Архивтегі фото

Ұлы Отан соғысы: қазақ жауынгері мен оның қызметтік иті туралы қызықты әңгіме   

958
18 жасында Қызыл армияға қосылған Зейнолла Құндыбаев бірден барлау бөлімшесіне түсті. Ал фашистерді анықтау миссиясын өзінің досы – "Бой" атты төбетімен бірге орындап жүрді

Зейнолла Құндыбаевтың өмірі – нағыз ерліктің үлгісі. Оның күйеу баласы, Каспий құбыры консорциумы бас директорының орынбасары Қайыргелді Қабылдин атасының жауынгерлік тағдыры туралы айтып берді.

Майданның алдыңғы шебінде жүрді

1942 жылы Зейнолла Құндыбаев 18 жасында майданға шақырылған. Ірі денелі әрі білімге құмар қазақ жігіті бірден басшылықтың көзіне түскен. Сөйтіп, арнайы мақсаттағы құрылымдар бойынша кіші командирлерді даярлайтын мектепке жібереді. Сол жерде Зейнолла әскери дайындықпен бірге кинолог мамандығын да меңгеріп шықты.

Зейнолла Кундыбаев
© Photo : Из личного архива Каиргельды Кабылдина
Зейнолла Құндыбаев

Осылайша, 1943 жылы наурыз айында Қызыл әскердің сарбазы Құндыбаев "Бой" деген қызметтік итімен бірге арнайы мақсаттағы полкке түсті. I Украина майданында ондай полк жалғыз болған. Оған кірген сарбаздар танктер мен қару-жарақты, жаудың жансыздарын жойды. Жарақат алған сарбаздарды құтқарды.

Ит фашистердің қозғалысын сезді

Барлаушылар бөлімшесіне түскен Зейнолла Құндыбаев төбетімен бірге күнде майданның алдыңғы шебіне шығып, аса қауіпті рейдтерді жасап отырды. Негізгі мақсат – жаудың барлау топтарын анықтау.

Фашистерді торуылдау кезінде үнемі жер бауырлап жүруге тура келді. Бой екеуі ұзақ уақыт батпақта - суық және сасық саздың ішінде жататын. Ал фашистердің көзіне түспеу үшін плащ-шатыр жамылған, үстіне жапырақ шашып қоятын. Ал Бой өзінің иіс сезу және есту қабілетінің арқасында талай рет жауды анықтауға көмектесті.

Оқи отырыңыз: Нұр-Сұлтанда соғыс ардагерлері 1 миллион теңгеден алады 

Иесіне адал барлаушы ит барлық тапсырманы мүлтіксіз орындады және бірде-бір рет қателеспеді. Жасырынып жатқанда дыбыс шығармайтын. Ал түнгі уақытта жау жаққа көзін қадап, барлық өзгерісті сезіп отыратын. Иттің шүйдесі күжірейіп, қарғы бауы тартылғанда Құндыбаев фашистердің еңбектеп келе жатқанын анық білді. Бойдың көзінен жаудың қай жаққа қозғалып жатқанын да анықтап отырды.

Құндыбаев итімен бірге талай рет күтпеген жерден келген жаудың жансыздарына тойтарыс берді. Сол үшін екеуі көптеген награда алды. Соның ішінде екі Даңқ ордені, Қызыл ту ордені, Қызыл жұлдыз, Отан соғысы, "Беринді алғаны үшін" және "Германияны жеңгені үшін" медальдары бар.

Бірде-бір рет жарақат алмады

Өкінішке қарай, Бой Ұлы Жеңісті көре алмады. Ол мина жарылысынан өлді. Сержант Құндыбаев өзінің жауынгерлік жолдасымен қоштасқанда көз жасын жасыра алмады. Бұдан кейін ол ит алған жоқ.

Құндыбаевты барлау бөлімшесінің командирі қызметіне қойды. Ол Сандомир плацдармында болған шайқасқа қатысты. Венаны азат етіп, Берлинді алуға атсалысты. Таңғалатын жері, осындай жанқиярлық ерлік кезінде бірде-бір рет жарақат алмады.

Ұлы Жеңістен кейін Құндыбаев Австрияда әскери қызметін жалғастырды. 1948 жылы ғана демобилизациядан өтті. Сол жылы жан жарын да кездестірді.

1965 жылы 9 мамырда Жеңістің 20 жылдығына арналған салтанатты шарада Зейнолла Құндыбаев бірінші болып Павлодардағы мәңгі алаудың отын жақты. 2004 жылы Құндыбаев мәңгілік сапарға аттанды.  

"Қайын атам мен өз әкем Мақсұт Қабылдиннің ерліктері жайында естігеніме біраз жыл болды. Соған қарамастан, біз олардың ерлігін ешқашан ұмытпаймыз. Олар басқа ардагерлер сияқты бейбіт Отанымызды құруға лайықы үлес қосты", - дейді Қайыргелді Қабылдин.

