Марат Әйтімов

"Қауіпті болуы мүмкін": Димаштың ұстазы шәкіртіне қандай кеңес бергенін айтты

6401
(Жаңартылды 17:33 08.08.2019)
Марат Әйтімов музыкалық білім не үшін қажет екенін және шәкіртінің музыкалық колледжде сабақты қалай оқығанын айтып берді

НҰР-СҰЛТАН, 7 тамыз – Sputnik, Дәурен Ерболат. Марат Әйтімов Димаштың әлемдік деңгейге көтерілуінің себебін және фонограммамен ән айтуға неге тыйым салу қажеттігін Sputnik Қазақстан тілшісіне берген сұқбатында түсіндірді.

Марат Әйтімов Қызылорда облысы Ақарық ауылында дүниеге келген. Жастайынан музыкаға қабілеті болыпты. Ол бұл қабілетінің нағашы жұртынан дарығанын айтады. Мектепті бітірген соң, қазіргі Қазанғап атындағы Қызылорда музыкалық колледжінде оқиды. Білім ордасын тәмамдап, әскери борышын өтейді.

"Кейін Құрманғазы атындағы қазақ ұлттық консерваториясының ән салу факультетіне түстім. Онда профессор Александр Поликаркин, Құрманғазы атындағы қазақ ұлттық консерваториясының құрметті профессоры Инаят Жарылқанов деген оқытушылардан білім алдым. 5 жылдан соң оқуымды бітірдім. 1992 жылы жолдамамен Ақтөбе қаласына жұмыс істеуге келдім", - дейді ол.

"Жалақы алмау үйреншікті жағдай болды"

Сол жылдары жас маман біраз қиындыққа тап болады. Бірақ мамандығына деген адалдық Әйтімовтің ұстаздық жолын тастап кетпеуіне септігін тигізіпті.

"Кеңес Одағының құрамына 15 республика кірді ғой. Егемендік алардың алдында тоқырау басталды. Қиындық туындады. Осы сәтте мен сабақ бере бастадым. "Айлық алмау" дегенүйреншікті жағдай болатын. Бұл саланы тастап кетпеуіме кәсібіме деген адалдығым септігін тигізді. 1994-1995 жылдары жалақы мәселесі өткір тұрды. Жағдайымыз 2000 жылдары жақсара басталды", - дейді ұстаз.

Әлемді мойындатқан дауыс

Марат Әйтімов әлемді мойындатқан жас әнші Димаш Кұдайбергеновке колледжде 4 жыл сабақ беріпті. Ол шәкіртінің еңбекқор, қағылез болғанын айтады.

Посмотреть эту публикацию в Instagram

Публикация от марат (@aitimovmarat)

"Димашты кішкентай кезінен білемін. Оның анасы Светлана Айтпаева – менің шәкіртім. Димаш мектепті бітіріп, Ахмет Жұбанов атындағы Ақтөбе музыкалық колледжінің ән салу бөліміне түсті. Оған 4 жыл сабақ бердім. Еңбекқор, зерек, тәрбиелі студент болды. Оның әлемдік деңгейдегі әнші болуына, біріншіден, оның еңбекқорлығы, екіншіден, музыкалық отбасыдан шығуы әсер етті", - дейді Марат Әйтімов.

Димаштың ұстазы шәкіртінің талантты екенін атап өтті. Оның даусы мен ән салу шеберлігіне баға берді.

"Димаштың дауысы қойылған. Мысалы, бұрынғы видеоларды көрсеңіз, оның даусы басқаша болғанын байқауға болады. Қазір Димаштың даусы зор, кәсіби деңгейде. Ал қойылмаған дауыс бірден білініп тұрады ғой. Мұндай жағдайда адам жоғары ноталарды ала алмайды.Сондықтан кәсіби мұғалімдер дауыс қоюдың әдісін біледі. Олар дауысты тынысқа "келтіріп", ән айтуды үйретеді", - дейді Марат Әйтімов.

Оның айтуынша, дауыс қою 4-5 жыл уақыт алады. Бірақ маман шеберлікті шыңдаудың шегі жоқ деген пікірде.

