Қыз бен жігіт

Назарбаев: Қазақтар ең толерантты халық

229
(Жаңартылды 10:59 12.12.2018)
Қазақстанда 130 ұлт-ұлыс және 18 діни ағым бар. Қазақстандықтардың әлемде сирек кездесетін кішіпейілдігі туралы Нұрсұлтан Назарбаев айтып берді

АСТАНА, 7 желтоқсан — Sputnik. Қазақстан президенті Нұрсұлтан Назарбаев қазақ халқының толеранттылығын оның тарихымен байланыстырды.

Оның айтуынша, Қазақстан халқының өзге ұлт өкілдеріне деген сыйластығының себебі Еуропа мен Азия арасында орналасуы ғана емес.

"Еуропа мен Азия арасындағы көпір жалғыз Қазақстан емес. Ресейді де айтуға болады. Түркия да қақ ортасында тұр. Ұлы Жібек жолы да біздің территориямыз арқылы өткен. Оның ішінде Еуропа – Азия арасындағы ең ұзақ қозғалыс – 3 мың километр Қазақстан арқылы… Шығыстан Батысқа қарай халықтардың қоныс аударуы: сақ деп аталатын ежелгі ғұндар Алтайдан Жерорта теңізіне дейін қоныстанған, олардан кейін Түркі қағанаттары пайда болды – шығыс және батыс. Біз осы мемлекеттердің ұрпағымыз, көшпенділерміз, олар осы кең байтақ даланы мекендеп, ұрпақ тәрбиелеп өсіріп, осы аумақта экономиканың көшпенді түрін сақтап келді", — деді Назарбаев "Россия 24" телеарнасына берген сұхбатында.

Мемлекет басшысы атап өткендей, қазіргі Қазақстан жерінде болған халықтардың қоныс аударуы, басқыншылық, сауда керуендерінің әрқайсысы өзімен бірге қандай да бір мәдениетті, дінді, тілді алып келді.

"Мұндай толеранттылық – көп ғасырға созылған тарихымыздың жемісі. Сондықтан кез келген қазақты алсаң да, басқалардан қарағанда анағұрлым толерантты болып шығады", — деп ойын білдірді Қазақстан президенті.

Назарбаев атап өткендей, қазіргі таңда Қазақстанда 130 ұлт-ұлыс бар, өзара "ешқандай мәселе туындамайды".

"Әлбетте, саясатымызбен де көрсетіп келеміз, өзінен-өзі емес, тарихи оқиғаларға байланысты осылай қалыптасты. Сондықтан бірлікте, тең құқықта өмір сүру – бұл береке, дамуға көмектеседі, теңдікке тәрбиелейді", — дейді ол.

Мемлекет басшысы Қазақстанда 18 ресми конфессия барын еске салды.

"Астанада жүрсеңіз, православ шіркеуін, католиктік шіркеуді, мұсылман мешітін, еврей синагогасын, будда ғибадатханасын көресіз. Адамдар ештеңеге алаңдамай өздері сенетін құдайға сыйынады. Ешкімнен қорықпайды. Меніңше, бейбітшілікте өмір сүру – үлкен бақыт. Соның арқасында Қазақстанға сенеді, сол себепті Әлемдік діндер съезін өткізуге біздің елден басқа жер табылмады", — дейді Назарбаев.

Ол еске салып өткендей, жақында Астанада  болған әлемдік және дәстүрлі діндер көшбасшыларының VI съезіне 60-тан астам елдердің өкілі жиналған.

"Сауд Арабиясы, Мысыр және тағы басқа елдердің имамдары мен христиан дінінің ағымдары бас қосып, өзекті мәселені талқылағанын тыңдаған қандай жақсы. Құдай біреу дейді ғой, адамды Құдай жаратқан. Кісі өлтірсең, Құдайдың жаратқан тіршілік иесін өлтірдің деген сөз. Ал шындығында бәрі басқаша болып жатыр", — дейді Назарбаев.

Ол өркениеттерді жақындастыруда осындай конфессияаралық диалогтардың пайдасы зор екенін атап өтті.

"Қазақстандықтардың, қазақтардың толеранттылығы мен кішіпейілдігінің арқасында, біз береке-бірлік пен тыныштықта өмір сүреміз", — дейді Қазақстан президенті.

