Нұрлан Нығматулин

"Білетініңізді көрдік!" Нығматулин сұраққа жауап бере алмаған министрге ашуланды

2697
(Жаңартылды 18:43 15.11.2018)
Министр ауылда тіркелсе де, қалада жұмыс істеп жүрген азаматтардың бірыңғай жиынтық төлемді қанша мөлшерде төлейтінін түсіндірмек болды

АСТАНА, 14 қараша — Sputnik. Мәжіліс төрағасы Нұрлан Нығматулин депутаттың сауалына нақты жауап бермеген ҚР еңбек және әлеуметтік қорғау министрі Мәдина Әбілқасымоваға ашуланды. Оның сөзін бөліп, бірыңғай жиынтық төлем мен зейнетақыға қатысты кез келген сауалдың жауабы халық үшін маңызды екенін ескертті, деп хабарлайды тілшісі.

"Заң жобасына сәйкес, қалада бірыңғай жиынтық төлем мөлшері 1 АЕК, ал ауылдық жерлерде 0,5 АЕК құрайды. Әрине, ауылдың қамын ойлап отырғандықтан осылай белгілегендеріңізді түсінеміз. Алайда бұл кейін зейнетақы мөлшеріне айтарлықтай әсер етіп жүрмей ме? Екіншіден, ауылда тіркелсе де, қалада жұмыс істеп жүрген азаматтар бірыңғай жиынтық төлемді қанша көлемде төлейді? " — деп сұрады мәжілістің жалпы отырысында депутат Жәмилә Нұрманбетова.

Мәдина Әбілқасымова АЕК мөлшерінің қанша теңге екеніне тоқталды. Яғни 2019 жылдың 1 қаңтарынан бастап 1 АЕК 2 525 теңгені құрайды. Сондай-ақ, ол АЕК мөлшері ауылдық жерлердегі азаматтардың табысын ескергендіктен осылай белгіленіп отырғанын түсіндіріп өтті.

Тағы оқыңыз:

"Қалада бірыңғай жиынтық төлемді фрилансер, такси жүргізушісі, үй шаруасында жұмыс істейтін немесе техниканы жөндеумен айналысатын азаматтар өз бетінше төлейді. Жеке кәсіпкер ретінде де тіркеліп төлеп жатады. Бұл нәрсе медициналық сақтандыру үшін де маңызды", — деді министр.

Министрдің сөзін мәжіліс төрағасы Нұрлан Нығматулин бөліп, депутат қойған сауалға нақты жауап беруін өтінді.

"Мәдина Ерасылқызы, депутат нақты, менің ойымша, өте өзекті сауал қойды. Мұны халық білуі керек. Ал сіз заң жобасының жалпы құрылымына кетіп қалып жатырсыз. Оны біледі екенсіз, көріп тұрмыз! Сұраққа жауап беріңізші. Бұл нәрсе ертеңгі күні қала мен ауыл тұрғындарының зейнетақысында айтарлықтай айырмашылық болады деген сөз бе? Егер азамат ауылда тіркелген болса және қалада жұмыс істесе, ол қай санатқа жатады? Қала ма? Ауыл ма? Сауал мен сіздің жауабыңыздың арасында айырмашылық көріп отырсыз ба? Біз сізден өтініп сұраймыз, нақты сұраққа нақты жауап беріңізші", — деп ашуланды мәжіліс төрағасы.

Еңбек министрінің айтуынша, азамат бірыңғай жиынтық төлемді қай жерге тіркелгеніне байланысты төлейді. Мысалы, қалада тұрып, ауылда тіркелген болса, ол бәрібір 0,5 АЕК мөлшерінде төлейді. Ал қай жерде тіркелгені ЖСН нөмірі бойынша анықталады.

Тағы оқыңыз:

"Зейнетақы мөлшері адамның өтіліне қарай анықталады. Яғни сомада айтарлықтай айырмашылық жоқ. Кімнің қанша алатыны өзіне байланысты. Сондай-ақ, жеке салымдары болса, бұл зейнетақы мөлшерін белгілейтін кезде міндетті түрде ескеріледі", — деді Мәдина Әбілқасымова.

Бұл жолы мәжіліс төрағасы министрдің жауабына қанағаттанып, бірден осылай жауап беруі керектігін ескертті.

2697
Кілт сөздер:
пленарлы отырыс, мәжіліс депутаты, мәжіліс, халық, зейнетақы, Нұрлан Нығматулин, Мәдина Әбілқасымова
Тақырып бойынша
"Шөп шықпаса да бәрібір". Назарбаев сапасыз мамандардың көбейіп кеткеніне ашуланды
"Құйыршық болғанды қояйық!". Майғазиев шетелдік жұлдыздарды әспеттейтіндерге ашуланды
"Сіз секілді тас жүректер басшы болмауы керек". ШҚО әкімі неге ашуланды?
"Ал, алма жоқ!". Бағбан мәселенің байыбына бармайтын депутаттарға ашуланды
Алматы облысының әкімі ауруханада сәбилердің шетінеуіне ашуланды
Сағынтаев қымбат көлік мінетін әкімдерге шүйлікті
Осындай жауап бола ма?! Нығматулин қаржы министріне шүйлікті
Загрузка...