Көп қабатты үй

Алматыда ер адам 12-қабаттан секіріп кетті - оқиғаның мән-жайы

1158
(Жаңартылды 09:37 16.07.2020)
Қылмыскердің соңынан секірген полицейдің аяғы сынған. Алайда ол күдіктіні қолға түсіргені айтылып отыр

НҰР-СҰЛТАН, 16 шілде — Sputnik. Алматыда аса қауіпті қылмыскер қашуға тырысып, 12-қабаттағы терезеден секірді. Алайда оның әрекеті сәтсіз аяқталды, деп хабарлайды Polisia.kz.

Екібастұздан келген 1989 жылы туған Ш. есімді азамат, кәмелетке толмаған қызды зорлады және қарақшылық шабуыл жасады деген күдікпен ұсталды.

Қылмыс 11 шілдеде жеке сектордағы үйде жасалған. Түскі уақытта күдікті Покровская көшесіндегі үйлердің біріне кілтті таңдау ақылы кірді. Сол сәтте үйде екі бала болды: төрт жасар бала және оның 15 жасар әпкесі. Пышақпен қорқытып, қаскөй 17 мың долларды иемденіп, содан кейін қызды қорлады.

Аса ауыр қылмысты ашу үшін арнайы тергеу-жедел тобы құрылды. Криминалдық полиция бөлімінің қызметкерлері күдіктінің мекен-жайын анықтады. Ол Әл-Фараби даңғылындағы тұрғын үйлердің бірінің 12-қабатындағы пәтерде жасырынған. Ұстау барысында қашып кетуге тырысып, терезеден секірген.

" Ол төмендегі террасаға түсті. Артынан өз өмірін қауіпке тігіп, полицияның жедел уәкілі, полиция майоры Бақытжан Бәкіров секірді. Ол аяғының сынғанына қарамастан, күдіктінің қашып кетуіне мүмкіндік бермеді", – деді Түрксіб аудандық Полиция басқармасы жанындағы полиция бөлімінің бастығы Ерлан Аянбаев.

Қазіргі уақытта тергеу Қылмыстық кодекстің екі бабы бойынша жүргізілуде: қылмыстық кодекстің 192-бабы 4-бөлігі ("қарақшылық", 14 жылға дейін бас бостандығынан айырылуы мүмкін) және 120-бабы 4-бөлігі ("зорлау", 20 жылға дейін бас бостандығынан айырылуы мүмкін).

Күдікті уақытша ұстау изоляторына қамалды.

1158
Кілт сөздер:
қылмыс, полиция, ер адам, Алматы
Тақырып бойынша
Парамен ұсталған шенеунік өзенге секіріп кетті - видео
Нұр-Сұлтанда ер адам әйелінің көзінше 10-шы қабаттан секіріп кетті
Алматылық әйел 15-қабаттан секіріп кетті - полиция ақпарат берді
Шымкентте такси жүргізуші көлігінен секіріп түсіп, жолаушылардан қашып кетті
Енесінің қорлығына төзе алмаған келін көпірден секіріп кетті: оқиғаның мән-жайы
Төбелес, иллюстративті фото

"Екі қолын жұлып, көзін ағызып жіберген": Оралда сұмдық оқиғаға қатысты сот басталды

4
Осы іске қатысы бар деп айыпталып отырғандардың бірі – екі жыл бұрын шымкенттік бейтаныс қызға бүйрегін тегін берген азамат

НҰР-СҰЛТАН, 14 тамыз – Sputnik. Оралдағы жеке күзет агенттігінің қызметкерлері айықтырғышқа жеткізілген адамды қорлап өлтірген. Бұл туралы айтқан марқұмның туыстары кінәлілердің кейбірі бостандықта жүргенін айтады.

Күзетшілердің соты онлайн-форматта қайта жалғасты. Ал сот отырысына себепкер жаға ұстататын қанды оқиға былтыр желтоқсанда болған еді. Жаңажылдық корпоративтік кештен "көңілді" шыққан жігітті полиция наркологиялық диспансерге жеткізген, деп хабарлайды "Астана" арнасы.

Ол жабық мекемеде бүлік шығарған соң, көмекке шақыртылған күзетшілер жігітті өлімші етіп, тепкінің астына алады. Бейнебақылау камерасына түсіп қалған видеода бес жігіт бір адамға жабылып жатқаны анық көрінеді.

"Күзетшілер інімнің екі қолын қайырып, тепкінің астына алды. Жағын сындырып, көзін ағызып жіберген. Біз оны мәйітханаға барғанда танымай қиналдық. Сот кезінде күзет агенттігінің қызметкерлері лицензияны сатып алғандарын, жұмыс кезінде мас болғандарын мойындады", - дейді марқұмның туысы Бақыт Ахметова.