958
Кілт сөздер:
сарбаз, ит, Ұлы Отан соғысы
Тақырып бойынша
Тараздықтар соғыс ардагерлерін ерекше құттықтады – видео
Ардагерлерге материалдық көмек көрсетуге 7,6 млрд теңге бөлінді
Жасы 85-тен асқан ардагерлер пойызбен тегін жүретін болады
Церемония возложения цветов к Могиле Неизвестного солдата 2020 год

Тоқаев Жеңіс парадынан кейін "Белгісіз солдат" қабіріне гүл шоғын қойды

67
(Жаңартылды 18:35 24.06.2020)
Мәскеуде қызыл алаңда Екінші дүниежүзілік соғыстағы жеңістің 75 жылдығын атап өтуге арналған әскери парад аяқталды

АЛМАТЫ, 24 маусым – Sputnik. Ресей президенті Владимир Путин шет мемлекет басшыларымен бірге Мәскеудегі Жеңіс парадынан кейін "Белгісіз солдат" қабіріне гүл шоғын қойды. Салтанатты рәсімге Қазақстанның көшбасшысы Қасым-Жомарт Тоқаев та қатысты. 

1941-1945 жылдары болған Екінші дүниежүзілік соғыстағы Жеңістің 75 жылдығы құрметіне арналған әскери парад Қызыл алаңда өтті.

Шеруден кейін Владимир Путин басқа мемлекеттерден шақырылған құрметті қонақтармен бірге Александров бақшасына гүл қою рәсіміне көшу үшін трибуна маңынан өтті.

Белгісіз кеңес жауынгерінің мәйіті Мәскеу маңындағы бауырластар зиратынан көшіріліп, 1966 жылы Александров бағында салтанатты түрде қайта жерленді. Келесі жылы мұнда мемориал ашылды, ол жерде "Мәңгілік алау" негізгі элемент болып тұр.

24 маусымда Мәскеудегі Жеңіс парадына 14 мыңнан астам әскери қызметші қатысты, сонымен қатар 234 тарихи және қазіргі заманның жердегі әскери техникасы жұмылдырылды.

Қызыл алаңнан Әзірбайжан, Армения, Беларусь, Үндістан, Қазақстан, Қырғызстан, Қытай, Молдова, Моңғолия, Сербия, Тәжікстан, Түрікменстан және Өзбекстан мемлекеттерінің әскери қызметшілері жүріп өтті.

Кремльде парадқа шақырылған мемлекет басшыларына арналған қабылдау өтті.

Путин мәртебелі меймандарды Мәскеуде қуана қарсы алғанын айтты.

 

67
Кілт сөздер:
Мәскеу, гүл, Жеңіс күні, Қасым-Жомарт Тоқаев
Тақырып бойынша
Тоқаев Путиннің Екінші дүниежүзілік соғыс туралы мақаласын жоғары бағалады
Жеңіс парады: Тоқаев қазақстандық әскерилерге құрмет көрсетті - видео
Қырғызстан президенті Мәскеуге ұшып барғанымен Жеңіс парадына қатысқан жоқ
Назарбаев COVID-19 жұқтырды: Елбасының денсаулығына қатысты ақпарат шықты
Біз кеңес халқының нацизмді жойғанын әрдайым есте сақтаймыз – Путин
Архивтегі фото

"Соғыс бейнесі"– ардагерлердің суретін жүктеуге болатын онлайн-мұрағат

52
Акцияға ТМД елдерінің музейлері, еуропа мұрағаттары мен Токиодағы институт қосылды, деп хабарлады Россотрудничество 

НҰР-СҰЛТАН, 15 маусым – Sputnik. Россотрудничество қолдауымен Ұлы Отан соғысындағы Жеңістің 75 жылдығына орай құрылған "Соғыс бейнесі" алғашқы тегін фотобанк www.imagesofwar.ru халықаралық деңгейге шығады. Агенттік басшысының орынбасары Михаил Брюхановтың айтуынша, енді жобамен ТМД мен Еуропаның бірқатар елі ынтымақтасады.

Атап айтқанда, жобаға "Қазақстандық инновациялар және телекоммуникациялық жүйелер университеті" үкіметтік емес білім беру мекемесі, "Орыс мәдениетінің орталығы" Батыс Қазақстан облыстық қоғамдық бірлестігі, Әзербайжан Республикасының Ұлттық тарих музейі, "Жеңіс мұрагерлері" халықаралық одағының Әзербайжандағы өкілдігі, Қырғызстандағы А.А.Кутанова атындағы Ленинград қоршауының тарихы музейі, Армения Республикасы қорғаныс министрлігінің "Майр Айастан" әскери тарихы музейі, Арменияның Ұлттық мұрағаты, Киевтегі "Орыс ұлттық-мәдени қоғамдастығы" ұйымы қосылғысы келеді.

