командир шассиді алып тастауға бұйрық береді;
"Осыдан кейін ұшақ бірнеше рет жерді сызып өтті. Құйрығымен алты рет, шассимен төрт рет және қанатымен бір рет ұшу жолағына соғылып, сол жақ қауіпсіздік жолағына сырғанап кеткен. Осы кезде ұшу жолағының 38 шамы қирады", - деп атап көрсетті Скляр.
7:21:15 – бес метр биіктікте шассиді алып тастаған, артынан ұшақ фюзеляжбен жерге жатып, ұшу алаңының сыртына шығып кеткен.
Апаттың негізгі себебі
Сол күні үкіметтік комиссия апат себебінің алдын ала болжамын жариялады.
"Ұшақ сыртына мұздың қатып қалуы – негізгі себеп. Әуе кемесі тұрақта екі тәулік тұрған", - деп мәлім етті вице-премьер. 
Комиссия ұшақтың сыртындағы қатып қалған мұзды еріту жұмыстары жартылай ғана жасалғанын анықтаған.
"Ұшақ командирі арнайы сұйықтықпен тек стабилизаторды ғана өңдеуге шешім қабылдаған. Ұшақтың қанаттары өңделген жоқ. Ол күні Атырауға ұшқан тура сондай ұшақтың да сырты сұйықтықпен өңделмегені анықталды", - деді Скляр.
1682
Кілт сөздер:
ұшқыш, Bek Air, Алматы
Тақырып бойынша
Bek Air басшысы апат туралы: екінші ұшқыш бір қателік жасады - видео
Алматы түбіндегі ұшақ апаты: прокурорлар тергеу барысы туралы айтты
Тоқаев Алматыдағы ұшақ апаты жайлы: маған зардап шеккендер хат жазып жатыр
Bek Air-де жаға ұстатарлық жайттар анықталды: ұшақтардың суреті жарияланды
"Бомба" туралы хабардан соң ұшақ шұғыл қонуға мәжбүр болды
Ан-2 ұшағы

Қазақстанның шығысында ұшақ өртенді

850
Семей – Үржар бағыты бойынша санитарлық рейс орындаған ұшақ әуежайға қонғаннан кейін жана бастаған

НҰР-СҰЛТАН, 30 мамыр – Sputnik. Қазақстанның шығысында Үржар әуежайында Ан-2 ұшағы өртенді, деп хабарлайды азаматтық авиация комитеті.

Оқиға сағат 15:31-де, әуе кемесі қонғаннан кейін алты минуттан соң болды. Санитарлық рейс орындаған ұшақ Үржарға Семейден ұшып келген.

Өрт шыққан кезде ұшақ бортында адамдар болмаған. Сағат 15:50-де өрт сөндірілді. Зардап шеккендер жоқ.

Ұшақ "Тараз Жаңа Әлем" жекеменшік әуе компаниясына тиесілі.

Тағы оқыңыз: Қарағанды түбінде апат: әскери ұшақтың құлаған сәтінің видеосы жарияланды

Бұл факті бойынша индустрия және инфрақұрылымдық даму министрлігі авиациялық оқиғалар мен оқыс оқиғаларды тексеру басқармасы тергеу жүргізіп жатыр.

Жеңіл моторлы Ан-2 ұшақтары ауыл шаруашылығында, әдетте алқаптарға  тыңайтқыштар мен пестицидтер шашу үшін пайдаланылады.

850
Кілт сөздер:
өрт, ұшақ
Астанадағы жедел жәрдем автокөлігі

Атырау облысында жедел жәрдем бригадасы көз жұмды

4779
Исатай ауданы дәрігерлік амбулаториясының екі медицина қызметкері мен жедел жәрдем көлігінің жүргізушісі мерт болды

НҰР-СҰЛТАН, 30 мамыр – Sputnik. Атырау облысында жол апатынан жедел жәрдем бригадасы қаза болды, деп хабарлайды ҚазАқпарат.

Оқиға Исатай ауданы Зинедин ауылының маңында болған.

Құрылысы былтыр басталған Астраханға баратын тас жолда жедел жәрдем әскери "КамАЗ"-бен соқтығысқан.

"Исатай ауданының дәрігерлік амбулаториясына тиесілі жедел жәрдем көлігінде жүргізуші мен екі медицина қызметкері болған. Олардың барлығы да ажал құшты", - мәлімдеді өңірдің полиция департаментінің баспасөз қызметінен.

