Қорғас

Жаңа кедендік кодекс бизнестің мүддесін қорғай ма?

58
(Жаңартылды 13:19 23.08.2017)
Үкіметте жаңа кедендік кодекстің жобасы талқыланды

АСТАНА, 22 тамыз – Sputnik. ҚР Қаржы министрі Бақыт Сұлтанов "Қазақстан Республикасындағы кедендік реттеу туралы" кодекс жобасындағы жаңашылдықтар туралы айтып берді, деп хабарлайды Sputnik Қазақстан тілшісі. 

"Жаңа ұлттық кеден кодексінің жобасы Еуразиялық экономикалық одақтың кеден кодексінің сілтеме нормаларын ескере отырып әзірленді. Осы кодекс кедендік әкімшілендірудің ұлттық ерекшеліктерін ескере отырып, кедендік құқықтық қатынастарды нақтылайды. Тәуелсіздік жылдарында жинақталған ең озық құқық қолдану практикасы жаңа кодексте жинақталған", — деп баяндады Бақыт Сұлтанов кодекс жобасы талқыланған үкімет отырысында. 

Оның айтуынша, кедендік әкімшілендіруді оңайлату жұмыстарына бизнес өкілдері белсенді қатысқан. Министр кодекс жобасына енгізілген кедендік әкімшілендіруді оңайлатудың ең маңызды бес тұсына тоқталды.

"Бірінші, жоғары ұлттық кедендік кодекстің нормаларын ескере отырып бизнес пен кеденнің электронды өзара іс қимыл басымдылығы бекітілді. Тауарларды декларациялау және шығару процесі автоматтандырылатын болады. Тәуекелдер болмаған жағдайда ақпараттық жүйе кедендік декларациялар бойынша шешімді санаулы минуттарда қабылдайтын болады. Бұл ретте декларацияны қараудың ең жоғарғы мерзімі 1 жұмыс күнінен 4 сағатқа дейін қысқартылды. Мұндай жаңалық бизнестің шығындарын елеулі төмендетеді және тауарларды өткізу пунктер арқылы өткізуді жеделдетеді", — деп атап өтті министр. 

Екіншіден, әлемнің алдыңғы қатарлы елдерінің тәжірибесі бойынша кеден қызметкерлері транзиттік декларацияны және жолаушылар кедендік декларацияны толтыру мүмкіндігіне ие болады. Бұл брокерлік компаниялар қызметіне балама болмақ.

"Үшіншіден, "Мемлекет және бизнес әріптестік" принципін қамтамасыз ету мақсатында уәкілетті экономикалық операторлар үшін оңайлатулар қайта қаралды. Енді олар Еуразиялық экономикалық одақтың барлық аумағында транзит кезінде мәртебесін мойындаумен қосымша оңайлатуларға ие болады. Бұдан басқа, операторларға қатысты кедендік операциялар тікелей олардың қоймасында бірінші кезек тәртібінде жасалатын болады", — деді қаржы министрі. 

Сонымен қатар, алдынғы қатарлы ақпараттық технологиялардың мүмкіндіктерін қолдану және шешу мақсатында электронды кедендік алып жүру енгізіледі. Ол бүгінгі күнге дейін қолданылып жүрген тауарларды физикалық алып жүруді алмастыратын болады.

"Бесіншіден, кедендік әкімшілендірудің төлемдер бөлігі пысықталды, олардың нәтижесі бойынша кедендік  төлемдерді алда болатын міндеттемелер есебіне аванспен енгізу, сондай-ақ оларды кедендік төлемдердің, салықтардың төленуін қамтамасыз ету ретінде пайдалану мүмкіндігі белгіленді", — деп баяндады Сұлтанов. 

Бұдан басқа, кодекстің жобасында Қазақстан-Қытай жобасы — "Қорғас" шекара маңы ынтамақтастығы халықаралық орталығын дамытуға бағытталған ережелер көзделіп отыр. Осы орталықтың аумағында арнайы экономикалық аймақтың құрылуын ескере отырып, бизнеспен бірлесіп еркін кедендік аймақ рәсімін қолдану бойынша тәсіл келісіліп, реттелген. 

