Пышақ ұстаған ер адам, иллюстративті фото

"Бауырлары пышақтап кетті": Таразда жаппай төбелестен 8 сынып оқушысы ажал құшты

2029
(Жаңартылды 08:46 16.06.2020)
Марқұмның әкесі жаппай төбелеске 16 бала қатысқанымен, бір ғана жасөспірімнің күдікті ретінде ұсталғанына наразы

 НҰР-СҰЛТАН, 16 маусым – Sputnik. Таразда жаппай төбелестен 15 жастағы жасөспірім ажал құшты. Марқұмның туыстарының айтуынша, оған сегіз рет пышақ ұрылған. Біреуі кеуде тұсына тиіп, өкпесі мен жүрегін зақымдаған, деп хабарлайды ktk.kz арнасы.

Дәрігерлер көп қан жоғалтқан сегізінші сынып оқушысының өмірін сақтап қала алмады. Қайғыдан қан жұтқан отбасы енді кінәлілер жазадан құтылып кете ме деп қорқады. Өйткені бұл төбелеске қарсы жақтан 16 адам қатысқанымен, тек жалғыз адам кінәні мойынына алған.

Оралбек Кедебаевтің өмірі небәрі 15 жасында қиылды. Ол бір отбасындағы 6 баланың төртіншісі. Жеткіншек болашақта әйгілі спортшы болуды армандаған. Сол бала қиялы өзінің тәнімен бірге жер қойнына кетті. Бауыр еті – баласынан айырылған Бейсенбай Құтышев "ұлымды жабылып өлтірді" дейді. Кінәлілердің кешірім сұрауға да жарамағанын айтады.

"Адамың өліп, қаның қайнап жатқанда алдыңа келсе, атаңның құнын кешесің дейді ғой. Алдымызға келсе, кішкентай да болса ашуымыз басылып, кішкентай да болса, қайғымызға ортақтасқанда шеріміз тарқар еді. Бірақ ондай іс-әрекет көрмедім", - дейді марқұмның әкесі Бейсенбай Құтышев

Оралбек Кедебаев биыл сегізінші сыныпты аяқтаған. Оның құрдастары да төбелеске бірге барған. Ерегістің нақты неден туындағаны қазірше белгісіз. Бірақ түн жарымда мәселе шешуге бесеуі барып, 16 адамның қарсылығына тап болған. Арасында өздерінен бірнеше жас үлкендері де болыпты. Ал төбелеске қатысушылардың айтуынша, қарсыластары марқұмды пышақтаған соң қашып кеткен.

"Орал бауырларым пышақтап кетті деп айғайлап, осы жерге келіп құлады. Оны біз алып кеттік. Пышақтағандар қашып кетті", - дейді.

Қайтыс болған оқушыға сегіз рет пышақ ұрылған. Кеуде тұсына да тиіпті. Сол жарақаты ажалына себеп болса керек. Өйткені жүрегі мен өкпесіне зақым келген. Көп қан жоғалтқан жасөспірімді дәрігерлер құтқара алмады. Ал тәртіп сақшылары осы іске қатысты тек 16 жастағы бір күдіктінің ұсталғанын айтады.

"Қазір төбелеске қатысушылардың бәрі анықталып, жауап алынды. Аталған дерекпен Қылмыстық кодекстің 99-бабы, 2-бөлімімен сотқа дейінгі тергеу амалдары басталды", - деді Жамбыл облыстық полиция департаментінің баспасөз хатшысы Гүлсара Мұхтарқұлова.

Оқи отырыңыз: Нұр-Сұлтанда ер адам автокөліктерге пышақ ала жүгірді – видео

Қазіргі кезде күдікті ұсталып, Тараз қаласының уақытша ұстау изоляторына қамауға алынған.

Марқұмның әкесі Бейсенбай Құтышев жалғыз адамның жауапқа тартылғалы жатқанына наразы. Оның айтуынша, 16 бала түгелдей қамауға алынуы тиіс екенін айтады. Себебі, "барлығы кінәлі".

