Әскерилер

Назарбаев: Азияға жеке ұжымдық қауіпсіздік ұйымы керек

101
Қазақстан президенті Азия қауіпсіздік ұйымын құру қажеттігін мәлімдеді

АСТАНА, 13 қараша — Sputnik. Азияда ұжымдық қауіпсіздік ұйымының қажеттілігі туындағалы тұр. Бұл туралы Қазақстан президенті Нұрсұлтан Назарбаев Astana Club пленарлық отырысында айтты. 

"Меніңше, Азияға жеке ұжымдық қауіпсіздік ұйымы керек. Оның пайда болуы уақыттың еншісінде деп ойлаймын. Қазір 30 мемлекет қатысып отырған Қазақстанның бастамасымен құрылған Азиядағы өзара іс-қимыл және сенім шаралары кеңесі осы аймақтағы қауіпсіздік және ынтымақтастық жөніндегі келешек ұйымның негізі бола алады", — деді мемлекет басшысы. 

Президент Азиядағы осы ұйымның ЕҚЫҰ-мен бірге барлық Еуразия субконтинентінде қауіпсіздік аймағын құруға көмектесетінін айтып өтті.

"Осы идеяны жүзеге асыруға алғашқы қадам ретінде Еуропадағы қауіпсіздік және ынтымақтастық ұйымы мен Азиядағы өзара іс-қимыл және сенім шаралары кеңесінің консультативтік отырысын және Оңтүстік-Шығыс Азия мемлекеттері қауымдастығының қауіпсіздік жөніндегі аймақтық форумын өткізуді ұсынамын. Осы ұйымдардың хатшылықтары ұстанымдарын салыстыру мақсатында кездесіп отырар еді. Бұл ұйымдарға пікірімізді ресми түрде жеткізетін боламыз", — деп бағыттады Назарбаев. 

Сондай-ақ, ол Еуразиядағы қауіпсіздік конференциясын Astana Club базасында өткізуді ұсынды. 

"Астанада Еуразиядағы қауіпсіздік тақырыбындағы конференцияны өткізуге болатын еді. Бұл үнемі барлығын Астанада өткізгіміз келеді деген сөз емес. Өткізілетін орынды таңдау емес, осы кездесулердің өтуі маңызды. Мұны біздің Астана клуб базасында жасауға болады", — деді мемлекет басшысы.

Нұрсұлтан Назарбаев қауіпсіздік жөніндегі Мюнхен халықаралық конференциясы сияқты басқосуларды ұйымдастыру тәжірибесін ескере отырып, Астана клубының базасында Еуразиядағы қауіпсіздік жөніндегі конференция өткізуді ұсынды. 

Президент ақпараттық кеңістікті дамыту саласындағы өзара іс-қимылдың жаһандық стратегиясын әзірлеу қажеттігін атап өтті. 

Соңында мемлекет басшысы болашақ ұрпақ үшін ғаламшарды сақтау жолында барлық күш-жігерді біріктірудің маңыздылығына тоқталды. 

Халықаралық сарапшылар клубы Астана қаласында осымен төртінші рет өтіп отыр. Биыл Еуразиядан басып озуға бағытталған 10 зерттеу таныстырылды.

101
Кілт сөздер:
қауіпсіздік, Astana club, Назарбаев
Тақырып бойынша
Назарбаев: Алыстағы туыстан жақындағы көршің артық
Назарбаев АҚШ, Ресей, Қытай және Еуроодақты өзара түсінісуге шақырды
Назарбаев: қазір елдер халықтың қамын емес, бір-бірін жоюдың амалын ойлап жүр
Назарбаев ешқашан да бос сөзге үйір болған емес – мемлекеттік хатшы
Назарбаев: Қазақстан мен Ресей қарым-қатынасы өзгелерге үлгі болатындай дәрежеде
Президент Қасым-Жомарт Тоқаев

Тоқаев "Астана" қаржы орталығының артықшылығын атады

87
(Жаңартылды 18:18 08.07.2020)
Мемлекет басшысының айтуынша, халықаралық қаржы орталығы Қазақстанның инвестициялық бағдарламасының тиімді жүзеге асуына атсалысады

НҰР-СҰЛТАН, 8 шілде – Sputnik. Президент Қасым-Жомарт Тоқаев "Астана" халықаралық қаржы орталығы (АХҚО) сотының жаңадан тағайындалған төрағасы Лорд Манстың ресми ант беру рәсіміне онлайн форматта қатысты, деп хабарлайды Ақорда сайты.

