Рейхстаг жобасы

Енді VR-жобаның көмегімен Рейхстагқа Ту тігуге болады

51
(Жаңартылды 16:28 08.04.2020)
"Белгісіз ту ұстаушы" жаңа виртуалды жобасы 1945 жылдың 30 сәуірі мен 2 мамыры аралығында болған оқиғаларды бейнелейді

АЛМАТЫ, 7 сәуір – Sputnik. "Красный квадрат" медиа-тобының қолдауымен Ресейдің "Бессмертный полк" азаматтық-патриоттық қозғалысы мен РИА Новости бірлесіп жасаған "Белгісіз ту ұстаушы" жаңа виртуалды жобасы көпшілікке таныстырылды. Аталған жоба Ұлы Жеңістің 75 жылдығына орайластырылған.

Авторлардың айтуынша, виртуалды форматтағы жоба "Жеңіс Туы" арнайы операциясының символдық және стратегиялық маңызы туралы әңгімелейді. Сонымен қатар, Рейхстагтың үстіне тігілген 12 жалау мен өзге де маңызды белгілердің және оларды орнатқан Қызыл Армия сарбаздарының тарихын көпшілікке таныстырады.

Оқи отырыңыз: Қазақстанда "Жеңіске 75 жыл" монеталары айналымға шықты

"Белгісіз ту ұстаушы" 1945 жылдың 30 сәуірі мен 2 мамыры аралығында болған оқиғаларды қайта бейнелейді. Бірінші көріністе қолданушының өзі Қызыл Армия жауынгерінің бірі ретінде Жеңіс Туын орнатады. Ал екінші көріністе жеңіліске ұшыраған Үшінші рейх астанасының аспанында көтерілген ондаған қызыл белгі туралы әңгімеленеді. Эпилогта нацизмнен босатылған Еуропа туралы деректер метафоралық көрініс арқылы ұсынылады.

"Жобаны іске асыру барысында көптеген мұрағат материалдары, фотосуреттер мен деректі түсірілімдер қолданылды. Біз Рейхстагтың бүкіл шатырын суреттер мен фрагменттерден құрастырып, қалпына келтірдік. Кейбір топтар мен жауынгерлердің жекелеген әңгімелерін жинақтау арқылы мақсатымызға қол жеткізгенімізге қуаныштымын. Жалаулардың мұндай тарихы сол күндердегі жауынгерлік іс-қимылдың қалай болғанынан сыр шертеді", – дейді "Россия сегодня" ХАА бас редакторының орынбасары Наталья Лосева.

Жобаның дубляжына ресейлік актер Егор Бероев, Виктор Добронравов, Игорь Петренко және Максим Демченко, сонымен бірге тележүргізуші, "Россия сегодня" ХАА бас директоры Дмитрий Киселев қатысты.

"Біз тарихтың жаңа беттерін аша отырып, әсіресе сұрапыл соғыстың жеңіспен аяқталуымен өткен өмірге ғана емес, ата-әжелеріміз өмір сүрген дәуірдегі шындыққа терең үңілдік. Олар немерелері үшін өз өмірі мен денсаулығын аямады. Олардың мақтанышына айналуымыз үшін біз әрқайсымыз игілікті мақсатта еңбек етіп, ту ұстаушы болуымыз керек", – деді Ресейдің "Бессмертный полк" қозғалысының атқарушы комитетінің жетекшісі Артем Хуторской.

Оқи отырыңыз: Рақымжан Қошқарбаевтың Рейхстагқа тіккен Жеңіс туы қайда – видео

"Красный квадрат" ұйымының бас директоры Илья Кривицкийдің пайымдауынша, жеңісті әр түрлі тілде, соның ішінде жоғары технологиялық жобалармен суреттеуге де болады. Осылайша, кейінгі буын өкілдеріне әсер ету арқылы оларды бір сәт ойландыру қажет.

"Бәлкім, "Белгісіз Ту ұстаушыны" көргеннен кейін, біреу соғыс туралы кітап оқуды немесе тарихи фильм көруді қолға алуы мүмкін. Жалпы алғанда, мұндай жобалар мәдени мәселе әрі тәрбиелеу процесінің бір қыры болып табылады", – деді Кривицкий.

"Белгісіз Ту ұстаушы" жобасы "Россия сегодня" ХАА-нің жоғары технологиялық журналистика саласындағы эксперименттер сериясының жалғасы. Ол РИА.Lab қосымшасында қол жетімді әрі Google Play қосымшасындағы iOS, AppStore және Android құрылғысында жүктеуге болады. Пайдаланушы тамашалауы үшін кез-келген форматтағы виртуалды көзілдірік пен картонды қағаз қажет. Сондай-ақ, оны 360 режимінде көруге де болады.

