АН-2

Өскемен маңындағы ұшақ апатына қатысты тың деректер шықты

180
(Жаңартылды 12:38 27.02.2020)
Дәрігерлер шалғайдағы ауылдан пневмониямен ауырған сәбиді алып кету үшін шыққан. Бірақ олар борттың техникалық ақауынан діттеген жеріне жете алмаған

НҰР-СҰЛТАН, 27 ақпан - Sputnik. Қазақстанның шығысындағы Өскемен маңында санавиация ұшағының апаты туралы жаңа деректер шықты. Дәрігерлер балаға көмекке бара жатыпты.

Олар науқасты Ақсуат ауылынан облыс орталығына жеткізбек болған. Бірақ жолда пилоттардың жоспары өзгерді – қозғалтқыш өртенді.

Санавиация борты 26 ақпанда Өскеменнен 500 километр жерде орналасқан Ақсуат ауылына ұшқан. Дәрігерлер пневмониямен ауырған төрт айлық сәбиді алып кетуі тиіс болатын, деп хабарлайды "Астана" телеарнасы.

Бірақ елді мекенге бара жатқанда Ан-2 ұшағының қозғалтқышы жана бастаған. Ақауды байқаған пилот әуежайға қайтуды ұйғарған.

Ол өртеніп жатқан әуе кемесін тұрғын үйлерден алыс жерге, далаға қондырған. Қону барысында ұшақ қарға батып, аударылып кеткен.

Тағы оқыңыз: Өскемен маңында отқа оранған ұшақтың бортында кімдер болғаны анықталды

Бортта болған Өскеменнің санавиация бөлімі меңгерушісі Рафаил Халитовтың айтуынша, пилоттар мен дәрігерлер ұшақтан өз күшімен шыққан. Бірнеше минуттан соң құтқарушылар да келген.

Ал Шығыс Қазақстан облысы медицина орталығының бас дәрігері Юрий Старокожевтың айтуынша, апатқа ұшыраған ұшақ бортындағылар арасында ауыр жарақат алғандар жоқ. Тек екінші пилот Александр Иванов дәрігерлердің бақылауына алынды.

Телеарна мәліметінше, Ақсуат ауылындағы науқас балаға кейінірек тікұшақ ұшып шығыпты.

Атап өтсек, Шығыс Қазақстан облысы әкімдігінің мәліметінше, бортта бес адам болған. Олар: дәрігерлер Асаубаев және Халитов, экипаж - Шкулов, Шалыгин мен Иванов. Апатта қаза тапқандар жоқ.

180
Кілт сөздер:
дәрігерлер, ұшақ апаты, Өскемен
Тақырып бойынша
Алматыдағы ұшақ апаты: әкім орынбасары қамауға алынды
Оңтүстік Кореямен әуе қатынасына шектеу қойыла ма - Air Astana жауабы
Өскеменде шұғыл қонуға мәжбүр болған ұшақ отқа оранды – видео
Bek Air-ді тексерген мамандар "құпия" мәліметтерді жариялады
Қазақстан бірқатар елмен әуе қатынасын шектейді
Иллюстративті фото

Былтырғы оқиға есіне түсіп кеткен: Көңілдесін ұрып өлтірген атбасарлық сотталды  

673
(Жаңартылды 17:34 28.09.2020)
Ішімдік ішкен ер адам жатын бөлмеге кіріп, әйелді бауыр тұсынан бір ұрған. Ол қатты соққыдан сылқ ете түседі. Бірақ ашуға булыққан ер адам онымен тоқтамаған

НҰР-СҰЛТАН, 28 қыркүйек – Sputnik. Атбасарда көңілдесін ұрып өлтірген 35 жастағы ер адам 9 жылға бас бостандығынан айырылды, деп хабарлайды Sputnik Қазақстан.

Тергеу материалдарына сәйкес, ер адам үйінде ішімдік ішіп отырғанда өзімен бірге тұратын әйелдің 2019 жылы желтоқсан айында таныс адамымен көзіне шөп салғаны есіне түскен. Қызғаныш сезімі билеп, әйелден өшін алуға ұмтылған.

"Ол жатын бөлмеге кіріп, әйелді бауыр тұсынан бір ұрады. Ол қатты соққыдан сылқ ете түседі. Бірақ ашуға булыққан ер адам онымен тоқтамаған, басынан және бетінен ұрғылай берген. Әйел есінен танып қалғаннан кейін есікті құлыптап, далаға шығып кеткен. Сол күні үйге келмеген", - дейді полицейлер.

Келесі күні қайтып келгенде үйдің іші тым-тырыс болған. Көңілдесі жатын бөлмеде сол күйі қозғалмай жатқанын көрген.

Полицейлер атап өткендей, ер адамның зәресі ұшып, қылмыстық жазадан құтылудың амалын іздей бастайды. Содан әйелді далаға сүйреп шығарып, мәйітін жерқоймаға тастап, қашып кетеді.