Димаштың даусына қауіп төнуі мүмкін бе?

Марат Әйтімов күрделі әндерді орындап, жоғары ноталарды алған кезде әншінің даусына қауіп төнуі мүмкін екенін жеткізді. Алайда бұл мәселеде бірнеше факторды назарға алған жөн.

"Егер әнші ән айтудың қыр-сырын білмей, жоғары нотадағы әнді айтса, бұл оның даусына қауіпті болуы мүмкін. Дауыс ет пен шеміршек арасындағы көмейде пайда болады. Ол өте нәзік, күтім қажет. Егер музыкалық жоғары білімі бар әнші күрделі әндерді орындаса, жоғары нотаны дәл ала білсе, мұның оған еш зияны жоқ. Себебі ол дұрыс дем алады. Сондықтан мен Димашқа ешқандай қауіп төнбейтініне сенімдімін", - дейді ұстаз.

Шәкірттеріме ақыл-кеңес айтамын

Әйтімов Ерке Есмахан, Нұрболат Абдуллин сияқты танымал әншілерге де сабақ берген. Ол шәкірттерімен байланысын үзбегенін, оларға ақыл-кеңес беріп тұратынын жеткізді.

"Димашпен кездескен сайын "даусыңды күтіп жүр" деп үнемі кеңесімді беріп отырамын. Бұл тек Димашқа қатысты қағида емес. Әрбір әнші өз даусын күтіп ұстамаса, даусының ғұмыры ұзақ болмауы мүмкін. Шәкірттерім мені ұмытқан емес. Мысалы, Нұрболат Абдуллин жеке концертін берген соң, "қалай болды?" деп хабарласып, ақыл-кеңес сұрайды", - дейді ол.

Фонограммаға тыйым салу қажет

Сонымен қатар педагог фонограммамен ән айтуға тыйым салу мәселесіне қатысты жеке пікірін білдірді.

Тағы оқыңыз: Толқын Забирова Димаш туралы ойын айтты

"Жаңа мәдениет және спорт министрі келгеннен кейін "әншілерге фонограммамен ән айтуға тыйым салатын" заң шығады деген сыбыс бар. Егер мұндай заң қабылданса, мен құптаймын. Халықты алдауды тоқтатқан дұрыс. Заң қабылданса, қазақ эстрадасындағы кейбір әншілерге қиын болуы мүмкін. Бұл – менің жеке пікірім. Бірақ бәсекелестік артады", - дейді Марат Әйтімов.

Той бизнес

Оның пікірінше, тойда ән айтудың еш оғаттығы жоқ. Әйтімов елімізде той бизнесінің дамуының бірнеше себебі бар екенін айтып отыр. 

"Тойға әншіні шамасы келетіндер шақырады. Менің ойымша, мұнда тұрған еш оғаттық жоқ. Қазақстанда шоу бизнес дамымаған. Әншілер диск сатудан, концерт қоюдан мүлдем пайда таба алмайды. Оған бірнеше себеп бар. Біріншіден, халықтың саны аз. Екіншіден, көрші Ресейдің тұрғындары сүйікті әншілер келген кезде, бір билетті 12-15 мың теңгеге сатып алады. Олар үшін бұл қалыпты құбылыс. Ал біздің тұрғындардың қалтасы мұны көтере бермейді", - дейді ол.

Ержан және Данэлия

Марат Әйтімов Ержан Максим және Данэлия Төлешова есімді жас әншілердің өнерімен таныс екен. Олар әндерді нақышына келтіре орындайды деген пікірде.

"2018 жылы Ержан Максим Ақтөбеде ұйымдастырылған "Бақытты бала" атты халықаралық байқауда жеңімпаз атанып, бас жүлде алды. Оның ән айту мәнеріне белгілі бір себептерге байланысты бағамды бермей-ақ қояйын. Ал Даниэля Төлешова да сол байқауда қонақ ретінде өнер көрсетті. Оның "Голос. Дети" байқауында қалай өнер көрсеткенін де көрдім. Ол көптеген отандық әншінің қолынан келе бермейтін ән айту техникасына ие. Кәсіби деңгейі жоғары әнші", - дейді ұстаз.

