Көп қабатты үй

Тұрғындарды дүрліктірген алматылық ұсталды видео

3466
(Жаңартылды 19:04 11.08.2020)
Жәбірленушінің басы жарақаттанды. Ол №7 қалалық клиникалық ауруханаға жатқызылды, басының төрт жері тігілді

АЛМАТЫ, 10 тамыз – Sputnik. Алматыда ер адам әуеннің дыбысын ақырындатуды сұраған "Алмалы" тұрғын үй кешені тұрғындарына пневматикалық тапаншадан оқ атты.

Оқиға сегізінші тамызда тұрғын үй кешенінің жанында болды. Ер адам үй жанындағы тұраққа көлігін қойып, музыка қосқан. Даусының қатты болғаны соншалық, үй тұрғындарының көпшілігі ұйқысынан оянды. Олар тыныштық бұзған адамды видеоға түсіре бастаған. Видео Instagram желісінде пабликтердің бірінде жарияланды.

Посмотреть эту публикацию в Instagram

Публикация от ZHEST_KZ|21+😱🇰🇿 (@zhest_kazakhstan)

Видеода екі тұрғын ер адамның жанына барып, музыканы ақырындатуын сұрайды. Алайда мас ер адам шабуыл жасаған. Шабуылдаушы қолына тапаншасын алып, қарсыласының басынан бірнеше рет ұрған. Содан кейін арада төбелес шыққан. Алматылықтар тәртіп бұзушыны асфальтқа жатқызып, полиция қызметкерлері келгенше ұстап тұрды.

Жәбірленушінің басы жарақаттанды. Ол №7 қалалық клиникалық ауруханаға жатқызылды, басының төрт жері тігілді.

Тұрғындардың айтуынша, ер адам күн сайын тұрғын үй кешені жанына келіп жанжал шығарады, тұрғындардың мазасын алады.

Алматы полиция департаменті Sputnik Қазақстан тілшісіне аталған факті Қылмыстық кодекстің 293-бабы 2-бөлігі ("бұзақылық") бойынша сотқа дейінгі тергеудің бірыңғай тізіміне тіркелгенін хабарлады. Тергеуді Алатау аудандық полиция басқармасы жүргізіп жатыр.

"Осы қылмысты жасады деген күдікпен 1986 жылы туған азамат Б. ұсталды, одан пневматикалық тапанша тәркіленді. Қазір сотқа дейінгі тергеу жалғасып жатыр", - деді Алматы полиция департаменті.

Енді ұсталған адамға бес мың АЕК-ке дейін айыппұл салынады (шамамен 13,9 миллион теңге) немесе бес жылға дейін бас бостандығын шектеу немесе сол мерзімге бас бостандығынан айыру жазасы тағайындалуы мүмкін.

3466
Кілт сөздер:
видео, Алматы
Тақырып бойынша
Полиция Жамбыл облысында болған жағдайға қатысты түсініктеме берді 
Алматыда төрт қабатты ғимарат әп-сәтте күлге айналды – видео
Ақтөбеде жанармай бекетінде кассир әйел қарулы қарақшыға қарсы тұрды – видео
Қарағанды әкімі желіде шу тудырған жағдайға қатысты түсініктеме берді – видео
Ұлттық қауіпсіздік комитеті Жаңаөзенде ұстау операциясын өткізді – видео
Бетін жауып отырған ер адам, архивтегі сурет

Нұр-Сұлтанда көшеде есінен танып қалған ер адамды тонап кетті

92
(Жаңартылды 18:34 28.09.2020)
Тонаушылар көшенің қақ ортасында ер адамның ақшасын ғана емес, көзілдірігін, белбеуі мен оттығын да тартып әкеткен

НҰР-СҰЛТАН, 28 қыркүйек – Sputnik. Нұр-Сұлтанда көшеде есінен танып қалған 57 жастағы ер адамды тонап кетті, деп хабарлайды Polisia.kz порталы.