51
Кілт сөздер:
жеңіс, Рейхстаг шабуылы
Тақырып бойынша
Путин Тоқаевты 2020 жылғы Жеңіс парадына шақырды
Мен майдангердің ұлы ретінде Жеңіс парадына қуана қатысамын – Тоқаев
700-ден астам ардагер Нұр-Сұлтан мен Мәскеудегі Жеңіс парадына қатысады
Қазақстанда Жеңіс күніне берілетін төлемді теңестіру ұсынылды
Хиуаз Доспанованың ескерткіші

Жеңістің 75 жылдығына арналған жаңа жоба басталды: кім қатыса алады?

33
Жоба Қазақстандағы Россотрудничество өкілдігінің қолдауымен ұйымдастырылып отыр, оған кез келген адам қатыса алады

АЛМАТЫ, 2 қыркүйек – Sputnik. Қазақстандағы Россотрудничество өкілдігі Жеңістің 75 жылдығына арналған "Атлас памяти" деген жаңа онлайн-жобаны іске қосты. Бұл туралы ұйымның баспасөз қызметі хабарлады.

Россотрудничество басшылығы көпшілікке тарату мақсатында ескерткіштер каталогын шығаруды жоспарлар отыр. Каталог баспа және электронды түрде шығады. Жоба монументалды мұраны дәріптеуге және қазақстандықтар мен ел қонақтарын ақпараттандыруға бағытталған.

24-31 тамыз аралығында әлеуметтік желі арқылы Ұлы Отан және Екінші дүниежүзілік соғыстың батырлары мен оқиғаларының құрметіне Қазақстан қалаларында орнатылған ескерткіштерге арналып жазылған мәтін мен фотоматериалдар жиналды. Бір апта ішінде еліміздің 20-ға жуық қаласынан материалдар келді.

"Мысалы, Абай Құнанбаев атындағы №6 мектеп-гимназиясының оқушылары Николай Артемасов пен Никита Гетмановтың арқасында 1985 жылы Степногорск қаласында ашылған сәулетші Лоуренс Баласовтың "Жеңіс монументі" туралы білдік. Елизавета Максимова Теміртаудағы "Белгісіз солдат ескерткіші" туралы білуге көмектесті. Осындай жағдайлар көбірек кездесіп жатыр", - деді жоба үйлестірушісі Ольга Скальчук.

Жобаға қалай қатысуға болады

Жобаға қатысып, өз қалаңыздағы ескерткіш туралы айтқыңыз келсе, Россотрудничество сайтында жарияланған ережеге сәйкес ескерткіштердің авторлық фотосуреттері мен оған сипаттама жазып жіберу қажет.

Қазір "Атлас памяти" бойынша жұмыс жалғасып жатыр. Жиналған материалдың бір бөлігі pobedakz.com сайтында көрсетілуде. Бұл порталды Россотрудничество өкілдігі "Ұлы Отан: ХХІ ғасырдағы көзқарас" жобасы аясында арнайы құрды.

Сталинград үшін шайқасқан қазақстандық жауынгерлер

Сонымен қатар "Сталинград үшін шайқастағы қазақстандық жауынгерлер" жобасы бойынша да жұмыстар жалғасып жатыр. "Сталинград шайқасы" (Волгоград) мұражай-қорығының қорынан көрме мамырда қазақстандық көрермен үшін арнайы дайындалған болатын. Оған Елбасы кітапханасының "Мәдениет арқылы диалог" халықаралық жобасы аясында Ресей елшілігінің қолдауымен Қазақстандағы Россотрудничество өкілдігі бастамашы болды.

Оның экспозициясы да pobedakz.com сайтында бар және жаңа материалдармен толықтыру жалғасып жатыр.

Сталинград шайқасына қатысқан туыстары мен жақындары туралы айтқысы келетіндер материалды (мәтін, фотосурет, құжаттардың сканерленген көшірмесін) kaz.rs.gov@gmail.com поштасына жібере алады және олар да виртуалды экспозицияға қосылады.

33
Түрме

Концлагерьде қаза тапқан екі мың қазақстандық жайлы мәлімет табылды

634
(Жаңартылды 18:51 20.08.2020)
Абхазия курсанттары қорғаныс министрлігінің мұрағатынан "Славута" концлагерінде көз жұмған екі мың қазақстандық жауынгер туралы мәлімет тапты

НҰР-СҰЛТАН, 20 тамыз – Sputnik. Atamnyn Amanaty қоғамдық бірлестігі "Возвращение имени" халықаралық жобасы аясында "Славута" концлагерінде қаза болған екі мың қазақстандық жауынгердің туыстарын іздеу акциясын бастайды.

"Славута" әскери тұтқындар концлагері соғыс жылдары Украина аумағында орналасқан. Тұтқындағы дәрігерлер мен басқа да адамдар нацистерден жасырып лазаретте қайтыс болғандардың есімін тізімге жазып отырған. Лагерь босатылған жылы (1944) тізімде 20 мың жауынгердің аты-жөні мен туыстары тұратын қалалар болған.