Әйтімов өз өмірін өнермен байланыстырғысы келетін болашақ әншілердің музыкалық білімі болуы шарт екенін атап өтті.

6401
Кілт сөздер:
әнші, ұстаз, Димаш Құдайберген
Тақырып бойынша
Бүркіт пен Наташа Королеваның жұртты шулатқан бейнебаяны желіде жарияланды - видео
"Жұрт олардан жалықты" Асхат Садырбай экраннан түспейтін әншілер туралы айтты
"Тіл-көзден сақтасын": Ержан Максимнің алғашқы концерті қалай өтті?
Димаш Игорь Крутойдың туған күнінде ата-анасымен түскен суретін жариялады - фото
Димаш желідегі жазбасымен фанаттарының көңіліне түрлі ой салды
Айдар Тұрғамбек

Айдар Тұрғамбек жағымды жаңалығын бөлісті

4530
(Жаңартылды 15:20 30.07.2020)
Әнші халыққа сапалы ән тыңдауға мүмкіндік беретін жаңалығымен бөлісті. Мұның арқасында өнер адамының да еңбегі бағаланады, дейді ол

АЛМАТЫ, 29 шілде – Sputnik, Айгерім Таубай. "Жігіттер" тобының әншісі Айдар Тұрғамбек қазақ әндері жүктелетін сайт туралы қуанышты хабарым Sputnik Қазақстан тілшісімен бөлісті. Карантин кезінде әншінің өзі де екі ән жазған.

"Карантин уақытында шығармашылықпен айналыстым. Енді бірнеше күннен кейін сайт та іске қосылады. 2002-2003 жылдары қазақ эстрадасында әндер кассета күйінде сатылатын, яғни өнер, шығармашылық бағаланатын. Қазір интернет арқылы әнді жазып алу тегін болып кетті", - дейді әнші.

Айтуынша, мұндай сайт ашуды ұзақ уақыттан бері ойланып жүрген. Себебі кей ән өзіне жұмсалған ақшаны ақтамайды.

"Той мен концерт өткізуге қашан рұқсат берілетіні белгісіз. Сол себепті біздің өнім сайт арқылы сатылуы керек. Соған сәйкес, қазақ эстрадасында сапалы әндер шығатын болады. Тойдың әндері, сапасыз әндер болмайды. Халық та сапалы ән тыңдайды, өнер адамының да еңбегі бағаланады", - дейді Тұрғамбек.

Әнші сұхбат барысында жас өнерпаздардың эстрадаға қандай мақсатпен келетіні жайлы айтып берді. Айтуынша, жас әншілердің үлкен қателігі – бір ән жазып танымал болуды ойлау.

"Қазір көп адам тойдың әнін жазып, тойға шығып қаржы табамын деп өнерге келеді. Ондай адамдар ұзаққа бармайды. Өнерге ақша үшін келуге болмайды. Біз өнерді университетте оқыдық, магистратураны да бітірдік. "Жігіттер" тобы құрылған кезде қаншама қиындық болды, түрлі байқауға қатыстық. Жетістікке жету үшін тер төгілді. Біз басында ақшаны ойлаған жоқпыз, ән айтқымыз келді", - деп еске алды әнші.

Айдар Тұрғамбек
© Photo : Айдар Тұрғамбектің жеке архивінен алынды
"Тойдың әндері, сапасыз әндер болмайды"

Ол өнер адамы халыққа қандай пайдалы ән сыйлаймын деп келу керек дейді. Алайда біздің қоғамда тойсыз да болмайтынын атап өтті. Тойда айтылатын ән де қажет, бірақ мақсат той болып кетпегені жақсы. Өнерге хобби ретінде қарау керек, негізгі табыс басқа жерден түсіп отырғаны жөн, дейді ол.

Әр адамның жеке қоры болуы керек

"Концерт пен тойдың ертерек басталғанын қалаймыз. Халықпен жүздескіміз келеді, концертке барып, өнер көрсеткіміз келеді. Алайда концерт пен тойдан бөлек қаржы түсіп тұратын жұмыстарым бар", - дейді әнші.

