Жамбыл облысында жоғалған 7 жасар баланы тікұшақпен іздеп жатыр

292
Қазір жоғалған баланы іздеуге 200-ге жуық адам жұмылдырылды, оның ішінде полицейлер, құтқарушылар мен кинологтар бар

АЛМАТЫ, 16 қыркүйек – Sputnik. Жамбыл облысында екі жүзге жуық адам жоғалып кеткен жеті жасар баланы іздеп жатыр.

15 қыркүйекте сағат 15:00 шамасында Мойынқұм ауданы Күшаман ауылында тұратын 2013 жылы туған бала үйден атқа мініп шығып кетіп, қайтып оралмады, деп хабарлады Жамбыл облысы төтенше жағдайлар департаментінің баспасөз қызметі.

Баланы іздеуге 200-ге жуық адам жұмылдырылды, оның арасында полиция, құтқарушылар және ерікті жергілікті тұрғындар бар.

Посмотреть эту публикацию в Instagram

Публикация от @zhambyl_police

Сонымен қатар іздестіру іс-шараларына төтенше жағдайлар министрлігінің "Қазавиақұтқару" тікұшағы жұмылдырылды. Тікұшақ құтқарушылар тобымен және авариялық-құтқару қызметінің кинологтарымен бірге іздеу аймағын әуеден тексеру үшін Жамбыл облысының Мойынқұм ауданына ұшып кетті.

Аудандық полиция бөлімінің мәліметінше, баланы жоғалып кеткен күні сағат кешкі алты шамасында жергілікті тұрғындар Күшаман ауылынан 30 шақырым жердегі Жасұлан ауылының маңынан көрген.

Баланың ерекше белгілері: арық, бойы 120 см, қара шашты. Үстіне сұр футболка киген, қызыл баскиімі бар, шолақ шалбар мен қара түсті спорттық аяқкиім киген.

Жамбыл облысының полиция департаменті жоғалған бала туралы ақпарат беру үшін 8 (7262) 2-49-02, 99-73-39, 8-775-376-66-93 телефондары және "102" нөміріне хабарласуды сұрады.

292
Кілт сөздер:
тікұшақ, бала, Жамбыл облысы
Тақырып бойынша
Ақмола облысында жоғалған жасөспірімнің 9 жыл бойы қайда жүргені белгілі болды
Алматы облысында сабаққа бара жатқан екі қыз жоғалып кетті – оқиғаның мән-жайы
Итпен серуендеуге кеткен: Ақтауда жасөспірім қыз жоғалып кетті
Түркияда қазақ қызы жұмбақ жағдайда жоғалып кетті
Алматыда 9 жасар бала із-түзсіз жоғалып кетті
Петропавл – Нұр-Сұлтан тас жолындағы жол апаты

Көкшетаулық танымал кәсіпкер Нұр-Сұлтанға барар жолда көз жұмды

288
(Жаңартылды 14:20 26.09.2020)
Автокөлікте бес адам болған, үшеуі апаттан қаза болды. Олар Көкшетау қаласынан елордаға қарай келе жатқан

НҰР-СҰЛТАН, 26 қыркүйек – Sputnik. Петропавл – Нұр-Сұлтан тас жолында жол апаты салдарынан үш адам көз жұмды. Олардың арасында көкшетаулық танымал кәсіпкер Владимир Свидерский болды, деп хабарлады Kokshetau.asia.

Свидерский жанармай құю бекеттері желісіне иелік еткен.

ДТП на трассе Нур-Султан- Петропавловск
Петропавл – Нұр-Сұлтан тас жолындағы жол апаты
Жол апаты Нұр-Сұлтан – Петропавл тас жолының 285-ші шақырымында болды. 1960 жылы туған Владимир Свидерскийдің Range Rover көлігімен бес адам Көкшетау қаласынан елордаға жол тартқан.

"Бізді басып озбақ болды": Өрт сөндіру көлігі аударылып, жүргізуші көз жұмды

716 порталының хабарлауынша, апат салдарынан Свидерский мен 55 жастағы жолаушы Олег Анисимов сол жерде қайтыс болған. Тағы бір жолаушы – 1963 жылы туған Валерий Бевзовой ауруханада жан тапсырды.

"Екі жолаушы түрлі жарақатпен Көкшетаудағы көпсалалы облыстық ауруханаға жеткізілді", - делінген хабарламада.

Қазір апаттың себебі анықталып жатыр.

