Саясат

Назарбаев көп жылдан соң Горбачев пен Ельциннің текетіресі жайлы шындықты айтты

© Sputnik / Борис Бабанов / Медиабанкке өтуМихаил Горбачев пен Борис Ельцин, архивтегі фото
Михаил Горбачев пен Борис Ельцин, архивтегі фото - Sputnik Қазақстан
Жазылу
Қазақстан президенті өзгерісті тарихи кезеңде саясатты қалай қалыптастырғанын әңгімелеп берді

АСТАНА, 21 желтоқсан — Sputnik. Қазақстан президенті Нұрсұлтан Назарбаев "Желтоқсанның 16 күні" деректі фильмінде КСРО ыдырағанға дейін Горбачев пен Ельцин арасында қатты текетірес болғаны жайлы айтты.

"Горбачевтің өз шындығы, Ельциннің өз шындығы болды. Бірақ осыншалық маңызды мәселелер қызбалықпен шешілген кезде барлығы қирауы мүмкін екені нағыз шындық еді", — деп атап өтті Нұрсұлтан Назарбаев "Желтоқсанның 16 күні" деректі фильмінде.

Күн сайын күшейе түскен текетіреске Михаил Горбачевтің жаңа одақ шартын іске асыруға бар күшін салуы себеп болған, оған Борис Ельцин қарсы шыққан.

"Ельцин Горбачевке өкпелеп жүретін. Мен оны білемін. Ал Горбачев ол (Ельцин) жасаған жақсылығымды жете бағаламады деп есептеді, осы жерде қателесті. Осының салдарынан қатты текетірес болды", — деп еске алады Қазақстан президенті.

Сонымен бірге Нұрсұлтан Назарбаев барлық ақпаратты өздерінен алу үшін қарсыластардың әрқайсымен тікелей сөйлесудің өте маңызды екенін жақсы түсінді. Бұл, ең алдымен, КСРО-ны не күтіп тұрғанын нақты білу үшін ғана емес, Қазақстанға барынша пайда әкелетін саясатты қалыптастыру үшін де маңызды болды.  


Жаңалықтар
0