"Бауыңды байлап, арқаңды ысады": Амалбек Тышанов кімге ренжіп жүр?

2710
(Жаңартылды 18:04 05.04.2019)
Амалбек Тышанов - тоқсаныншы жылдары саясатқа араласқан қайраткер. Бір кездері мектепте ұстаз болып қызмет еткен ол егемендік алғаннан кейінгі жылдары Қазақстанның құрылыс министрі, облыс әкімі, депутат қызметтерін атқарған. 76 жастағы Амалбек Тышанов қазір республикалық спорт колледжінің директоры

Sputnik Қазақстанның "Әңгімең жарасса" жобасына берген сұхбатында ол лауазымды қызметтен кейінгі өмірі мен бүгінгі қоғамды толғандырған өзекті мәселелер төңірегінде ой бөлісті. 

Қазір қазақ қоғамында сыртта жүріп ел арасына іріткі салушылар аз емес. Амалбек Қозыбақұлы олармен күресу үшін мықты идеология қажет екенін атап өтті.

"Ол ақпарат, әлбетте, жастардың санасын улауы мүмкін. Соған қарама-қарсы біздің ұлттық идеология көбірек жүруі керек", - дейді ол.

Бұдан өзге Амалбек Қозыбақұлы үлкен саясатқа оралу туралы сауалға жауап берді. Ел ағасы саясаттан әлі алыстамағанын және қоғамдағы үдерістерге байланысты жеке пікірі барын айтып өтті.

"Саясатқа кірген адам, одан шыға алмайды ғой. Әлбетте, әр азаматтың өзінің пікірі болады. Менің де бүгінгі болып жатқан жағдайға қатысты пікірім бар. Қазіргі жасалып жатқан іс-шараларға айтатын сөзім жеткілікті. Ол дегеніміз көшеге шығып алып, айқайлай беру емес қой. Егер кемшілік болса, кемшілік деп, жақсы нәрсені жақсы деп айту ол әрқайсысымыздың борышымыз", - дейді ол.

Кезінде депутат болған Амалбек Тышанов халық қалаулыларын сайлауға қатысты да пікірін ортаға салды.

"Депутаттарды қазір депутаттар сайлайды. Ол қалай депутат болғанын ешкім білмейді. Қазір депуттат болудың жолдары көп қой, оны мен біле бермеймін. Негізі халық сайласа, халықтың алдында жауапкершілігі болады. Осындай қызмет істеймін, осындай жұмыс жасаймын деп уәде беріп, ертең соны жасамай қойсаң, халықтың қалай көзіне қарайсың?".

Сонымен қатар, Амалбек Тышанов қазіргі қоғамдағы жоғары қызметте отырғанда ғана бағалап, құрметтейтін жағдайға өкініш білдірді.

"Шымкент қаласы әкімі қызметінен кеткен соң 4 ай, ал Жамбыл облысы әкімі қызметінен кейін бір жыл тоғыз ай жұмыссыз отырдым. Ешкімге керек емессің, ағайын да, дос та ұмытады ол кезде. Біз барлығымыз батырдың ұрпағымыз ғой, батырдан жақсы, таза, өз сөзіне берік ұрпақ дүниеге келмей ме? Ал, бізде қызметте болсаңыз, сіздің айналаңыздан бауыңызды байлатын адамдар да, арқаңызды ысатын адамдар да табылады. Сіз қалай қызметтен кеттіңіз, сізді танымайды", - деп қынжылды бұрынғы шенеунік.

"Сізбен қазір әкімдер кеңесіп тұра ма?" деген сауалға Амалбек Тышанов кеңеспек түгілі, өзінің бастамаларын орнына келгендердің құртып жойғанын айтып ренжіді.

Бұдан бөлек, Амалбек Тышановтың Жамбыл облысы әкімі болған кездегі батыл шешімдері сөз болды. Оның бірі қалаға тарихи атауын қайтару еді. Жамбыл Жабаев Елбасының атасы болғанына қарамастан, қаланың атауын өзгерту идеясын Нұрсұлтан Назарбаевтың бірден қолдағанын айтады.

