Соттағы балға үстел үстінде жатыр

Сенатор Қазақстанда лоббизм туралы заң қабылдауды ұсынды

52
(Жаңартылды 18:11 21.09.2018)
Әділет министрі Марат Бекетаев заң қабылдау үшін көптеген мәселені шешіп, кешенді түрде қарастыру керектігін айтты

АСТАНА, 21 қыркүйек — Sputnik. Сенат депутаты Мұхтар Құл-Мұхаммед Қазақстанда лоббизм туралы заң қабылдаудың уақыты келген сияқты деп санайды. Бұл туралы ол жоғарғы палатада өткен заң шығару процесін жетілдіру туралы үкімет сағатында айтты, деп хабарлайды Sputnik Қазақстан тілшісі.

"Әр министрлік нақты заң жобасын әзірлегенде, ең алдымен, өз мүддесін көздейтіні түсінікті. Бюджетті талқылау кезінде әкімдіктер өз өңірінің мүддесін депутаттар арқылы "тықпалайды", біз мұны да білеміз. Ұлттық экономиканы дамыту мәселелеріне арналған ірі заң жобаларын талқыға салған кезде, ұлттық компаниялар, қаржы-өнеркәсіптік топтар да қабылданатын шешімдерге ықпал етеді. Бұл да түсінікті. Әйтеуір ерінбегеннің бәрі парламент қабырғасында лоббистік қызметпен айналысады. Бірақ бір қызығы бізде лоббизм туралы заң жоқ. Егер осындай заң болса, біз лоббистік қызметтің неден басталып, неден аяқталатынын анық білетін едік", — дейді сенатор үкімет сағатында.

Қасым-Жомарт Тоқаев үкімет жұмысын сынады

Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының орынбасары Олжас Бектенов сенатордың ұсынысын қолдайтынын жеткізді. Айтуынша, лоббистік қызмет туралы заң жобасы парламентке енгізілген.

"Оның тарихы ұзақ. Агенттік өз тарапынан таяуда ғана осы мәселені көтерген еді. Өкінішке қарай, бұл мәселе шешілмей жатыр. Бірақ біздің позициямыз — заңды қабылдау қажет. Сонда біз лоббистік қызмет пен басқа да дүниелердің ара-жігін ажыратып, анықтап алар едік. Біз өз тарапымыздан мұны тек қолдаймыз", — деді Бектенов.

Әділет министрі Марат Бекетаев та сенатордың ұсынысына қатысты пікірін білдірді.

"Бұл қызметті реттеу керек, әрине. Біз әділет министрлігі ретінде, басқа елдердегі арбитражды талқылауларда мемлекет мүддесін көздеген кезде осындай мәселеге тап болған едік…Әсіресе бұл АҚШ-та кең дамыған", — деді министр.

Бекетаевтың айтуынша, заңның нақты қашан қабылданатыны туралы айту қиынырақ, өйткені көптеген мәселені шешіп, кешенді түрде қарастыру қажет.

52
Кілт сөздер:
пікір, сенат, министр, заң жобасы, депутат, Марат Бекетаев, Мұхтар Құл-Мұхаммед
Тақырып бойынша
Сенатор Бірғаным Әйтімова депутаттардың санасын жаңғырту туралы пікір білдірді
Сенатор: өлім жазасына мораторийді жою президенттің құзыретінде
Мәжіліс екі миллион адамның жалақысын көбейтетін заң жобасын мақұлдады
Діни қызмет туралы заң жобасы: Хиджабқа тыйым салына ма?
Қара жамылуға тыйым салатын заң жобасы мәжілісте мақұлданды
Жер дауынан кейін әзірленген заң жобасын мәжіліс бірінші оқылымда мақұлдады
Ұлттық мүддеге зиян тигізген адамды азаматтықтан айыратын заң жобасы мақұлданды
Ақорда

Тоқаев Лукашенкоға жеделхат жолдады

586
(Жаңартылды 14:29 10.08.2020)
Мемлекет басшысы Қазақстан мен Беларусь арасындағы өзара тиімді ынтымақтастық алдағы уақытта да табысты дами беретініне сенім білдірді

НҰР-СҰЛТАН, 10 тамыз – Sputnik. Қазақстан президенті Қасым-Жомарт Тоқаев Александр Лукашенконы Беларусь президенті болып қайта сайлануымен құттықтады, деп хабарлады Ақорда.