Ол әр отбасының табысы мен шығыны әртүрлі екенін де айтты. Кез келген жағдайға дайын болып, бір-екі жылға жететіндей қаржы қоры болғаны дұрыс, дейді ол.

"Карантин кезінде табысым әдеттегіден айтарлықтай азайды, бірақ білімге инвестиция құйып, қаржылық сауаттылық жағынан дамыдым. Қандай кәсіппен айналысу керек екені жайында көп оқыдым. Карантиннің арқасында отбасымның жанында көбірек уақыт өткізіп, балалардың қалай өсіп жатқанын көріп жатырмын", - дейді Тұрғамбек.

Әншінің арманы

Сұхбат барысында әнші той жасау мәселесі мен бағасына да тоқталды. Әнші өзін тойға шығатын танымал әншілердің ішінде ең арзан бағаны айтатын өнерпаз деп есептейді.

"Халық қай әншіні ұнатса, сол адамды тойына шақырады. Ұнамаса, қинап ешкім шақырта алмайды. Менің қойған бағам қымбат емес. Тойға шығып жүрген танымал әншілердің ішіндегі ең арзан баға десе де болады. Өйткені "Жігіттер" тобымен де тойға шығамын, жеке де өнер көрсетемін. Жеке шығатын бағам халыққа қолжетімді. Ол карантиннен бұрын да солай болды, карантиннен кейін де солай болып қала береді", – дейді Айдар Тұрғамбек.

Ал тойды әркім өз шама-шарқына қарап жасау қажет деген әнші өзінің де қыздарын ұзатып, той жасағысы келетінін жасырмады.

"Тойды шамасы келетін адам жасауы керек. Барлық ата-ана баласын үйлендіріп, қызын ұзатқысы келеді. Мен де қызымды қолымнан ұзатқым келеді. Сондықтан басқа адамға балаңды үйлендіргенде той жасауға болмайды деп қалай айтасың?", - дейді әнші.

Қазір бәсекелестік кезеңі, біреудің тойы үлкен мейрамханада өтті, менікі де солай өту керек деп ойлайды. Кредит алып, қарызға той жасаудың қажеті жоқ. Шамасы келетін деңгейде өткізу дұрыс деп санаймын, деп толықтырды Тұрғамбек.

4530
Кілт сөздер:
ән, той, әнші
Бағлан Әбдірайымов, Жігіттер тобының солисі

"Тегін дүние жоқ": Бағлан Әбдірайымов ашық сұхбат берді

6817
(Жаңартылды 17:03 26.07.2020)
Әнші індет салдарынан туындаған дағдарыстан кейін көп адамның өмірге деген көзқарасы өзгеретінін айтып отыр

АЛМАТЫ, 26 шілде – Sputnik, Айгерім Таубай. "Дарын" мемлекеттік жастар сыйлығының иегері, әнші Бағлан Әбдірайымов қазақстандық баспагермен бірлесіп екінші кітабын шығарды. Бұл жаңалықты әнші Sputnik Қазақстан тілшісіне берген сұхбатында хабарлады. Сонымен қатар әнші бұған дейін шыққан "Ақ пен қара"  кітабы мен карантин кезіндегі жұмыстары, жеке бизнесіне тоқталды.

Әңгіме "Жігіттер" тобының шығармашылығы жайлы басталды. Сонымен қатар әнші карантин кезінде ән жаздырмағанын, алайда карантин аяқталған соң халықпен жүздесуге дайын екенін айтты.

"Еліміз еңсесін көтеріп, мерекелік көңіл-күй болып жатса, әдемі кештерде әдемі әндерімізді айтып, "Жігіттер" болып жүре береміз. Топтың топ болып сақталып тұру үшін арамызда ешқандай келісімшарт жоқ. Сондай-ақ, шектеу де жоқ", - дейді ол.

Карантин кезінде әнші ән жаздырмаса да, әлеуметтік желідегі оқырмандарымен онлайн форматта байланыста болды. Білім беру саласының мамандарымен онлайн сұхбат жасады.

