Өңірлер

Қостанайда ұлымен жанжалдасып қалған әйел полицейге балта лақтырды

© Photo : pixabay / Markus Spiske Топор
Топор - Sputnik Қазақстан
Жазылу
Инспектор 27 жастағы жігітті пәтерден шығармақ болғанда, әйел балта лақтырған. Полиция қызметкері жарақат алды  

НҰР-СҰЛТАН, 25 ақпан – Sputnik. Қостанайлық әйел учаскелік инспекторға балтамен шабуыл жасағаны үшін жауапкершілікке тартылып жатыр, деп хабарлайды Polisia.kz.

Қостанай облысының оңтүстік полиция бөліміне Водяная көшесінде орналасқан пәтерде отбасылық жанжал болып жатқаны туралы хабарлама келіп түскен. Оқиға орнына учаскелік полицей Алмат Рамазанов келіп жетті. Ол 27 жастағы жігіт пен оның 49 жастағы анасының арасында жанжал шыққанын анықтады.  

Оқи отырыңыз: Шымкентте полицейге шабуыл жасалды

Бұл отбасында полицей бірнеше рет болған. Полиция қызметкері тексеріп жатқанда әйел адам әрдайым инспекторға былапыт сөздер айтады екен. Бұл жолы бәрі басқаша болды. Анасы ұлын алып кетуді сұраған. Инспектор онымен сөйлесіп, пәтерден шығарғысы келгенде, әйел балтаны алып, учаскелік полицейге қарай лақтырған. Полиция қызметкері өзін қорғамақ болса да, балта тиіп, дене жарақатын алды.

Осы әрекеті үшін әйел қамауға алынды. Мұндай жағдай үшінші рет болып отыр. Енді былапыт сөздер айтып, тіл тигізгені үшін емес, полицияға шабуыл жасағаны үшін жауапкершілікке тартылуда.

Қылмыстық кодекстің 380-бабы "Билік өкіліне қатысты күш қолдану" бойынша сотқа дейінгі тергеу басталды. Бұл бап 3 жылға дейін бас бостандығынан айыруды көздейді.

Учаскелік инспекторға ауруханада алғашқы медициналық көмек көрсетілді.

Жаңалықтар
0