АСТАНА, 20 наурыз – Sputnik. Елбасының "Назарбаев орталығында" өз кабинеті болады, деп хабарлайды Sputnik Қазақстан тілшісі.
Бұл ақпаратпен парламент палаталарының бірлескен отырысында ҚР тұңғыш президенті кеңсесінің бастығы Махмұд Қасымбеков бөлісті.
Ол Тұңғыш президент кеңсесі қандай мәселелермен айналысатынын да айтты.
"Кеңсе Елбасы қызметін құжаттық қамтамасыз етумен айналысады",- деді Қасымбеков.
Еске салсақ, кеше Махмұд Қасымбеков Тұңғыш президент кеңсесінің бастығы қызметіне тағайындалған болатын.
9 қабаттан тұратын "Назарбаев орталығының" аумағы - 28 мың шаршы метр. 460 мың кітап қоры бар. Оның екі жүз мыңы жабық қор. Кешеннің орталық атриумының диаметрі – 26 метр. 500 адамның қатысуымен түрлі шаралар ұйымдастыруға болады.