"Қорғас" ШЫХО аумағында шетелдік тауарларды декларацияламай және кедендік төлемдерді төлемей тұтыну мүмкіндігіне жол берілді. Бұл қызмет көрсету және қоғамдық тамақтандыру саласы үшін шетелдік тауарларды қосымша шығынсыз әкелуге мүмкіндік береді. Бажсыз сауда дүкендерінің жұмыс істеу мүмкіндігі ашылады,  онда отандық, сондай-ақ шетелдік тауарларды жеке тұлғаларға бөлшек саудалап сатуды жүзеге асыруға болады, бұл «Қорғас» ШЫХО-ға туристік қызығушылықты жоғарылатады. Жаңа Кодекс күшіне енген соң біз мемлекеттің және бизнестің өзара іс-қимылының жаңа деңгейіне шығамыз және сыртқы экономикалық қызмет одан да оңайландырылған және реттелген болады деп санаймыз", — деп түйді сөзін Сұлтанов.

58
Үкімет үйі

"Ұпай жинайсыз деді": Тоқаев үкіметті неге отставкаға жібермегенін ашық айтты

1893
(Жаңартылды 15:26 10.07.2020)
Президент кез келген дағдарыс әрбір басшының кәсіби біліктілігін анықтайтын сынақ екенін атап өтті

НҰР-СҰЛТАН, 10 шілде – Sputnik. Қазақстан президенті Қасым-Жомарт Тоқаев үкіметті неге отставкаға жібермегенін түсіндірді, деп хабарлайды Sputnik Қазақстан тілшісі. 

"Ашығын айтайын: осы отырысқа дайындалып жүргенде маған кейбір өңірлердің, ведомстволардың бірінші басшыларын жұмыстан шығаруға, тіпті бүкіл үкіметті отставкаға жіберуге кеңес берді. Мұндай шешімді қоғам жақсы қабылдайды, ұпай жинайсыз деді. Бірақ, маған ұпай мүлде керек емес. Мен жауапты адамдарды тыңдауға және құлақ асуға дайынмын, бірақ көпшілік алдында ойнамаймын. Бұған жасым да, лауазымым да сай емес", - деді Тоқаев үкіметтің кеңейтілген отырысында. 

Ол кейбір әкімдер сөгіс пен ескерту алғанын еске салды. 

"Жалпы мұндай жазаға басқа облыстардың немесе министрліктердің басшылары лайық шығар. Бірақ біз қазір әлеуметтік-экономикалық дамудың қатерлі кезеңінде тұрмыз. Одан әрі ушыға беретін дағдарыстан шығу үшін үкімет пен әкімдер батыл әрі жанкешті іс-қимыл жасауы қажет. Бұл әлемдік экономикаға қатысты болжам, ал Қазақстан оның бір бөлігі", - деді мемлекет басшысы. 

Ол мемлекеттік органдардың барлық шешімі халыққа және ұлттық экономикаға арналуы тиіс екенін атап өтті. Орындаушылардың қателіктері, қағазбастылыққа жол беруі қарапайым адамдардың әл-ауқаты мен денсаулығына зиян келтіреді.

"Кез келген дағдарыс – әрбір басшының кәсіби біліктілігін анықтайтын сынақ. Осыны есте сақтаңыздар", - деді Тоқаев.

Айта кетсек, 10 шілдеде президенттің төрағалығымен үкіметтің кеңейтілген отырысы өтті. Жиында Қазақстанның әлеуметтік-экономикалық дамуының қорытындылары мен жыл соңына дейін орындалатын міндеттер қаралды.

 

1893
Кілт сөздер:
отставка, үкімет, Қасым-Жомарт Тоқаев
Тақырып бойынша
Тоқаев биліктің қалай өзгеретінін айтты
Мемлекет басшысы жаңа оқу жылына дайындық мәселесін қозғады
Президент халықты қолдау шараларын әзірлеуді тапсырды
Тоқаев министрлер мен әкімдерге: демалысты ұмытыңдар
Президент екінші Жолдауында қандай мәселені көтеретінін айтты
Қазақстан президенті Қасым-Жомарт Тоқаев

Тоқаев үкіметтің кеңейтілген отырысын өткізеді

575
(Жаңартылды 10:35 10.07.2020)
Үкімет 2020 жылдың алғашқы жарты жылдығындағы еліміздің әлеуметтік-экономикалық даму қорытындысы туралы есеп береді

НҰР-СҰЛТАН, 10 шілде – Sputnik. Президент Қасым-Жомарт Тоқаев сағат 11:00-де видео байланыс арқылы үкіметтің кеңейтілген отырысын өткізеді.

