Жағалауда жүрген балалар

Түркістан облысында 6 жасар бала өзен көпірінен құлап қайтыс болды

118
(Жаңартылды 18:36 24.08.2020)
Алты жасар баланың суға батып бара жатқанын көрген жасөспірім оны құтқару үшін суға секірген. Алайда, ағысқа қарсы тұра алмаған оны куәгерлер құтқарып қалды

НҰР-СҰЛТАН, 24 тамыз – Sputnik. Түркістан облысының Шардара ауданында құтқарушылар көпірден өзенге құлаған алты жасар баланың денесін бірнеше сағаттан кейін тапты.

Шымкент қаласының төтенше жағдайлар департаментінің кезекші бөліміне баланың суға батып кеткені туралы хабарлама 24 тамыз күні сағат 10:25-те түсті.

"Алдын-ала мәлімет бойынша, сағат 09:20-да мал жайып жүрген бала үш метр биіктіктегі қоршаусыз көпірден байқаусызда құлап, суға батып кеткен. Қызылқұм магистральды каналының бойындағы Сол жағалау ауылынан бір шақырым қашықтықта Шардара құтқару бекетінің бес құтқарушысы 2014 жылы туған баланың денесін іздеп, тапты", – делінген хабарламада.

Алты жасар бала көпірден құлағанда 2011 жылы туған досымен бірге болған. Бүлдіршіннің суға батып бара жатқанын көрген жасөспірім оны құтқару үшін суға секірген. Алайда, ағысқа қарсы тұра алмай, суға бата бастаған жасөспірімді куәгерлер құтқарып қалған. Қазіргі кезде ол ауруханаға жатқызылды. Дәрігерлер оның жағдайын орташа деп бағалауда.

Айта кетейік, каналдың ені – 50 метр, ал тереңдігі – 2,5 метр.

"Суға батып кеткен баланың денесін іздеуге облыстық төтенше жағдайлар департаменті мен аудандық полиция бөлімінің қызметкерлері және жергілікті тұрғындардан құралған 34 адам жұмылдырылды", – делінген хабарламада.

Оқи отырыңыз: Мектепке баратын оқушыларға маска мен қолғап кию міндетті ме – министрлік жауабы

Айта кетейік, өңірде шомылу маусымы басталғалы Шымкент қаласының құтқарушылары іздеу-құтқару жұмысына қатысты 34 сапар жасап, судан 28 адамның мәйітін тапты. Оның ішінде сегіз бала болса, бір бала дін-аман құтқарылды.

118
Кілт сөздер:
Шардара, шомылу маусымы, балалар
Тақырып бойынша
Балалар зорлық-зомбылығы үшін жазаны күшейту керек пе – президент кеңесшісі пікір білдірді
Қазақстандық балалар салған суреттен Мәскеуде Абай портреті құрастырылады
"Балалар ауырып жатыр": әкімдік желіде тараған ақпаратқа түсініктеме берді
Әйелдердің шомылу киімімен көзге түскен ақтаулық енді қысқа көйлек киіп шықты – видео
Суға салып, шомылу керек: дәрігер жалбыздың біз білмейтін пайдасы туралы айтты
Балалар коронавирустың жеңіл түріне шалдығатыны рас па – дәрігер жауап берді
Үрейде отырған қыз, иллюстративті фото

Ақтөбе облысында сыныптасын соққыға жыққан қыздардың видеосы желіде тарап кетті

288
(Жаңартылды 11:43 22.09.2020)
Қазіргі кезде кәмелетке толмағандар ісі жөніндегі инспекторлар ауданның оқу орындарында профилактикалық әңгіме жүргізуде

НҰР-СҰЛТАН, 22 қыркүйек – Sputnik. Ақтөбе облысында сыныптасын соққыға жыққан оқушы қыздардың видеосы желіде тарап кетті, деп хабарлайды Sputnik Қазақстан.

Видеода екі қыздың ұстасып тұрғанын көруге болады. Одан кейін монтаждалған нұсқасы жалғасады. Ол жерде бір қыз екіншісін шашынан сүйреп, ұрып жүр. Ал екінші видеода капюшон киген тағы бір қыз жерде жатқан қызды тізесімен басып отыр.