"Жәбірленуші жабық бас сүйек-ми жарақатын алған. Біршама уақыттан кейін миы ісініп кеткен", - делінген сот-медициналық сараптамада.

Оқи отырыңыз: Түркістанда әйелін пышақтап өлтірген прокурорға сот үкімі шықты 

Қаскүнем тағы бір қылмыс жасайды. Көрші келіншектің кетіп қалғанын пайдаланып, үйіне түскен. Сол жерден ыдыс-аяқ пен тосап ұрлаған.  

Сот оны Қылмыстық кодекстің екі бабы – денсаулыққа қасақана ауыр зиян келтіру және ұрлық бойынша жазаға тартып, 9 жылға бас бостандығынан айыруға шешім шығарды.

673
Кілт сөздер:
көңілдес, Атбасар
Тақырып бойынша
Күйеуін өлтіріп, анасының қабіріне көмген: елордалық әйелдің адам шошырлық қылмысы
Үйлену тойына ақша жетпеген: Шымкентте бай ерлі-зайыптыны өлтірген жігіт сотталды
Ер адам үйлену тойынан кейін әйелін жансақтау бөлімінен бір-ақ шығарды
16 рет пышақ сұққан: шымкенттік мұғалімді кім және не үшін өлтірді
базар, өрт, архив

Ақтауда базар өртенді видео

1534
(Жаңартылды 19:06 27.09.2020)
"Масат" базарындағы өртті сөндіруге төтенше жағдайлар департаментінің 68 қызметкері жұмылдырылды

НҰР-СҰЛТАН, 27 қыркүйек — Sputnik. Ақтауда таңертең "Масат" азық-түлік базарынан өрт шықты. Өрт сөндірушілер жалынды үш сағат ішінде сөндірді, деп хабарлады Қазақстанның төтенше жағдайлар министрлігінің баспасөз қызметі. 

Посмотреть эту публикацию в Instagram

Публикация от Mnews.kz (@mnewskz)

Маңғыстау облысының төтенше жағдайлар департаментіне өрт туралы хабар сағат 7.55-те түскен. 17 бутик, 14 контейнер, 60 сауда сөресі отқа оранған. Өрттің жалпы аумағы – 750 шаршы метр.

Өрт сағат 10.27-де толығымен сөндірілген. Қаза болғандар мен зардап шеккендер жоқ.

Тілсіз жауды ауыздықтауға төтенше жағдайлар департаментінің 68 қызметкері мен 13 техника жұмылдырылды.

Еске сала кетсек, осы базар 2017 жылдың бірінші қаңтарында өртенген болатын. Өрттің жалпы аумағы шамамен 1,5 мың шаршы метрге жеткен еді.

1534
Кілт сөздер:
өрт, видео

Бостандықтың белгісі: бүркітшілер құсты қалай аңға салу керектігін көрсетті видео

0
Алматы облысында Төле би ауылының маңында жаңадан "Қыран" ұлттық аңшылық этномәдени орталығы ашылды. Ол жерде қолөнер, аң аулау және ат үстінде жүріп садақ ату секілді қазақ дәстүрін үйретеді. Толығырақ Sputnik Қазақстан видеосынан көріңіз

Этномәдени орталықты қазақстандық "Қыран" ұлттық аңшылық федерациясы ашты, ол 1998 жылдан бері жұмыс істеп келеді. Орталықта тәжірибелі жаттықтырушылар жыртқыш құстармен аң аулағысы келетіндерді баулиды.

Орталықтағы ең жас құсбегі Ерсұлтан Жұмағұлдың айтуынша, оның отбасында бүркітті аңға салу – атадан балаға берілетін мұра. Он төрт жастағы құсбегі он жасынан бері әке жолымен жүріп келеді.

Жас бүркітшінің айтуынша, құс иесінің айтқанын екі етпей орындауы үшін онымен көп уақыт өткізу керек.

Ал 20 жылдан бері құсбегілікпен айналысатын Руслан Абылов құстарды жаттықтыру және аң аулау кезінде аспанда басқа құстардың, әсіресе көгершіндердің болмауын алдын ала біліп алу қажет дейді.

Жаттығу жұмыстары бүркіттің басынан жемді айналдырып, құстың дауысын салумен басталады. Жыртқыш құс иесінің дауысына қарай қозғалып, жоғары көтеріледі. Содан кейін жіптің екінші жағына байланған жемтікті алады.

Мұндай әдіс күніне бірнеше рет жасалады, ал жаттығулар күн сайын өткізіледі. Жаттығу аяқталған соң бүркітші құсқа сый ретінде балғын ет береді.

Орталық жаттықтырушыларының айтуынша, туристер Қазақстанның тарихына, мәдениеті мен дәстүріне қатты қызығады. Олар киіз үйде тұрып, ұлттық тағамдардың дәмін татып, жергілікті тұрғындардың бай мәдени мұрасымен танысуға құмар.

Толығырақ мына жерден оқуға болады.

0
Кілт сөздер:
бүркітші, видео