Жиында үкімет 2020 жылдың алғашқы жарты жылдығындағы еліміздің әлеуметтік-экономикалық даму қорытындысы туралы есеп береді, деп хабарлады мемлекет басшысының баспасөз хатшысы Берік Уәли.  

"Сондай-ақ коронавирусқа қарсы күреске қатысты қабылданған шаралар, мемлекет басшысының үкіметтің алдағы уақытта атқаратын жұмысының негізгі бағыттары бойынша берген тапсырмалары мен міндеттері қарастырылады", - деп жазды ол.

Президенттің баспасөз қызметі @AkordaPress ресми аккаунтында твит-трансляция жасайды.

Оқи отырыңыз: Президент денсаулық сақтау саласында тергеу жүргізілетінін мәлімдеді 

Қазақстандық саясаттанушылар Sputnik Қазақстанға берген сұхбатында Тоқаев үкіметтің бірлескен отырысында кадрлық тағайындаулар жасайды деп болжаған еді.   

575
Тақырып бойынша
Президент дәрі-дәрмек тапшылығы мәселесі қай кезде шешілетінін айтты
Тоқаев ел азаматтарын дүрбелеңге салынбауға шақырды
Тоқаев үйде көмек көрсететін мобильді топтардың саны артатынын хабарлады
Тоқаев "Астана" қаржы орталығының артықшылығын атады
Тоқаев жалпыұлттық аза тұту күнін жариялау туралы жарлыққа қол қойды
Ақ үй

Вашингтон Еуропаны қалай жазаламақ?

0
Дональд Трамп әкімшілігі мен Facebook, Google және Amazon секілді америкалық ІТ-алыптардың арасындағы барлық қиыншылыққа қарамастан, АҚШ президенті америкалық корпорациялардың табысын еуропалық салықшылардан қорғауға бел буды

Соған қарағанда, Дональд Трамп АҚШ пен Еуроодақ арасындағы трансатлантикалық ниеттестікті құрбан етуге дайын болып шықты.

Көп жылдан бері туындап келе жатқан баяғы дау қазір құны миллиард долларлық қаржылық соққыға айналды: Еуроодақ ондаған жыл бойы ЕО-да салықсыз жұмыс жасап келген америкалық корпорацияларға қысым көрсетпекші болса, АҚШ минималды фискалдық тәуелсіздік алуға тырысқаны үшін Еуроодақты жазаламақ. Мойындау керек, Трамп командасының кек алуы нысанына дөп тиді. Яғни, амеркалық ІТ-бизнес салық төлеуі тиіс деген идеяны ұсынған әрі тәуелсіздікке ұмтылған "арсыз" автор анықталып, одан соң, америкалықтар тарапынан жауап ретінде нақты шаралар қабылданды.

"Google, Facebook және Amazon үшін еуропалық салық" ұсынысының авторы әрі шабыттандырушысы Франция президенті және күш-қуаттың әлемдік полюсы ретінде Еуропаның қалпына келтірілуі жайлы сөз қозғауға жаны құмар Эммануэль Макрон болып шықты. Сәйкесінше, Ақ үй тоқпағының астында қалған компаниялар тізімі Елисей сарайына барынша қолайсыздық тудыратындай етіп жасалғаны анықталды.

Америкалық CNBC қаржы арнасы мынандай хабарлама жасады:

"АҚШ-тың кейбір санаттағы тауарлар үшін жоғары тарифтер орнату мүмкіндігі жайлы мәлімдемесінен кейін осы сегментте жұмыс жасайтын француздық люкс компаниялардың акциялары төмендеді. Қаңтар айының соңынан бастап енгізілуі мүмкін жаңа тарифтерге сәйкес, АҚШ Сыртқы сауда қарым-қатынасы жөніндегі федералдық агенттігі Франциядан жеткізілген импорт тауарлар үшін 100%-ке дейін салық алуы мүмкін. Жаңа тарифтер бойынша импорттың болжамды сомасы 2,4 млрд долларды құрап отыр. Француздық акциялардың құлдырауы Louis Vuitton, Hennessy, Hermes, Christian Dior, Gucci, Yves Saint Laurent және Balenciaga иелік ететін компанияларға қатысты болды".

