Терезеден қарап тұрған қыз

Ер адамнан кейін әйел секірді: желіде Нұр-Сұлтанда болған оқиғаның видеосы тарады

7615
(Жаңартылды 12:24 22.06.2020)
31 жастағы ер адам мен 34 жастағы әйел бірге тұрған. Ал жүргізілген тексеріс нәтижесінде олардың пәтерінде ешкім болмағаны анықталды

НҰР-СҰЛТАН, 22 маусым – Sputnik. Жексенбі күні кешке Нұр-Сұлтандағы "Инфинити" тұрғын үй кешенінің сегізінші қабатынан ер адам мен әйел секіріп кетті, деп хабарлайды Sputnik Қазақстан.

Ер адам мен әйел көпқабатты тұрғын үйдің сегізінші қабатындағы терезеден секірген. Әлеуметтік желілерде тараған видеоны куәгерлер түсірген. 

Посмотреть эту публикацию в Instagram

Публикация от САМЫЕ СВЕЖИЕ НОВОСТИ АСТАНЫ 🇰🇿 (@astana_press)

Нұр-Сұлтан қаласының полиция департаментінің хабарлауынша, бұл оқиға туралы қоңырау кезекші бөлімге 18.45-те түскен.

"Қабанбай батыр даңғылының бойындағы тұрғын үйдің сегізінші қабатынан ер адамның құлағаны туралы хабар жеткен бойда төтенше жағдайлар қызметі дереу сол жерге аттанды. Арада 40 минуттай өткенде сол терезеден әйел де секірді. Екеуі де ауруханаға жеткізілді. 31 жастағы ер адам мен 34 жастағы әйелдің бірге тұрғаны анықталды. Оқиға кезінде олардың пәтерінде ешкім болған жоқ", - делінген хабарламада.

Осы оқиғаға байланысты Қылмыстық кодекстің 105-бабы бойынша сотқа дейінгі тергеу басталды. 

Ал Нұр-Сұлтан қаласының төтенше жағдайлар департаментінің баспасөз қызметі бұл оқиғаға екі техника мен жеке құрамның жеті қызметкері жұмылдырылғанын хабарлады.

Олар оқиға орнына жеткенде әйелдің сегізінші қабат терезесінен секіруге оқталып тұрғанын көреді. Құтқарушылар бірден төменге үрленген үлкен жастықшаны орнатқан. Мамандардың айтуынша, автосатыны терезеге жақындатуға аулада тұрған көліктер кедергі келтірген.

Оқи отырыңыз: "Мамамды шақырыңдар": Орал тұрғыны үйлену тойынан кейін бесінші қабаттан секірмек болды

Ал құтқарушылардың әрекетін көрген әйел ауланың келесі жақ бетіне өтіп, төменге секірген. Азаматтық қорғаныс қызметкерлерінің кәсіби тұрғыда жедел әрекет етуінің нәтижесінде әйел аман қалды.

"Оқиға туралы хабар жеткенге дейін жоғарғы қабаттан құлап, көптеген жарақат алған ер адам мен әйелді жедел жәрдем алып кетті. Ер адамның жағдайы ауыр, ал әйел дәрігерлердің бақылауында", - делінген хабарламада.

22 маусымда көпқабатты үйден секірген ер адамның көз жұмғаны белгілі болды. 

7615
Кілт сөздер:
видео, оқиға, Нұр-Сұлтан
Тақырып бойынша
Қыз көлге секірді, бірақ өзі ойлағандай болмады – видео
Жігіт парашютпен құздан секірді: бұл оның өміріндегі соңғы сәті болуы мүмкін - видео  
94 жастағы қария туған күнінде парашютпен секірді
Өскеменде анасы екі жасар сәбиін құтқарам деп өзенге секірді
"Қоршаудан секірді": астаналық оқушылардың ата-анасы мектептегі жағдайды көрсетті
Иллюстративті фото

Жамбыл облысында бір топ адам әкімді ұрып кетті

3370
(Жаңартылды 08:26 13.08.2020)
Бес-алты көлікке мінген жастар Қасқабұлақ ауылына баса-көктеп кіріп, үйлерді таспен атқылаған. Ал оларды тоқтатуға шыққан ауыл әкімі соққыға жығылған

НҰР-СҰЛТАН, 13 тамыз – Sputnik. Жамбыл облысындағы жаппай тәртіпсіздік кезінде ауыл әкімі таяқ жегені белгілі болды.

