WhatsApp мессенджері

Оқушының WhatsApp арқылы жіберген хабарламасы полицияны аяққа тік тұрғызды

8909
Алматы полициясы теракт жасаймын деп қорқытқан он төрт жастағы жасөспірімді бір-екі сағаттың ішінде тапты

НҰР-СҰЛТАН, 8 сәуір – Sputnik. Алматы полициясы департаментінің қызметкерлері көппәтерлі үйді "жарып жібермек" болған оқушыны тапты, деп хабарлайды Sputnik Қазақстан.

Жасөспірім WhatsApp арқылы қала тұрғынының нөміріне теракт жасауға дайындалып жатқаны туралы хабарлама жіберген. Ол адам мұны шын екен деп қабылдап, бірден полицияға хабар береді.

"Ақпарат түскеннен кейін, қаланың шұғыл қызмет өкілдері осы мекенжайға аттанды. Саперлердің көмегімен ғимаратты тексеріп шықты. Жарылғыш пен басқа да күдік туғызатын заттар табылған жоқ. Ақпарат расталмады", - деді Алматы полиция департаменті басшысының орынбасары Берік Әбілбеков.

Жалған хабарлама таратқан адам бір-екі сағаттың ішінде анықталған. Ол 14 жастағы жасөспірім болып шықты, өзі де жарып жіберуге уәде еткен үйде тұрады.

Бұзақылық жасаған оқушы кінәсін мойындады.

"Бұл факті Қылмыстық кодекстің 273-і бабы "Террорлық акті туралы жалған хабарлама тарату" бойынша сотқа дейінгі тергеудің бірыңғай реестріне тіркелді. Қылмыстық іс бойынша өндірісті департаменттің тергеу басқармасы іске асырып жатыр",  - деді полковник Әбілбеков.

Тағы оқыңыз: Қазақстанда теракт дайындалды – ҰҚК

Бұл бап бойынша бес мың АЕК мөлшерінде (13 миллион 890 мың теңге)  айыппұл салу не сол мөлшерде түзеу жұмыстары немесе бес жылға дейін бас бостандығын шектеу не сол мерзімге бас бостандығынан айыру жазасы қарастырылған. Алайда бұзақының кәмелетке толмағанын ескерсек, оның қылмысы үшін жауапкершілікті ата-анасы көтереді.

8909
Кілт сөздер:
хабарлама, Алматы, оқушы, теракт
Тақырып бойынша
Түлкібас ауданында 6 ай бұрын жоғалған оқушының не істеп жүргені анықталды
Шу тудырған видео: оқушының анасы директормен болған жағдай туралы айтты
Оралда оқушының соңынан үйге кірген қаскөй күтпеген жағдайға тап болды - видео
Қазақстанда Наурыз мейрамы кезінде теракт жасамақ болған адам ұсталды – ҰҚК
Күллі әлемді күңіренткен трагедия: Беслан мектебіндегі теракт - жантүршігерлік видео
Ақтаулық оқушының әрекеті желі қолданушыларының жүрегін елжіретті – видео
Нұр-Сұлтанда теракт жасамақ болған ер адам ұсталды
Аурухана, архивтегі сурет

Блок бекеттегі апат: үшінші полицейдің жағдайы туралы ақпарат жарияланды

195
Жол апатына кінәлі азамат бұрын полицияда 6 жыл қызмет еткен. Бұл жайында қалалық полиция департаментінің басшысы Қанат Таймерденов мәлімдеген болатын

АЛМАТЫ, 26 мамыр – Sputnik. Алматы қоғамдық денсаулық басқармасы блок бекеттегі жол апатында зардап шеккен үшінші полицейдің жағдайы туралы айтты.

Полиция департаментінің есірткі бизнесіне қарсы іс-қимыл басқармасының аға жедел уәкілі Ербұлан Сейдазым жарақат алғаннан кейін №7 қалалық клиникалық аурухананың жансақтау бөліміне жеткізілді.

"Науқас аралас жарақат алған, бас сүйек-мидың жабық жарақаты, ауыр дәрежедегі бас миының соғылуы, желкеге пластиналы эпидуральды қан құйылуы, желке сүйегінің сынуы, сол жақ бет қаңқасының сынуы, бастың, беттің, белдің жұмсақ тіндерінің соғылуы диагнозы қойылды", - деді Алматы денсаулық басқармасында.