Ахметова інісінің жанталасып сыртқа қашып шыққанын айтады. Темір қоршаудан секіріп өте алмай жатқан жігітті қуғыншылар аяғынан ұстап, кері тартқан. Сол кезде, қолтықтарын қаңылтыр кесіп, өтіпті. Марқұм осыдан кейін қансырап өлді, дейді апасы. 

"Інімнің өліміне кінәлілердің бәрі жауапқа тартылуы тиіс. Бұл істе полицияның да айыбы бар. Олар, інімнің ақшасын тартып алып, өзін диспансерге тастап кетіпті. Інім сыртқа қашып шығып, жанармай құю бекетінен көмек сұрағанда да, ондағылар да қол ұшын бермеген. Кейін жедел жәрдемді шақырған кезде бәрі де кеш болды. Сот осы жәйттерді ескерсе екен", - дейді ол.

Айта кетейік, "адам өлтірді" деп айыпталғандардың бірі - осыдан екі жыл бұрын шымкенттік бейтаныс қызға бүйрегін тегін берген Абзал Әділов. Ол осы отадан кейін күзет агенттігіне жұмысқа орналасқан екен.

Оқи отырыңыз: Нұр-Сұлтандағы мемлекеттік мекемеде не үшін төбелес болды – видео

Ал марқұмның туыстары "айран ішкен құтылып, шелек жалаған тұтылды", дейді. Өйткені, жігітті соққыға жыққан 6 күзетшінің 2-уі ғана айыпталушы орындығында отырғанын айтады. Қалғандары "куәгер" ретінде көрсетілген.

4
Кілт сөздер:
оқиға, сот, Орал
Тақырып бойынша
Маска тағудан бас тартқан 22 жастағы алматылық қыз сот алдында жауап береді
Министрлік Қордайдағы жаппай төбелес қалай басталғанын айтып берді
Жұдырық ала жүгірді: Ақтаудағы төбелес видеоға түсіп қалды
Шымкентте жаппай төбелес кезінде ауыр жарақат алған жігіт қайтыс болды
Нұр-Сұлтанда жаппай төбелес видеоға түсіп қалды – полиция түсініктеме берді
Иллюстративті фото

Жамбыл облысында бір топ адам әкімді ұрып кетті

5098
(Жаңартылды 08:26 13.08.2020)
Бес-алты көлікке мінген жастар Қасқабұлақ ауылына баса-көктеп кіріп, үйлерді таспен атқылаған. Ал оларды тоқтатуға шыққан ауыл әкімі соққыға жығылған

НҰР-СҰЛТАН, 13 тамыз – Sputnik. Жамбыл облысындағы жаппай тәртіпсіздік кезінде ауыл әкімі таяқ жегені белгілі болды.

Еске сала кетейік, осыдан бірнеше күн бұрын Талас ауданына қарасты Қасқабұлақ ауылында бір топ адам түн жарымында төбелес шығарған еді. Осы оқиғадан кейін облыс әкімінің өзі елдімекенге арнайы барып, жұртты сабырға шақырды.

"Мұндай жағдай қайталанбауы керек. Онсыз болмайды. Бірінші – жауапкершілік, міндет, ол – ата-ананың міндеті. Қазақ "Ұяда не көрсең, ұшқанда соны ілесің" деп айтады. Барлық тәрбие ананың сүтімен келеді. Ең негізгі міндетіміз – өсіп келе жатқан жастарға дұрыс тәрбие беру", - деді Жамбыл облысының әкімі Бердібек Сапарбаев.

Бес-алты көлікке мінген жастар ауылға баса-көктеп кіріп, үйлерді таспен атқылыпты. Бес үй мен клубтың терзесі сынған. Ал оларды тоқтатуға ауыл әкімі шыққанымен, соққыға жығылып тынған. Абырой болғанда, жарақаты жеңіл. Өзге жапа шеккендер жоқ, деп хабарлады КТК.

Полицейлер елдің үрейін алған 14 адамды ізін суытпай ұстап, қамауға алды. Олардың неліктен мұндай қадамға барғаны тексеріліп жатыр.

Оқи отырыңыз: Соққыға жығылған Бурабайдың бұрынғы әкімі көз жұмды 

Қазір бұзақылық бабымен іс қозғалып, тергеу жүргізіліп жатыр. Ауылдағы ахуал қазір тұрақты.

"14 адам ұсталып, Талас аудандық полиция бөліміне жеткізілді. Аталған дерекке қатысты Қазақстан Қылмыстық кодексінің 293-бабы бойынша сотқа дейінгі тергеу басталды", - деп атап өтті Талас аудандық ПБ бастығы Тимур Жаңабаев.

5098
Кілт сөздер:
Жамбыл облысы, әкім
Тақырып бойынша
Көлігімен алып кетіп, өлгенше ұрған: Ақмола облысында экс-әкімге үкім шықты
Қордайдағы тәртіпсіздік: Сапарбаев тұрғындармен кездесу өткізді
Павлодар облысында әдептен озған әкім орынбасары жұмыстан қуылды