Еске сала кетейік, осыдан бірнеше күн бұрын Талас ауданына қарасты Қасқабұлақ ауылында бір топ адам түн жарымында төбелес шығарған еді. Осы оқиғадан кейін облыс әкімінің өзі елдімекенге арнайы барып, жұртты сабырға шақырды.

"Мұндай жағдай қайталанбауы керек. Онсыз болмайды. Бірінші – жауапкершілік, міндет, ол – ата-ананың міндеті. Қазақ "Ұяда не көрсең, ұшқанда соны ілесің" деп айтады. Барлық тәрбие ананың сүтімен келеді. Ең негізгі міндетіміз – өсіп келе жатқан жастарға дұрыс тәрбие беру", - деді Жамбыл облысының әкімі Бердібек Сапарбаев.

Бес-алты көлікке мінген жастар ауылға баса-көктеп кіріп, үйлерді таспен атқылыпты. Бес үй мен клубтың терзесі сынған. Ал оларды тоқтатуға ауыл әкімі шыққанымен, соққыға жығылып тынған. Абырой болғанда, жарақаты жеңіл. Өзге жапа шеккендер жоқ, деп хабарлады КТК.

Полицейлер елдің үрейін алған 14 адамды ізін суытпай ұстап, қамауға алды. Олардың неліктен мұндай қадамға барғаны тексеріліп жатыр.

Оқи отырыңыз: Соққыға жығылған Бурабайдың бұрынғы әкімі көз жұмды 

Қазір бұзақылық бабымен іс қозғалып, тергеу жүргізіліп жатыр. Ауылдағы ахуал қазір тұрақты.

"14 адам ұсталып, Талас аудандық полиция бөліміне жеткізілді. Аталған дерекке қатысты Қазақстан Қылмыстық кодексінің 293-бабы бойынша сотқа дейінгі тергеу басталды", - деп атап өтті Талас аудандық ПБ бастығы Тимур Жаңабаев.

3370
Кілт сөздер:
Жамбыл облысы, әкім
Тақырып бойынша
Көлігімен алып кетіп, өлгенше ұрған: Ақмола облысында экс-әкімге үкім шықты
Қордайдағы тәртіпсіздік: Сапарбаев тұрғындармен кездесу өткізді
Павлодар облысында әдептен озған әкім орынбасары жұмыстан қуылды
СҚО тасжолында КамАЗ бен Тойота соқтығысты

Солтүстік Қазақстанда жантүршігерлік жол апаты болды: жеңіл көлік жапырылып қалды  

527
Апат Челябі – Новосібір  тасжолында Пеньково ауылының маңында болды. Соққыдан кейін КамАЗ жол жиегіне ұшып түсті, ал шетелдік көлік металл үйіндісіне айналды

ПЕТРОПАВЛ, 12 тамыз – Sputnik. Солтүстік Қазақстан облысында екі адамның өмірін қиған жол апатына қатысты тергеу жүріп жатыр, деп хабарлады Sputnik Қазақстанға облыстық полиция департаментінің баспасөз қызметі.

Жол апаты Челябі – Новосібір автожолында Қызылжар ауданындағы Пеньково ауылының маңында болған.

"Мағжан Жұмабаев ауданының 62 жастағы тұрғыны Toyota Camry көлігімен қарсы жолаққа шығып кетіп, Булаево қаласының 56 жастағы тұрғыны жүргізіп келе жатқан КамАЗ автокөлігімен соқтығысқан. Жол апаты салдарынан Toyota Camry жүргізушісі мен оның 1957 жылы туған жолаушысы алған жарақатынан оқиға орнында көз жұмды. КамАЗ жүргізушісі зардап шеккен жоқ", - деп хабарлады полиция.