"Сонда қыздардың проблемасын ағаң шешіп бере ме? Ағасы қатты екен", – дейді сары капюшон киген қыз. Арғы жағында "түсіріп ал, түсіріп ал" деп жылаған адамның дауысы естіледі. 

Посмотреть эту публикацию в Instagram

Публикация от AKTOBE Zello - НОВОСТИ АКТОБЕ (@aktobe_zello_)

Бұл оқиға Ақтөбе облысының Темір ауданына қарасты Шұбарши кентінде болған. Аудандық полиция бөлімі кәмелетке толмағандардың өз сыныптасын ұрып-соғу фактісі бойынша тексеріс жүргізуде.

"Алдын ала мәліметтер бойынша 9-сыныптың үш оқушысы әдепсіз қарым-қатынасқа байланысты сыныптасын ұрып-соққан. Сөйтіп, болған оқиғаның бәрін ұялы телефонның камерасына түсірген", – дейді полицейлер.

Құқық қорғаушылардың айтуынша, қазіргі кезде кәмелетке толмағандар ісі жөніндегі инспекторлар ауданның оқу орындарында профилактикалық әңгіме жүргізіп жатыр.

Оқи отырыңыз: Оқушы мұғалімді сабақ үстінде соққыға жықты: оқиғаның мән-жайы

288
Кілт сөздер:
жасөспірімді соққыға жығу, жасөспірімдер
Тақырып бойынша
Нұр-Сұлтанда спортшы 4 жасар қызды соққыға жықты - видео
Соққыға жығылған Бурабайдың бұрынғы әкімі көз жұмды
Шымкентте автобус жүргізушісін соққыға жықты – полиция бұзақыны ұстады
Қордайдағы оқиға: ақсақалдың екі ұлын соққыға жыққандар ұсталды
Көкшетауда 3 әйел ер адамды жабылып соққыға жықты - оқиға немен аяқталды
Қолға салынған кісенді шешу

Екібастұздық блогер бала зорлады деген күдікпен қамалды видео

868
Екібастұз тұрғыны кәмелетке толмаған қызды зорлады деген күдікпен қамауға алынды, ол 17 жылға дейін бас бостандығынан айырылуы мүмкін

АЛМАТЫ, 21 қыркүйек – Sputnik. Екібастұздық блогер кәмелетке толмаған қызды зорлады деген күдікпен қамауға алынды, деп хабарлайды Sputnik Қазақстан.

"Қазақстан Республикасы Қылмыстық кодексінің 120-бабының 3-1 бөлігі (зорлау) бойынша сотқа дейінгі тергеу жүргізіліп жатыр. Аталған қылмысты жасады деген күдікпен 40 жастағы ер адам Екібастұздың уақытша ұстау изоляторына қамалды", - деп хабарлады Sputnik Қазақстан тілшісіне полиция департаментінің баспасөз қызметі.

Полиция тергеу құпиясын сақтау мақсатында басқа мәліметтерді хабарлаған жоқ. Сотқа дейінгі тергеу жүргізіліп жатқан бап бойынша 12 жылдан 17 жылға дейін бас бостандығынан айыру жазасы қарастырылған.

Сонымен қатар әлеуметтік желіде күдіктінің әпкесі бауырының қылмыс жасамағанын мәлімдеп, видео жариялады. Ол жерде әйел көпшіліктен көмек сұрайды. 

"Сараптама қыздың пәк екенін көрсетті. Екі сараптама жасалды", - дейді әйел видеода.

Оқи отырыңыз: Адам саудасы: полиция үш күн ішінде 50-ден астам қылмысты анықтады

Сондай-ақ, әйел полиция тарапынан қысым көрсетіліп жатқанын хабарлады. Блогердің әпкесі бауырының кәмелетке толмаған үш қызы бар екенінін, оның жақында ғана педофилді ұстағанын айтты.