Жәбірленушінің айтуынша, ол Қарасай батыр көшесінен теміржол вокзалына қарай жаяу жүріп келе жатқан. Гараждардың маңына жеткенде, ер адам есінен танып қалған. Оған не себеп болғанын өзі де білмейді. Біраз уақыттан соң көзін ашса, қасында екі бейтаныс жігіт қалтасын ақтарып жатыр екен.

Күдіктілер есін жиған ер адамды ұра бастайды. Киімнің қалтасынан 30 мың теңгені алып, шалбарының белбеуін, көзілдірігі мен оттығын да тартып әкеткен.

Полицейлер адам тонады деген күдікпен екі ер адамды – қаланың 26 және 36 жастағы тұрғындарын "ізін суытпай"  ұстады.

Анықталғандай, олар бұған дейін де сотты болған және қылмыстық жауапкершілікке тартылған.

Тағы оқыңыз: Алматының қақ ортасында мәжіліс депутатын тонап кетті

Заттай айғақтар мен ақша тәркіленіп, иесіне қайтарылды.

Күдіктілер уақытша ұстау изоляторына қамалды. Бұл фактіге қатысты Қылмыстық кодекстің 191-бабы (Тонау) бойынша сотқа дейінгі тергеу жүріп жатыр.

Бұл бап бойынша мүлкi тәркiленiп немесе онсыз, 2 мың АЕК-ке дейiн айыппұл салу не сол мөлшерде түзеу жұмыстарына не бір мың сағатқа дейінгі мерзімге қоғамдық жұмыстарға тарту, немесе 4 жылға дейiн бас бостандығын шектеу не сол мерзiмге бас бостандығынан айыру жазасы қарастырылған.

92
Кілт сөздер:
тонаушылар, Нұр-Сұлтан
Тақырып бойынша
Қазақстандық жігіт Ресейде сатушыны тонап, оны жұбатып тұрған жерінен ұсталды
Алматыда қарулы қарақшы супермаркетті тонады
Өлтіремін деп қорқытқан: Қаскелеңде бақсыдан келе жатқан әйелді зорлап, тонап кетті
Ақтөбе тұрғыны қонаққа келіп, Kaspi қосымшасы арқылы үй иесін тонап кеткен
Иллюстративті фото

Былтырғы оқиға есіне түсіп кеткен: Көңілдесін ұрып өлтірген атбасарлық сотталды  

2342
(Жаңартылды 17:34 28.09.2020)
Ішімдік ішкен ер адам жатын бөлмеге кіріп, әйелді бауыр тұсынан бір ұрған. Ол қатты соққыдан сылқ ете түседі. Бірақ ашуға булыққан ер адам онымен тоқтамаған

НҰР-СҰЛТАН, 28 қыркүйек – Sputnik. Атбасарда көңілдесін ұрып өлтірген 35 жастағы ер адам 9 жылға бас бостандығынан айырылды, деп хабарлайды Sputnik Қазақстан.

Тергеу материалдарына сәйкес, ер адам үйінде ішімдік ішіп отырғанда өзімен бірге тұратын әйелдің 2019 жылы желтоқсан айында таныс адамымен көзіне шөп салғаны есіне түскен. Қызғаныш сезімі билеп, әйелден өшін алуға ұмтылған.

"Ол жатын бөлмеге кіріп, әйелді бауыр тұсынан бір ұрады. Ол қатты соққыдан сылқ ете түседі. Бірақ ашуға булыққан ер адам онымен тоқтамаған, басынан және бетінен ұрғылай берген. Әйел есінен танып қалғаннан кейін есікті құлыптап, далаға шығып кеткен. Сол күні үйге келмеген", - дейді полицейлер.

Келесі күні қайтып келгенде үйдің іші тым-тырыс болған. Көңілдесі жатын бөлмеде сол күйі қозғалмай жатқанын көрген.

Полицейлер атап өткендей, ер адамның зәресі ұшып, қылмыстық жазадан құтылудың амалын іздей бастайды. Содан әйелді далаға сүйреп шығарып, мәйітін жерқоймаға тастап, қашып кетеді.

"Жәбірленуші жабық бас сүйек-ми жарақатын алған. Біршама уақыттан кейін миы ісініп кеткен", - делінген сот-медициналық сараптамада.

