Ұсталған Украина кемелері Керчь портына жеткізілді

Украинада әскери жағдай енгізілуде: бұл Қазақстанға қалай ықпал етеді?

86
(Жаңартылды 18:11 28.11.2018)
Sputnik Украинаның он аймағында әскери жағдай енгізудің Қазақстанға қалай әсер ететінін анықтады

АСТАНА, 28 қараша — Sputnik. Әскери кемелерге қатысты оқиғаның салдарынан Украинаның он облысында және Азов-Керчь акваториясының ішкі суында 28 қараша сағат 09.00-ден (Астана уақыты бойынша сағат 13.00) бастап 30 күнге әскери жағдай енгізіледі. 

агенттігі мұндай жағдай нені білдіретінін және ол Қазақстанға қалай әсер етуі мүмкін екенін анықтады.

Әскери жағдай дегеніміз не?

Әскери жағдай – ерекше құқықтық режим. Әскери жағдайдың құқықтық режимі туралы заңға сәйкес, ол Украинаға қарсы қарулы агрессия немесе оған шабуыл жасалса, тәуелсіздікке және мемлекеттің аумақтық тұтастығына қауіп төнген жағдайда енгізіледі.

Әскери жағдайдың құқықтық режимі ішінара қолдануға болатын және бөлек бекітілетін 24 шектеу пунктін қарастырады.

Атап айтқанда, Украина парламенті бекіткен президент Порошенконың жарлығында сөз бостандығын шектеу немесе 2019 жылдың наурызында сайлау өткізуді тоқтату жайлы айтылмаған.

Сонымен қатар, әскери қолбасшылық саяси партиялар мен қоғамдық ұйымдардың қызметі елдің егемендігіне, ұлттық қауіпсіздігі мен мүдделеріне қауіп төндіреді деп санаса, олардың жұмысына тыйым сала алады. 

 Украина ТМД-дан шығуға ұмтылуда

Заңда коменданттық сағат, аумаққа кіру және шығудың ерекше режимін енгізу мүмкіндігі қарастырылған, бұл украиндер мен шетелдік азаматтарға  ортақ тәртіп. Сондай-ақ, адамдардың  құжаттары мен жеке заттары тексерілуі мүмкін.

Осы жарлықта әскери қызметке жауапты адамдарды дереу жұмылдыру көзделмегенін айта кету керек, бірақ қажет болған жағдайда президент жартылай мобилизация жариялауы мүмкін.

Украинада әскери жағдай енгізуге не себеп болды?

25 қараша, жексенбіде Украинаның Әскери-теңіз күштерінің Бердянск, Никополь және Йани Капу кемелері Қара теңізден Керч өзеніне өтіп, Ресей шекарасын бұзды.

25қараша Ресейдің Федеральды қауіпсіздік қызметі Украина әскери-теңіз күштерінің "Бердянск", "Никополь" және "Яны Капу" әскери кемелері Ресей шекарасын бұзып, дереу тоқтауын талап еткенін хабарлады.

Кемелер Ресей жағалауынан шамамен 20 шақырым қашықтықта ұсталды.

Үш украиналық әскери жарақат алды. Оларға қажетті медициналық көмек көрсетілді. 

Әскери жағдайдың енгізілуі Қазақстан-Украина қарым-қатынасына қалай әсер етеді?

Сыртқы істер министрлігі Қазақстанның шиеленісті болдырмауға бағытталған барлық шараны қолдайтынын айтты. Қазақстан Республикасы "теңдестірілген ұстанымды" жақтайды және Ресей және Украина тарапын барынша жауапкершілік танытуға шақырады.

Сонымен қатар, Сыртқы істер министрлігі Украинадағы жағдайды сол елдің аумағындағы Қазақстан азаматтарына, сондай-ақ ерекше жағдай кезінде екі ел арасындағы өзара іс-әрекеттің келешегіне қатысты бағалаудан бас тартты.

"Қазіргі уақытта Сыртқы істер министрлігі жағдайды зерттеп жатыр", — деп мәлімдеді Sputnik Қазақстан тілшісіне берген сұхбатында сыртқы саяси ведомство басшысының орынбасары Ержан Ашықбаев.

Ал инвестициялар және даму министрі Жеңіс Қасымбек теміржол мен әуе қатынасының режимі өзгермейтінін растады.