868
Кілт сөздер:
Екібастұз, күдікті, педофил
Тақырып бойынша
Қарағандыда ерлі-зайыпты қызын зорлады: оқиға немен аяқталды
Трансгендерді зорлады деп айыпталған ҰҚК қызметкері сотталып жатыр
"6-сыныптан бастап зорлады": Түркістанда 14 жастағы қыз өгей әкесіне айып тақты
Оралда жасөспірімді зорлады деп айыпталған ер адам түрмеде отырмайтын болды
Үштөбеде оқушыны зорлады деген күдікке ілінген мұғалімдерге қатысты ақпарат жарияланды
Архивтегі фото

"Бомба түскендей шулап жатыр": әкімдік спортзалдағы оқиғаға қатысты түсініктеме берді

48
(Жаңартылды 15:57 22.09.2020)
Салынып жатқан спортзалдың бір блогында шатырдың кішкентай бір шеті құлап кеткен, дүрлігуге себеп жоқ, дейді Алматы облысы құрылыс басқармасы басшысының орынбасары

НҰР-СҰЛТАН, 22 қыркүйек – Sputnik. Алматы облысында дене шынықтыру кешенінің шатыры опырылып құлауына байланысты арнайы жұмыс тобы құрылып, мамандар апаттың себебін анықтауға кірісті, деп хабарлайды Sputnik Қазақстан тілшісі.

Алматы облысының әкімдігі таратқан мәліметке сәйкес, Ұйғыр ауданындағы Шоңжы ауылында дене шынықтыру – сауықтыру кешенінің үшінші блогы – спортзалдың шатырын жасағанда металл конструкция опырылып құлаған. Бұл блоктың жалпы ауданы 1058,4 шаршы метрді құрайды. Ал бірінші және екінші блоктарға зақым келмеген. 

"Зардап шеккен және қайтыс болған адамдар жоқ. Құрылыстың бас мердігері – "Лидер-НК" ЖШС. Нысанның құрылысы өткен жылы қараша айында басталды", - дейді әкімдік мамандары.

Қазіргі кезде облыс әкімі Амандық Баталовтың тапсырмасы бойынша арнайы жұмыс тобы құрылды. Оған әкімнің бірінші орынбасары Ләззат Тұрлашов басшылық етеді. Жұмыс тобының өкілдері апаттың себебін анықтау мақсатында оқиға орнына аттанды. Олардың арасында облыстық құрылыс басқармасы басшысының орынбасары Еркебұлан Усманбаев та бар. Оның айтуынша, дүрлігуге себеп жоқ. Өйткені шатыр құлаған нысан – дене шынықтыру кешенінің бір блогы ғана. Ал фотодан үлкен бір аймақ сияқты көрінеді.

Оқи отырыңыз: Кәсіпкер Нұр-Сұлтанның қымбат үйлерінің қорқынышты фотоларын жариялады   

"Қазір жұрт ядролық бомба түсіп кеткендей шулап жатыр. Шын мәнінде бір блокта шатырдың кішкентай бір шеті құлап кеткен. Ана бір жас бала фотоға түсіргенде дұрыс қырынан алмаған. Сөйтіп, суретті жан-жаққа таратып жіберген. Қазір комиссия қай жерден қате кеткенін анықтауға кірісті. Бір айдың ішінде белгілі болатын шығар. Біз де осында жүрміз", - деді Усманов Sputnik Қазақстан тілшісіне берген сұхбатында.       

Оның сөзіне қарағанда, дене шынықтыру кешені Шоңжы ауылының шетінде орналасқан. Құрылыстың екі блогы салынып тұр. Үшінші блоктың шатыры қалпына келтіріледі.

"Жоспар бойынша нысанды жыл соңына дейін тапсыру қажет. Болмаса, тағы бір айға созамыз. Ауыр жұмыс емес, жылдам аяқтайды", - деп түйіндеді Усманов.

Құрылыстың жалпы құны – 1,1 миллиард теңге. Ол жерде бір уақытта 180 спортшы жаттығу жасай алады.

48
Кілт сөздер:
бомба, шатыр, спорт зал
Тақырып бойынша
Оралда темекі тартуға шыққан тұрғындар балконмен бірге құлап кетті
Астанада кран құлап, 29 жастағы жігіт қаза тапты
Петропавлда жұмысшының үстіне құрылыс плитасы құлап кетті
Астана билігі "сақалды" құрылыстардағы крандарды алып тастауға кірісті
"Отырамыз ба тозып?" Қарағандыда құлап қалған үйдің тұрғындары шу көтерді