"Тарихқа қатысы бар азаматтарды зерттеуге жібердім, тарихи деректерді жинағаннан кейін  барып, мен Елбасыға хат дайындадым. Бірақ маған "Жамбыл атамыз Елбасының атасы, ол кісі ренжіп жүрмей ме" деген сияқты әңгімелер айтылды. Бірақ мен қағазды алып барған кезде, Нұрсұлтан Әбішұлы тарихты терең білетін адам ретінде "Өте дұрыс, Тараз бен Жаркент қазақтың ең бірінші картасына түскен көне қалалар. Барлық құжатын дайында" деді. Тұңғыш рет Елбасы кабинетінде емес, Қарахан кесенесі қасына шатыр тігіп, далада отырып бірінші рет жарлыққа қол қойды. Меніңше, жарлыққа далада отырып қол қою бірінші және соңғысы болуы керек", - деп еске алды ол.

Бұдан бөлек, Тышанов елдегі білім жүйесіндегі реформаларға қатысты ойын жеткізді. Республикалық спорт колледжінің директоры ретінде ол жас спортшыларға мемлекет тарапынан жеткілікті деңгейде көңіл бөлінбей отырғанын айтты.

Сұхбат соңында бір кездері жалғыз ұлынан айырылған сәттегі жан күйзелісін айтты.

Амалбек Тышановпен сұхбаттың толық нұсқасын видеодан көре аласыздар.

Материалды редакцияның рұқсатынсыз көшіріп басуға болмайды!

2710
Кілт сөздер:
сұхбат
Тақырып бойынша
"Шаханов намысыма тиді" Танымал адамдар кімге ренжіп жүргенін ашып айтты  
Мұхтар Шаханов: Наурыз мейрамына басқа көзбен, басқа ниетпен қарайтын уақыт жетті
Балғынбек Имашев: "Жүрсіннің жүйрігі" болсақ та, жекеменшік ақыны емеспіз
Айдар Тұрғамбек

Айдар Тұрғамбек жағымды жаңалығын бөлісті

4154
(Жаңартылды 15:20 30.07.2020)
Әнші халыққа сапалы ән тыңдауға мүмкіндік беретін жаңалығымен бөлісті. Мұның арқасында өнер адамының да еңбегі бағаланады, дейді ол

АЛМАТЫ, 29 шілде – Sputnik, Айгерім Таубай. "Жігіттер" тобының әншісі Айдар Тұрғамбек қазақ әндері жүктелетін сайт туралы қуанышты хабарым Sputnik Қазақстан тілшісімен бөлісті. Карантин кезінде әншінің өзі де екі ән жазған.

"Карантин уақытында шығармашылықпен айналыстым. Енді бірнеше күннен кейін сайт та іске қосылады. 2002-2003 жылдары қазақ эстрадасында әндер кассета күйінде сатылатын, яғни өнер, шығармашылық бағаланатын. Қазір интернет арқылы әнді жазып алу тегін болып кетті", - дейді әнші.

Айтуынша, мұндай сайт ашуды ұзақ уақыттан бері ойланып жүрген. Себебі кей ән өзіне жұмсалған ақшаны ақтамайды.

"Той мен концерт өткізуге қашан рұқсат берілетіні белгісіз. Сол себепті біздің өнім сайт арқылы сатылуы керек. Соған сәйкес, қазақ эстрадасында сапалы әндер шығатын болады. Тойдың әндері, сапасыз әндер болмайды. Халық та сапалы ән тыңдайды, өнер адамының да еңбегі бағаланады", - дейді Тұрғамбек.

Әнші сұхбат барысында жас өнерпаздардың эстрадаға қандай мақсатпен келетіні жайлы айтып берді. Айтуынша, жас әншілердің үлкен қателігі – бір ән жазып танымал болуды ойлау.

"Қазір көп адам тойдың әнін жазып, тойға шығып қаржы табамын деп өнерге келеді. Ондай адамдар ұзаққа бармайды. Өнерге ақша үшін келуге болмайды. Біз өнерді университетте оқыдық, магистратураны да бітірдік. "Жігіттер" тобы құрылған кезде қаншама қиындық болды, түрлі байқауға қатыстық. Жетістікке жету үшін тер төгілді. Біз басында ақшаны ойлаған жоқпыз, ән айтқымыз келді", - деп еске алды әнші.