Аты аңызға айналған Т-34: Жарылған танкте үш күн жатып, аман қалған қазақ жауынгері 

Сонымен қатар, Сербияның тарихи мұрағаты, Кипр фотографтарының қауымдастығы және Жапонияның екі ұйымы –Токио орыс тілі институты және Еуропа мен Азия арасындағы ынтымақтастық қауымдастығы фотокбанкпен ынтымақтастық орнатуға ниетті.

"Соғыс бейнесі" жобасы арқылы Екінші дүниежүзілік соғыс кезіндегі фотосуреттердің электронды базасы жасалды. Қазірдің өзінде фотобанкке 2 мыңнан астам сурет жүктелген.  

Ресей президентінің көмекшісі Владимир Мединский журналистермен онлайн-кездесуі барысында мәлімдегендей, фотомұрағатта Евгений Халдей, Борис Кудояров, Иван Шагин секілді танымал әскери фототілшілердің жұмыстары жинақталған. Дегенмен жобаға қарапайым азаматтардың да фотосуреттері қажет.

"Соғыс бейнесі" порталының оқырмандарына өз отбасындағы батырлардың суреттерін өз бетінше жүктеуге мүмкіндік берілді, - деді Мединский. – Осылайша, әркім тарихи зердені сақтауға өз үлесін қоса алады".

Сонымен бірге Владимир Мединский қолданушыларды фотосуреттерді жүктеу кезінде формулярды мүмкіндігінше дәл толтыруға шақырды.

"Шынайы әрі факт болу үшін кімнің суреті екенін, қандай жағдайда түсірілгенін көрсету керек, –  деп атап өтті ол. –  Фактілер неғұрлым көп болса, тарихты бұрмалау мүмкіндігі соғұрлым азаяды".

Мединский атап өткендей, жобаның басты мақсаты – кеңес сарбаздарының ерліктерін бұрмалауға жол бермеу, мұнда басқа мемлекеттермен бірлескен жұмыс та маңызды рөл атқарады.

52
Тақырып бойынша
Соғыста қаза тапқан қазақстандықтың сүйегі отанына жеткізіледі
Соғыста қаза тапқан қазақ жауынгерінің қайда жерленгені 77 жылдан кейін анықталды
Жүзден аса фашистің көзін жойды: Кеңес Одағының батыры Төлеген Тоқтаров туралы не білеміз
Көзі тірісінде білмей кетті: Ілияс Есенберлиннің туыстары тың деректі бөлісті
Майданда қаза тапқан капитан Игишевтің ерлігі мен махаббат оқиғасы
Архивтегі фото

Ақтау Жаңаөзен тасжолында бірнеше адам көз жұмды видео

0
Полицияның мәліметінше, Toyota Alphard минивэнінің жүргізушісі рөлге ие бола алмай, аударылып кеткен

НҰР-СҰЛТАН, 5 тамыз – Sputnik. Ақтау – Жаңаөзен тасжолында Toyota Alphard минивэні аударылып кетті.

Трагедия 5 тамыз күні таңертең болды. Оқиғаның қалай болғанын Маңғыстау облысы полиция департаментінің баспасөз қызметі хабарлады, деп жазды Lada.kz.  

Полицияның мәліметінше, Toyota Alphard минивэнінің жүргізушісі рөлге ие бола алмай, аударылып кеткен.

"Бұл факт Қарақия аудандық полиция бөлімінің сотқа дейінгі тергеулердің бірыңғай тізілімінде Қазақстан Республикасы Қылмыстық кодексінің 345-бабы 4-бөлігі бойынша тіркелді), - деп хабарлады ведомство.

Бұл баптың жазасы бес жылдан 10 жылға дейінгі мерзімге соттауды, сондай-ақ жеті жылға дейін белгілі бір лауазымдарды атқару немесе белгілі бір қызметпен айналысу құқығынан айыруды көздейді.

"Суық хабар жетті": үш қазақстандық балуан жол апатынан қаза болды

Алдын ала мәлімет бойынша, апаттан 4 адам адам көз жұмған, тағы төртеуі ауруханада жатыр.

0
Кілт сөздер:
видео, жол апаты, Ақтау
Тақырып бойынша
"Астана Опера" театрының жетекші солисі жол апатынан қаза болды
Нұр-Сұлтанда автокөлік бағанды құлатып, аялдамаға соғылды
Атырау облысында жедел жәрдем бригадасы көз жұмды
Блок бекеттегі апат: марқұм полицейдің әйелі алғаш рет қайғылы оқиға жайлы айтты
Атырау облысында болашағынан үміт күттірген үш боксшы қаза болды