Масанчи ауылы

"Бәрі қорқып қалған": Мектеп директоры қазір Масанчиде не болып жатқанын айтты  

21310
(Жаңартылды 08:47 12.02.2020)
Жамбыл облысының Масанчи елді мекеніндегі мектептер бала санының азаюына байланысты бір ауысымға көшкен

НҰР-СҰЛТАН, 12 ақпан – Sputnik. Қордай ауданындағы қақтығыстан кейін Масанчи елді мекеніндегі мектептер қаңырап бос тұр. Себебі ауыл тұрғындары балаларын жіберуге қорқады.

Ал өңір басшылары қазір жағдай тұрақтанды, жұмыстар жүйелі деп жұртты сендірді. Оқиға болған жердегі білім ошақтарын "Астана" арнасының тілшілері аралап қайтты.

Масанчи елді мекенінде 19 мыңға жуық адам тұрады. 3 мектеп, 2 балабақша бар. Қайғылы жағдайдан соң қара халық қатты қорқып қалған. Оның үстіне киетін киім жоқ дейді.

"4 балам 50-ші мектепте оқиды, 2 балам жоғарыдағы қазақ мектебінде оқиды. Бірақ ешқайсысын сабаққа жіберген жоқпын. Себебі, балалардың үстіне киетін ештеңкесі жоқ. Үймен кетті бәрі. Енді жағдайдың қалыпқа түсуін күтіп отырмыз", - дейді ауыл тұрғындарының бірі.

"Қазір балаларым сабаққа барып жатқан жоқ. Себебі қырғыз республикасына апарып тастағанмын, әлі үйге әкелмедім. Әрі бұл жердегі жағдай бір қалыпқа түскен жоқ".

Жоғарыда айтылған білім ошақтарының бірінің басшысы сұқбат беруден бас тартты. Ал мектеп іші қаңырап бос тұр. Тек нөмірі 12-ші орта мектепте бірен-саран оқушы жүр. Барлық мектеп бір ауысымға көшіп кетіпті.

"Неге бір ауысымға көштіңіздер дейсіз бе? Өйткені кешегі оқиғадан кейін балалардың көбісі Қырғызстанға өтіп кеткен болатын. Бала санының өзгеруіне байланысты бүгін бір ауысымда оқыдық, ертең де бір ауысымда оқып қаламыз. Өткендегіден кейін бәрі қорқып қалған. Ата-аналар балаларды мектепке өздері әкеліп, өздері алып кетіп жатыр", - деп түсіндірді мектеп директоры Төлеген Ембердиев.

Масанчи әлі күштік құрылымдардың жіті бақылауында. Оны көшенің бұрыш-бұрышында тұрған ұлттық ұлан сарбаздарынан байқауға болады. Қанша бақылуда болса да тұрғындардың қорқынышы басылмаған. Ал білім бөліміндегі мамандар үй-үйге кіріп, ата-аналармен түсіндіру жұмыстарын бастапты.

Қордайдағы қақтығыс

7 ақпанда Қордай ауданының Масанчи ауылында жаппай төбелес болды. Салдарынан 8 адам қаза болды. Кейін ауруханада тағы екі адам көз жұмды. Бес полицей жарақат алып, үшеуіне оқ тиді.

8 ақпанда Қордай ауданында төтенше жағдай режимі енгізілді.  

Оқи отырыңыз: Тоқаев Қордайдағы қақтығыс кімнің кесірінен болғанын айтты

Сотқа дейінгі тергеу шаралары қылмыстық кодекстің 272-бабы (жаппай тәртіпсіздіктерді ұйымдастыру және қатысу) мен 99-бабы (адам өлтіру) бойынша жүргізіліп жатыр.

Лауазымды тұлғалар қызметінен босатылды

Мемлекет басшысы Жамбыл облысының Қордай ауданындағы кісі өліміне әкеп соқтырған оқиғаға байланысты облыс әкімі Асқар Мырзахметовті қызметінен алып, оның орнына Бердібек Сапарбаевты тағайындады. Өңір басшысының әлеуметтік мәселелер жөніндегі орынбасары Сұлушаш Құрманбекова мен Қордай ауданының әкімі Болатбек Байтөле де жұмысына салғырт қарағаны үшін қызметінен босатылды.

Сонымен қатар президент ішкі істер министрі Ерлан Тұрғымбаевқа Жамбыл облысы полиция департаментінің бастығы Арман Оразалиевті және Қордай аудандық полиция бөлімінің бастығы Азамат Айқымбековті қызметінен алуды тапсырды. 

21310
Тақырып бойынша
Бақытбек Смағұл: Қазақ бағынған заң дүнгенге де, басқасына да ортақ
Қарақат Әбілдина желідегі шулы жазбасы жайлы: "Дүнгендерді жақтамадым"
Қақтығыстан кейінгі Масанчи ауылы – оқиға орнынан суреттер
Ақсақалды кім ұрды - Қордай тұрғындары оқиғаның қалай өрбігенін айтып берді
Қордайдың халқы тағы жиналды  
Қызметінен босатылған полицей жамбылдықтарға үндеу жасады
Елордадағы көпір

Нұр-Сұлтанда көпір құлады фото

2667
Көпірде жөндеу жұмысын жүргізу кезінде апат болды. Зардап шеккендер мен қайтыс болғандар жоқ, деп хабарлады төтенше жағдайлар департаменті

НҰР-СҰЛТАН, 20 қыркүйек – Sputnik. Елордада Алаш шоссесіндегі көпірдің бөлшегі теміржол рельстеріне құлады.