"Бір апта бұрын болған режим сол күйінде қалады. Бізде Ресей арқылы (Украинаға) теміржолмен жүк тасымалдауға онсыз да бірнеше жылдан бері шектеу бар. Осы режимде жұмысты жалғастырамыз, әуе тасымалы бойынша ешқандай шектеу жоқ", — деді Қасымбек БАҚ өкілдерінің сауалдарына жауап бере отырып.

Украина тарапы президенттің әскери жағдай енгізу туралы жарлығы елдің барлық аумағында экономикалық қызметке ешқкандай шектеу қоймайтынын мәлімдеді. 

Украинада әуе қатынасы тұрақты режимде және ешқандай шектеусіз жүзеге асырылады.

Әскери жағдай Украинаның 24 аймағының онына: Винница, Луганск, Николаев, Одесса, Сумы, Харьков, Чернигов, Херсон, Запорожье, Донецк облыстары мен ішкі теңіз суларына енгізілді. 


86
Кілт сөздер:
әскери жағдай, Петр Порошенко, Украина, Қазақстан
Қазақстан мен Түркия арасындағы әуе қатынасын қалпына келтіруді талқылауға қатысушылар

Қазақстан мен Түркия арасындағы әуе қатынасы қашан қалпына келетіні талқыланды

929
(Жаңартылды 17:59 08.08.2020)
Түркияның Қазақстандағы елшісі сыртқы істер министрлігіне шақырылып, түрік тарапының шешімі туралы ел үкіметін алдын ала хабардар ету өтініші жеткізілді

НҰР-СҰЛТАН, 8 тамыз – Sputnik. Анкара қаласында Қазақстан премьер-министрінің орынбасары Ералы Тоғжанов бастаған делегация Түркияның денсаулық сақтау министрі Фахреттин Қожамен кездесіп, екі ел арасындағы әуе қатынасын қалпына келтіру мәселесін талқылады, деп хабарлайды сыртқы істер министрлігі.

Тараптар коронавирус індетінің таралуына жол бермеу мақсатында бірлескен іс-шаралар қабылдауға және екі ел арасындағы ынтымақтастықты нығайтуға уағдаласты. Сондай-ақ, қазақстандық тарап Түркия үкіметіне пандемия кезінде елімізге көрсеткен ізеттілік көмегі үшін ризашылығын білдірді.

Денсаулық сақтау министрі Алексей Цой түрік тарапын COVID-19 індеті бойынша еліміздің қазіргі жағдайы туралы ақпараттандырды. Ол Қазақстандағы ахуал тұрақталғанын және бақылауда екендігін атап өтті.

"Келіссөздер нәтижесінде Түркия денсаулық сақтау министрі Қожа аталған мәселені өз еліндегі коронавирус індетімен қарсы күрес жөніндегі ғылым кеңесінің келесі отырысының күн тәртібінде талқылауға қайта шығаратынына сендірді. Сондай-ақ, Қазақстандағы оң динамиканың жалғасуын ескере отырып, бұл мәселе жуық арада өз шешімін табады деп үміттенетінін жеткізді", – делінген хабарламада.
Казахстан и Турция обсудили вопросы возобновления авиасообщения
© Photo : Пресс-служба МИД Казахстана
Қазақстан мен Түркия арасындағы әуе қатынасы қашан қалпына келетіні талқыланды

Сонымен қатар, 7 тамызда Қазақстанның сыртқы істер министрі Мұхтар Тілеуберді Түркия сыртқы істер министрі Мевлют Чавушоғлұмен Қазақстан мен Түркия арасындағы әуе рейстерді тоқтата тұру мәселесі бойынша телефон арқылы сөйлесті.

Оқи отырыңыз: "Өкінішпен естідім": Түркия президенті Назарбаевқа жеделхат жолдады

Түркия сыртқы істер министрі бұл шешім бауырлас халықтардың екіжақты қарым-қатынасына байланысты емес екеніне және тұрақты рейстерді қайта бастау туралы шешім мемлекеттік комиссияның келесі отырысында қаралатынына сендірді.

Оған қоса, сыртқы істер министрлігіне Түркияның Қазақстандағы елшісі Уфук Экиджи шақырылып, түрік тарапының осындай шешімдері туралы Қазақстан үкіметін алдын ала хабардар ету өтініші жеткізілді.