КамАЗ и Тойота столкнулись на трассе в СКО
© Photo : пресс-служба департамента полиции Северо-Казахстанской области
СҚО тасжолында "КамАЗ" бен "Тойота" соқтығысты

Солтүстік Қазақстан облысы полиция департаменті бастығының бірінші орынбасары полковник Қанат Айтбаевтың айтуынша, барлық қажетті сараптама тағайындалды.  

Осы жылдың жеті айында Солтүстік Қазақстан жолдарында 98 жол апаты болып, салдарынан 13 адам көз жұмып, 129 адам жарақат алды.

527
Кілт сөздер:
Солтүстік Қазақстан облысы, жол апаты
Тақырып бойынша
Ақтау – Жаңаөзен тасжолында бірнеше адам көз жұмды – видео
Атырау облысында болашағынан үміт күттірген үш боксшы қаза болды  
Қостанай облысында 7 жасар бала полициядан қашқан әкесінің көлігінде көз жұмды
Алматыда дрифт жасаған жүргізуші ірі апатқа себепкер болды
Архивтегі фото

Қостанайда жас қызға анайы ұсыныс жасаған ер адам іздестіріліп жатыр

0
(Жаңартылды 15:10 13.08.2020)
Қостанайлық ерлі-зайыпты бейтаныс ер адамның қызға жақындап барып, онымен сөйлесіп тұрғанын байқаған

АЛМАТЫ, 13 тамыз – Sputnik. Қостанайда полиция жас қызға тиіскен белгісіз ер адамды іздеп жатыр. Қала тұрғындары WhatsApp арқылы күдіктінің фотосын таратып, сақ болуды сұрады, деп хабарлады өңірлік "Алау" басылымы.

Басылымның хабарлауынша, қостанайлық ерлі-зайыпты бейтаныс ер адамның қызға жақындап барып, онымен сөйлесіп тұрғанын байқаған.   

"Оқиға қаланың дәл орталығында болды. Шамамен 13 жастағы қызбен сөйлескен ер адамды байқап қалдық. Сырт көзге әдеттегі жағдай сияқты көрінді, алайда әйелім бұл жерде шикілік бар екенін байқады. Жанына жақын барып тоқтадық, ер адамның қызға сұлу екенін айтып, өзін сүюін сұрағанын естідік. Мен бірден қыздың жанына барып, ер адам жайлы сұрадым. Қыз оны танымайтынын айтты. Сосын оны бірден қуып жібердім, - дейді оқиға куәгері болған ер адам.

Қостанай облысының полиция департаменті қазіргі уақытта барлық жеке құрам осы ер адамды іздестіріп жатқанын хабарлады.

"Полиция бұл адамды тауып, оқиғаның мән-жайын анықтау үшін шаралар қабылдап жатыр. Бағдар полиция жасағына жіберілді", - деп хабарлады Қостанай облысы полиция департаментінің баспасөз қызметі.

Оқи отырыңыз: Оралда оқушының соңынан үйге кірген қаскөй күтпеген жағдайға тап болды - видео

Құқық қорғаушылар облыс орталығының тұрғындарынан осындай оқиғаның куәгері болып жатса, бірден 102 нөміріне хабарласуын сұрады. 

0
Кілт сөздер:
педофил, Қостанай
Тақырып бойынша
Әкесі 13 жасар қызына тиіскен ер адамды жұрттың көзінше піштірді
Атырауда балаға қол жүгірткен ер адам ұсталды – видео
Алматы облысында қыз балаға қол жүгірткен жігіт табылды
Екібастұздағы лифтіде педофил қаршадай қызды зорламақ болды
Аялдамада қызға тиіскен жігіт ажал құшты