Астаналық төтенше жағдайлар департаментінің баспасөз қызметі жолды тазалау жұмысын жүргізіп жатыр. Мамандар көпірді демонтаждап жатыр.

Обрушение моста
© Photo : ДЧС Нур-Султана
Елордадағы көпір

Пойыздар тоқтаған жоқ. Көпірдің тек сол жағында ғана көлік жүрмейді.

"Зардап шеккендер мен қайтыс болғандар жоқ. Наурыз айында өтпежол тексерілген, нысан апаттық жағдайда деп танылды. Бұл көпірде қозғалыс шектелген еді. Көпірдің тек бір бөлігі ғана көлік үшін ашық болатын", - деді астаналық департаментте. 

Айта кетсек, жылдың басында астана әкімі Алтай Көлгінов мамандар бұл көпірді кешенді тексеруге кіріскенін айтты.

2667
Кілт сөздер:
фото, көпір, Нұр-Сұлтан
Тақырып бойынша
Полиция көпір үстіне шығып кеткен алматылық туралы ақпарат таратты – видео
Шымкентте автокөлік көпірге соғылып, жолаушы өртеніп кетті
Нұр-Сұлтанда жедел жәрдем көпірге соғылды
Атырауда көпірден секіргелі тұрған қызды полицейлер көріп қалды – видео
Қаскелеңде ер адам көпірден секірмек болды – видео
Дельтаплан, иллюстративті фото

Маңғыстауда дельтапланмен ұшқан ер адам жартасқа соғылды видео

963
(Жаңартылды 13:05 20.09.2020)
Құтқарушылар альпинистік құрылғылардың көмегімен ер адамды жардан төмен түсіріп, жедел жәрдем қызметкерлеріне тапсырды

НҰР-СҰЛТАН, 20 қыркүйек – Sputnik. Маңғыстауда дельтапланмен ұшқан ер адам құлап, екі қолын сындырып алды.

Аймақтық инАктау басылымының хабарлауынша, оқиға өткен сенбі күні Шопан ата қорымына жетпей, Қарақия аймағындағы жартастардың бірінде болған.

Облыстық төтенше жағдайлар департаменті бастығының орынбасары Бекболат Әбдіқадіровтің айтуынша, төтенше жағдай туралы хабарлама сағат 18:12-де түскен. 

"Дельтапланмен ұшу кезінде 1988 жылы туған ер адам жартасқа соғылып, жарақат алған. Атап айтқанда, екі қолы сынғандықтан, ол оқиға орнынан өздігінен қозғала алмаған. Бізге түскен хабарлама негізінде Жаңаөзен қаласының №3 мамандандырылған өрт сөндіру бөлімінің бес құтқарушысы көмекке жұмылдырылды", – деді бөлім басшысының орынбасары.

Құтқарушылар альпинистік құрылғылардың көмегімен ер адамды жартасты қиядан төмен түсіріп, жедел жәрдем қызметкерлеріне тапсырды.

Оқи отырыңыз: Орал маңында қолдан жасалған ұшақ құлады – ұшқыш қаза тапты

963
Кілт сөздер:
Маңғыстау облысы, оқиға
Тақырып бойынша
Алматы маңында SCAT ұшағына құс соғылды – оқиғаның мән-жайы
"Қытай ұшағы радиоактивті зат шашып жүр": ақпаратқа түсініктеме берілді
Навальный мінген ұшақ шұғыл түрде Омбыға қонды – оппозиционер комада жатыр
"Ұшақты атқылаған": үш жыл бұрынғы әуе апатына қатысты жаңа дерек шықты
Путинді ақтырналармен бірге ұшуға үйреткен пилот қаза болды
Ұшақ, аспан

Қазақстан мен Ресей арасындағы әуе қатынасы жанданады

0
Бұған дейін екі ел арасында репатриациялық рейстер ғана жүзеге асырылды. Ол үшін құзырлы органдардың келісімін алу керек болатын

НҰР-СҰЛТАН, 20 қыркүйек — Sputnik. Ресей өз аумағына Қазақстан азаматтарының кіруіне рұқсат берді. Шектеу коронавирустың таралуына байланысты енгізілген болатын.

"Қазақстан, Қырғызстан, Беларусь және Корея елдерінің азаматтарына және осы елдерде тұруға ықтиярхаты барларға Ресейге әуе өткізу пунктері арқылы кіруге рұқсат етіледі. Ресейліктер де бұл елдерге емін-еркін бара алады", - делінген Ресей үкіметінің сайтында жарияланған ақпаратта. 

Бұған дейін екі ел арасында репатриациялық рейстер ғана болды. Ол үшін құзырлы органдардың келісімін алу керек еді.

Рейстер аптасына бір рет жүзеге асырылады.

Қазақстан мен Ресей арасындағы әуе қатынасы 21 қыркүйекте жанданады.

0