929
Кілт сөздер:
Қазақстан, Түркия Республикасы, әуе қатынасы
Тақырып:
Төтенше жағдай және карантин
Тақырып бойынша
"Қазақстандықтардан басқа ешкім жоқ": Түркия шекараны ашты
Нұр-Сұлтан мен Алматыдан бірқатар қалаға әуе қатынасы жанданды
Ресей мен Грузия арасында тікелей әуе қатынасы тоқтатылды
Мәскеу мен Нұр-Сұлтан арасындағы әуе қатынасы қайта жанданады – Ресей елшілігі
Қазақстан мен Өзбекстан арасындағы әуе қатынасы жанданады
Ақорда

Тоқаев елшіні қызметінен босатты

13376
(Жаңартылды 13:33 07.08.2020)
Андриан Елемесов Мексикадан бөлек Қазақстанның Панама, Коста-Рика, Доминикан Республикасы мен Ямайкадағы елшісі болды

НҰР-СҰЛТАН, 7 тамыз – Sputnik. Мемлекет басшысы Қасым-Жомарт Тоқаев Андриан Елемесовті Қазақстанның Мексикадағы елшісі қызметінен босатты, деп хабарлайды Ақорда.

"Мемлекет басшысының жарлығымен Андриан Көпмағамбетұлы Елемесов Қазақстан Республикасының Біріккен Мексика штаттарындағы төтенше және өкілетті елшісі қызметінен, Қазақстанның Доминикан Республикасындағы, Ямайка, Панама Республикасындағы, Коста-Рика Республикасындағы төтенше және өкілетті елшісі қызметінен босатылды", – делінген хабарламада.

Андриан Елемесов туралы не білеміз?

Андриан Көпмағамбетұлы 1963 жылы 10 шілдеде дүниеге келді.

1985 жылы Қазақ химиялық технологиялар институтын бітірген. Қазақстан Республикасының төтенше және өкілетті елшілері мен сыртқы істер министрлігінің дипломатиялық академиясының жанындағы құрылымдық бөлімше жетекшілеріне арналған курстардан өткен.

Ол 2015 жылдың тамыз айында Мексикада мен Панама, Коста-Рика, Доминикан Республикасындағы, 2018 жылдың қыркүйек айында Ямайкадағы төтенше және өкілетті елші болып тағайындалды.

Оқи отырыңыз: Экс-елші Лукашенко Назарбаевтың отставкасы туралы не дегенін айтты

2008 жылы Италия Республикасына сіңірген еңбегі үшін Кавалер орденімен марапатталған.

13376
Кілт сөздер:
Қазақстан елшісі, елші
Тақырып бойынша
АҚШ Қазақстандағы биліктің ауысуы туралы не дейді – елші айтып берді
Тоқаев төрт елге жаңа елші тағайындады
Пиджагін шешіп, бір қолға тұра қалған елші президентті күлдірді - фото
Тасмағамбетовтің орнына келген жаңа елші туралы не білеміз?
Қазақстан және Ресей: Елші әріптестіктің басты бағыттарын атады
Ет, архивтегі сурет

Үстел үстінде "тіріліп кеткен" ет жұрттың зәресін ұшырды видео

0
Видео Twitter әлеуметтік желісіндегі парақшада жарияланды. Болған жағдайдан соң әйел тамақ дайындауын тоқтатып, етті тоңазытқышқа қайта салып қойды

НҰР-СҰЛТАН, 9 тамыз — Sputnik. Twitter қолданушылары тамақ дайындап жатқанда дірілдей бастаған еттің видеосын көріп шошыды.

Видеоны желіге малайзиялық қолданушы жүктеген. Бойжеткен анасы тамақ әзірлей бастағанда, тақтайда ет дірілдеп кеткенін айтқан. Олар шошып кетіп, етті қайта тоңазытқышқа салды.

Көптеген адам видео расымен де қорқынышты екенін жазып жатыр. Ал енді бірі шикі етте біраз уақыт бойы жүйе жұмыс істеп түруі мүмкін екенін айтуда.

​Видеоны 1 миллионнан астам адам тамашалап, 15 мыңға жуық пікір қалдырған.

0
Кілт сөздер:
желі, видео, жұрт, ет
Тақырып бойынша
Жас жұбайлар суретке түсіп жатқанда болған жағдайдың видеосы тарады
Жүздеген адам жиылды - Ақтауда болған жағдайдың видеосы тарап кетті
"Малды дәрімен семіртеді" - отандық ғалым ет жемеуге кеңес берді
Парамен ұсталған шенеунік өзенге секіріп кетті - видео
Әлеуметтік желіде зираттардың видеосы қызу талқыға түсті