Қазақ-қырғыз шекарасы

Мәжіліс қазақ-қырғыз шекарасын шегендеу туралы шартты мақұлдады

141
(Жаңартылды 13:45 12.09.2018)
Төменгі палатада "Қазақстан Республикасы мен Қырғыз Республикасы арасындағы Қазақстан-Қырғызстан мемлекеттік шекарасын шегендеу туралы шартты ратификациялау туралы" заң жобасы қаралды

АСТАНА, 12 қыркүйек – Sputnik. Мемлекеттік шекараны шегендеу туралы шарт Қырғызстанмен аумақтық даулардың туындауын алдын ала жоюға ықпал етеді, деп хабарлайды Sputnik Қазақстан тілшісі.

Мәжілістің жалпы отырысында депутаттар Қазақстан мен Қырғыз Республикасы арасындағы Қазақстан-Қырғызстан мемлекеттік шекарасын шегендеу туралы шартты ратификациялау туралы заң жобасын мақұлдады. 

Сыртқы істер министрінің бірінші орынбасары Мұхтар Тілеубердінің айтуынша, шарттың басты мақсаты – Қазақстан мен Қырғызстан арасындағы шекараны халықаралық құқықтық бекіту. 

"Шартқа сәйкес, Қазақстан, Қырғызстан және Қытай мемлекеттік шекараларының түйісу нүктесі – шекараның бастапқы нүктесі, ал Қазақстан, Қырғызстан және Өзбекстан шекараларының түйісу нүктесі – шекара сызығының соңғы нүктесі болып табылады. Шекара сызығы мен шекарадағы бүкіл шекаралық белгінің орналасқан жері шарттың ажырамас бөлігі болып табылатын картаның 46 парағына түсірілді", — деді Тілеуберді мәжіліс отырысында.

Шекараны шегендеу нәтижесінде мемлекеттік шекара сызығының ұзындығы 1257, 07 шақырымды құраған. Шекара сызығында 1055 бағана орнатылды, оның 533-і – Қазақстан тарапымен, 522-сі – қырғыз тарапымен.

"Шарттың күшіне енуі Қазақстанның мемлекеттік шекарасын халықаралық құқықтық рәсімдеу процесінің аяқталуына, сондай-ақ Қырғызстанмен аумақтық даулардың туындауын алдын ала жоюға ықпал етеді. Қалыптасқан геосаяси жағдайларда шекараны шегендеуді мүмкіндігінше жақын мерзімде аяқтау мемлекетіміздің аумақтық тұтастығын, шекараның мызғымастығын қамтамасыз ету мен ел егемендігіне төнуі мүмкін қауіп-қатерді болдырмауға сеп болады", — деді сыртқы істер министрінің орынбасары. 

Шартқа сәйкес тараптар 10 жылда бір рет мемлекеттік шекара сызығының белгіленуіне бірлесіп тексеру жүргізеді. 

Әрбір тарап шекаралық белгілерді қорғау жөнінде шаралар қолданады, олардың бүлінуіне, орнының ауыстырылуына немесе қирауына жол бермейді, сондай-ақ өздері орнатқан шекаралық белгілер үшін жауапты болады және оларды қарауды қамтамасыз етеді.

141
Кілт сөздер:
халықаралық қатынастар, шекара, саясат, мәжіліс, Қазақ-қырғыз шекарасы, Қырғыз Республикасы, Қазақстан
Тақырып бойынша
Атамбаев қазақ-қырғыз қарым-қатынасының болашағы туралы айтты
Сооронбай Жээнбеков қазақ-қырғыз қарым-қатынасы қалай өрбитінін айтты
Медведев қазақ-қырғыз шекарасындағы ахуалға қатысты пікір білдірді
Қырғызстанның премьері қазақ-қырғыз шекарасындағы жағдайды қиын деп бағалады
Қазақ-қырғыз шекарасында сарбаз өлім аузынан қалды - видео
Қасым-Жомарт Тоқаев

Президент Қазақстанда Қырым сценарийі қайталануы мүмкін дегендерге жауап берді

482
(Жаңартылды 12:14 03.06.2020)
Тоқаев Қырым немесе Донбасс сценарийінің Қазақстанда қайталануы туралы болжам жасайтындар туралы ойын айтты

АЛМАТЫ, 3 маусым – Sputnik. Мемлекет басшысы Қасым-Жомарт Тоқаев Қазақстанда Қырым немесе Донбасс сценарийінің қайталануы мүмкін деген болжамға жауап берді.