Оқи отырыңыз: Түркістанда әйелін пышақтап өлтірген прокурорға сот үкімі шықты 

Қаскүнем тағы бір қылмыс жасайды. Көрші келіншектің кетіп қалғанын пайдаланып, үйіне түскен. Сол жерден ыдыс-аяқ пен тосап ұрлаған.  

Сот оны Қылмыстық кодекстің екі бабы – денсаулыққа қасақана ауыр зиян келтіру және ұрлық бойынша жазаға тартып, 9 жылға бас бостандығынан айыруға шешім шығарды.

2342
Кілт сөздер:
көңілдес, Атбасар
Тақырып бойынша
Күйеуін өлтіріп, анасының қабіріне көмген: елордалық әйелдің адам шошырлық қылмысы
Үйлену тойына ақша жетпеген: Шымкентте бай ерлі-зайыптыны өлтірген жігіт сотталды
Ер адам үйлену тойынан кейін әйелін жансақтау бөлімінен бір-ақ шығарды
16 рет пышақ сұққан: шымкенттік мұғалімді кім және не үшін өлтірді
Ребенок у окна, архивное фото

Шипажайда баланы сүлгімен ұрған тәрбиеші қылмыстық жазаға тартылмайтын болды

0
Ақтөбе қаласының Алматы аудандық полиция бөлімі жүргізген сотқа дейінгі тергеу екі жақтың татуласуымен аяқталды, қылмыстық іс тоқтатылды

АЛМАТЫ, 28 қыркүйек – Sputnik. Ақтөбеде баланы сүлгімен ұрған тәрбиешіге қатысты қылмыстық іс тоқтатылды, деп хабарлады өңірлік "Мой Город" басылымы.

2020 жылдың наурызында Ақтөбе облысындағы "Шағала" шипажайының 58 жастағы тәрбиешісі баланы сүлгімен ұрып-соққаны жария болған еді. Сол жердегі баланың бірі оқиғаны видеоға түсіріп алған, ал оны ата-анасы әлеуметтік желіде жариялады. Бұл шипажайда туберкулезбен ауыратын балалар оңалтудан өтеді.

Видеода балалардың еденде отырғанын, ал ақ халат киген әйелдің бір баланы сүлгімен ұрғанын көруге болады. Бала жыласа да, әйел оны бірнеше рет ұрған. Басқа балалар да "бізді аяқ киіммен де ұрады" дейді.  

Видео жарияланғаннан кейін шипажайға полиция мен прокуратура қызметкерлері барған. Аталған факті бойынша Қылмыстық кодекстің 140-бабы 2-бөлігі бойынша сотқа дейінгі тергеу басталып, сараптама тағайындалды.

Оқи отырыңыз: Алматы облысында балабақшадағы видеодан кейін тәрбиеші хабарсыз кетті 

Тергеу барысында тәрбиешінің 20 жылдық жұмыс өтілі бар екені белгілі болды. Оның айтуынша, бала тәрбиешіге тіл тигізген. Содан ашуланып, сүлгімен сабай бастаған.

Ақтөбе қаласының Алматы аудандық полиция бөлімі жүргізген сотқа дейінгі тергеу екі жақтың татуласуымен аяқталды, қылмыстық іс тоқтатылды.

Ал шипажайдың хабарлауынша, баланы ұрған тәрбиеші мен сол жерде әйелді тоқтатпаған екінші тәрбиеші Еңбек кодексінің 52-бабы 14-бөлігі бойынша жұмыстан босатылған.

0
Кілт сөздер:
қылмыстық іс, тәрбиеші
Тақырып бойынша
Түркістан облысы лагеріндегі шу: оқиғаның неден басталғаны белгілі болды
"Аюға намаз үйреткен таяқ": тәрбиеші әріп білмеген бүлдіршінді ұрып-соқты – видео
Студент тәрбиешінің балаларды ұрып жатқанын видеоға түсіріп алды
Атырауда тәрбиешінің бүлдіршінді сабап жатқан сәті видеоға түсіп қалды
Балабақшада балалар кішкентай қызды жабылып соққыға жықты – видео