Мессенджер WhatsApp

Ақтөбе облысында Whatsapp арқылы елді дүрліктірген әйел ұсталды

2555
Фармацевтика компаниясының 37 жастағы қызметкері жауап алу барысында кінәсін мойындады, сотқа дейінгі тергеу басталды

НҰР-СҰЛТАН, 1 ақпан – Sputnik. Ақтөбе облысының полицейлері коронавирус жайлы жалған ақпарат таратқан фармацевтика компаниясының қызметкерін ұстады, деп хабарлайды Sputnik Қазақстан облыстың полиция департаментінің баспасөз қызметіне сілтеме жасап.

29 қаңтарда әлеуметтік желілерге мониторинг жүргізу барысында Whatsapp мессенджері арқылы жалған ақпарат тарату фактісі анықталған.

"Тексеру шаралары барысында дыбыстық хабарламаны таратқан әйелдің кім екені анықталды. Ол фармацевтика компаниясының 37 жастағы қызметкері болып шықты", - делінген хабарламада.

Полиция департаментінің ақпаратынша, жауап алу кезінде әйел кінәсін мойындады.

Қазір Қылмыстық кодекстің 274-бабы 2-бөлігі бойынша сотқа дейінгі тергеу басталды.

Ақтөбе облысының полиция департаменті жалған мәлімет тарататындар қылмыстық жауапкершілікке тартылатынын еске салды.

Тағы оқыңыз: "Қорқынышты": Қазақстан студенттері Уханьда не боп жатқанын айтты - видео

Қылмыстық кодекстің 274-бабы 2-бөлігіне сәйкес, БАҚ және ақпараттық-коммуникациялық желілер арқылы жалған ақпарат таратқандарға 3 мың АЕК-ке дейін айыппұл салынады, не сол мөлшерде түзеу жұмыстарына не 800 сағатқа дейінгі мерзімге қоғамдық жұмыстарға тартылады. Не болмаса 3 жылға дейінгі мерзімге бас бостандығы шектеліп, немесе сол мерзімге бас бостандығынан айырылуы мүмкін.

Қытайдағы коронавирус

2019 жылдың 31 желтоқсанында Қытай билігі Дүниежүзілік денсаулық сақтау ұйымына Ухань қаласында белгісіз пневмонияның таралып жатқаны туралы хабарлады. Сарапшылар аурудың қоздырғышын анықтады – ол 2019-nCoV коронавирусы.

Қаңтардың соңында Дүниежүзілік денсаулық сақтау ұйымы Қытайдағы жаңа коронавирус індетін халықаралық маңызы бар төтенше жағдай деп жариялады.

Қытайда жаңа коронавирустан 259 адам көз жұмды, шамамен 12 мың адам жұқтырды.

Қазақстанда коронавирус ауруы тіркелген жоқ. 

Ел билігі Қытаймен әуе, теміржол және автобус қатынасын тоқтатты.

2555
Кілт сөздер:
Ақтөбе облысы, қытай
Тақырып бойынша
Коронавирус Ресейге дейін жетті
Қытайдағы коронавирус: Қазақстан үкіметі қосымша 1,5 млрд теңге бөлді
Алматыда коронавирус анықталды деген хабарламаға қатысты басқарма түсініктеме берді
Қытайдағы коронавирус: депутаттар қазақстандықтарға қатысты мәлімдеме жасады
Біртанов "2 студент коронавирус жұқтырды" деген ақпаратқа түсініктеме берді
Коронавирус көз арқылы жұға ма – денсаулық министрі жауап берді
Адамның қолы

Ақтөбедегі төтенше оқиға: бесінші адам қайтыс болды

54
(Жаңартылды 10:54 04.06.2020)
Алты жұмысшының төртеуі оқиға орнында қаза болды. Бұған дейін екеуі ауруханаға жеткізілгені хабарланған болатын

НҰР-СҰЛТАН, 4 маусым — Sputnik. Сәрсенбі күні Ақтөбедегі хром қосылыстары зауытында зардап шеккен тағы бір адам көз жұмды.

Қаланың денсаулық сақтау басқармасының ақпаратына сәйкес, 1988 жылы туған жұмысшы қайтыс болды. 

"Оның денесінің 60%-ін күйік шалған. Ал 1984 жылы туған жұмысшының жағдайы тұрақты деп айтуға болады. Ол жансақтау бөлімінен палатаға көшіріледі", - деді денсаулық сақтау басқармасы.

Зауыттағы трагедия

Оқиға 28 мамыр күні "АХҚЗ" АҚ-ның №4 цехында 50 текше метрлік бактың ішін тазарту жұмыстары кезінде болған.

Техника қауіпсіздігі ережесін бұзу салдарынан Ақтөбе хром қосылыстары зауытының төрт қызметкері қаза болды. Екеуі ауруханаға жеткізілді.

Аталған факті бойынша Ақтөбе облысының полиция департаменті Қылмыстық кодекстің 156-бабы 4-бөлігі ("Абайсызда екі немесе одан да көп адамның өліміне әкеп соқтырған техника қауіпсіздігі ережелерін бұзу") бойынша сотқа дейінгі тергеуді бастады.

Бұл бап жеті жылға дейінгі мерзімге бас бостандығын шектеу немесе дәл сол мерзімге бас бостандығынан айыру түріндегі жазаны қарастырады.

