Орталық, архивтегі сурет

Қарағандыда түнгі клубта болған жағдай видеоға түсіп қалды

1665
(Жаңартылды 11:38 21.07.2020)
Карантин режимін бұзған жастар жедел штабтың мобильді тобымен бірге келіп, оқиғаны түсірген журналиске шабуылдаған

НҰР-СҰЛТАН, 21 шілде – Sputnik. Қарағандыда карантин кезінде жұмыс істеген түнгі клубқа келушілер полицейлердің талабына бағынбай, журналистің бейнекамерасын зақымдады. Төрт жігіт ұсақ бұзақылық жасады деп айыпталып, әкімшілік қамауға алынды.

Қазыбек би ауданында жүргізілген арнайы рейд кезінде мобильді топ өкілдері карантиндік тыйымды елемей, түнгі клубтың жұмыс істегенін анықтаған, деп хабарлайды Polisia.kz.

Бұл шараға мобильді топпен бірге "Сарыарқа" телерадио компаниясының қызметкерлері БАҚ өкілі ретінде қатысқан. 

Посмотреть эту публикацию в Instagram

Публикация от Life 09 (@life.09_)

"Аталған мекен-жайға мобильді топ келгенде 200-ге жуық адамның жиналғанын және олардың көпшілігінде медициналық бетперде болмағанын анықтады. Заңбұзушылардың бірі оператордың видеоға түсіру әрекетін жақтырмай, оның бейнекамерасына зақым келтірді",– делінген полиция департаментінің хабарламасында.

Полицейлер 21 жастағы жігітті оқиға орнында ұстап, арнайы бөлімге жеткізді. Оған қатысты Әкімшілік құқық бұзушылық кодексінің 667-бабы (құқық қорғау органы қызметкерінің талабына бағынбау) және 434-бабы (ұсақ бұзақылық) бойынша екі әкімшілік хаттама толтырылды.

Оқи отырыңыз: Карантин режимін бұзғандар үшін қандай жаза қарастырылған - министр жауабы

Аталған құқық бұзушылық негізінде Қарағанды ​​қаласының мамандандырылған әкімшілік сотының қаулысымен жас жігіт ұсақ бұзақылық және полицияның заңды талаптарын бұзғаны үшін он тәулікке қамалды. Сондай-ақ, полиция қызметкерлеріне қарсылық көрсеткені үшін түнгі клубта болған тағы үш жігіт бес күнге әкімшілік қамауға алынды.

1665
Кілт сөздер:
тыйым, карантин
Тақырып:
Төтенше жағдай және карантин (577)
Тақырып бойынша
Қарағандыда карантин кезінде жұмыс істеген клубта 70-ке жуық адам болған
Карантин жыл соңына дейін ұзарса, 42 500 теңге төлеу жалғаса ма – министр жауабы
Карантин аяқталғаннан кейін мектеп формасын кию қайта міндеттеле ме?
Қазақстанда тағы бір облыста карантин күшейтілді 
Тоқаев карантин режимі қашанға дейін жалғасатынын айтты
Бала, ойыншық

Алматыда полицейлер екі баланы түні бойы іздеді

34
Балалар дүйсенбі күні таңертең табылды. Олар түнді шағын дәмхананың қасында өткізгені белгілі болды. Екеуі де үйден кету себебін айтқысы келмеді

НҰР-СҰЛТАН, 3 тамыз – Sputnik. Алматыда 11 және 8 жастағы екі ағайынды үйден кетіп, қайта оралмаған. Балаларды 30 полицей мен 15 кинолог іздеді. Алты сағаттан кейін балалар аман-сау табылды.

Екі ағайындының жоғалып кеткені туралы хабарлама полицияға түнгі сағат 01:45-те түсті, деп хабарлайды Polisia.kz порталы.

Оқи отырыңыз: Түркістан облысында үш бала тауда адасып кетті, біреуі жардан құлаған 

Ата-анасы балалар үйден кетіп, қайтып оралмағанын айтқан, бірақ бұған дейін ондай әрекет жасамаған.  

Дереу криминалдық полиция қызметкерлері, учаскелік инспекторлар, ювеналды полиция өкілдері мен тергеу-жедел тобының қызметкерлерінен арнайы іздеу тобы құрылды. Сондай-ақ, балаларды іздеуге 15 кинолог тартылды.

"Ең алдымен, үйдің жанындағы аумақты, жақын жерде орналасқан жыра-сайды тексердік, көршілерден сұрастырдық. Қалай болғанда да, біз жақсы нәтижеге қол жеткізуді көздедік", - дейді Алатау ауданы полиция басқармасының бастығы Ілияс Өмірсеріков.  

Ол балалар сағат 07:35-те табылғанын атап өтті. Ағайындылар түнді шағын дәмхананың қасында өткізгені белгілі болды. Балалар бір-бірін мықтап ұстап алыпты. Олар үйден неліктен кеткенін айтқысы келмеген.

Полиция қызметкерлері олардың тұрмысын, отбасылық тәрбиені міндетті түрде тексеріп, ата-анасымен жұмыс істейтіндерін жеткізді. Олар балалар себепсіз үйден кетіп қалмайды деп есептейді.  

34
Кілт сөздер:
балалар, Алматы
Тақырып бойынша
Атырауда үйдің ауласынан 6 жасар қыздың денесі табылды
Түлкібас ауданында 6 ай бұрын жоғалған оқушының не істеп жүргені анықталды
Алматыда әкім іздеу салған оқушы табылды
Атырауда бір жарым жасар сәби жоғалып кетті
Ақмола облысында жоғалған жасөспірімнің 9 жыл бойы қайда жүргені белгілі болды
өрт

Шымкентте ірі кәсіпорыннан өрт шықты - видео

1553
Өрт аумағы шамамен 800 шаршы метр, тілсіз жауды сөндіруге 21 техника мен 89 қызметкер тартылды

НҰР-СҰЛТАН, 2 тамыз – Sputnik. Шымкентте ірі кәсіпорындардың біріндегі қоймадан өрт шықты.

Посмотреть эту публикацию в Instagram

Публикация от Шымкент 💞 Shymkent (@shymkent_city17)

Желіде оқиға орнында түсірілген видео тарады, одан ғимараттан шыққан қалың түтінді көруге болады.

Өңірлік Otyrar басылымының хабарлауынша, "Визит" зауытының аумағындағы қоймадан өрт шыққан. Оқиға орнына келген өрт сөндірушілер жалпы аумағы 2000 шаршы метр болатын қойманың өртеніп жатқанын анықтады.

Шымкент қаласы төтенше жағдайлар департаментінің мәліметіне сүйенсек, қоймада пластик бөтелкелерді әзірлегенде пайдаланылатын шикізат болған. Зауыт сусындар шығарады.

Өрт аумағы шамамен 800 шаршы метрге жеткен. Тілсіз жауды сөндіруге 21 техника мен 89 қызметкер тартылды.

1553
Кілт сөздер:
видео, Шымкент