Өртеніп жатқан көлік

Өскеменде ер адам танысының көлігін өртеп жіберді видео

152
(Жаңартылды 16:17 21.05.2020)
Күдіктінің қылмысы дәлелденсе, ол 2 мың айлық есептік көрсеткіш шамасында айыппұл төлейді немесе екі жылға дейін бас бостандығынан айырылады

НҰР-СҰЛТАН, 21 мамыр – Sputnik. Өскемен қаласында ер адам таныс қыздың көлігіне бензин шашып, өртеп жіберген. Оқиға "Сергек" камерасына түсіп қалды, деп хабарлайды Sputnik Қазақстан қалалық полиция департаментіне сілтеме жасап.

Ресми мәліметке сәйкес, 33 жастағы ер адам Toyota Corolla көлігіне бензин шашқан. Одан кейін от қойып, қашып кеткен. Көліктің иесі – 28 жастағы қыз. Екеуі бір-бірін біледі.

"Ер адам тергеу абақтысына тоғытылды. Қылмыстық кодекстің 202-бабы (бөтеннің мүлкін қасақана жою немесе бүлдiру) бойынша сотқа дейінгі тергеу шаралары жүргізіліп жатыр", – дейді полицейлер.

Айта кетейік, заңда мұндай қылмыс үшін 2 000 АЕК (5 556 000 теңге – Sputnik Қазақстан) көлеміндегі айыппұл төлеу немесе екі жылға дейін бас бостандығынан айыру жазасы қарастырылған.

152
Кілт сөздер:
көлік, өрт, Өскемен
Тақырып бойынша
Елордада өрт сөндірушілер коронавируспен күресуге көшеге шықты – видео
Карантинге алынған аумақта өрт шықса не істеу керек?
Алматыда ірі өрт болды - видео
Мәскеу түбіндегі хоспистен өрт шығып, 10 адамның өмірін қиды
Рельстен шығып кеткен вагон, архивтегі сурет

Қостанай облысында 23 вагон рельстен шығып кетті: оқиғаның мән-жайы

7
(Жаңартылды 13:15 25.05.2020)
Қазіргі кезде апаттың себеп-салдарын анықтау мақсатында арнайы комиссия құрылып, оқиға орнында қалпына келтіру жұмыстары жүргізіліп жатыр

АЛМАТЫ, 25 мамыр – Sputnik. Қостанай облысындағы Құсмұрын – Тобыл теміржол учаскесінің Қазанбасы – Апановка өткелінде жүк пойызы рельстен шығып кетті, деп хабарлайды Sputnik Қазақстан.

Бұл учаскеде жылжымалы құрамның жылдамдығы сағатына 70 шақырымнан аспауы тиіс деп белгіленген. Машинист осы талапты сақтаған.

"Локомотив манометрі мәліметтері бойынша вагондар арасында ауа қысымының төмендеуіне байланысты Қазанбасы – Апановка теміржол өткелінде жүк пойызының машинисі шұғыл тежегішті пайдаланған. Соның салдарынан бірнеше вагон рельстен шығып кетті", – делінген "Қазақстан теміржолы" ұлттық компаниясының баспасөз хабарламасында.

Оқиға жексенбі, 24 мамырда сағат 14.40-те болған.

"Локомотив бригадасы жүргізген тексеріс нәтижесінде 23 вагонның рельстен шығып кеткені анықталды. Байланыс бағаналары мен теміржол төсемдері де зақымданған. Қазіргі кезде апат зардаптарын жою жұмыстары жүргізіліп жатыр", – деп мәлімдеді компанияның баспасөз қызметі.

Оқи отырыңыз: Пойыз апаты: сақтандыру өтемақысын қалай алуға болады?

Апаттың себеп-салдарын анықтау мақсатында "Қазақстан теміржолы" АҚ мен "Жүк тасымалы" АҚ жетекші мамандарының қатысуымен арнайы комиссия құрылды.

