Иллюстративті фото

Алматыда бір отбасын ойрандаған сантехниктің кім екені белгілі болды

20561
(Жаңартылды 10:36 08.09.2020)
Жанжал салдарынан 32 жастағы әйел көз жұмды, тағы екі адам көптеген пышақ жарақатымен ауруханаға жатқызылды 

НҰР-СҰЛТАН, 8 қыркүйек – Sputnik. Алматыда үш адамды пышақтап тастаған сантехникке қатысты жаңа деректер шықты. Полиция оның бұрын да қылмыс жасап, сотталғанын анықтады. 

Куәгерлердің айтуынша, сантехник азамат сол күні пәтерге жөндеу жұмыстарын жүргізуге келген. Артынша үй иелерімен сөзге келіп қалған. Оқиға куәгері Оксана Феллер қанды оқиғаны көзімен көрген, деп хабарлады "Астана" арнасы.  

"Марқұм Инна сантехник азаматты ғаламтор арқылы тапты. Бір күн бұрын шақырып, алдын ала 250 мың теңге төлемін берді. Негізі араларында ақшаға бола ұрыс болды дегенмен келіспеймін. Керісінше қаскөй бұлардан ақша ұрламақ болған. Сондықтан бәрін пышақтап тастаған", - дейді Оксана Феллер.

Арадағы түсініспеушілік кезінде қаскөй 32 жастағы қызына пышақ сұққан. Денесін тіліп тастаған дейді кәугер. Оған көмекке ұмтылған анасы мен көршісін де жарақаттапты. Көршілерінің айтуынша, марқұм 12 жыл бойы жедел жәрдем қызметінде істеген. Қызын құтқармақ болған анасының да жағдайын дәрігерлер тым ауыр деп отыр. 35 жастағы көршісі де ауруханада жатыр.

Үйге сантехник шақыртқан: Алматыда жантүршігерлік қылмыс жасалды    

"Науқас реанимациялық бөлімде ем алып жатыр. Жалпы жағдайы ауыр", - дейді Алматы қалалық қоғамдық денсаулық басқармасының баспасөз қызметінің маманы Ақшолпан Жүсіпова.

Қалалық полиция департаменті, күдіктінің бұрын сотты болғанын айтып отыр. Тергеу кезінде ол өз кінәсін толық мойындаған.

"Қазіргі таңда Қылмыстық кодекстің 99-бабының 2-тармағы бойынша қылмыстық іс қозғалды. Азамат қамауға алынды. Бұрын бұл азамат мүлікке қатысты қылмыстар жасағаны үшін істі болған", - деп атап өтті Алматы қаласы полиция департаментінің ресми өкілі Салтанат Әзірбек.

Қазір "адам өлтіру" бабы бойынша тергеу жүріп жатыр. Ал мәйіт пен жарақат алған жандарға сот медициналық сараптамасы тағайындалған.

20561
Кілт сөздер:
қылмыс, Алматы
Тақырып бойынша
Алматы облысында ер адам жүргізушіні пышақтап, көлігін айдап әкетті
20 жылдан кейін ашылған қылмыс: үш адамды өлтірген жігіт сот залынан босатылды
Жамбыл облысында екі әйелді өлтірді деген күдікке ілінген малшы табылмай жатыр
Талғарлық жігіт өгей әкесін пышақтап тастады
Қарағандыда сырттан үйіне келген ер адам жантүршігерлік қылмыстың үстінен түскен
Қолға салынған кісенді шешу

Екібастұздық блогер бала зорлады деген күдікпен қамалды видео

721
Екібастұз тұрғыны кәмелетке толмаған қызды зорлады деген күдікпен қамауға алынды, ол 17 жылға дейін бас бостандығынан айырылуы мүмкін

АЛМАТЫ, 21 қыркүйек – Sputnik. Екібастұздық блогер кәмелетке толмаған қызды зорлады деген күдікпен қамауға алынды, деп хабарлайды Sputnik Қазақстан.

"Қазақстан Республикасы Қылмыстық кодексінің 120-бабының 3-1 бөлігі (зорлау) бойынша сотқа дейінгі тергеу жүргізіліп жатыр. Аталған қылмысты жасады деген күдікпен 40 жастағы ер адам Екібастұздың уақытша ұстау изоляторына қамалды", - деп хабарлады Sputnik Қазақстан тілшісіне полиция департаментінің баспасөз қызметі.

Полиция тергеу құпиясын сақтау мақсатында басқа мәліметтерді хабарлаған жоқ. Сотқа дейінгі тергеу жүргізіліп жатқан бап бойынша 12 жылдан 17 жылға дейін бас бостандығынан айыру жазасы қарастырылған.

Сонымен қатар әлеуметтік желіде күдіктінің әпкесі бауырының қылмыс жасамағанын мәлімдеп, видео жариялады. Ол жерде әйел көпшіліктен көмек сұрайды. 

"Сараптама қыздың пәк екенін көрсетті. Екі сараптама жасалды", - дейді әйел видеода.

Оқи отырыңыз: Адам саудасы: полиция үш күн ішінде 50-ден астам қылмысты анықтады

Сондай-ақ, әйел полиция тарапынан қысым көрсетіліп жатқанын хабарлады. Блогердің әпкесі бауырының кәмелетке толмаған үш қызы бар екенінін, оның жақында ғана педофилді ұстағанын айтты.

