Жылаған қыз

20 жылға сотталуы мүмкін: Қызылордада 29 жастағы жігіттің азғындық әрекеті әшкере болды

7917
Тоғыз жастағы бүлдіршін қыз сексуалдық сипаттағы қылмыстың құрбаны болды. Ал ұсталған жігіт өз кінәсін мойындады

АЛМАТЫ, 21 шілде – Sputnik. Қызылорда полициясы ауыр қылмыс жасады деген күдікке ілінген азаматты тұтқындады.

"Он алтыншы шілдеде белгісіз біреу тоғыз жастағы қызды зорлап, оқиға орнынан бой тасалаған", – деп хабарлады Қызылорда облысының полиция департаменті.

Құқық қорғау органы ұсынған деректерге сүйенсек, күдіктіні анықтау үшін полиция департаменті мен Қызылорда қалалық полиция басқармасының қызметкерлерінен жедел-тергеу тобы құрылған.

"Кешенді жедел-іздестіру шараларының нәтижесінде полицейлер күдіктіні анықтады. 26 жастағы Қызылорданың тұрғыны ұсталды және ол өз кінәсін толық мойындады", – делінген Қызылорда облысы полиция департаментінің хабарламасында.

Күдікті жас жігіт уақытша ұстау изоляторына қамалды.

Аталған іске қатысты Қылмыстық кодекстің 121-бабының 4-бөлімі (сексуалдық сипаттағы зорлық-зомбылық әрекеттері) бойынша сотқа дейінгі тергеу жүргізіліп жатыр. Күдіктінің кінәсі дәлелденсе, 20 жыл бас бостандығынан айырылуы мүмкін.

Оқи отырыңыз: "Өзімді тоқтата алмадым": павлодарлық педофил жантүршігерлік қылмысы туралы айтты

7917
Кілт сөздер:
Қызылорда облысы, күдікті, педофил
Тақырып бойынша
Шу ауданында педофил 3 жасар қызды зорлады: азғынды баланың әкесі қолға түсірді
Түркістанда кішкентай қызды зорламақ болған педофил ұсталды
Қазақстанда қанша педофил бар – министрлік цифрды атады
"Ақылымнан адастым": Рудныйда 7 жасар қызды зорлаған педофил қылмысы туралы айтты
Жамбыл облысында кішкентай қызға азғындық жасаған педофил ауыр жаза арқалады
Бала, ойыншық

Алматыда полицейлер екі баланы түні бойы іздеді

22
Балалар дүйсенбі күні таңертең табылды. Олар түнді шағын дәмхананың қасында өткізгені белгілі болды. Екеуі де үйден кету себебін айтқысы келмеді

НҰР-СҰЛТАН, 3 тамыз – Sputnik. Алматыда 11 және 8 жастағы екі ағайынды үйден кетіп, қайта оралмаған. Балаларды 30 полицей мен 15 кинолог іздеді. Алты сағаттан кейін балалар аман-сау табылды.

Екі ағайындының жоғалып кеткені туралы хабарлама полицияға түнгі сағат 01:45-те түсті, деп хабарлайды Polisia.kz порталы.

Оқи отырыңыз: Түркістан облысында үш бала тауда адасып кетті, біреуі жардан құлаған 

Ата-анасы балалар үйден кетіп, қайтып оралмағанын айтқан, бірақ бұған дейін ондай әрекет жасамаған.  

Дереу криминалдық полиция қызметкерлері, учаскелік инспекторлар, ювеналды полиция өкілдері мен тергеу-жедел тобының қызметкерлерінен арнайы іздеу тобы құрылды. Сондай-ақ, балаларды іздеуге 15 кинолог тартылды.

"Ең алдымен, үйдің жанындағы аумақты, жақын жерде орналасқан жыра-сайды тексердік, көршілерден сұрастырдық. Қалай болғанда да, біз жақсы нәтижеге қол жеткізуді көздедік", - дейді Алатау ауданы полиция басқармасының бастығы Ілияс Өмірсеріков.  

Ол балалар сағат 07:35-те табылғанын атап өтті. Ағайындылар түнді шағын дәмхананың қасында өткізгені белгілі болды. Балалар бір-бірін мықтап ұстап алыпты. Олар үйден неліктен кеткенін айтқысы келмеген.

Полиция қызметкерлері олардың тұрмысын, отбасылық тәрбиені міндетті түрде тексеріп, ата-анасымен жұмыс істейтіндерін жеткізді. Олар балалар себепсіз үйден кетіп қалмайды деп есептейді.  

22
Кілт сөздер:
балалар, Алматы
Тақырып бойынша
Атырауда үйдің ауласынан 6 жасар қыздың денесі табылды
Түлкібас ауданында 6 ай бұрын жоғалған оқушының не істеп жүргені анықталды
Алматыда әкім іздеу салған оқушы табылды
Атырауда бір жарым жасар сәби жоғалып кетті
Ақмола облысында жоғалған жасөспірімнің 9 жыл бойы қайда жүргені белгілі болды
өрт

Шымкентте ірі кәсіпорыннан өрт шықты - видео

1535
Өрт аумағы шамамен 800 шаршы метр, тілсіз жауды сөндіруге 21 техника мен 89 қызметкер тартылды

НҰР-СҰЛТАН, 2 тамыз – Sputnik. Шымкентте ірі кәсіпорындардың біріндегі қоймадан өрт шықты.

Посмотреть эту публикацию в Instagram

Публикация от Шымкент 💞 Shymkent (@shymkent_city17)

Желіде оқиға орнында түсірілген видео тарады, одан ғимараттан шыққан қалың түтінді көруге болады.

Өңірлік Otyrar басылымының хабарлауынша, "Визит" зауытының аумағындағы қоймадан өрт шыққан. Оқиға орнына келген өрт сөндірушілер жалпы аумағы 2000 шаршы метр болатын қойманың өртеніп жатқанын анықтады.

Шымкент қаласы төтенше жағдайлар департаментінің мәліметіне сүйенсек, қоймада пластик бөтелкелерді әзірлегенде пайдаланылатын шикізат болған. Зауыт сусындар шығарады.

Өрт аумағы шамамен 800 шаршы метрге жеткен. Тілсіз жауды сөндіруге 21 техника мен 89 қызметкер тартылды.

1535
Кілт сөздер:
видео, Шымкент