Айдар Тұрғамбек
© Photo : Айдар Тұрғамбектің жеке архивінен алынды
"Тойдың әндері, сапасыз әндер болмайды"

Ол өнер адамы халыққа қандай пайдалы ән сыйлаймын деп келу керек дейді. Алайда біздің қоғамда тойсыз да болмайтынын атап өтті. Тойда айтылатын ән де қажет, бірақ мақсат той болып кетпегені жақсы. Өнерге хобби ретінде қарау керек, негізгі табыс басқа жерден түсіп отырғаны жөн, дейді ол.

Әр адамның жеке қоры болуы керек

"Концерт пен тойдың ертерек басталғанын қалаймыз. Халықпен жүздескіміз келеді, концертке барып, өнер көрсеткіміз келеді. Алайда концерт пен тойдан бөлек қаржы түсіп тұратын жұмыстарым бар", - дейді әнші.

Ол әр отбасының табысы мен шығыны әртүрлі екенін де айтты. Кез келген жағдайға дайын болып, бір-екі жылға жететіндей қаржы қоры болғаны дұрыс, дейді ол.

"Карантин кезінде табысым әдеттегіден айтарлықтай азайды, бірақ білімге инвестиция құйып, қаржылық сауаттылық жағынан дамыдым. Қандай кәсіппен айналысу керек екені жайында көп оқыдым. Карантиннің арқасында отбасымның жанында көбірек уақыт өткізіп, балалардың қалай өсіп жатқанын көріп жатырмын", - дейді Тұрғамбек.

Әншінің арманы

Сұхбат барысында әнші той жасау мәселесі мен бағасына да тоқталды. Әнші өзін тойға шығатын танымал әншілердің ішінде ең арзан бағаны айтатын өнерпаз деп есептейді.

"Халық қай әншіні ұнатса, сол адамды тойына шақырады. Ұнамаса, қинап ешкім шақырта алмайды. Менің қойған бағам қымбат емес. Тойға шығып жүрген танымал әншілердің ішіндегі ең арзан баға десе де болады. Өйткені "Жігіттер" тобымен де тойға шығамын, жеке де өнер көрсетемін. Жеке шығатын бағам халыққа қолжетімді. Ол карантиннен бұрын да солай болды, карантиннен кейін де солай болып қала береді", – дейді Айдар Тұрғамбек.

Ал тойды әркім өз шама-шарқына қарап жасау қажет деген әнші өзінің де қыздарын ұзатып, той жасағысы келетінін жасырмады.

"Тойды шамасы келетін адам жасауы керек. Барлық ата-ана баласын үйлендіріп, қызын ұзатқысы келеді. Мен де қызымды қолымнан ұзатқым келеді. Сондықтан басқа адамға балаңды үйлендіргенде той жасауға болмайды деп қалай айтасың?", - дейді әнші.

Қазір бәсекелестік кезеңі, біреудің тойы үлкен мейрамханада өтті, менікі де солай өту керек деп ойлайды. Кредит алып, қарызға той жасаудың қажеті жоқ. Шамасы келетін деңгейде өткізу дұрыс деп санаймын, деп толықтырды Тұрғамбек.

4154
Кілт сөздер:
ән, той, әнші
Бағлан Әбдірайымов, Жігіттер тобының солисі

"Тегін дүние жоқ": Бағлан Әбдірайымов ашық сұхбат берді

6729
(Жаңартылды 17:03 26.07.2020)
Әнші індет салдарынан туындаған дағдарыстан кейін көп адамның өмірге деген көзқарасы өзгеретінін айтып отыр

АЛМАТЫ, 26 шілде – Sputnik, Айгерім Таубай. "Дарын" мемлекеттік жастар сыйлығының иегері, әнші Бағлан Әбдірайымов қазақстандық баспагермен бірлесіп екінші кітабын шығарды. Бұл жаңалықты әнші Sputnik Қазақстан тілшісіне берген сұхбатында хабарлады. Сонымен қатар әнші бұған дейін шыққан "Ақ пен қара"  кітабы мен карантин кезіндегі жұмыстары, жеке бизнесіне тоқталды.

