АСТАНА, 29 наурыз — Sputnik. КХДР мен Оңтүстік Корея делегациялары екі ел арасындағы саммитке дайындық туралы келіссөздерді бастады, деп хабарлайды РИА Новости.
Хабарланғандай, келіссөздер демилитаризацияланған аумақтағы Пханмунджом бекетінде Солтүстік Кореяның "Тхонильгак" ғимаратында өтіп жатыр.
Солтүстік Корея делегациясында үш адам, басшысы – Отанды бейбіт біріктіру бойынша комитет төрағасы Ли Сон Гвон. Оңтүстік Кореяның өкілі — Корея Республикасының ұлттық бірігуі істері бойынша министрі Чо Мён Гюн.
Кездесуде тараптар екі елдің біріккен саммитінің нақты күні мен күн тәртібіндегі мәселесін анықтайды.