Тоқаев Қазақстан халқының және жеке өзінің атынан Александр Лукашенконы Беларусь президенті болып қайта сайлануымен құттықтап, жеделхат жолдады.

"Саяси жағдайдың күрделі болғанына қарамастан сайлаудың қорытындысы халық Сіздің Беларусь мемлекетінің егемендігі мен тәуелсіздігін нығайтуға негізделген стратегиялық бағытыңызды қолдайтынын көрсетті", – делінген жеделхатта. 

Президент екі ел халқының игілігі үшін Қазақстан мен Беларусь арасындағы өзара тиімді ынтымақтастық алдағы уақытта да табысты дами береді деп сенетінін жеткізді.

Оқи отырыңыз: Беларусьте президент сайлауынан кейін қақтығыс болды – видео 

Мемлекет басшысы Қасым-Жомарт Тоқаев Александр Лукашенкоға Беларусь Республикасының Президенті ретінде ойға алған барлық жоспарын толық жүзеге асыруды, ал Беларусь халқына бейбітшілік, өзара түсіністік пен өсіп-өркендеу тіледі. 

586
Кілт сөздер:
Александр Лукашенко, жеделхат, Қасым-Жомарт Тоқаев
Тақырып бойынша
Президент сайлауында өз кандидатурасын ұсынған қазақстандық ғалым қайтыс болды
Экс-министр сенат депутаттығына ұсынылды
Сенат сайлауы: кандидаттарға қанша ақша беріледі
Сенат сайлауы: кандидаттардың бірі қайтыс болды
Қазақстан мен Түркия арасындағы әуе қатынасын қалпына келтіруді талқылауға қатысушылар

Қазақстан мен Түркия арасындағы әуе қатынасы қашан қалпына келетіні талқыланды

1073
(Жаңартылды 17:59 08.08.2020)
Түркияның Қазақстандағы елшісі сыртқы істер министрлігіне шақырылып, түрік тарапының шешімі туралы ел үкіметін алдын ала хабардар ету өтініші жеткізілді

НҰР-СҰЛТАН, 8 тамыз – Sputnik. Анкара қаласында Қазақстан премьер-министрінің орынбасары Ералы Тоғжанов бастаған делегация Түркияның денсаулық сақтау министрі Фахреттин Қожамен кездесіп, екі ел арасындағы әуе қатынасын қалпына келтіру мәселесін талқылады, деп хабарлайды сыртқы істер министрлігі.

Тараптар коронавирус індетінің таралуына жол бермеу мақсатында бірлескен іс-шаралар қабылдауға және екі ел арасындағы ынтымақтастықты нығайтуға уағдаласты. Сондай-ақ, қазақстандық тарап Түркия үкіметіне пандемия кезінде елімізге көрсеткен ізеттілік көмегі үшін ризашылығын білдірді.

Денсаулық сақтау министрі Алексей Цой түрік тарапын COVID-19 індеті бойынша еліміздің қазіргі жағдайы туралы ақпараттандырды. Ол Қазақстандағы ахуал тұрақталғанын және бақылауда екендігін атап өтті.