 

 

288
Кілт сөздер:
жол апаты, кәсіпкер
Тақырып бойынша
"Орда" әншілерінің ата-анасы қаза болды: полиция жол апатының мән-жайын айтты
Алматыда Lexus жүргізушісі жаяу жүргіншілерді қағып кетті
"Сағынышымыз сейілді": Сәкен Майғазиев жүрек елжірететін видео жариялады
Танымал қазақстандық әнші жол апатына түсті – фото
Қазақстан әйелдер құрамасының бас бапкері қайтыс болды
Бала мен ойыншық

"Пышақпен қорқытып, видеоға түсірді": Жамбылда бала зорлығына қатысты іс дауға айналды

843
(Жаңартылды 09:29 24.09.2020)
Шағымданушы тараптың айтуынша, мектеп басшылығы ауызбастырық ұсынып, мәселені ушықтырмай, мәмілеге келуге шақырған

НҰР-СҰЛТАН, 24 қыркүйек – Sputnik. Жамбыл облысындағы Көгершін ауылының тұрғыны өзінің кішкентай перзентін жергілікті жеткіншектер жабылып зорлаған деп шағымданды. Анасының айтуынша, онымен қоймай жәбір көрсеткендер мұндай сорақылықты таспаға түсіріп, қорқытқан көрінеді.

Бұл жайында анасы келесі күні ауладағы басқа балалардан естіпті. Тек, содан кейін ғана ол ұлынан бәрін тәтпіштеп сұрап алған, деп хабарлайды КТК арнасы.  

"Балам "артқы жағымнан осылай істеді" дейді. Неге ол жаққа бардың десем, "балалар пышақпен қорқытты. Сөйтті де видеоға түсірді, осыдан айтсаң, сені пышақтап өлтіреміз" деп айтыпты", - дейді жәбірленушінің анасы.

Жеті баланың анасы перзентін өткір затпен қорқытты дегенге сенеді. Себебі, өзі талай рет видеодағы жеткіншектің ауладағы балаларға пышақпен құқай көрсеткенін байқапты. Қазір ол да күдіктілер тізімінде. Әзірге олардың ешбірі кінәсін мойындаған жоқ. Ал мектеп басшылығы істі жылы жабуға жанталасып жүргендей.

Шағымданушы тараптың айтуынша, ауызбастырық ұсынған мектеп директорының орынбасары екен. Директордың өзі де бұл мәселені ушықтырмай, мәмілеге келуге шақырыпты.

Жәбірленушінің анасына білім мекемесінің басшылығы "бәрібір сенікі дұрыс болмай шығады, сен ештеңе істей алмайсың, дәлелдеген күнде де, балаларға іс қозғай алмайсың" деген көрінеді.

Ал директор бұлай айтпадым, дейді. Оның сөзінше, бұл жағдай екі көршінің араздығынан туындаған.

"Аудандық медбикелер тексеріп көрді, ондай жәбірлену әрекеттері болмаған. Балалар жай ғана ойнаған. Екі ата-ана бір-бірімен ұрсысып қалған. Бір-біріне жасаған істері осындай дауға айналып жатыр. Қазір полицияға алты балаға қатысты арыз жазылған. Ал азғындық жасалды делінген ұлын анасы қалаға сараптамадан өткізуге алып барған", - дейді Ақтоған орта мектебінің директоры Орындық Рысқұлова.

Полиция департаменті бұл мәселеге қатысты барлық қажетті сараптама тағайындалғанын айтады.

"Қыркүйек айында Т.Рысқұлов ауданының тұрғыны көршісінің баласы тарапынан кәмелетке толмаған ұлына қатысты сексуалдық сипаттағы зорлық-зомбылық әрекет қолданылғаны туралы полицияға жүгінген. Аталған дерекке қатысты Қылмыстық кодекстің 121-бабы, 4-бөлігі бойынша сотқа дейінгі тергеу басталды", - дейді Жамбыл облыстық полиция департаментінің баспасөз хатшысы Гүлсара Мұхтарқұлова.

Оқи отырыңыз: Бала зорлық-зомбылыққа ұшыраса, қайда хабарласу керек – "111" нөмірі қайта іске қосылды

Көп балалы ана "ұлымды зорлап, таспаға түсіріп қорлағандарға кешірім жоқ" дейді. Сондықтан да кінәлілердің бала деп бетіне қарамай, қатаң жазаға тарту керек деп санайды. Алайда бұл істің ақ-қарасы сараптамадан кейін белгілі болады.

843
Кілт сөздер:
Жамбыл облысы, бала құқығы, оқиға
Тақырып бойынша
Зорлық жасады деген күдікті Нұр-Сұлтандағы аурухананың аумағынан қашып кетті
Түркістан облысының әкімі өңірде неге зорлық жиілеп кеткенін түсіндірді
Алматыда зорлық-зомбылыққа арандатты деген күдікпен екі адам ұсталды
Балалар зорлық-зомбылығы үшін жазаны күшейту керек пе – президент кеңесшісі пікір білдірді
Тараздағы зорлық: тағы бір шенеунік қызметінен кетті