Мадина Әбілқасымова

Еңбек министрі Мәдина Әбілқасымова қызметінен кетті

24032
(Жаңартылды 19:30 28.03.2019)
Мәдина Әбілқасымова қызметінен кетіп, орнына Бердібек Сапарбаев тағайындалды

АСТАНА, 25 ақпан – Sputnik. Бердібек Сапарбаев Қазақстан Республикасының Еңбек және халықты әлеуметтік қорғау министрі қызметіне тағайындалды, деп хабарлайды Ақорда. 

"Бердібек Машбекұлы Сапарбаев Қазақстан Республикасының Еңбек және халықты әлеуметтік қорғау министрі болып тағайындалсын, ол Ақтөбе облысының әкімі қызметінен босатылсын", - деп жазылған президенттің жарлығында.

Бұған дейін министрлікті Мәдина Әбілқасымова басқарған еді. Ал Бердібек Сапарбаев Ақтөбе облысының әкімі қызметін атқарды. 

Бердібек Сапарбаев туралы не білеміз?

Бердібек Сапарбаев 1953 жылы Қызылорда облысы Жаңақорған ауданы Бесарық ауылында туған. 1977 жылы Алматы халық шаруашылығы институтында "Экономика және материалдық-техникалық жабдықтау" мамандығы бойынша білім алған. Ол – экономика ғылымдарының докторы, профессор.

Еңбек жолын Қызылорда облысы Задарьинский совхозында жұмысшы қызметінен бастады (1969-1971 жж).

2007 жылдың 27 тамызынан Еңбек және халықты әлеуметтік қорғау министрі, 2009 жылдың 4 наурызынан Шығыс Қазақстан облысының әкімі қызметтерін атқарған.

2014 жылдың қарашасы мен 2015 жылдың қыркүйегі аралығында премьер-министр орынбасары болған, ал 2015 жылдың 11 қыркүйегінде президент жарлығымен Ақтөбе облысының әкімі болып тағайындалды. 

24032
Кілт сөздер:
Еңбек және халықты әлеуметтік қорғау министрлігі, Бердібек Сапарбаев, Мадина Әбілқасымова
Тақырып бойынша
Назарбаев жаңа білім министрін тағайындады
Қазақстанда тағы бір министрлік қайта ұйымдастырылды
Ақышев отставкаға кетті: Ұлттық банкті енді кім басқарады?
Назарбаев депутаттардың алдында Сағадиевті мақтады
Ұлттық банктің жаңа төрағасы Досаев мәлімдеме жасады
Үкіметтің жаңа құрамы белгілі болды
Ұлттық банктің төрағасы отставкаға кетті
Нұрсұлтан Назарбаев

Назарбаев Маминмен кездесіп, қазіргі жағдайдағы басты міндетті атады

2880
(Жаңартылды 21:07 13.08.2020)
Елбасы Қазақстанда бұған дейін қабылданған мемлекеттік бағдарламалар қазіргі дағдарыстың ұлттық экономикаға  теріс әсерін азайтуға мүмкіндік бергенін атап өтті

НҰР-СҰЛТАН, 13 тамыз — Sputnik. Қауіпсіздік Кеңесінің төрағасы Нұрсұлтан Назарбаев премьер-Министр Асқар Маминмен кездесті. Кездесу барысында биылғы 7 айдың қорытындысы бойынша еліміздің экономикалық даму нәтижелері мен пандемиядан кейінгі кезеңге арналған жұмыс жоспары талқыланды, деп хабарлады Elbasy.kz.

"Біз тәуелсіздік жылдарындағы ең күрделі кезеңді бастан өткеріп жатырмыз. Осы уақыт ішінде талай дағдарысты еңсердік. Қазіргі қиындық әлемнің бүкіл елін қамтып отыр. Барлық жерде жұмыссыздықтың көбеюі байқалуда, бизнес қиындыққа тап болып, мемлекеттер арасындағы сауда-саттық деңгейі төмендеді. Алайда бұған дейін  қабылданған шаралар дағдарыстың экономикамызға әсерін азайтуға көмектесті. Біздің экономикалық көрсеткіштердің төмендеуі басқа елдермен салыстырғанда үш есе аз", – деді Нұрсұлтан Назарбаев.

