Назарбаев Ресей телеарналарына сұхбат берді

Назарбаев Ресей телеарналарына берген сұхбатында не айтты?

695
Сұхбат желтоқсан айының басында "Россия-1" және "Россия-24" телеарналарында көрсетілмек

АСТАНА, 22 қараша — Sputnik. Қазақстан президенті Бүкілресейлік мемлекеттік телевизиялық және радио хабарларын тарату компаниясының телеарналарына сұхбат берді, деп хабарлады Ақорданың баспасөз қызметі. 

Тілші сауалдарына орай, Нұрсұлтан Назарбаев күн тәртібіндегі негізгі халықаралық және өңірлік мәселелерге тоқталып, Қазақстан мен Ресей арасындағы ынтымақтастықтың басым бағыттары туралы әңгімеледі.

Сұхбат барысында Қазақстан президенті "Нұрлы жол" инфрақұрылымды дамытудың мемлекеттік бағдарламасының негізгі нәтижелері жөнінде айтып, Еуразия экономикалық ынтымақтастық одағы мен "Бір белдеу, бір жол" бастамасын тоғыстырудың артықшылықтарына арнайы тоқталды.

Сонымен қатар, мемлекет басшысы бірқатар жеке сұрақтарға жауап беріп, жаһандық тәртіптің одан әрі дамуының перспективаларына қатысты өз ойын ортаға салды.

Сұхбатты биылғы желтоқсан айының басында "Россия-1" және "Россия-24" телеарналары арқылы көрсету жоспарланған.

 

695
Кілт сөздер:
Нұрлы жол, саясат, телеарна, Назарбаев, Ресей, Қазақстан
Тақырып бойынша
Путинге сыйға тартқан алтын қамшының бағасы белгілі болды
Назарбаев Қазақстанның көпвекторлы саясат ұстанатынын тағы еске салды
Назарбаев қырғи-қабақ соғыс кезінде қабылданған актіні жаңартуды ұсынды
Қазақстан президенті Ресейді туризмді бірлесіп дамытуға шақырды
Загрузка...