54
Кілт сөздер:
зауыт, адам, Ақтөбе
Тақырып бойынша
Ақтөбе зауытындағы төрт жұмысшының өлімі: үш адам ұсталды
Ақтөбе облысында ер адам өртеніп жатқан үйден жеті адамды құтқарды
Алматы тұрғыны екі адамды құтқарды - оқиға орнында түсірілген видео
Қапшағайда жарылыс болып, бір адам қаза болды
Теңіз кен орнындағы жанжал - жұмысшылар қандай талап қойып отыр
Архивтегі фото

Атыраудың тергеу абақтысында сотталғандар бүлік шығарды

134
Жанжалды бастағандар режимді бұзып, қамауға алынған басқа адамдарды тәртіпсіздік жасауға шақырды. Қазіргі уақытта мекемедегі жағдай тұрақтанды

НҰР-СҰЛТАН, 3 маусым – Sputnik. Атырау тергеу изоляторында отырған бес сотталушы режимді бұзып, қамауға алынған басқа адамдарды тәртіпсіздік жасауға шақырды, деп хабарлады ІІМ қылмыстық-атқару жүйесі комитетінің баспасөз қызметі.

Оқиға 2 маусымда кешкі тексерістен кейін болған.

"Атырау қаласының тергеу изоляторында сотталған бес адам жүріп-тұру режимін бұзды, сондай-ақ қамауға алынып, тергеліп жатқан басқа адамдарды тәртіпсіздікке шақырды. Заңсыз әрекеттерді болдырмау үшін жоғарыда аталған адамдар тәртіптік изоляторға қамалды", - деп хабарлады комитет.   

Ведомствоның баспасөз қызметінің мәліметінше, тәртіпсіздікті ұйымдастырушылар кісі өлтіру, қасақана ауыр дене жарақатын салу, ірі көлемде ұрлық жасау секілді ауыр және аса ауыр қылмыстар жасағаны үшін жазасын өтеп жатыр.

Оқи отырыңыз: Арқалықтағы "қасапшылар түрмесіне" алғаш рет әйел түсті

Облыстық қылмыстық-атқару жүйесі департаментінің басшылығы, прокуратура қызметкерлері, сондай-ақ ұлттық алдын-алу жүйесінің өкілдері оқиға орнына барып, сотталғандар арасында сауалнама жүргізіп жатыр.

Қазақстан Қылмыстық кодексінің 428-бабы бойынша (қылмыстық-атқару мекемесі әкімшілігінің заңды талаптарын орындамау) сотқа дейінгі тергеу басталды.

Қазіргі уақытта мекемеде жағдай тұрақты, жүріп-тұру режимін бұзуға жол берілмеді.  

134
Кілт сөздер:
Атырау, тергеу абақтысы
Тақырып бойынша
Түрмедегілер бүлік шығарды: екі офицер мен 25 тұтқын көз жұмды
Түрмедегі коронавирус: жүкті әйелдің сынамасы қате болып шықты 
Челахтың түрмеде көз жұмғаны рас па – ресми жауап
Көкшетауда әкімшілік жазасын өтеп жатқан екі адам көз жұмды
Украина түрмесінде бүлік шықты – оқиға орнында түсірілген видео
Ақша, архивтегі сурет

Ірі көлемде пара алған әкім орынбасары қамауға алынды видео

0
Алматы облысындағы Қарасай ауданы әкімнің орынбасары 33,5 миллион теңгені заңсыз сыйақы ретінде алды деген күдік бар

НҰР-СҰЛТАН, 4 маусым – Sputnik. Сыбайлас жемқорлыққа қарсы іс-қимыл қызметі жергілікті биліктің бірнеше өкіліне қатысты сотқа дейінгі тергеуді бастады, деп хабарлайды Sputnik Қазақстан тілшісі.

Алматы облысында Қарасай ауданы әкімінің орынбасары аса ауыр сыбайлас жемқорлық қылмысы үшін ұсталды. Тергеуші Данияр Биғайдаровтың айтуынша, әкімінің орынбасары мемлекеттік сатып алулар кезінде қамқорлық жасаған. Ол кәсіпкерден пара алғаны үшін айыпталып отыр.

"Жол картасы 2020" бағдарламасы аясында кезекті құрылыс нысаны бойынша рәсімделген келісімшарттың жалпы құны 660 миллион теңге болған. Әкімнің орынбасары осы ақшадан 33,5 миллион теңгені заңсыз сыйақы ретінде алды деген күдік бар. 

 "Бұдан бөлек, Алматы облысында Кербұлақ ауданы әкімі аппаратының жетекшісіне қатысты сотқа дейінгі тергеу басталды. Шенеунік жекеменшік фирма өкілімен бірге 5 миллион теңге көлемінде бюджет қаражатын жымқырғаны үшін айыпталып отыр. Ол ақша жұмыспен қамтудың жол картасы аясында бөлінген болатын", – деді Биғайдаров бүгінгі онлайн брифингте.

Ал Қарағанды облысы Жаңарқа ауданындағы Атасу кентінде әкім аппаратының лауазымды тұлғалары балабақша құрылысына бөлінген бюджет қаражатын жымқырды деген күдікке ілінді. Осылайша, "Ер төстік" сәбилер балабақшасының құрылысына бөлінген 5 миллион теңге қолды болды.

Оқи отырыңыз: Нұр-Сұлтанда басқарма басшысын ұстау сәтінің видеосы жарияланды

Сондай-ақ, Қарағанды қаласының жер қатынастары, сәулет және құрылыс бөлімінің басшылығы мен Шет аудандық құрылыс бөлімінің қызметкерлеріне қатысты сотқа дейінгі тергеу басталды.

0
Кілт сөздер:
пара, парақорлық, пара алу
Тақырып бойынша
Қостанай облысында пара алған полицей видеоға түсірілді
Блок-бекетте пара алған шенеуніктерге қатысты сот үкімі шықты
СҚО-да карантинде кедергісіз жүру үшін полицей 1 миллион 300 мың пара алған
Аса ірі көлемде пара алған басқарма төрағасына қатысты тергеу басталды
Пара ретінде темекі алған полицейдің үстінен іс қозғалды