7
Кілт сөздер:
вагон, теміржол, Қостанай облысы
Тақырып бойынша
Анкарадағы ірі апат: жүрдек пойыз рельстен шығып кетті
Қарағанды ​​облысында боран кезінде жолаушылар пойызы рельстен шығып кетті
Шығыс Қазақстанда он екі вагон рельстен шығып кетті
Пойыз апаты: сақтандыру өтемақысын қалай алуға болады?
Пойыз апаты: министр автобуста қалып қойған әйелдің аты-жөнін жариялады  
 Архивтегі фото

Ақтөбе облысында ер адам өртеніп жатқан үйден жеті адамды құтқарды

10
(Жаңартылды 12:45 25.05.2020)
Өрт тұрғындар ұйықтап жатқанда, таңертең ерте шыққан. Көршілердің бір үйдегі адамдарды, оның ішінде жүкті әйел мен үш баланы өрттен аман алып қалды

НҰР-СҰЛТАН, 25 мамыр – Sputnik. Ақтөбе облысының Темір ауданындағы Шұбарқұдық ауылында ер адам өрттен жеті адамды алып шықты, деп хабарлады төтенше жағдайлар комитетінің баспасөз қызметі.

Оқиға 23 мамыр күні таңғы бесте болған.  

Көрші тұратын Медет Қалмұханов өртті байқап қалып, өрт сөндірушілер келгенге дейін терезені сындырып, үйге кірген. Ер адам жеті тұрғынға сыртқа шығуға көмектескен, олардың үшеуі бала, біреуі жүкті әйел.

Оқи отырыңыз: Үй отқа оранды - балаларды құтқарған астаналықтың аты-жөні айтылды 

"Қажет кезде қажет жерден табылғаныма өте қуаныштымын!", - дейді Медет.

Алғашқы өрт сөндіру бөлімдері оқиға орнына төрт минут ішінде жеткен. 100 шаршы метрден астам үйдің шатыры мен дәліз отқа оранды. Өрт сағат 05.04-те ошауланып, 05.56-да сөндірілді.  

10
Кілт сөздер:
Ақтөбе облысы, өрт
Тақырып бойынша
Алматыда ірі тұрғын үй кешені өртенді – видео
"Көршілер айқайлады": Алматылық әйелін құтқару үшін отқа оранған үйге кіріп кеткен
Елордада өрт сөндірушілер коронавируспен күресуге көшеге шықты – видео
Кореяда адамдарды өрттен құтқарған қазақстандыққа күтпеген ұсыныс жасалды
Нұр-Сұлтанда балаларды жанып жатқан көліктен құтқарған ер адам марапатталды
Сармат баллистикалық зымыранын сынақтан өткізу

Ресей зымыран әскерін не үшін күшейтіп жатыр?

0
"Сармат" зымыранға қарсы қорғаныс жүйесін айналып өте алады. Оның ұшу траекториясын алдын ала болжап отыру мүмкін емес

НҰР-СҰЛТАН, 25 мамыр – Sputnik. Ресейде "Сармат" атты жаңа құрлықаралық баллистикалық зымыранды сынақтан өткізу жұмыстары аяқталуға жақын. Вице-премьер Юрий Борисовтың айтуынша, COVID-19 пандемиясы дайындық шараларына ықпал еткен жоқ.

Ядролық қарумен пара-пар

Шахтаның ішінде орналасатын РС-28 "Сармат" зымыран кешені мемлекеттік бағдарлама аясында құрастырылған. Бұған дейін зымыранды ұшыруға дайындау шаралары сәтті атқарылды. Алдағы уақытта кешен қосымша блоктармен жасақталады. Соның ішінде гипердыбыстық жаңа блок та бар. Ал 2021 жылы оны стратегиялық мақсаттағы зымыран әскеріне тапсырады.

Бүгінде Домбаров зымыран дивизиясында "Авангард" атты гипердыбыстық кешен бар. Одан көбінесе бұрынғы "Сарматтарды" ұшыруға болады. Ал жаңа құрлықаралық баллистикалық зымыран әлем бойынша ең мықты Р-36М2 "Воевода" зымыранын (батыста оны "SS-18 Satana" деп атап кеткен – Sputnik) алмастырады деген жоспар бар.

"Сармат" зымыранға қарсы қорғаныс жүйесін айналып өте алады. Оның ұшу траекториясын алдын ала болжап отыру мүмкін емес. Жаңа зымыранның "Воеводадан" басты айырмашылығы сол, Ю-71 маркалы гипердыбыстық блоктардың арқасында жоғары дәлдігі артып отыр. Жылдамдығы – секундына 7 километр. Ондайда блоктың кинетикалық энергиясы ядролық қарумен пара-пар соққы жасайды, бірақ радиоактивті зақым болмайды. Себебі жаңа зымыран ядролық қару-жараққа жатпайды.

Бүгінде осы зымыранның сериялық өндірісі үшін кәсіпорындарды модернизациялау аяқталды. Жаңа кешен Краснояр өңірінде және Орынбор облысында орнатылады.               