"Келіссөздер нәтижесінде Түркия денсаулық сақтау министрі Қожа аталған мәселені өз еліндегі коронавирус індетімен қарсы күрес жөніндегі ғылым кеңесінің келесі отырысының күн тәртібінде талқылауға қайта шығаратынына сендірді. Сондай-ақ, Қазақстандағы оң динамиканың жалғасуын ескере отырып, бұл мәселе жуық арада өз шешімін табады деп үміттенетінін жеткізді", – делінген хабарламада.
Казахстан и Турция обсудили вопросы возобновления авиасообщения
© Photo : Пресс-служба МИД Казахстана
Қазақстан мен Түркия арасындағы әуе қатынасы қашан қалпына келетіні талқыланды

Сонымен қатар, 7 тамызда Қазақстанның сыртқы істер министрі Мұхтар Тілеуберді Түркия сыртқы істер министрі Мевлют Чавушоғлұмен Қазақстан мен Түркия арасындағы әуе рейстерді тоқтата тұру мәселесі бойынша телефон арқылы сөйлесті.

Оқи отырыңыз: "Өкінішпен естідім": Түркия президенті Назарбаевқа жеделхат жолдады

Түркия сыртқы істер министрі бұл шешім бауырлас халықтардың екіжақты қарым-қатынасына байланысты емес екеніне және тұрақты рейстерді қайта бастау туралы шешім мемлекеттік комиссияның келесі отырысында қаралатынына сендірді.

Оған қоса, сыртқы істер министрлігіне Түркияның Қазақстандағы елшісі Уфук Экиджи шақырылып, түрік тарапының осындай шешімдері туралы Қазақстан үкіметін алдын ала хабардар ету өтініші жеткізілді.

1073
Кілт сөздер:
Қазақстан, Түркия Республикасы, әуе қатынасы
Тақырып:
Төтенше жағдай және карантин
Тақырып бойынша
"Қазақстандықтардан басқа ешкім жоқ": Түркия шекараны ашты
Нұр-Сұлтан мен Алматыдан бірқатар қалаға әуе қатынасы жанданды
Ресей мен Грузия арасында тікелей әуе қатынасы тоқтатылды
Мәскеу мен Нұр-Сұлтан арасындағы әуе қатынасы қайта жанданады – Ресей елшілігі
Қазақстан мен Өзбекстан арасындағы әуе қатынасы жанданады
Жарылыс, от

Ресейде жанармай бекетінде болған жойқын жарылыс видеоға түсіп қалды

0
(Жаңартылды 20:55 10.08.2020)
Екінші деңгейлі өрт болғаны анықталды. Қала әкімшілігінің ақпараты бойынша 13 адам зардап шеккен, төртеуі - өрт сөндіруші

НҰР-СҰЛТАН, 10 тамыз – Sputnik. Ресейдің Волгоград қаласында жанармай бекетіндегі өртті сөндіріп жатқанда газ жарылды.

Волгоград қаласы төтенше жағдайлар қызметінің мәліметіне сәйкес, жанармай бекетінде ішінде газ бар цистерна жарылған, деп хабарлайды РИА Новости.

Екінші деңгейлі өрт болғаны анықталды. Қала әкімшілігінің ақпараты бойынша 13 адам зардап шеккен, төртеуі - өрт сөндіруші. 

От жергілікті уақыт бойынша 14:20-да (Нұр-Сұлтан қаласы бойынша 16:20) ауыздықталды.

"Өрт туралы хабар түскен соң оқиға орнына өрт сөндіру-құтқару бөлімдерінің қызметкерлері жетті. Өртті сөндіре бастағанда газ жарылды", - деді ведомство. 

Көрші елдің прокуратурас оқиғаға қатысты тексеріс бастады. 

0
Кілт сөздер:
жарылыс, видео, жанармай
Тақырып бойынша
"Жарылыс деп ойладық": Нұр-Сұлтан тұрғындары ұйқыдан шошып оянды – видео
Атырауда жанармай құю бекетінде жарылыс болды: көлік жүргізуші көз жұмды
Ақтөбеде жанармай бекетінде кассир әйел қарулы қарақшыға қарсы тұрды – видео
Есікте жанармай құю бекетінде жарылыс болды
Бейруттегі жойқын жарылыс: Қазақстан консулы жараланды