Тағы оқыңыз: Түркістан облысында жантүршігерлік жол апаты төрт адамның өмірін қиды

ІІМ Батыс өңірлік әскери-тергеу басқармасы "КамАЗ" рөлінде мерзімді әскери борышын өтеп жүрген 20 жастағы сарбаз болғанын нақтылады.

Тергеу амалдары жүргізілуде.

4779
Кілт сөздер:
жедел жәрдем, Атырау облысы, жол апаты
Тақырып бойынша
Көкшетау түбінде жол апатынан үш адам көз жұмды
Батыс Қазақстанда жантүршігерлік жол апатынан 12 адам зардап шекті
Тоқтап үлгермеген: 18 көлік соқтығысқан жол апатынан 29 адам зардап шекті – фото
Ақмола облысында жол апатынан екі адам қаза тапты, біреуі – сәби
Блокбекеттердегі полицейлер

"Оңай болған жоқ": министр блокбекеттерде жұмыс істеген полицейлерге алғыс айтты

2
Ішкі істер министрлігінің басшысы 1 маусымнан бастап блокбекеттер алынса да, санитарлық талаптар мен қауіпсіздік шаралары қатаң сақталуы тиіс екенін айтты

НҰР-СҰЛТАН, 31 мамыр – Sputnik. Қазақстанның ішкі істер министрі Ерлан Тұрғымбаев блокбекеттерде жұмыс істеген полицейлерге ризашылығын білдірді, деп хабарлайды Polisia.kz.

"Бүкіл әлем коронавирус пандемиясымен күресуде. Қазақстан да қалыс қалған жоқ. Дер кезінде қабылданған шаралардың, дәрігерлер, полицейлер, әскерилер мен еріктілердің жанкештілігінің, сондай-ақ, халықтың жауапкершілігі мен тәртіптілігінің арқасында еліміз осы кезеңнен аз шығынмен өтуде", – деді ішкі істер министрі Ерлан Тұрғымбаев қызмет және бөлімше басшыларымен өткен селекторлық кеңесте.

Министр президенттің тапсырмасымен ішкі істер органдарының барлық күші қоғамдық тәртіп пен тұрғындардың қауіпсіздігін сақтауға, карантин шараларын қамтамасыз етуге бағытталғанын айтты.

52 мыңнан астам қызметкер блокбекеттерде үздіксіз қызмет атқарды. Олардың арасында полицейлер, құтқарушылар, әскери қызметшілер және ішкі істер органдарының медицина қызметкерлері бар.

Тағы оқыңыз: Қазақстанда блокбекеттер алынып, қалааралық автобустар жолға шығады

Ішкі істер министрлігінің ақпаратынша, өзін-өзі оқшаулау және шектеу режимі кезеңінде қабылданған шаралардың арқасында елдегі қылмыс 26%–ке төмендеді. Полиция мен министрліктің басқа да күштері мұндай ерекше режимде алғаш рет жұмыс істеді.

"Оңай болған жоқ. Тәулік бойы жұмыс істеу, казармалық жағдай, үй мен отбасынан жырақта болу, кейбір азаматтардың түсінбеушілігі мен қарсылығы үлкен психологиялық және физикалық жүктемелер тудырды. Бірақ біздің қызметкерлеріміз 78 күн бойы ел басшылығы қойған міндеттерді нақты орындай отырып, қызмет өткеруді жалғастырды", – деді Тұрғымбаев.

Қызметтік міндеттерін адал орындағаны, блокбекеттерде коронавирустық инфекциямен күрес жөніндегі шараларға тікелей қатысқаны үшін министрдің бұйрығымен ерекше көзге түскен қызметкерлер грамоталармен және алғыс хаттармен марапатталды.

Тағы оқыңыз: "Ешқайда шықпайды": пойыздағы жаңа тәртіп туралы айтылды

Министр, сондай-ақ, қауіп-қатер аймағында жүрген полицейлерге маска мен  комбинезондар дайындаған сотталғандарға да алғыс айтты.

"Елді мекендер арасындағы блокбекеттер алынып тасталады. Бірақ бұл қауіп жоқ дегенді білдірмейді. Азаматтарға санитарлық талаптармен қатар сақтық шараларын қатаң сақтау керек", – деді Тұрғымбаев.

Еске салсақ, карантин режимі кезінде елде 400-ге жуық блокбекет жұмыс істеді, оған 6 мыңға жуық қызметкер тартылды. Осы кезең ішінде блокбекеттерде 3,2 миллионнан астам көлік және 5 миллион жолаушы тексерілді.

2
Кілт сөздер:
Ішкі істер министрлігі, коронавирус, төтенше жағдай
Тақырып:
Төтенше жағдай және карантин