Жаңа зымыранның сипаттамасы

Бүгінде жаңа құрлықаралық баллистикалық зымыраннан алыс ұшатын зымыран жоқ. Ол "Воеводадан" бір жарым есеге асып түсті. Ал ұшу қашықтығы 18 000 шақырымға дейін жетті.

Зымыранның толық салмағы – 208 тонна. Соның ішінде отынның көлемі – 178 тонна. Ұзындығы - 35,5 метр, ал диаметрі – 3 метр.

"Воевода" мен "Сарматтың" әскери қуаты бірдей, алайда жаңа зымыран Aegis, THAAD және тағы басқа қорғаныс жүйелерін айналып өте алады. Мәселен, зымыран аспанға көтерілгеннен кейін маневр жасайтын блоктың жылдамдығы секундына 7 километрге дейін артады. Ал 100 шақырым биіктікте қиын маневр жасайды да, қарсыластың зымыранға қарсы қорғаныс жүйесіне көрінбей кетеді. Жаңа зымыран 60 секундтың ішінде ұшыруға дайын болады. Онымен ғарыш аппараттарын да ұшыруға мүмкіндік бар. Осылайша, "Сарматқа" салынған қаржының біраз бөлігі қайтарылады деген жоспар бар.

Зымыран әскерін күшейтудің мақсаты қандай?

Бұған дейін АҚШ-тың CNBC арнасы барлау қоғамдастығына сілтеме жасай отырып, 60 дана "Сармат" туралы ақпарат таратқан болатын. Алайда Ресейдің қорғаныс министрлігі өз жоспарын өзгертуі мүмкін. Әзірше бұл – жаңа зымырандардың шекті көлемі. Бұның бәрі стратегиялық шабуылдаушы қару-жарақты шектеу және қысқарту туралы келесімшартта (СНВ-3) көрсетілген. Оған сәйкес, Ресейге 700 ұшыру қондырғысы мен 1 150 әскери блокты жасақтауға рұқсат бар.

Қазіргі кезде стратегиялық мақсаттағы зымыран әскері ядролық күштерге тиесілі қару-жарақтың шамамен 60 процентін ұстап отыр. 2024 жылға дейін оларда тек жаңа үлгідегі қару-жарақ қана қалады деген жоспар бар.

Стратегиялық мақсаттағы зымыран әскерін дамыту кезінде АҚШ-тың сыртқы саясаты ескеріледі. Соның ішінде Вашингтонның орта және қысқа қашықтыққа ұшатын зымырандарды жою келісімшартынан шығып кету шешімі де бар. Ондай зымырандар Еуропада Ресейге жақын жерде орнатылуы мүмкін. Мәселен, Польша мен Румынияда Пентагонның зымыранға қарсы кешендері құрылды. Ол жерде Мк-41 әмбебап ұшыру қондырғылары да бар. Соның негізінде "Стандарт-3" мен "Томагавк" зымырандарын ұшыруға болады. Ал Польша мен Румынияда тұрған ұшқышсыз аппараттарды ядролық оқ-дәрімен жабдықтауға әбден мүмкіндік бар.

"Красная звездаға" сұхбат берген стратегиялық мақсаттағы зымыран әскерінің қолбасшысы Сергей Каракаевтың айтуынша, орта қашықтыққа ұшатын зымырандар Ресейге қарсы қолданылса, кері соққы сол зымырандарды ұшырған мемлекеттерге ғана емес, АҚШ-қа жасалады.

Биыл зымыран әскері 200-ден астам оқу-жаттығуды өткізуді жоспарлап отыр. Соның ішінде құрлықаралық баллистикалық зымыранды алты рет ұшыру шарасы да бар. Оны Плесецк ғарыш айлағында жасайды.

Бүгінде стратегиялық мақсаттағы зымыран әскерінің құрамында үш зымыран армиясы мен 12 зымыран құрамы (соның ішінде шахталық ұшыру қондырғысы бар төрт дивизия мен көшпелі кешенмен жұмыс істейтін сегіз мобильді құрам) бар. Ал оларды әуе қорғанысына арналған С-300ПМ мен С-400 зениттік кешендер, сондай-ақ, "Мозырь" жүйесі қорғап тұр.

0
Кілт сөздер:
зымыран, Ресей
Тақырып бойынша
Сүңгуір қайықтар әскери-теңіз күштерінің әлеуетін арттырады
Келісімшарт жасала ма - елдер қандай мәселені талқылайды
Ресейде Су-57 ұшағын сынақтан өткізу аяқталды