Нұрсұлтан Назарбаев пен Дональд Трамп

Назарбаев Трампты АҚШ-тың бірегей президенті деп атады

265
(Жаңартылды 23:20 28.12.2018)
Қазақстан президентінің жаңа жыл қарсаңындағы көлемді сұхбатын мемлекеттік телеарналар бүгін сағат 21.30-да көрсетеді

АСТАНА, 28 желтоқсан — Sputnik. Нұрсұлтан Назарбаев Америка Құрама Штаттарының президенті Дональд Трамп туралы пікірін білдірді.  

Қазақстан басшысы америкалық әріптесімен қаңтардағы кездесуі тарихи оқиға болғанын айтты. Президенттің пікірінше, оның тарихилығы сонда, әңгіме "АҚШ-тың жаңа, бірегей президентімен" өрбіген.

Назарбаев Дональд Трамптың бұқаралық ақпарат құралдарымен қарым-қатынасы ерекше екенін атап өтті.

"Президенттер бұлай жасаған жоқ", — деді мемлекет басшысы.

Елбасының БАҚ өкілдеріне берген сұхбатынан үзіндіні президенттің баспасөз қызметі Instagram-дағы парақшасында жариялады.      

Назарбаев, өзі атап өткендей, осындай кездесу өтуі үшін 20 жыл бойы белсенді жұмыс істеген.

Қазақстан басшысы осы жылдың қаңтар айында АҚШ-қа ресми сапармен барды. Президенттер Ауғанстандағы қақтығысты бейбіт жолмен реттеуге және аймақтағы саяси және экономикалық ынтымақтастықты одан әрі нығайтуға ықпал ететін бастамаларды дамытуға келісті.

28 желтоқсанда сағат 21.30-да мемлекеттік телеарналарда президенттің жаңа жыл қарсаңындағы сұхбаты көрсетіледі. Назарбаев журналистердің сауалдарына жауап беріп, өтіп бара жатқан жылды қорытындылады. Атап айтқанда, ол президент сайлауы тақырыбына және қазақстандық әнші Димаш Құдайбергеннің әлемдік деңгейдегі танымалдылығына тоқталды.


265
Кілт сөздер:
Дональд Трамп, Назарбаев, АҚШ, Қазақстан
Тақырып бойынша
Назарбаев президенттің жалғыздығы туралы айтты
Назарбаев көп жылдан соң Горбачев пен Ельциннің текетіресі жайлы шындықты айтты
Назарбаев Путинмен достығы жайлы: бұл ерекше оқиға
Қазақстан темір жолы ҰК АҚ басқарма төрағасы Сауат Мыңбаев

Президент Сауат Мыңбаевты неге шақырды?

102
"Қазақстан темір жолының" басшысы пандемия салдарынан жолаушылар тасымалының көлемі өткен жылмен салыстырғанда екі есеге азайғанын атап өтті  

АЛМАТЫ, 12 тамыз – Sputnik. 2020 жылдың бірінші жартыжылдығында Қазақстан мен Қытай арасындағы жүк тасымалының көлемі біршама өсті. Бұл жайында "Қазақстан темір жолы" ҰК" АҚ басқарма төрағасы Сауат Мыңбаев мемлекет басшысы Қасым-Жомарт Тоқаевқа хабарлады, деп жазды Ақорда сайты.

Басқарма төрағасының айтуынша, 2020 жылдың бірінші жартыжылдығында жүк айналымы өткен жылдың аталған кезеңімен салыстырғанда 3,5%-ға артқан.

Оқи отырыңыз: Тоқаев Есімовті Ақордада қабылдады 

Қазақстан мен Қытай арасындағы жүк тасымалының көлемі біршама өскен. Соған сәйкес мемлекетаралық бекеттегі өткізу қабілетін арттыру шаралары қабылданады.

Сауат Мыңбаев пандемияның жолаушылар тасымалына әсер еткенін атап өтті. Оның айтуынша, өткен жылмен салыстырғанда жолаушылар тасымалының көлемі екі есеге азайған. Соған қарамастан компания жолаушыларға қызмет көрсетудің жаңа стандарттарын енгізіп, жолаушылар вагондарының паркін жаңартып жатыр.

Кездесу соңында президент басқарма төрағасына бірқатар нақты тапсырма берді.

102
Кілт сөздер:
теміржол, Сауат Мыңбаев
Тақырып бойынша
Тоқаев теңге бағамына қатысты бірқатар тапсырма берді
Құлыбаев Тоқаевқа бизнестің карантиннен зардап шеккен салалары туралы айтты
Ақорда президент қол қойған заң жарлығын жариялады
Тоқаев есеп комитетінің жүргізіп отырған жұмысына қатысты пікір білдірді
Ақорда, архивтегі фото

Тоқаев Ресей басшысына жеделхат жолдап, делегация жіберетінін хабарлады

2743
(Жаңартылды 15:53 12.08.2020)
Тамыз айының екінші жартысында үкіметтік делегация ресейлік вакцинаны сатып алу мәселесін талқылау үшін Мәскеуге барады

НҰР-СҰЛТАН, 12 тамыз – Sputnik. Мемлекет басшысы Қасым-Жомарт Тоқаев Ресей президенті Владимир Путинді COVID-19 індетіне қарсы әлемдегі ең бірінші вакцинаның тіркелуімен құттықтап, жеделхат жолдады, деп хабарлады Ақорданың ресми сайты.

