Нұра өзеніндегі құтқарушылар

Елордалық жігіт Ақмола облысында суға батып кетті

446
13 мамыр күні бір топ жас Нұра өзеніне шомылуға барған, олардың бірін өзен ағысы ағызып алып кетті

НҰР-СҰЛТАН, 14 мамыр – Sputnik. Бір күн бұрын Нұра өзеніне батып кеткен 18 жастағы жігіттің денесі табылды, деп хабарлайды Sputnik Қазақстан.

13 мамыр Ақмола облысы Қорғалжын ауданының полиция бөліміне жас жігіттің Сабынды ауылынан 8 шақырымдағы Нұра өзеніне батып кеткені туралы ақпарат түсті. Төтенше жағдай бөлімінің қызметкерлері мен полицейлер бірден оқиға орнына аттанды.

Белгілі болғандай, бір топ жас – бес адам Сабынды ауылынан шомылуға шыққан. Жастар өзеннің шомылуға рұқсат етілмеген тұсында суға түскен.

"18 жастағы жігітті өзен ағысы ағызып алып кетті. ТЖ департаментінің сүңгуірлері кешеден бері іздеу жұмыстарын жүргізді. Іздеуге таңғы 7.30-да кіріскен, он төрт минуттан соң жігіттің мәйітін жағаға шығарды", - деді Ақмола облысы ТЖ департаментінің басщысы Алексей Советов.

Тағы оқыңыз: Нұр-Сұлтанда екі апта бұрын жоғалып кеткен әйелдің мәйіті табылды

Ер адамның денесі сот-медициналық сараптамаға жіберілді.

Полиция департаментінің ақпаратынша, марқұм Нұр-Сұлтанда тіркелген.

Облыстың бас құтқарушысы тұрғындардан шомылу кезінде қауіпсіздік шараларын сақтауды өтінді.

"Суға шомылуға әлі ерте. Ауа температурасы жоғары болғанмен, өзен суы әлі суық. Бұл қайғылы оқиғамен аяқталуы мүмкін: дене құрысып, жүрек тоқтап қалып жатады. Тыйым салынған жерлерде суға түспеңіздер", - деді ол.

Облыстың төтенше жағдай департаменті қала және аудан әкімдіктерімен бірге шомылуға рұқсат етілген орындарды ашу мәселесін пысықтап жатыр.

446
Кілт сөздер:
Ақмола облысы, Нұра өзені
Тақырып бойынша
Үйден әйел мен қыздарының мәйіті табылды: отағасы күдікке ілінді
Қазақстанда 61 адам суға батып кетті  
 Таиландта суға батып кеткен қазақстандық туристің мәйіті өртеледі
Атырау полициясы суға батып жатқан жасөспірімдер қалай құтқарылғанын көрсетті – видео
Ақтаудағы үйлердің бірінде ер адамның мәйіті табылды
Қарағанды облысында шомылып жүрген үш қыз суға батып кетті
Алматыда мас жүргізуші бақылау-өткізу бекетін бұзып өтпек болды

Алматы тұрғыны блок бекетті бұзып өтпек болды: полицей көз жұмды

362
Құқық қорғау органдарының мәліметінше, жол апатын жасаған жүргізуші мас болған. Сотқа дейінгі тергеу басталды

НҰР-СҰЛТАН, 25 мамыр – Sputnik. Алматыдағы блок бекеттердің бірінде жол апатынан полиция қызметкері көз жұмды, деп хабарлайды Polisia.kz.

Трагедия дүйсенбі таңертеңгі сағат 05:26-да Алматы облысы Қарасай ауданы Көксай ықшамауданында болды. Жаңа Ғасыр көшесімен қиылыста, Кожабекова көшесімен солтүстік бағытта келе жатқан "BMW" маркалы автокөліктің жүргізушісі, 1992 жылы туған А.есімді қала тұрғыны №4 бақылау-өткізу бекетіне соқтығысқан.

Оқи отырыңыз: Блок бекеттер әзірге алынбайды – денсаулық сақтау министрлігі   

Алдымен бетон қоршауға барып тиген, содан кейін инерциямен патрульдік көлікке соқтығысқан, оның салонында екі полиция қызметкері отырған. Өкінішке қарай, патрульдердің бірі, 42 жастағы Жалғас Жанғазиев алған жарақатынан жедел жәрдем келгенге дейін жан тапсырды. Оның әріптесі Дастан Абдықанов жақын жерде орналасқан ауруханаға өте ауыр жағдайда жеткізілді.

"BMW" жүргізушісі қамауға алынды. Бұл факті бойынша сотқа дейінгі тергеу басталды.  