Әңгіме "Жігіттер" тобының шығармашылығы жайлы басталды. Сонымен қатар әнші карантин кезінде ән жаздырмағанын, алайда карантин аяқталған соң халықпен жүздесуге дайын екенін айтты.

"Еліміз еңсесін көтеріп, мерекелік көңіл-күй болып жатса, әдемі кештерде әдемі әндерімізді айтып, "Жігіттер" болып жүре береміз. Топтың топ болып сақталып тұру үшін арамызда ешқандай келісімшарт жоқ. Сондай-ақ, шектеу де жоқ", - дейді ол.

Карантин кезінде әнші ән жаздырмаса да, әлеуметтік желідегі оқырмандарымен онлайн форматта байланыста болды. Білім беру саласының мамандарымен онлайн сұхбат жасады.

Карантиндегі бизнес

"Тойдың табысына қарамай, басқа да іспен айналысып жүргеніме бір-екі жыл болды. "Ақ пен қара" кітабы жазылған соң, кітапты сатып, бизнес жасадық. Биыл да Бақытжан Бұқарбаймен бірлесіп "Қарызсыз қазақ" деген кітап жазып шығардық. Ол да оқырманға жол тартты. Сондай-ақ, отбасыға, күнделікті ішуге деп қымыз, саумал шығарумен айналысып жүрміз. Әзірге осы істі дөңгелетіп жатырмыз", - деді әнші.

Әншінің баспагер Бақытжан Бұқарбаймен бірлесіп жазған "Қарызсыз қазақ" кітабы карантин кезінде жазылған. Автордың айтуынша, екі тараудан тұратын бұл кітапта қарыздан сақтайтын жаңа әдеттер мен қарыздан құтылуға көмектесетін нақты әдістер көрсетілген.

Бизнесін дөңгелетіп жүрген әнші елде болып жатқан жағдайға байланысты пікірін жариялап отырады. Алайда, ол өзінің азаматтық пікірі екенін, саясатқа араласу ойында жоқ екенін мәлімдеді.

Посмотреть эту публикацию в Instagram

Публикация от BAǴLAN ABDRAIMOV (@baglan_abdraimov_official)

"Әлеуметтік желіде белгілі бір тақырыпта ой бөлісіп, азаматтық пікірімді білдіріп тұратыным бар. Алайда саясатқа араласу ойымда жоқ. Соның бірі ретінде тойға тыйым салуға да тоқталып өтуге болады. Қазір азаматтардың асқа, жаназа, жиын, тойға барып инфекция жұқтырып алатынын көріп отырмыз. Сондықтан карантин енгізілген соң тек тойды ғана емес, басқа да кісі көп жиналатын жиындарға да шектеу қойған дұрыс деп ойлаймын", - дейді ол.

Айтуынша, індет салдарынан туындаған дағдарыстан кейін көп адамның өмірге деген көзқарасы өзгереді. 

"Шын маман, шын талант орнында қалып, сол салада күнелтіп жүргендер өз саласына кетеді деп ойлаймын", - дейді әнші.

"Тегін дүние жоқ"

Әншінің айтуынша, "Ақ пен қара" кітабы әншінің басынан өткен оқиға негізінде жазылған. Құмар ойынмен есімі қатар аталатын әнші кітапта өзіне ненің көмектескенін жазған.

"Кітап елімізде басты мәселенің бірі болған құмар ойыны тақырыбына арналған. Жеке басымнан өткен сол құмар ойынның азабы, қарызға бату, абыройдан жұрдай болу тақырыбы қозғалады. Не үшін ойнадым, кімдер ойнайды, қалай қойдым, кім және не көмектесті деген сұрақтарға жауап бердім. Жалпы алғанда жеке өмірім, оның ішінде белгілі бір кезең сөз болады", - деді Әбдірайымов.

Әнші кітапты шығарғаннан кейін тегін таратуды ұсынғандар да болған, алайда автор әр істің артында көл-көсір еңбек жататынын алға тартты.