Карантиндегі бизнес

"Тойдың табысына қарамай, басқа да іспен айналысып жүргеніме бір-екі жыл болды. "Ақ пен қара" кітабы жазылған соң, кітапты сатып, бизнес жасадық. Биыл да Бақытжан Бұқарбаймен бірлесіп "Қарызсыз қазақ" деген кітап жазып шығардық. Ол да оқырманға жол тартты. Сондай-ақ, отбасыға, күнделікті ішуге деп қымыз, саумал шығарумен айналысып жүрміз. Әзірге осы істі дөңгелетіп жатырмыз", - деді әнші.

Әншінің баспагер Бақытжан Бұқарбаймен бірлесіп жазған "Қарызсыз қазақ" кітабы карантин кезінде жазылған. Автордың айтуынша, екі тараудан тұратын бұл кітапта қарыздан сақтайтын жаңа әдеттер мен қарыздан құтылуға көмектесетін нақты әдістер көрсетілген.

Бизнесін дөңгелетіп жүрген әнші елде болып жатқан жағдайға байланысты пікірін жариялап отырады. Алайда, ол өзінің азаматтық пікірі екенін, саясатқа араласу ойында жоқ екенін мәлімдеді.

Посмотреть эту публикацию в Instagram

Публикация от BAǴLAN ABDRAIMOV (@baglan_abdraimov_official)

"Әлеуметтік желіде белгілі бір тақырыпта ой бөлісіп, азаматтық пікірімді білдіріп тұратыным бар. Алайда саясатқа араласу ойымда жоқ. Соның бірі ретінде тойға тыйым салуға да тоқталып өтуге болады. Қазір азаматтардың асқа, жаназа, жиын, тойға барып инфекция жұқтырып алатынын көріп отырмыз. Сондықтан карантин енгізілген соң тек тойды ғана емес, басқа да кісі көп жиналатын жиындарға да шектеу қойған дұрыс деп ойлаймын", - дейді ол.

Айтуынша, індет салдарынан туындаған дағдарыстан кейін көп адамның өмірге деген көзқарасы өзгереді. 

"Шын маман, шын талант орнында қалып, сол салада күнелтіп жүргендер өз саласына кетеді деп ойлаймын", - дейді әнші.

"Тегін дүние жоқ"

Әншінің айтуынша, "Ақ пен қара" кітабы әншінің басынан өткен оқиға негізінде жазылған. Құмар ойынмен есімі қатар аталатын әнші кітапта өзіне ненің көмектескенін жазған.

"Кітап елімізде басты мәселенің бірі болған құмар ойыны тақырыбына арналған. Жеке басымнан өткен сол құмар ойынның азабы, қарызға бату, абыройдан жұрдай болу тақырыбы қозғалады. Не үшін ойнадым, кімдер ойнайды, қалай қойдым, кім және не көмектесті деген сұрақтарға жауап бердім. Жалпы алғанда жеке өмірім, оның ішінде белгілі бір кезең сөз болады", - деді Әбдірайымов.

Әнші кітапты шығарғаннан кейін тегін таратуды ұсынғандар да болған, алайда автор әр істің артында көл-көсір еңбек жататынын алға тартты.

"Кітап даналық қасиетін жоғалтпаған қаракөздеріміз біреудің қателігінен сабақ алып, менің өмірімдегі оқиғаларды оқып, пайдасына жаратса деген оймен жазылды. Кітапты тегін бермейсің бе дегендер де болды. Тегін дүние жоқ, еңбек қашан да ескерілуі керек. Кітаптың мың оқырманы, он мың оқырманы болуы мүмкін. Оның ішінде жүз адам өзінің сауалына жауап алып жатса, жеңістің жеңісі деп айтуға болады", - дейді Әбдірайымов.

Посмотреть эту публикацию в Instagram

Публикация от BAǴLAN ABDRAIMOV (@baglan_abdraimov_official)

Сонымен қатар әншіден әлеуметтік желіде әлі күнге дейін туған-туыс, жақынының құмар ойынға салынып кеткенін айтып, кеңес сұрайтындар көп. 

