АСТАНА, 19 қазан — Sputnik. Астанада Сириядағы ахуал бойынша келіссөздердің кезекті раунды 30-31 қазанда өтеді, деп хабарлайды ҚР ІІМ баспасөз қызметі.
"Қарулы қақтығысты тоқтату режиміне кепіл елдердің келісімі бойынша жетінші халықаралық кездесу Астаналық процес аясында 2017 жылы 30-31 қазанда өтеді", — делінген ресми хабарламада.
Келіссөздер барысында тұтқындар мен түрмедегілерді босату, қаза тапқандардың мәйітін беру және із-түссіз жоғалғандарды іздеу бойынша жұмыс тобы туралы ереже бекітіледі. Сонымен қатар, тараптар халықаралық терроризммен күрес мәселесін қарастырып, Сириядағы гуманитарлық минасыздандыру туралы біріккен мәлімдеме қабылдауды көздейді.