"Кітап даналық қасиетін жоғалтпаған қаракөздеріміз біреудің қателігінен сабақ алып, менің өмірімдегі оқиғаларды оқып, пайдасына жаратса деген оймен жазылды. Кітапты тегін бермейсің бе дегендер де болды. Тегін дүние жоқ, еңбек қашан да ескерілуі керек. Кітаптың мың оқырманы, он мың оқырманы болуы мүмкін. Оның ішінде жүз адам өзінің сауалына жауап алып жатса, жеңістің жеңісі деп айтуға болады", - дейді Әбдірайымов.

Посмотреть эту публикацию в Instagram

Публикация от BAǴLAN ABDRAIMOV (@baglan_abdraimov_official)

Сонымен қатар әншіден әлеуметтік желіде әлі күнге дейін туған-туыс, жақынының құмар ойынға салынып кеткенін айтып, кеңес сұрайтындар көп. 

"Біреу күйеуінің, бірі бауырының, бірі баласының мәселесін айтып хабарласады. Ақыл-кеңес сұрайды. Барлығына жауап беру мүмкін емес, бірақ карантин кезінде онлайн кездесу өткізіп, бар білгенімді айтып жүрдім. Мұны уақытша тоқтатып қойдым. Себебі құмар ойын туралы біреумен сөйлесу үшін оның өміріне, тағдырына араласасың. Оқиғаның негатив тұсын өзіңе қабылдап аласың. Ол менің де көңіл-күйіме қатты әсер етеді. Ақыл сұрайтын кісілерге, кітапты оқыңыз деп айтамын", - дейді Әбдірайымов.

Әнші Бағлан Әбдірайымов Түркістан облысы Түлкібас ауданы Ақсу-Жабағалы елді мекенінде дүниеге келген. 2003 жылы Шымкентте құрылған "Жігіттер" квартетінің мүшесі. 2020 жылы "Мәдениет саласының үздігі" төсбелгісімен марапатталды.

6729
Кілт сөздер:
карантин, кітап, әнші
Тақырып бойынша
Полиция әнші Кенталдың видеосын адамдардың қайғы-қасіретін мазақ ету деп атады
"Ащы шындық" Қазақ жігіттерін кінәлаған белгілі әншінің басы дауға қалды
Танымал қазақстандық әнші 2 жыл бойы елдің бетіне неге қарай алмағанын айтты
"Менің ісім емес екен": Кәсібі бар жұлдыздар туралы не білеміз?
Гауһар Әлімбековаға ақша жинаған Ақбота Керімбекованың басы дауға қалды
Білім күні, архивтегі сурет

Білім күні қалай өтеді министр жауап берді 

0
Жаңа оқу жылына дейін ата-аналар мен балаларға үйде білім алу мәселелері бойынша арнайы сабақтар ұйымдастырылады

НҰР-СҰЛТАН, 4 тамыз – Sputnik. Білім және ғылым министрі Асхат Аймағамбетов Білім күні қалай ұйымдастырылатынын айтты, деп хабарлайды Sputnik Қазақстан тілшісі. 

"1 қыркүйек - Білім күнін онлайн режимде өткізуді жоспарладық", - деді Аймағамбетов үкіметтің онлайн отырысында. 

Министрдің айтуынша, жаңа оқу жылына дейін ата-аналар мен балаларға үйде білім алу мәселелері бойынша арнайы сабақтар ұйымдастырылады. 

"Ата-аналар мен оқушылар үшін әдістемелік қолдау көрсету өте маңызды. Біз бұны төртінші тоқсанның нәтижесінде көрдік. Сондықтан тамыз айында балаларға және ата-аналарға үйде қалай оқу керек, гигиена негіздері, кибермәдениет, интернет арқылы қалай оқу керек және дене жаттығуларының маңызы туралы бірыңғай сынып сағаттары, сондай-ақ, ата-аналар жиналысын өткізуді жоспарлап отырмыз", - деп атап көрсетті Аймағамбетов.

Оның сөзіне қарағанда, алдын ала болжам бойынша биыл интернет мен теледидар арқылы 2,6 миллион оқушы, кезекші сыныптарда 530 мың бала және шалғай ауылдарда штаттық режимде 157 мыңнан астам оқушы білім алады.

0