Посмотреть эту публикацию в Instagram

Публикация от ОО «Atamnyn amanaty» (@ata.amanaty)

Осы жылдың басында Григорий Скворцов бастаған "Возвращение имени" халықаралық жобасының командасы концлагерьдің 20 мың тұтқыны туралы мәліметтер тапты, деп хабарлайды Atamnyn Amanaty бірлестігінің баспасөз қызметі.

Абхазияның әскери курсанттары із-түссіз жоғалған жауынгерлердің тізімімен ұзақ жылдар бойы жұмыс істеп жатыр. Олар қорғаныс министрлігінің мұрағатынан "Славута" концлагерінде қаза болған екі мың қазақстандық жайлы мәлімет тапты.

150 қазақстандық жауынгер туралы мағлұмат "Atamnyn Amanaty" бірлестігіне берілді. Мұрағаттан табылған құжаттарды реттестірген соң, "Возвращение имени" жобасының авторы қалған 1 850 тұтқын туралы мәлімет ұсынады.

"Біз "Возвращение имени" жобасы аясындағы жұмыс барысында барлық отандасымыздың туысын табамыз деген үміттеміз. Соғыс жылдары "Славута" концлагеріне тұтқынға түскен жауынгерлердің есімдері мәңгі есте сақталады. Біз облыстардың жергілікті атқарушы органдарын қазақстандық жауынгерлердің туған-туыстарын іздеуге жәрдемдесуге шақырамыз", - деді Atamnyn Amanaty қоғамдық бірлестігінің басқарма төрағасы Мұрат Молдағалиев.

Тағы оқыңыз: Соғыста қаза тапқан қазақстандықтың сүйегі отанына жеткізіледі

Акция барысында жиналған материалдар www.pamyat-naroda.ru сайтының базасына енгізіледі.

"Славута" лагерінің тарихы белгілі, бұл тізімнің өзі де қанмен келді. Сондықтан бұқаралық ақпарат құралдары, мешіттер мен шіркеулер, сондай-ақ Қазақстанның әскери комиссариаттары қаза болғандардың жақындарын іздеуге қол ұшын созғанын қалаймыз", - деді "Возвращение имени" халықаралық жобасының жетекшісі Григорий Скворцов.

Бұған дейін "Возвращение имени" жобасының қатысушылары Бішкек студенттерімен бірге Қазақстан, Өзбекстан және Қырғызстанға арналған тізімдерді жасау және талдау бойынша жұмыс жүргізген болатын.

Туыстары майданда хабар-ошарсыз кеткен азаматтар Atamnyn Amanaty қоғамдық бірлестігіне хабарласа алады: +7 776 828 45 35, +7 776 828 45 34.

634
Кілт сөздер:
қазақстандық жауынгер, Ұлы Отан соғысы
Тақырып бойынша
Қазақстандық жауынгердің оқиғасы: сегіз ағайындының бірі ғана соғыстан қайтқан
Ұлы Отан соғысы: Ресейде екі қазақстандық жауынгердің сүйегі табылды
Архивтегі фото

Коронавирустан бір аптада 28 адам қайтыс болды

18
Қазақстанда өткен аптада коронавирус инфекциясынан болатын өлім-жітім алдыңғы аптамен алыстырғанда азайды

НҰР-СҰЛТАН, 22 қыркүйек – Sputnik. 14-20 қыркүйек аралығында Қазақстанда коронавирус инфекциясынан 28 адам көз жұмды, деп хабарлады COVID-19 індетін таратпау жөніндегі ведомствоаралық комиссия.

Бір апта ішінде қанша адам қайтыс болды  

  • Алматы қаласы – 2,
  • Шымкент қаласы – 1,
  • Атырау облысы – 5,
  • Шығыс Қазақстан облысы – 6,
  • Жамбыл облысы – 3,
  • Батыс Қазақстан облысы – 4,
  • Қарағанды облысы – 3,
  • Қостанай облысы – 1,
  • Маңғыстау облысы – 1,
  • Павлодар облысы – 1,
  • Солтүстік Қазақстан облысы – 1.

Салыстыру үшін айтсақ, бұдан алдыңғы аптада індет 37 қазақстандықтың өмірін жалмаған еді.

Ресми мәлімет бойынша, Қазақстанда барлығы 1 699 адам қайтыс болды.

18
Кілт сөздер:
коронавирус
Тақырып:
Коронавирус эпидемиясы
Тақырып бойынша
Министрлік қатаң карантин қандай жағдайда енгізілетінін айтты
Ғалымдар коронавирусқа қарсы дәрінің өлімге әкеп соғатын қаупін анықтады
Ракпен ауыратын қазақстандықтарға емді тоқтату ұсынылды
Қазақстанда коронавирусты қайта жұқтырғандар бар ма?
Өзбекстанның вице-премьері қайтыс болды