721
Кілт сөздер:
Екібастұз, күдікті, педофил
Тақырып бойынша
Қарағандыда ерлі-зайыпты қызын зорлады: оқиға немен аяқталды
Трансгендерді зорлады деп айыпталған ҰҚК қызметкері сотталып жатыр
"6-сыныптан бастап зорлады": Түркістанда 14 жастағы қыз өгей әкесіне айып тақты
Оралда жасөспірімді зорлады деп айыпталған ер адам түрмеде отырмайтын болды
Үштөбеде оқушыны зорлады деген күдікке ілінген мұғалімдерге қатысты ақпарат жарияланды
Медициналық жедел жәрдем қызметінің көлігі

Алматы іргесіндегі Фурманов шыңында бала биіктіктен құлап кетті

230
(Жаңартылды 09:20 21.09.2020)
Тау басында құлаған жасөспірім балаларға арналған жедел медициналық көмек көрсету орталығына жатқызылды

НҰР-СҰЛТАН, 21 қыркүйек – Sputnik. Фурманов шыңында тоғыз жасар бала жардан құлап жарақат алды, деп хабарлайды Алматы қаласының құтқару қызметі. 

Посмотреть эту публикацию в Instagram

Публикация от "Служба спасения г.Алматы" (@sluzhba_spaseniya__109)

Мекеменің кезекші бөліміне мұндай хабар 20 қыркүйек күні 13:36-да түскен. Оқиға орнына жедел-құтқару жасағының құтқарушылар бригадасы, сонымен қатар жедел жәрдем тобы және Медеу аудандық полиция бөлімінің жедел-тергеу тобы аттанған.

Құтқарушылар автокөлікпен жолдың ортасына дейін ғана бара алған. Одан әрі тау жолының тарылуына байланысты олар жаяу көтерілген.

"Оқиға орнына жеткен құтқарушылар балаға алғашқы медициналық көмек көрсетті. Жасөспірімнің оң қолында сынық жарақаты болуы мүмкін деген күмәнмен, оған медициналық қаптама кигізді", – делінген хабарламада.

Содан кейін құтқарушылар тобы зардап шегушіні жедел жәрдем көлігіне жеткізу үшін, таудан төмен түсірген.

Алайда, жедел жәрдем көлігінің қалаға қайтар жолы да түрлі кедергілерге тап болды.

Оқи отырыңыз: Түркістан облысында үш бала тауда адасып кетті, біреуі жардан құлаған

Атап айтқанда, белгісіз адамдар көлігін жолға ретсіз қойып кетуі салдарынан жедел жәрдем көлігінің біршама уақыт аялдауына тура келген.

Медициналық бригада мамандары жасөспірімді балаларға арналған жедел медициналық көмек көрсету орталығына жатқызды.

230
Кілт сөздер:
тау, Алматы, оқиға
Тақырып бойынша
"Қас қарайғанша тауда отырамын": қашықтан оқып жүрген студенттің әңгімесі
Жардан құлады: Қазақстанның оңтүстігіндегі қайғылы оқиғаға қатысты тың дерек шықты
Теміртауда балалар үйінен жасөспірім жоғалып кетті
Алматыда полицейлер екі баланы түні бойы іздеді
Қазақстанда кенеден сақтандырылуға болатынын білесіз бе?
Архивтегі фото

Қарағанды облысында ұрланған көлік өртеніп кетті

0
Полицияға ауылдан шығаберісте қатты жылдамдықпен жүрген көлік аударылып, өртеніп кеткені туралы хабарлама түскен

НҰР-СҰЛТАН, 21 қыркүйек – Sputnik. Қарағанды облысында біреудің көлігін айдап әкеткен азамат жол апатына ұшырады, деп хабарлады Polisia.kz.  

20 қыркүйек күні Қарағанды облысы Бұқар жырау аудандық полиция басқармасына 47 жастағы Қарағанды қаласының тұрғыны хабарласып, аудан орталығына туысының үйіне келгенде түнгі сағат 1.00 шамасында белгісіз біреу аулада тұрған автокөлігін айдап әкеткенін жеткізген.

Арада біршама уақыт өткенде полицияға ауылдан шығаберісте қатты жылдамдықпен жүрген көлік аударылып, өртеніп кеткені туралы хабарлама түскен. Оқиға орнына келген полиция қызметкерлері өртенген ұрланған көлік екенін анықтады.

Оқи отырыңыз: Ордабасы тұрғыны көшеде келе жатып, ұрланған көлігін танып қойды 

Куәгерлер көлік аударылғанда оның ішінен белгісіз азамат шығып, оқиға орнынан ізін суытқанын айтқан.

Автокөліктің қатты өртенгені сондай, қайта жөндеуге жарамсыз болған. Жәбірленушіге келтірілген шығын көлемі үш миллион теңгеден асқан.

Жедел іздестіру іс-шаралары барысында полиция қызметкерлері аталған іске қатысы бар деген күдікпен 28 жастағы ер адамды ұстап, оған қатысты Қазақстан Қылмыстық кодексінің 200-бабына сәйкес қылмыстық іс қозғады.

Қазіргі уақытта тергеу амалдары жүргізіліп жатыр.

0
Кілт сөздер:
ұрлық, көлік
Тақырып бойынша
Түркістанның екі тұрғыны ұрланған көлікпен жол апатына түсті
Денис Теннің өліміне күдікті өз өмірі туралы шындықты айтты
Алматыда 350-ге жуық көлік айнасын ұрлаушы ұсталды
Ұрланған ақшаға көлік алған: Шымкент тұрғынын өртеп жіберген қаскүнем ұсталды
Алматыда көлік айдап әкеткен қос ұры өлім аузынан қалды - фото
Жоғалған автокөлік нөмірін үйден шықпай-ақ қалпына келтіруге болады