Премьер-министрдің ақпаратына сәйкес,  жыл басынан бері экономиканың машина жасау, өңдеу және тау-кен өндірісі, құрылыс, басқа да негізгі салаларындағы  көрсеткіштер оң қарқын алған.

Елбасы Қазақстанда бұған дейін қабылданған мемлекеттік бағдарламалар қазіргі дағдарыстың ұлттық экономикаға  теріс әсерін азайтуға мүмкіндік бергенін атап өтті. Ол күрделі кезеңдегі елдің әлеуметтік-экономикалық дамуын қолдау бағытында  отандық бизнестің белсенділігі жоғары екенін атап өтті.

"Ірі бизнес жұмыс орындарын сақтап қалуға көмектесті, халықтың әлсіз топтарын қолдауға қаражат бөлді, сондай-ақ "Біз біргеміз" бастамасын ілгерілетуге үлесін қосты. Мен барлық бизнес өкілдеріне ризашылығымды білдіремін. Birgemiz қоры арқылы біз 2,3 миллион қазақстандыққа қолдау көрсете алдық, – деді Елбасы.

Назарбаев қандай тапсырма берді

Нұрсұлтан Назарбаев дағдарыстан кейінгі кезеңдегі экономикалық өсім мәселесін қарастырып, отандық бизнесті жандандыру және азаматтардың әл-ауқатын жақсарту қажеттігін атап өтті. Үкімет экономиканың түрлі саласындағы өсімді қамтамасыз ету үшін нақты шаралар қабылдауы керек екендігі айтылды.

"Қазіргі уақытта сарапшылар экономикалық дағдарыс пен пандемияның екінші толқыны келетінін болжауда. Мамандар бұл мәселені мұқият зерттеп, осы жағдайға арнаулы бағдарлама әзірлеуі керек. Жаңа тәсілдер мен тиісті шаралар қажет", – деді Қазақстанның тұңғыш Ппрезиденті.

Сонымен қатар Елбасы коронавирус инфекциясының таралуына қарсы күрес аясындағы ақпараттық-түсіндіру жұмыстары мәселесіне тоқталды.

"Қауіпті дертті жұқтырып алмау адамның өзіне және тәртібіне байланысты екенін түсіндірген мемлекеттер ұтылған жоқ. Кейбір елдерде карантин шаралары қабылданбады, өйткені адамдар сақтық шараларын сақтап, мамандардың талабын орындады", – деді Нұрсұлтан Назарбаев.

Қазақстанның тұңғыш президенті геосаяси қақтығыстар мен қарама-қайшылықтар өршіп тұрған жағдайда Қазақстан қоғамының бірлігі мен тұрақтылығын сақтаудың маңыздылығын атап өтті.

"Біздің басты міндетіміз – дағдарысқа қарамай, еліміздің ұлттық қауіпсіздігін қамтамасыз ету. Ішкі тұрақтылықты сақтауымыз керек. Қоғам тұтастығы мен саяси тұрақтылық – біздің алға жылжуымыздың негізі екенін жұртшылық естен шығармағаны жөн", – деді Елбасы.

Кездесу соңында Нұрсұлтан Назарбаев жаһандық экономикалық дағдарыстардан өтуде Қазақстанның мол тәжірибесі, сондай-ақ экономиканың тұрақты өсімін қамтамасыз етуге мүмкіндігі бар екенін атап өтті.

2880
Қазақстан темір жолы ҰК АҚ басқарма төрағасы Сауат Мыңбаев

Президент Сауат Мыңбаевты неге шақырды?

1737
"Қазақстан темір жолының" басшысы пандемия салдарынан жолаушылар тасымалының көлемі өткен жылмен салыстырғанда екі есеге азайғанын атап өтті  

АЛМАТЫ, 12 тамыз – Sputnik. 2020 жылдың бірінші жартыжылдығында Қазақстан мен Қытай арасындағы жүк тасымалының көлемі біршама өсті. Бұл жайында "Қазақстан темір жолы" ҰК" АҚ басқарма төрағасы Сауат Мыңбаев мемлекет басшысы Қасым-Жомарт Тоқаевқа хабарлады, деп жазды Ақорда сайты.