Мемлекет басшысы өз сөзінде, Қазақстан халықаралық стандарттарға сай келетін заманауи, кәсіби және тәуелсіз сот жүйесін қалыптастыруға ерекше көңіл бөлетінін атап өтті. Осы орайда тұңғыш президент – Елбасы Нұрсұлтан Назарбаевтың бастамасымен "Астана" халықаралық қаржы орталығының сотын құру арқылы еліміз сот жүйесіндегі құрылымдық реформаларға бейілді екенін тағы бір мәрте анық айқындап отыр.

Сондай-ақ, Тоқаев "Астана" халықаралық қаржы орталығының соты Қазақстанда жұмыс істеп жатқан немесе елімізге келуді жоспарлап отырған инвесторларға әлемдегі барлық ірі қаржы орталықтарындағыдай лайықты соттармен, сот процесстерімен, тәжірибесімен және стандарттарымен жұмыс істеуге мүмкіндік беретініне тоқталды.

"Жалпы құқық бойынша тәжірибелі соттар өздерінің бейтараптылығымен, әділдігімен және бармақ басты, көз қыстыға көнбейтіндігімен танымал. Сондай-ақ олар сот жүйесінің тұрақтылығы мен құқық бұзылмауының кепілі", – деді президент. 

Қасым-Жомарт Тоқаевтың пікірінше, пандемия мен мұнай бағасының құлдырауынан туындаған қазіргідей дағдарыс кезінде ел экономикасын қайта қалпына келтіру жұмысында, инвестиция тарту барысында "Астана" халықаралық қаржы орталығының маңызы арта түскен. 

"АХҚО сенімді қаржылық платформа ұғымының синониміне айналып, шетелдік инвесторлардың Қазақстанға деген сенімін арттыруы керек. Өз кезегінде "Астана" халықаралық қаржы орталығының маңызды бөлігі ретінде қаржы орталығының тәуелсіз сот жүйесінің жалпы құқық бойынша сотына АХҚО-ның қызметінде ерекше рөл атқарады. Соған сәйкес Қазақстанның инвестициялық бағдарламасының тиімді жүзеге асуына атсалысады", – деді мемлекет басшысы. 

Оқи отырыңыз: Пандемия дәстүрді бұзды – Тоқаев Астана күніне арналған шараға бармады

Шара соңында Қазақстан президенті Лорд Вульфке қаржы орталығының сот жүйесін құру барысында сіңірген еңбегі үшін алғыс айтып, Лорд Мансқа АХҚО сотының төрағасы ретіндегі жұмысына табыс тіледі.

87
Кілт сөздер:
Қасым-Жомарт Тоқаев, "Астана" қаржы орталығы
Тақырып бойынша
Қазақстанда Назарбаевқа ескерткіш ашылды: Тоқаев сөз сөйледі
Тоқаев Ұлттық домбыра күнімен құттықтады
"Бұған жол беруге болмайды": Тоқаев жұртты алаңдатқан мәселе туралы айтты
Тоқаев Назарбаевты қалай құттықтады – фото
Тоқаев ел азаматтарын дүрбелеңге салынбауға шақырды
Нұрсұлтан Назарбаев

Нұрсұлтан Назарбаев сұхбат берді

2407
(Жаңартылды 08:42 07.07.2020)
Қазақстанның тұңғыш президенті деректі фильм аясында сұхбат беріп, өзінің саяси карьерасы туралы айтты

НҰР-СҰЛТАН, 7 шілде - Sputnik. Елбасы Нұрсұлтан Назарбаев өзінің арманын бөлісті.  

"Хабар" телеарнасында  "Пусть следующие поколения сделают лучше меня" деп аталатын деректі фильм жарыққа шықты. Елбасы тәуелсіз Қазақстанның қалыптасу кезеңі туралы сөз қозғады.

20 жылға кейін оралу мүмкіндігі болса, өз-өзіңізге не деп айтар едіңіз деген сауалға Назарбаев арманым орындалды деп жауап берді.

"Бұл сауалға қысқа жауап қайыра аламын. Мен өз арманын орындаған адаммын. Қолымнан келген нәрсенің бәрін жасадым. Келесі ұрпақ менен де артық жасасын", - деді Нұрсұлтан Назарбаев.