"Менің балам аралас жекпе-жекке қатысып жүрген. Ол бір балаға пышақтатпайды. Пышақтаған бір бала екен деген – ақылға қонымсыз. Бір бала түгілі, екі-үш балаға да балам пышақтатпайды. Ол жерде 16 бала бәрі пышақтап отыр ғой", - дейді ол.

Жаппай төбелесте Оралбектің 3 досы да жарақат алғанын айта кетейік. Мұрны сынған бір құрдасы ауруханада жатыр. Оның өміріне төнген қауіп жоқ. Ал қалғаны жеңіл жарақатпен құтылған.

2029
Кілт сөздер:
оқиға, Тараз
Тақырып бойынша
Жамбыл облысында имам көршісінің жүрегіне пышақ сұғып өлтірді
Полицейлер пышақ ала жүгірген жасөспірімдерді атып тастады – видео  
Алматы облысында пышақ ұстаған ер адам оқушы қыздарға тап берді
16 рет пышақ сұққан: шымкенттік мұғалімді кім және не үшін өлтірді
Пышақ жарақатын алып, бүкіл елді шулатқан шенеунік министрдің орынбасары болды
Иллюстративті фото

Ақтөбеде жанармай бекетінде кассир әйел қарулы қарақшыға қарсы тұрды видео

1938
(Жаңартылды 15:08 10.08.2020)
Күдікті кассирді пышақпен қорқытып, ақша талап еткен. Алайда ол ақшаны беруден бас тартып, қарсылық көрсеткен

АЛМАТЫ, 10 тамыз – Sputnik. Ақтөбе маңындағы жанар-жағармай құю бекетінің бірінде ер адам кассирді пышақпен қорқытып, ақша бопсалаған, деп хабарлады Polisia.kz порталы.

Оқиға 30 шілде күні түнгі сағат 03:00 шамасында болған.

"Күдікті кассирді пышақпен қорқытып, ақша талап еткен. Дүкен күзетшісі күдіктіге қарсы шықты. Алайда қарақшы күзетшіні итеріп, қашып кетті", - делінген ақпаратта.

Полиция қызметкерлері жедел іс-шаралар кешенін өткізіп, қылмыс жасалған ауданда орналасқан бейнебақылау камераларын қарады.

Нәтижесінде 22 жастағы күдікті бір тәулік ішінде анықталып, бірнеше күннен кейін ұсталды. Қылмыс құралы болған пышақ тәркіленді.

Оқи отырыңыз: Алматыда балалы әйелге шабуыл жасаған тонаушы қарсылыққа тап болды 

Аталған факті бойынша Қазақтан қылмыстық кодексінің 192-бабы "Қарақшылық" бойынша сотқа дейінгі тергеу амалдары жүргізіліп жатыр. Күдікті Ақтөбе қаласы полиция басқармасының уақытша ұстау изоляторына қамалды.

1938
Кілт сөздер:
видео, қарулы шабуыл, кассир
Тақырып бойынша
Мұржаға кептеліп қалған ұры полиция шақыруға мәжбүр болды
Талдықорғанда ұры жүргізушілерге үндеу жасады – видео  
Жиырма мың теңгеге бола баланы пышақтап кетті: күдікті ұсталды
Қостанай облысында шұжықтың көмегімен 12 миллион теңгенің ұрлығы ашылды
Павлодар облысында банкоматты жарып жіберген ұры ұсталды - видео
Алматы, көлік

Алматыда болған төтенше оқиғаның видеосы тарап кетті - мән-жайы айтылды

11084
(Жаңартылды 18:35 09.08.2020)
Желіде алматылық стадионда түсірілген видео жарияланды. Куәгерлердің бірі жүргізуші шенеуніктің немесе бизнесменнің ұлы екенін айтып отыр

НҰР-СҰЛТАН, 9 тамыз – Sputnik. Желіде Алматыда мас жүргізуші "Спартак" стадионына барып, көлікпен адамдарды баса жазбаған сәттің видеосы қызу талқыланып жатыр.  