Хирургтардың консилиумынан кейін зардап шеккен азаматқа бас сүйегінің резекциялы трепанациясы жасалды, сондай-ақ бас сүйегінің жіті гематомасын алып тастады.

"Жағдайы ауыр. Бүгін миына томография жүргізілді. Науқас жасанды тыныс алу аппаратына қосылған", - деп атап өтті Алматы қоғамдық денсаулық басқармасы.

Реанимация бөлімінде қарқынды терапия жалғасып жатыр.

Алматыдағы блок бекетте болған трагедия

25 мамырда Көксай шағын ауданындағы Жаңа ғасыр мен Қожабеков көшелерінің қиылысындағы №4 блок бекетте BMW автокөлігінің жүргізушісі алдымен блок бекет қоршауына, содан кейін екі полицей отырған патрульдік көлікке соқтығысқан.

42 жастағы полицей Жарас Жанғазиев оқиға орнында қаза болды. Ал 26 жастағы екінші полицей Дастан Әбдіқанов ауруханада есін жимастан көз жұмды.

Ережеге бағынбаған азаматтың ішімдік ішкені расталды. Ол Алатау ауданының тұрғыны болып шықты. Оқиға салдарынан зардап шеккен тағы бір полиция қызметкері ауруханада ауыр халде жатыр.

Бұрын полицияда жұмыс істеген

Жол апатына кінәлі азамат бұрын полицияда 6 жыл қызмет еткен. Бұл жайында қалалық полиция департаментінің басшысы Қанат Таймерденов мәлімдеді. Айтуынша, кінәлінің ішкі істер органдарында қызметінен босатылуына өз міндетін дұрыс атқармағаны үшін төрт рет сөгіс алғаны себеп болған.

1994 жылы туған кінәлінің үстінен екі және одан да көп адамды өлтіру фактісі бойынша қылмыстық кодекстің 99-бабының 2-бөлігі бойынша сотқа дейінгі тергеу басталды (бұл бап бойынша 15 жылдан 20 жылға дейінгі мерзімге бас бостандығынан айыру не өмір бойына бас бостандығынан айыру жазасы тағайындалады).

Күдікті қамауға алынды.

195
Кілт сөздер:
денсаулық, полицей, бекет, Алматы
Тақырып бойынша
Марқұм полицейдің әйелі мас жүргізуші туралы: ол күйеуіммен бірге істеді  
Алматыда екі полицейдің өмірін қиған апаттың куәгері: жедел жәрдем кеш келді
Алматы тұрғыны блок бекетті бұзып өтпек болды: полицей көз жұмды
Алматы блок бекетіндегі апат: екінші полицей көз жұмды
Блок бекеттегі апат: үшінші полицей жансақтау бөлімінде жатыр
Сұрыптау паркіндегі жылжымалы құрам

Селфи жасаймын деп ауруханаға түсті: Шу қаласында болған оқиғаның мән-жайы

350
(Жаңартылды 16:16 26.05.2020)
Жәбірленуші жүк пойызының цистернасына шығып, суретке түспек болғанда жоғары кернеулі тоқ соққан

НҰР-СҰЛТАН, 26 мамыр – Sputnik. Жамбыл облысының Шу қаласында ер адам селфи жасау үшін вагон цистернасына шығып, қатты күйіп қалды. Бұл туралы көліктегі полиция департаментінің баспасөз қызметі хабарлады.

Жиырма жастағы жігіт электротермиялық күйікпен ауруханаға түсті.

Жәбірленуші 24 мамыр күні сағат 20.30-да жүк пойызының цистернасына шығып, суретке түспек болғанда жоғары кернеулі тоқ соққан.

"Оқиға салдарынан жігіттің денесі мен аяқ-қолдары I-II-III дәрежелі 50 проценттік электротермиялық күйік алды", – делінген баспасөз хабарламасында.

Қазіргі кезде осы оқиғаға байланысты тергеу амалдары жүргізілуде.