"Жүз процент деген өте көп", - деді Chanel сән үйінің президенті Бруно Павловский The Wall Street Journal басылымына берген сұхбатында. "Бұл тариф емес. Жүз процент – бұл айыппұл", - деген ол.

Айта кету керек, америкалық шенеуніктер бұл мәселенің шешімі бойынша өз ұсыныстарын жасап жатыр. Олардың пайымдауынша, Еуроодақ аумағында нақты америкалық компанияларға қысым көрсетуге тырысқан Макрон бәріне кінәлі. Бұл айыптау, тіпті, дәстүрлі патриот болып саналатын америкалық БАҚ-тың өзінде күмән тудыратыны анық.

"Құрама Штаттары француздық салықтың құрылымы Facebook, Google және Amazon секілді америкалық ірі интернет-компанияларға бағытталуын әділетсіз деп санайды. Әйтсе де, басқа мемлекеттер өз нарығында долларды миллиардтап тауып жатқан фирмалардан табыс көруді көздеуі күшейіп келеді", - дейді Politico басылымы.

Сенат спикері Мәулен Әшімбаев АҚШ елшісімен кездесті
© Photo : Пресс-служба сената Казахстана
Трамптың кек алу құралы ретінде дәл осы "француздық люксты" таңдап алуы тектен-тек емес. Себебі, инвесторлар дәулеті тасыған тұтынушылармен жұмыс жасайтын фарнцуздық компанияларды коронавирус эпидемиясымен қатар, сауда соғысынан да берік қорғалған деп сеніп келді. Пандемиямен күрес шаралары салдарынан экономикалық дағдарыс тұңғиығына батып бара жатқан Франция жағдайында люкстік компаниялар үміт сәулесі іспеттес болды.

Сондай-ақ, аталған компаниялар дәстүрлі өнеркәсіпте Германия және Қытаймен бәсекелес бола алмайтын Францияның халықаралық аренадағы бәсекелестік басымдылығының символы тәрізді еді. Егер француз президентінің әкімшілігін қорқытып, еуропалық салық жүйесіне ықпал ету межелі мақсат болса, люкс компанияларды америкалық нарықтан аластатып, аталған символды аяқасты ету ұтымды идея.

Франция қырсықса, америкалық компанияларға кемінде ұлттық деңгейде салық салуы мүмкін. Алайда, еуроодақтық салық салуды қолдап, соның салдарынан экспорт үшін 100% салық тарифын "сыйға" ала қоюы екіталай.

Бір есептен, бұл жағдайда мәселе экономикалық дау-дамайда ғана емес. Бұл еуропалық саясаткерлердің мәртебесі туралы дау. Мәселе бизнесмендердің кімге салық төлеуінде болып отыр. Осы салықтарды енгізу және жинауға кім құқылы болса, сол нақты бір аумақтағы билік иесі болады. Мұндай жағдай тарихта болған, әрине. Алайда, ол үшін соғыс жағдайында жеңілгенде немесе әскери күштерді біріктіру жөніне капитуляция келісімшартына қол қойғанда ғана орын алған.

Сәйкесінше, онлайн-жарнама мен интернет-сауда нарығында үстемдігі басым ойыншы болып отырған және француздық компаниялардан миллиардтаған еуро алып отырған шақта, бұл жағдайда бір тиынға ие емес француздық бюджет АҚШ алдында колония рөлінде екенін немесе экономикалық дербестікке ие емес екенін мойындау керек.

Айта кету керек, Трамптың Францияны жазалау жөніндегі шараларын АҚШ-тағы республкалық та, демократиялық та партиялардың өкілдері қолдады. 

Егер, жағдай осылай жалғаса берсе, күздегі сайлауда кім жеңгеніне қарамастан, Вашингтон – Париж, Вашингтон – Берлин қарым-қатынасы ушыға бермек. Chanel иіссуы мен Hermes сөмкелерін америкалықтар тек контрабанда арқылы алатын және еуропалықтар америкалық әлеуметтік желіге балама ойластыратын болашақ та алыс емес секілді.

0