Басқарма төрағасының айтуынша, 2020 жылдың бірінші жартыжылдығында жүк айналымы өткен жылдың аталған кезеңімен салыстырғанда 3,5%-ға артқан.

Оқи отырыңыз: Тоқаев Есімовті Ақордада қабылдады 

Қазақстан мен Қытай арасындағы жүк тасымалының көлемі біршама өскен. Соған сәйкес мемлекетаралық бекеттегі өткізу қабілетін арттыру шаралары қабылданады.

Сауат Мыңбаев пандемияның жолаушылар тасымалына әсер еткенін атап өтті. Оның айтуынша, өткен жылмен салыстырғанда жолаушылар тасымалының көлемі екі есеге азайған. Соған қарамастан компания жолаушыларға қызмет көрсетудің жаңа стандарттарын енгізіп, жолаушылар вагондарының паркін жаңартып жатыр.

Кездесу соңында президент басқарма төрағасына бірқатар нақты тапсырма берді.

1737
Кілт сөздер:
теміржол, Сауат Мыңбаев
Тақырып бойынша
Тоқаев теңге бағамына қатысты бірқатар тапсырма берді
Құлыбаев Тоқаевқа бизнестің карантиннен зардап шеккен салалары туралы айтты
Ақорда президент қол қойған заң жарлығын жариялады
Тоқаев есеп комитетінің жүргізіп отырған жұмысына қатысты пікір білдірді
Теңге, архивтегі фото

Қазақстанда кейбір кәсіпкерлерге 42 500 теңгені тағы да төлеу ұсынылды

586
(Жаңартылды 16:00 14.08.2020)
17 тамыздан бастап мемлекеттік комиссияның шешімімен бірқатар кәсіпорын қайта ашылады. "Атамекен" ҰКП жұмыс істеуге рұқсат етілмеген кәсіпкерлерге 42 500 теңгеден төлеуді жалғастыру қажет екенін мәлімдеді

НҰР-СҰЛТАН, 14 тамыз – Sputnik. 17 тамыздан бастап жұмысын бастамайтын кәсіпорындарға 42 500 теңге көлеміндегі мемлекеттік төлемді ұзарту ұсынылып отыр. Бұл туралы "Атамекен" ұлттық кәсіпкерлер палатасы басқарма төрағасының бірінші орынбасары Эльдар Жұмағазиев орталық коммуникациялар қызметінде өткен брифингте мәлімдеді, деп хабарлайды Sputnik Қазақстан.

Қазір Ұлттық палата қазақстандық кәсіпкерлерді қолдау көрсету пакетімен қамту үшін ұлттық экономика министрлігімен келіссөздер жүргізіп жатыр.

"Біз қазір мемлекеттік төлемді ұзарту жөніндегі өз ұсыныстарымызды дайындап жатырмыз. Бүгінде қызметтің тағы бірнеше бағыты шет қалып отыр. Мысалы, караоке, тойхана және басқа да бағыттар. Біз онда қанша адам жұмыс істейтіні туралы ақпарат жинап, тексеріс жүргіземіз", - деді "Атамекен" төрағасының орынбасары.   

Сонымен қатар Ұлттық палата кәсіпкерлердің кредитін кейінге қалдыру және қайта қаржыландыру, салықтарды кейінге қалдыру және жалдау ақысын төлеу мәселелерін пысықтауды ұсынады.

Коронавирустың екінші толқыны: елдің жағдайы не болады?

Эльдар Жұмағазиев 17 тамыздан бастап жұмыс істеуге тыйым салынған кәсіпкерлер саны едәуір азаятынын атап өтті.

Бұған дейін ҰКП төрағасының орынбасары Қазақстанда карантиннің салдарынан 1,3 миллион адам жұмыссыз қалғанын мәлімдеген еді.  

586
Кілт сөздер:
жеке кәсіпкерлер, төлемақы, жәрдемақы
Тақырып:
Төтенше жағдай және карантин
Тақырып бойынша
42 500 теңгені төлеу ережесіне өзгерістер енгізілді
Ақорданың маңына жиналған бір топ адам кредиттің кешірілуін талап етті
Еңбек министрлігі 21 250 теңгеге қатысты ақпарат жариялады
"Неге бәрі әншілерді шіріген бай деп ойлайды?": Маржан Арапбаева ренішін жеткізді