Көліктегі полиция департаментінің бастығы Оңал Бекиев жыл басынан бері теміржол желілеріндегі белгіленбеген жерден өткені үшін 9 569 азамат әкімшілік жауапкершілікке тартылғанын мәлімдеді.

Оқи отырыңыз: Ақтөбеде селфи жасамақ болған қыз ажал құшты

Теміржол көлігінің қатысуымен 44 жарақат алу оқиғасы тіркелген болса, оның жартысынан көбінде қайғылы жағдайға ұласқан.

350
Кілт сөздер:
вагон, күйік, электр желісі, теміржол
Тақырып бойынша
Шамалған маңында жолаушылар автобусы пойыз астына түсе жаздады
Фотодерек: Тоқаев пен ЕАЭО елдерінің басшылары Ереванда селфи жасады
Шамалған станциясындағы апат: әкімдік қаза болғандар туралы хабарлады
Өртенген көлігін сөндірмек болған ер адамды күйік шалды
Алматы аспанын сұр бұлт қаптады: тұрғындар күйік иісіне шағымданып жатыр
Дәрігер, архивтегі сурет

Ресейдің вирусология орталығы COVID-19-ға қарсы вакцинаны сынақтан өткізеді

0
Вакцинаны жаппай қолданбас бұрын ол зертханалық сынақтан сәтті өтуі қажет. Сонымен қатар өндірісте болып, дәрілік формада жасалуы тиіс

АЛМАТЫ, 26 мамыр – Sputnik. Роспотребнадзордың "Вектор" вирусология ғылыми орталығы маусымның соңында коронавирусқа қарсы вакцинаны клиникалық сынақтан өткізуді жоспарлап отыр. Бұл туралы "Известия" газетіне берген сұхбатында орталықтың бас директоры Ринат Максютов хабарлады, деп жазады РИА Новости

Оның айтуынша, осы уақытқа дейін жануарларға жасалған тест нәтижелерін алу жоспарланып отыр және денсаулық сақтау министрлігінің клиникалық зерттеулерге рұқсат беруін күтуде.

Максютовтың айтуынша, вакцинаны жаппай қолданбас бұрын ол зертханалық сынақтан сәтті өтуі қажет. Сонымен қатар өндірісте болып, дәрілік форма алуы керек.

Содан кейін клиникаға дейінгі және клиникалық зерттеулердің толық спектрі мен тіркеуден өтуі қажет. Бұған дейін Гамалея атындағы эпидемиология және микробиология ғылыми-зерттеу орталығының директоры Александр Гинцбург вакцинаны әзірлеумен айналысатын орталық қызметкерлері, сонымен қатар өзі де  вакцина салдырғанын хабарлады. Айтуынша, оларда инфекциядан қорғайтын антидене пайда болған.

Ресейде коронавирусқа қарсы вакцина жасау үшін Санкт-Петербург вакциналар мен сарысу ғылыми-зерттеу институтының ғалымдары да еңбек етіп жатыр. Препаратты әзірлеу барысында басқа елдерде де жұмыстар жүргізіліп жатыр.

Гинцбург ресейліктерді жаппай вакцинациялау күздің басында басталып, ол процестің алты айдан тоғыз айға дейін созылатынын хабарлады.

Жаңа коронавирус (COVID-19 тудыратын) алғаш рет желтоқсанның соңында Қытайдың Ухань қаласында анықталды. Наурыздың басында ДДҰ оны пандемия деп таныды. Ұйымның ақпараты бойынша, әлемде 5,3 миллион адам коронавирус инфекциясын жұқтырған, 343 мыңнан астам адам қайтыс болды.

Ресейде 353 427 адамнан COVID-19 табылды, оның ішінде 118 798 науқас сауығып шықты, 3 633 қайтыс болды.

0
Кілт сөздер:
Ресей, коронавирус
Тақырып бойынша
Қазақстанда карантин шараларының сақталуын бақылау күшейеді
Жұмысқа шыққандар арасында вирус жұқтырғандар көбеюде – министрлік
Бас санитар дәрігер блок бекеттердің қандай жағдайда алынатынын айтты
Бас санитар дәрігер вирус жұқтырғандар саны неге артып жатқанын түсіндірді
Қазақстан өңірлері вирус жұқтыру өсімі бойынша үш топқа бөлінді