229
Кілт сөздер:
діни көшбасшылар форумы, ұлттар, толеранттылық, Назарбаев, Қазақстан
Тақырып бойынша
Назарбаев ЕАЭО жұмысындағы үш басымдықты айқындады
Назарбаев Путинмен достығы жайлы: бұл ерекше оқиға
"Екеуіміз жақсы дос болдық". Назарбаев Джордж Буштың қазасына орай көңіл айтты
Назарбаев: өмірден түңілсеңіз, зират басына барыңыз
Назарбаев Қазақстанның көпвекторлы саясат ұстанатынын тағы еске салды
Назарбаев: Азияға жеке ұжымдық қауіпсіздік ұйымы керек
Назарбаев қырғи-қабақ соғыс кезінде қабылданған актіні жаңартуды ұсынды
Назарбаев: Алыстағы туыстан жақындағы көршің артық
Қазақстан президенті Қасым-Жомарт Тоқаев

Қазақстан қақтығыстарды бейбіт жолмен реттеуге үлес қоса алады Тоқаев

122
Қасым-Жомарт Тоқаев "COVID-19 дәуірінде және одан кейінгі кезеңде дамуды қаржыландыру" атты жоғары деңгейдегі шарада сөз сөйледі

НҰР-СҰЛТАН, 28 мамыр – Sputnik. Қазақстан қақтығыстарды бейбіт жолмен реттеуге өз үлесін қоса алады, деді президент Қасым-Жомарт Тоқаев БҰҰ форумында.

Мемлекет басшысы теңізге шығуға мүмкіндігі жоқ Дамушы елдер тобының атынан сөз сөйледі.

"Қазақстан азық-түлік қауіпсіздігі, делдалдық, жанжалдарды шешу және бейбітшілік орнату сияқты негізгі салалардағы жаһандық күш-жігерге өз үлесін қоса алады", - деді Тоқаев  "COVID-19 дәуірінде және одан кейінгі кезеңде дамуды қаржыландыру" атты жоғары деңгейдегі шарада.

Ол пандемия кезінде Қазақстан коронавирустың өршуіне гуманитарлық жауап қату жаһандық жоспары аясында қаражат жібергенін атап өтті.

"Біз вирусқа қарсы күресте бірқатар елге гуманитарлық көмек көрсеттік", - деді Тоқаев.

Президент өз сөзінде жеке инвесторларды цифрлық теңсіздікті еңсеруге көмектесуге шақырды.

"Халықаралық сауда да барлық елдің, ең алдымен, аз дамыған елдердің мүдделері үшін тез дамып отыруы керек", - деп толықтырды ол.

Оқи отырыңыз: БҰҰ Бас хатшысы Қазақстанның коронавируспен күреске елеулі үлес қосқанын айтты 

"COVID-19 дәуірінде және одан кейінгі кезеңде дамуды қаржыландыру" форумы БҰҰ бастамасымен ұйымдастырылып, бейнеконференция түрінде өтіп жатыр.

Сессия барысында БҰҰ Бас хатшысы Антониу Гутерриш, Канаданың премьер-министрі Джастин Трюдо, Германия канцлері Ангела Меркель, Франция президенті Эммануэль Макрон және басқа елдердің басшылары сөз сөйледі.

122
Кілт сөздер:
БҰҰ, коронавирус, Қасым-Жомарт Тоқаев
Тақырып бойынша
Коронавирус салдары қандай болады - мамандар болжам жасады
Тоқаев: Қазақстан мен Швейцарияның ұстанымдары ортақ
Коронавирус пандемиясы кезінде Тоқаевтың жұмыс кестесі қалай өзгерді?
БҰҰ Тоқаевтың шешіміне қатысты пікір білдірді
Бөлінген қаржы қалай игерілуде: Тоқаев есеп комитетінің басшысын қабылдады
Қасым-Жомарт Тоқаев қорғаныс министрі Нұрлан Ермекбаевты қабылдады

Тоқаев қорғаныс министріне тапсырма берді

261
Президент Қазақстанның қорғаныс қабілетін күшейтуді, Қарулы күштердің жабдықталуын жақсартуды, шығындарды оңтайландыруды тапсырды

НҰР-СҰЛТАН, 28 мамыр – Sputnik. Мемлекет басшысы Қасым-Жомарт Тоқаев қорғаныс министрі Нұрлан Ермекбаевты қабылдады, деп хабарлайды Ақорда.