Коронавирустың екінші толқыны: елдің жағдайы не болады? 

Тоқаев бұл оқиға Ресей ғылымының жоғары әлеуеті мен беделін нақтылай түскенін, сондай-ақ елдің осы жаһандық қауіп-қатерге қарсы күрестегі жетекші рөл атқаратынын көрсеткенін атап өтті.

"Әлемде қалыптасқан осынау қиын-қыстау кезеңде Қазақстанға үнемі қолдау көрсетіп, оның ішінде, гуманитарлық көмек беріп және еліміздегі санитарлық-эпидемиологиялық ахуалдың жақсаруына үлкен үлес қосқан дәрігерлер жібергеніңіз үшін Сізге ризашылық білдіреміз", – делінген мемлекет басшысының жеделхатында.

Қазақстан президенті ресейлік вакцинаны сатып алу мәселесіне де тоқталды.

"Тамыз айының екінші жартысында үкіметтік делегация ресейлік вакцинаны сатып алу мәселесін талқылау үшін Мәскеуге барады", – деп түйіндеді Тоқаев.

Ресейлік вакцина

10 тамызда Ресей президенті Владимир Путин COVID-19 індетіне қарсы алғашқы вакцинаның тіркелгенін жариялады. Путиннің қызы да коронавирусқа қарсы екпе салдыртып алды.

Гамалея орталығында жасалған ресейлік вакцинаның клиникалық сынақтары 18 маусымда басталды. 38 еріктінің қатысуымен алғашқы сынақтар вакцинаның қауіпсіз екенін растады, барлығында инфекцияға иммунитет қалыптасты.

Орталық директоры Александр Гинцбург коронавирусқа қарсы вакцина бәріне бірдей сәйкес келе бермейтінін атап өтті. Кез келген дәріден асқыну пайда болуы мүмкін, сондықтан созылмалы ауруы бар адамдар вакцина салдырмас бұрын мамандармен кеңесуі қажет.

Айта кетейік, мамандар препараттың тиімділігін популяциялық иммунитет қалыптасқан кезде бағалай алады.

2743
Кілт сөздер:
жеделхат, Қасым-Жомарт Тоқаев
Тақырып бойынша
Коронавирусқа қарсы қазақстандық вакцинаны кімдер салдырды?
Коронавирусқа қарсы жаппай егу қашан басталуы мүмкін – ғалым пікірі
Бекшин тұмауға шалдыққан науқас коронавирус жұқтырса не болатынын айтты
Коронавирусқа қарсы вакцинаның құны қанша болады?
Тоқаев Есімовті Ақордада қабылдады
iPhone, архивтегі фото

Нұр-Сұлтанда ірі техника дүкенінде жарық сөнгенін пайдаланып қалғандар ұсталды

0
Тұрмыстық және электронды техника сататын дүкеннің қызметкерлері 6 миллион теңгенің ұялы телефондарын ұрлаған

НҰР-СҰЛТАН, 12 тамыз – Sputnik. "Sulpak" дүкенінің екі қызметкері бірнеше ұялы телефон ұрлағаны үшін айыпталып отыр, деп хабарлайды Sputnik Қазақстан Нұр-Сұлтан қалалық полиция департаментіне сілтеме жасап.   

Тергеу материалдарына сәйкес, 28 шілдеге қараған түні екі жас қызметкер түнгі ауысымда жұмыс істеген. Сол кезде жарық сөніп қалған. Олар соны пайдаланып, дүкен қоймасынан қымбат ұялы телефондарды алып шыққан. Атап айтқанда,  9 iPhone мен 11 Samsung-ті қолды еткен. Ұрланған мүліктің жалпы сомасы 6 миллион теңгені құрады.

Оқи отырыңыз: Арыста танысының үйінде қонақта болған жігіт ұятқа қалды  

Тергеу кезінде екеуі де ұрлық жасағанын мойындады. Ал ұялы телефондар олардың пәтерінен табылды. Екеуі бір пәтерді жалдап тұрған.  

"Қазіргі кезде Қылмыстық кодекстің 188-бабы (Ұрлық) бойынша сотқа дейінгі тергеу шаралары басталды. Оған сәйкес, ірі көлемде айыппұл салудан бастап бес жылға дейін бас бостандығынан айыру жазасы қарастырылған", - дейді полицейлер.

Айта кетейік, 2020 жылдың басында ұрлық ауыр қылмыстардың санатына қосылған болатын. Енді ондай әрекеттер үшін 3-7 жылға бас бостандығынан айыру жазасы қолданылады. Оған қоса, кінәлі адамдардың мүлкі тәркіленеді. Екі жақтың татуласуына рұқсат жоқ.

0
Кілт сөздер:
Нұр-Сұлтан, ұрлық, ұялы телефон
Тақырып бойынша
Белгісіз біреулер 13 миллион теңгені ұрлау үшін Нұр-Сұлтан тұрғынын аңдыған
Ақтөбеде полиция тергеушісі ноутбук ұрламақ болды
Банк қызметкері 87 миллион теңгені қымқырып, шетелге қашып кетті
Банк қызметкері үйлену тойын жасау үшін бес жарым миллион теңге ұрлаған