"Біреу күйеуінің, бірі бауырының, бірі баласының мәселесін айтып хабарласады. Ақыл-кеңес сұрайды. Барлығына жауап беру мүмкін емес, бірақ карантин кезінде онлайн кездесу өткізіп, бар білгенімді айтып жүрдім. Мұны уақытша тоқтатып қойдым. Себебі құмар ойын туралы біреумен сөйлесу үшін оның өміріне, тағдырына араласасың. Оқиғаның негатив тұсын өзіңе қабылдап аласың. Ол менің де көңіл-күйіме қатты әсер етеді. Ақыл сұрайтын кісілерге, кітапты оқыңыз деп айтамын", - дейді Әбдірайымов.

Әнші Бағлан Әбдірайымов Түркістан облысы Түлкібас ауданы Ақсу-Жабағалы елді мекенінде дүниеге келген. 2003 жылы Шымкентте құрылған "Жігіттер" квартетінің мүшесі. 2020 жылы "Мәдениет саласының үздігі" төсбелгісімен марапатталды.

6817
Кілт сөздер:
карантин, кітап, әнші
Тақырып бойынша
Полиция әнші Кенталдың видеосын адамдардың қайғы-қасіретін мазақ ету деп атады
"Ащы шындық" Қазақ жігіттерін кінәлаған белгілі әншінің басы дауға қалды
Танымал қазақстандық әнші 2 жыл бойы елдің бетіне неге қарай алмағанын айтты
"Менің ісім емес екен": Кәсібі бар жұлдыздар туралы не білеміз?
Гауһар Әлімбековаға ақша жинаған Ақбота Керімбекованың басы дауға қалды
Damumed қосымшасы

Damumed дауы: жалған мәлімет енгізген өңірлер аталды

273
Медициналық ұйымдар жалған өтінімдер арқылы қордан алған ақшасын үш еселеп қайтарды, деп хабарлады денсаулық сақтау министрлігі

НҰР-СҰЛТАН, 7 тамыз – Sputnik. "Damumed" қосымшасы арқылы медициналық көмекке қатысты мәліметті бұрмалаған емханалар ақшаны үш еселеп қайтарды. Бұл туралы денсаулық сақтау министрлігінің ресми өкілі Бағдат Қожахмет мәлімдеді, деп хабарлайды Sputnik Қазақстан тілшісі.

"Не масқара?": Ақшаға құныққан дәрігерлердің қулық-сұмдығы әшкере болды 

Оның айтуынша, биыл жарты жылдың ішінде медициналық көмек көрсетілгені туралы 13,5 мың жалған өтінім берілген. Медициналық сақтандыру қорынан ақша да аударылған. Алайда емханалар мен ауруханларға ол ақшаны үш еселеп қайтаруға тура келді.  

"Медициналық ұйымдар жалған өтінімдер арқылы қордан алған ақшасын үш еселеп қайтарды. Бұның барлығы келісімшартта айыппұл ретінде жазылады", - дейді Қожахмет.

Министрліктің ресми өкілі жалған өтінімдер көп тіркелген аймақтарды да атады.

"Фальсификацияның ең жоғары көрсетіші Маңғыстау мен Солтүстік Қазақстан облыстарында, Алматыда және тағы басқа аймақтарда тіркелген. Бұл, шынымен де, бұрмалау. Белсенді азаматтарымыздың арқасында біз осы жүйенің барлық кемшілігін анықтап, ашықтықты қамтамасыз ете аламыз. Арыз-шағымдар болса, 1406 телефонына хабарласуды сұраймыз. Біз барлық фактіні тексереміз", - деп түйіндеді Қожахмет.

273
Тақырып бойынша
"Олар кінәлі емес": Елді шулатқан дәрігерлерді министрлік қорғаштап жатыр
Медициналық сақтандыру қорында қанша ақша бар – басшылық жауап берді
Медициналық сақтандыру қоры қазақстандықтардың наразылығына жауап берді
"СК-Фармацияның" басшысы қанша жалақы алатынын айтты