362
Кілт сөздер:
жол апаты, полицей, Алматы
Тақырып бойынша
Нұр-Сұлтаннан шыға алатындар тізіміне тағы бір санат қосылды
СҚО-да карантинде кедергісіз жүру үшін полицей 1 миллион 300 мың пара алған
Нұр-Сұлтан айналасындағы блок бекеттер қашан алынады
Алматыдағы блок бекеттерге адамдардың не үшін жиналғаны белгілі болды 
Терминал, архивтегі фото

Талдықорғанда ер адам төлем терминалын ұрлап кетті видео

130
(Жаңартылды 15:02 22.05.2020)
Күдіктіден ұрланған терминал мен сол аппараттан шыққан ақшаның бір бөлігі – 200 жүз мың теңге тәркіленді

НҰР-СҰЛТАН, 22 мамыр – Sputnik. Талдықорғанда ер адам ойын-сауық орталықтарының бірінде тұрған төлем терминалын ұрлап кеткен. Қаскөй ішіндегі ақшаның бір бөлігін пайдасына жаратып үлгеріпті.

Талдықорған қаласының Шығыс қалалық полиция бөлімшесінің кезекші бөліміне төлем терминалының ұрланғаны туралы хабар 20 мамыр күні түскен, деп хабарлады Polisia.kz.

"Қылмыстың ізін суытпай Сарқан ауданының 31 жастағы тұрғынын ұстадық. Күдіктіден ұрланған терминал мен сол аппараттан шыққан ақшаның бір бөлігі – 200 жүз мың теңге тәркіленді. Күдікті ұрлық жасағанын толық мойындады. Терминалды жалғыз өзі далаға шығарып, таксиге тиеп алып, жалдамалы пәтеріне алып барған", – дейді қалалық полиция басқармасының басшысы Асқар Нұрсапа.

Қылмыскер такси жүргізушісіне терминалдың өз меншігі екенін және оны басқа жерге жеткізу керек болғанын айтқан.

Оқи отырыңыз: Алматы облысында қылмыстық топ құрықталды

"Жалдамалы пәтерде қолда бар құралдарын пайдаланып, терминалдың ақша салынған бөлігін сындырған. Ішінен шыққан ақшаның көп бөлігін қажетіне жұмсап үлгеріпті. Қалғанын біз тәркіледік", – деп жалғастырды басқарма басшысы.

Қолға түскен тұрғын 2012 жылы да қарақшылық жасағаны үшін сотты болған екен. ҚР ҚІЖК 128-бабына сәйкес уақытша ұстау изолияторына қамауға алынды. Енді ол бүлінген терминалды және одан ұрланған ақшаны өтеуі қажет.

130
Кілт сөздер:
видео, ұрлық, Талдықорған
Тақырып бойынша
40 минут ішінде 3 дүкенді тонаған: Қарағандыда әккі ұрылар іздестіріліп жатыр – видео
Ордабасы тұрғыны көшеде келе жатып, ұрланған көлігін танып қойды  
Белгісіз біреулер 13 миллион теңгені ұрлау үшін Нұр-Сұлтан тұрғынын аңдыған
Талдықорғанда екі жігіт аса қауіпті қылмыскерді ұстады
Ақтөбе тұрғыны ерекше тәсілмен ұрлық жасады
Архивтегі фото

Коронавирус инфекциясын бір тәулікте 209 адам жұқтырды  

5
(Жаңартылды 09:49 25.05.2020)
Ресми ақпарат бойынша өткен жексенбіде республикада COVID-19 коронавирусына шалдығу өсімі 2,5 процент болған

НҰР-СҰЛТАН, 25 мамыр – Sputnik. Қазақстанда коронавирус инфекциясын жұқтырғандардың жалпы саны 8531 адамға дейін артты, деп хабарлады мемлекеттік комиссияның шұғыл штабы.

Оқи отырыңыз: Ғалымдар коронавирус пандемиясы қашан аяқталатынын айтты 

Өткен тәулікте 209 адам коронавирус індетімен ауырғаны белгілі болды. Өсім 2,5% құрады.

Өңірлер бойынша:

  • Алматы қаласы – 37 (1,7%),
  • Қарағанды облысы – 33 (5,9%),
  • Жамбыл облысы – 33 (12,7%),
  • Нұр-Сұлтан қаласы – 32 (2,0%),
  • Батыс Қазақстан облысы – 28 (7,3%),
  • Атырау облысы – 12 (1,4%),
  • Павлодар облысы – 10 (5,6%),
  • Ақтөбе облысы – 6 (2,2%),
  • Қызылорда облысы – 6 (2,1%),
  • Алматы облысы – 4 (1,4%),
  • Шығыс Қазақстан облысы – 4 (6,5%),
  • Қостанай облысы – 2 (1,7%),
  • Ақмола облысы – 1 (0,7%),
  • Маңғыстау облысы – 1 (0,6%).

Жалпы ел бойынша ауырғандар саны – 8531. Індеттен 4352 адам сауығып шығып, 35 адам қайтыс болды. 

5
Кілт сөздер:
инфекция, коронавирус
Тақырып:
Коронавирус эпидемиясы
Тақырып бойынша
Жаңа қаулы: астаналықтарға карантинде не істеуге рұқсат етілді, ал неге тыйым салынды
Ақтөбеде COVID-19 жұқтырған науқас қайтыс болды
Астаналықтар әлемдік антирейтингте көш бастап тұр
Маңғыстау облысында 25 мамырдан бастап карантин режимі жеңілдетіледі
Қазақстанның мектептерінде соңғы қоңырау онлайн режимде өтеді