"Мұндай псевдосарапшылардың болжамында маңызды негіз жоқ. Олар Қазақстандағы жағдайды тұрақсыздандыруға және мемлекеттер арасындағы тату көршілік, одақтастық қарым-қатынастарды бұзуға бағытталған. Мұндай болжамды тек құзіреті жоқ, біреудің сөзін сөйлейтін қастық ойлаушылар ғана айта алады", - деді президент "Комсомольская правда" газетіне берген сұхбатында.

Сонымен қатар президент Қазақстан Ресей мен Беларусьтің одақтас мемлекетіне кіруі мүмкін бе деген сауалға жауап берді. Айтуынша, Қазақстанның Ресей мен Беларусьтің одағына қосылу жоспары жоқ.

"Қазақстан Ресей және Беларусьпен екіжақты форматта, сондай-ақ интеграциялық бірлестіктер (ЕАЭО, ҰҚШҰ, ТМД) аясында ынтымақтастық қарым-қатынаста және Ресей мен Беларусьтің одақтас мемлекетіне қосылу жоспары жоқ", - деді мемлекет басшысы.

Басым бағыт – аталған интеграциялар аясында одан әрі даму, деп атап өтті Тоқаев.

Сондай-ақ, экономикалық одақ ретінде ЕАЭО әлеуетін күшейту үлкен қызығушылық тудыратынын атап өтті.

"Кооперациялық байланыстарды дамыта отырып, тауарлардың, қызметтердің, жұмыс күшінің ортақ нарығын құра отырып, Одаққа қатысушы мемлекеттердің инвестиция тартуды күшейте отырып, ЕАЭО-ны жаһандық ауқымдағы тиімді құрылымға айналдыра аламыз. Бұл бағыттағы жұмыс жалғасып жатыр. 2025 жылға қарай жалпы энергетикалық, қаржы нарықтары қалыптастырылады. Басым бағыт – цифрлық өзара әрекеттесу", - деді Тоқаев.

482
Тақырып бойынша
Тоқаев Қытай төрағасы телефонмен сөйлескенде өзіне не дегенін айтты
Тоқаев: Қазақстандағы орыстар – еліміздің ажырамас бөлігі
Тоқаев Ресей Қазақстан үшін неге маңызды екенін айтты
Тоқаев Ресей және Қытаймен арадағы қарым-қатынас туралы айтты
Тоқаев Ресей, Беларусь және Қырғызстан президенттеріне орден тақты
Халыаралық әскери жиындар

Тоқаев: Қазақстанда АҚШ әскери базасын салу мәселесі талқыланбайды

84
(Жаңартылды 08:36 03.06.2020)
Қазақстан Америка құрама штаттарымен әріптестік орнатқан, алайда әскери база мәселесін қарастырмайды

НҰР-СҰЛТАН, 3 маусым – Sputnik. Қазақстан президенті Қасым-Жомарт Тоқаев Қазақстанда АҚШ-тың әскери базасын алу мәселесі қарастырылмайтынын айтты. 

"Қазақстанда АҚШ-тың әскери базасын салу мәселесі талқыланбайды және күн тәртібінде тұрған жоқ", - деді ол "Комсомольская правда" басылымына берген сұхбатында.

Президент Қазақстан мен Америка құрама штаттары арасында энергетика, инвестиция және технология салалары бойынша әріптестік сәтті жүзеге асырылып жатқанын жеткізді.

"Біз АҚШ-пен ядролық қаруды таратпау мәселесі бойынша үнемі байланыстамыз", - деді Тоқаев.

Мемлекет басшысы бұған дейін Қазақстан мен АҚШ мамандары арасында биологиялық қауіпсіздік мәселесі бойынша тығыз әріптестік болғанын атап өтті. 2016 жылдың қыркүйек айында Алматыда Орталық референс-зертхана ашылды. Кейбір мәліметтерге сәйкес, оның құрылысына АҚШ үкіметі 130 миллион доллар бөлген.

"Келісімшарттың аяқталуына байланысты АҚШ ғалымдары Алматыдағы биозертханадан кетті. Қазіргі уақытта тек қазақстандық мамандар жұмыс істеп жатыр. Зертхана мемлекет бюджетінен қаржыландырылады", - деді Тоқаев.

Биологиялық қауіпсіздік саласындағы зерттеулер Қазақстан үшін маңызды. Сондықтан Тоқаев Қазақстан ресейлік мамандармен әріптестік орнатуға дайын екенін жеткізді.