Қазақстан президенті – Қарулы күштердің жоғарғы бас қолбасшысына Қазақстан армиясының штаттық құрылымын оңтайландыру мақсатында жүргізіліп жатқан жұмыстар, қару-жарақтарды, әскери техника мен оқ-дәрілерді инвентаризациялау және тексеру, коронавирус індетінің таралуына қарсы күрес, сондай-ақ, жүзеге асырылып жатқан ірі инфрақұрылымдық жобалар туралы баяндалды.

Ермекбаев Тоқаевқа қазіргі уақыттағы сын-қатерлерді ескере отырып, Қарулы күштердің жаңа келбетін қалыптастыру, түрлі табиғи және техногендік төтенше жағдайларды жою кезінде әскери қызметшілерді жұмылдыру мүмкіндігі мен қажеттігі жайында мәлімет берді.

Тағы оқыңыз: Тоқаев Есімовті Ақордаға не үшін шақырды

Сонымен қатар президент Ермекбаевтың әскери бөлімшелердің дайындығы, мемлекеттік қорғаныс саласындағы тапсырыс мәселелері, бюджет мүмкіндіктерін ескере отырып, әскери техникамен жабдықтау, Қорғаныс министрлігін автоматтандыру және цифрландыру жөніндегі есебін тыңдады.

Жоғарғы бас қолбасшы еліміздің қорғаныс қабілетін күшейтуді, Қарулы күштердің жабдықталуын жақсартуды, шығындарды оңтайландыруды, әскери қызметшілердің білім деңгейін көтеріп, біліктілігін арттыру мүмкіндіктерін пысықтауды тапсырды.

261
Кілт сөздер:
Қорғаныс министрлігі, Нұрлан Ермекбаев, Қасым-Жомарт Тоқаев
Тақырып бойынша
Қорғаныс министрлігі МиГ-31 ұшағы апатына байланысты мәлімдеме жасады
Нұр-Сұлтанда Қазақстанның бірінші қорғаныс министрі Нұрмағамбетовті еске алды
МиГ-31 ұшағы апаты: қорғаныс министрі ұшқыштардың отбасыларына көмек көрсетуді тапсырды
Тоқаев мемлекеттік комиссия құру туралы жарлыққа қол қойды
Астанадағы жол апаты

Нұр-Сұлтанда жол апаты болды - 13 адам ауруханаға жеткізілді

37
(Жаңартылды 21:05 29.05.2020)
КамАЗ жүргізушісі рөлге ие бола алмай, жолдың қарама-қарсы бетіне шығып кеткен. Жолаушылар түрлі жарақат алды

НҰР-СҰЛТАН, 29 мамыр - Sputnik. Елордада сағат 18:00-де "КамАЗ" пен автобус соқтығысты, деп хабарлады полиция департаменті.

Құқық қорғау органының мәліметіне сәйкес, "КамАЗ" Ақжол көшесімен қозғалып келе жатқан (Досмұхамедұлы көшесінен Жаңажол көшесіне дейінгі бөліктегі "Гелиос" жанармай стансасына қарсы).

1994 жылы туған жүргізушісі рөлге ие бола алмай, жолдың қарама-қарсы бетіне шығып кетті. "МАН" маркалы автобуспен соқтығысты.

Тағы оқыңыз: "Бәрі аш деп айқайлады": Жолаушы автобустың ішінде не болғанын айтып берді

Апат салдарынан автобустың 13 жолаушысы ауруханаға жеткізілді. Екі адамның дене мүшесі сынған, өзгелері түрлі дәрежедегі жарақат алды.

Оқиғаға қатысты тергеу басталды.

37
Кілт сөздер:
аурухана, апат, автобус, Нұр-Сұлтан
Тақырып бойынша
Автобустың ішінде отырған 42 адам тірідей жанып кетті
Автобустың шатыры жұлынып кетті: Қордайдағы жол апатының фотолары жарияланды
Ақтөбеде өртенген автобустың видеосы жарияланды
Алматыда ер адам автобустың астына жатып алды – видео
Шымкентке коронавирус кіргізген адаммен бір автобуста отырған жолаушылар іздестірілуде