Ол кез келген саясаткер үшін мақсатқа жету маңызды екенін атап өтті. 

"Ойладың, жоспар құрдың және орындадың - бұл саясаткер үшін бақыт", - деді Елбасы.

Тағы оқыңыз: Назарбаев коронавирус пандемиясынан кейін не болатынын айтты

2407
Тақырып бойынша
Тоқаев Назарбаев туралы жазды
"Бүкіл ауыртпашылығын сезіндім": Нұрсұлтан Назарбаев денсаулығы туралы айтты
Назарбаев билік ауысқан кезде не болатынын айтты - видео
Назарбаев туған күнінде қазақстандықтарға үндеу жасады – видео
"Мен таңғалған жоқпын": Горбачев Назарбаев туралы сұқбат берді
Ресей денсаулық сақтау вице-министрі Олег Гриднев

COVID-19: Ресейлік мамандар бүкіл Қазақстандағы дәрігерлерге кеңес беріп жатыр

0
(Жаңартылды 15:02 09.07.2020)
Көрші елдің дәрігерлері қазақстандық әріптестеріне КОВИД-19 індетін емдеу тәсіліне қатысты барлық ақпаратты ұсынды

НҰР-СҰЛТАН, 9 шілде – Sputnik. Қазақстанға келген ресейлік дәрігерлер төрт топқа бөлініп, өздері бекітілген ауруханаларда жұмыс істеп жатыр. Бұл туралы Ресей денсаулық сақтау вице-министрі Олег Гриднев айтты.

"Екі күнде көп жұмыс атқарылды. Бірінші күні біз жағдаймен және ауруханалармен таныстық, бүгін әріптестеріміз төрт топқа бөлініп, өздері бекітілген ауруханаларда толық көлемде жұмыс істеп жатыр. Біздің ауруханаларға барып, жағдайы қиын науқастар бойынша кеңес беретін арнайы дәрігеріміз бар", - деді Гриднев.

Оқи отырыңыз: Ресей Қазақстанға коронавируспен күресу үшін 2 миллион доллар бөлді 

Ол Одинцово облыстық ауруханасы анестезиология және реанимация орталығының басшысы Денис Цветковты мысал ретінде келтірді.

"Цветков – реаниматолог, ол бүкіл елдегі ауыр науқастарға бейнеконференция арқылы кеңес береді", - деп түсіндірді Олег Гриднев.

Қазақстан денсаулық сақтау министрлігімен тұрақты жұмыс жүргізіліп жатыр.

"Қазақстан денсаулық сақтау жүйесінің басшылығы Ресей Федерациясындағы КОВИД-19 індетін емдеу тәсіліне үлкен қызығушылық танытып отыр – біз барлық ақпаратты ұсындық. Бауырлас қазақ халқына барынша көмектесуіміз керек", - деді Гриднев.

Ол сонымен қатар ресейлік дәрігерлер өңірлерге әзірге бармайтынын атап өтті.

"Өңірлерге келетін болсақ, денсаулық сақтау министрі Алексей Цойдың әу баста бригаданы аймақтарға жібергісі келді. Бірақ қазір ол біздің дәрігерлеріміз осында (Нұр-Сұлтанда) көмектескенін қалап отыр", - дейді Ресей денсаулық сақтау вице-министрі.

Сонымен бірге, Гриднев қазақстандық дәрігерлердің біліктілік деңгейінің жоғары екендігін атап өтті – "дәрігерлер жақсы, бірақ жетпей жатыр" деп атап өтті ол. Дегенмен ұйымдастыруға қатысты мәселелер де бар екенін жасырмады.

Бұған дейін Қазақстанға Ресейден 32 маман келгені хабарланған болатын, олардың арасында реабилитологтар, жұқпалы аурулар мамандары, пульмонологтар, эпидемиологтар бар.  

0
Кілт сөздер:
дәрігер, Ресей
Тақырып:
Коронавирус эпидемиясы
Тақырып бойынша
Маңғыстауда дәрігер тапшылығы қалай шешілуде: әкім жағдайды түсіндірді
"Төсекке лақтырды": Көкшетау тұрғыны науқастың қалай қайтыс болғанын айтты
Денсаулық министрі дәрілік шөптерді ішуге кеңес берді
Үйде емделген 17 мың адам сауығып шықты
Тоқаев жалпыұлттық аза тұту күнін жариялау туралы жарлыққа қол қойды