Бір апта бұрын Қазақстан президенті биологиялық қауіпсіздік жөніндегі заң әзірлеуді тапсырған болатын.

84
Кілт сөздер:
әскери база, АҚШ, Қасым-Жомарт Тоқаев
Тақырып бойынша
Тоқаев шенеуніктерге: ақша мен уақытты босқа жұмсауды доғару керек
Қазақстан қақтығыстарды бейбіт жолмен реттеуге үлес қоса алады – Тоқаев
Тоқаев қазақстандықтарға үндеу жасады
Тоқаев дезинфекция жасап жүрген жігітті таныды - видео
Тоқаев парламенттік оппозиция туралы конституциялық заңға қол қойды
Архивтегі фото

Алматыда карантин шарасы күшейтіледі

19
(Жаңартылды 16:56 03.06.2020)
Жандарбек Бекшин карантин режимі күшейтілгендіктен, саябақтарда сауда нысандары, аттракциондар жұмыс істемейтінін айтты  

АЛМАТЫ, 3 маусым – Sputnik. Алматыда карантин режимі  күшейтіледі. Бұл туралы қаланың бас санитар дәрігері Жандарбек Бекшин мәлімдеді, деп хабарлайды Sputnik Қазақстан тілшісі.

"Қалада 2 715 адамнан коронавирус табылды, оның ішінде 1 627 адам жазылды. Сол себепті карантин жалғасады және күшейтіледі. Бассейн, жағажай, саябақтар мен гүлзарлардағы түрлі аттракциондар ашылмайды. Егде жастағы адамдар баратын шипажайлар, мәдениет нысандары, ойын-сауық ғимаратында орналасқан кинотеатрлар, фуд-корттар, балалар алаңдары жабық тұрады", - деді Бекшин брифингте.

Оқи отырыңыз: Бекшин Алматыда қызметі тоқтатылған нысандарды атады 

Сонымен қатар карантин талаптарын жиі бұзатын нысандар қайтадан жабылуы мүмкін. Нысандардың жұмысына талдау жасалып жатыр, деді ол.

Бекшин карантин режимін күшейту бойынша басқа да шаралар қабылданатынын айтты.

"Саябақта үш адамнан артық серуендеуге болмайды, бұл отбасы мүшелеріне қатысты емес. Қазір карантин режимі күшейтілгендіктен, саябақтарда сауда нысандары, аттракциондар жұмыс істемейді", - деді ол.

Сонымен қатар бас санитар дәрігер мектептерде аттестат тапсыру кезіндегі санитарлық нормалар жайлы айтып өтті.

"Ең алдымен бұл іс-шара 40-50 минут арасында өтеді, тек бір сынып қана жиналады. Жиналғандар саны 60 адамнан аспайды. Тізім бойынша өткізіп жатқан іс-шара арасында үзіліс бір сағатқа созылады. 60 минут ішінде оқушылар мен ата-аналар шоғырланбай, қуаныштарымен бөлісіп, маңызды іс-шара аяқталады", - деді ол.

Екіншіден, қатысушылар медициналық маска тағады, деп толықтырды Бекшин.

Бекшин брифинг барысында мемлекеттік балабақшаларды ашу мәселесі қашан қаралатынын айтты.

"Қазіргі таңда карантинді күшейту шарасын қолға алып отырмыз. 15 маусымға дейін мемлекеттік балабақшаны ашу мәселесін қарастырмаймыз", - деді ол.

Бекшиннің айтуынша, қазір қалада мәдени нысандар ашылған жоқ. Барлығы қаладағы санитарлық-эпидемиологиялық жағдайға байланысты болады. Егер науқастардың өсімі соңғы жеті күнде 2 проценттен төмен болса ғана мәдени нысандарды ашу мәселесі қаралады.

"Өткен аптада күніне 25-тен 117 жағдайға дейін тіркелді. Біз қала аумағында адамдардың топ болып жиналуына тыйым салу бойынша қосымша шаралар енгізуге мәжбүрміз", - деді ол.

19
Кілт сөздер:
Алматы, карантин
Тақырып:
Төтенше жағдай және карантин
Тақырып бойынша
Блок бекетте шын мәнінде не болғаны жұртқа жария етіледі – полиция бастығы
Әскерге шақырылғандар он төрт күнге карантинге алынады 
"Тревога" десе, үй киімімен барасың": арнайы жасақтағы қыздар ашық сұхбат берді
Алматыда той жасауға рұқсат берілді ме
Қазақстанда карантин кезінде балалар суициді жиілеген