Оқиға

Полиция Нұр-Сұлтанда тергеу абақтысында көз жұмған Дулат Ағаділге қатысты ақпарат берді

© Sputnik / Алексей Филиппов / Медиабанкке өтуАрхивное фото СИЗО
Архивное фото СИЗО - Sputnik Қазақстан
Жазылу
Белсендінің өліміне жүрек-қан тамыр жеткіліксіздігі себеп болуы мүмкін екені айтылды. Денесінде ешқандай жарақат болмаған

НҰР-СҰЛТАН, 25 ақпан — Sputnik. Нұр-Сұлтандағы тергеу изоляторында қоғам белсендісі Дулат Ағаділ қайтыс болды, деп хабарлады қалалық полиция департаменті Sputnik Қазақстанға.

"Нұр-Сұлтандағы тергеу изоляторында 1977 жылы туған қоғам белсендісімен бірге тағы төрт адам болған. Олар Дулат Ағаділге зорлық-зомбылық жасалмағанын айтты", - дейді полицейлер.

Сот сараптамасының қорытындысына сәйкес, қоғам белсендісі ұсталған кезде мас болған. 

View this post on Instagram

A post shared by Дулат Агадил (@dulatagadil) on

Оқиға орнына жеткен жедел жәрдем бригадасының қызметкерлері ер адамның өлімін растады. Оның өліміне жүрек-қан тамыр жеткіліксіздігі себеп болғаны айтылып отыр. Денесінде зорлық-зомбылық белгісі жоқ. Сотқа дейінгі тергеу басталды.

Тағы оқыңыз: Назарбаевтың бұрынғы күйеубаласы қайтыс болды

Еске сала кетсек, Дулат Ағаділ қаңтар айында сырттай айыпталушы танылып, ешқайда кетпеу туралы бұлтартпау шарасы қолданылған. Мұны орындамағаны үшін сот қоғам белсендісіне қатысты шараны қамауға алуға алмастырды.

Кеше, 24 ақпан күні сағат 21:00-де Ағаділ үйінен тергеу абақтысына жеткізілді. Оған қатысты қылмыстық заңбұзушылық жасағаны, судья мен сот отырысына қатысушыларға тіл тигізгені үшін қылмыстық іс қозғалған болатын.

Жаңалықтар
0