Видео 24news_kz Instagram парақшасында жүктелген. Автор оқиға 8 тамыз күні болғанын жазған. 22 жастағы жігіт көлікпен футбол алаңының қоршауын бұзып, адамдарды қағып кете жаздады.

Посмотреть эту публикацию в Instagram

Публикация от НОВОСТИ КАЗАХСТАНА|21+🇰🇿 (@24news_kz)

Кадр сыртында бала мен ересек адамның даусы естіледі. 

"Бес жасар бала футбол қақпасының торынан шыға алмай, әрең дегенде аман қалған. Зардап шеккендер жоқ. Бастапқыда біз жүргізуші газ бен тежегішті шатастырып алды деп ойлаған едік. Көлік бір тоқтап, бір қозғалды. Жүргізуші терезені ашып: "Дәулет!" деп айқайлады (өзінің інісін іздеп жүрсе керек). Сол кезде ғана адамдар жүргізуші мас екенін түсініп, жан-жаққа қаша бастады. Кейбір адамдар трибунаға шығып кетті", - дейді оқиға куәгері.

Жазбада жүргізушінің туыстары таныстарына хабарласып, жазадан құтылуға көмектесіп жатқаны жазылған.

"Полиция жігітті Медеу аудандық полиция бөлімшесіне алып кетті.  "Порше", "Лексус" көліктерімен кісілер келіп жатты. Киімдерінен тойдан шыққаны көрініп тұр. Куәгерлердің бірі жүргізуші шенеуніктің немесе бизнесменнің ұлы екенін айтып отыр", - дейді автор.

Sputnik Қазақстан ресми ақпарат алу үшін Алматы қаласы полиция департаментіне хабарласты. Полиция ақпаратты нақтылайтынын жеткізді.

Тағы оқыңыз: Шымкентте түсірілген видео жұрттың жағасын ұстатты - полиция түсініктемесі

11084
Кілт сөздер:
желі, видео, Алматы
Тақырып бойынша
Үстел үстінде "тіріліп кеткен" ет жұрттың зәресін ұшырды – видео
Алматыда төрт қабатты ғимарат әп-сәтте күлге айналды – видео
Полиция басшысының туыстары халықтан кешірім сұрады – видео
Жылап тұрып көмек сұраған қостанайлық мұғалімнің бұрынғы күйеуі видео жариялады
Нұр-Сұлтан ауруханасында түсірілген видео жарияланды  
Кісен, архивтегі сурет

Ресей Қазақстанға ұйымдасқан топ құрған адамды тапсырды

0
Есірткі Қазақстанға поштамен жіберілген. Бизнесті ұйымдастырушы құжаттарды қолдан жасағаны белгілі болды

НҰР-СҰЛТАН, 10 тамыз - Sputnik. Ресей Қазақстанға есірткі контрабандасымен айналысатын трансұлттық ұйымдасқан топты құрған Қазақстан азаматы Стас Ларинды берді. Бұл туралы Ресейдің бас прокуратурасының баспасөз қызметі. 

Ол қылмыстық кодекстің 264-бабы 1-бөлігі (трансұлттық ұйымдасқан топты құру, жетекшілік ету)
286-бабы 4-бөлігі (есірткі және психотроптық заттар контрабандасы), 297-бабы 4-бөлігі (есірткі және психотроптық заттарды заңсыз сату және сақтау) және 385-баптың 2-бөлігі (жалған құжат қолдан жасау) бойынша айыпталып отыр.

Ларин 2016 жылы есірткі контрабандасымен айналысатын трансұлттық ұйымдасқан топ құрған. 2017 жылдың қазан айына дейін жетекшілік етті.

Ларин 2019 жылдың желтоқсанында Новосибирск  облысында ұсталды. Жуырда Стас Ларин арнайы конвоймен Қазақстанға жеткізілді.

0