Қасым-Жомарт Тоқаев

Тоқаев жасаған ауыс-түйіс нені білдіреді - саясаттанушылардың пікірі

4611
(Жаңартылды 12:35 26.03.2019)
Қазақстанда бүгінде болып жатқан кадрлық ауыс-түйістер ішкі ғана емес, сыртқы әлемнің де назарында

АЛМАТЫ, 26 наурыз – Sputnik. Қазақстанның тұңғыш президенті Нұрсұлтан Назарбаев өз өкілеттілігін мерзімінен бұрын тоқтататынын жария ете салысымен, көптің назары қазір саяси сахнадағы өзгерістерде болып тұр. Жаңа президент болған Қасым-Жомарт Тоқаев кадрлық ауыс-түйіске жең түре кірісіп те кетті. Бұл ауыс-түйістер нені білдіреді, одан қандай да бір жаңашылдықты күтуге бола ма?

Бұл сауалдарға қатысты Sputnik Қазақстан тілшісі саясаттанушылардың пікірін сұрап-білді.

"Қалетаев – көп үміт күтетін жастың бірі..."

Саясаттанушы Дос Көшім бұрынғы үкімет басшысы Бақытжан Сағынтаевтың ҚР Президенті әкімшілігінің басшысы боп тағайындалуын құп көретінін айтады.

"Біз ол кісімен тарихи жайт - Жер кодескі талқылауында бірге жұмыс істедік. Мойындау керек, өзгелермен санаса білетін сауатты басшы. Сол кісінің арқасында көп ұсынысымыз қабыл алынды", - дейді ол.

Дегенмен саясаттанушы Марат Тәжиннің мемлекеттік хатшы болуын түсіне алмай дал.

"Ол кісі саяси технолог. Сауатты әрі салмақты тұлға. Қазақ тарихын қайта қарап, қайта түзу туралы жақсы ой айтып, керекті мәселені көтеріп жүрген адам. Сондықтан ол кісінің орны басқа жер еді негізі", - дейді ол.

Дос Көшімнің пікірінше, Дархан Қалетаев өз орнын тауып барған, көп үміт күтетін жастың бірі.

"Ол премьер-министр кеңсесіне кеткенде артындағылар шулап қалған. Өйткені Қоғамдық даму министрлігінде жүргенде ол көптеген жақсы жобаны іске қосқан. Соның бәрі жайына қала ма деп қорыққан мамандар. Енді ол өз орнына келген секілді", - дейді ол.

"Тәжин жаңа ұлттық социум қалыптастыруға тырысуы мүмкін"

Ал саясаттанушы Ерлан Сайыров Тоқаевтың өз жұмысының насихатында идеологияға бәс тігіп отырғанын болжайды. Сондықтан, оның ойынша, Тәжинді мемлекеттік хатшы қылуы кездейсоқтық емес.

"Тажин сана модернизациясы, тарихқа жаңа көзқараспен қарау, ұлттың рухани әлемі сынды құндылықтарды насихаттауға ден қоюшы тұлға. Сондықтан бұл тағайындау, меніңше, идеологиялық саясаттың ұлттың рухани жаңғыруына, тарихымызды қайта парақтап, баға беруге қарай бағыт алғанын байқатады", - дейді ол.

Оның айтуынша, Тәжин бүгінгі әлеуметтік ағымға ілесе алатын, тарихи тегіне сүйенетін жаңа ұлттық социум қалыптастыруға тырысады.

"Ойлары либеральды тұлға ғой. Қазақстандық демократияның "жаңа моделін" ойлап табуы да мүмкін ол кісінің. Қалай дегенмен де еліміздің демократиялық көрсеткішін көтеру керек қазір. Қоғамның да, уақыттың да талабы қазір осы, бір өзгеріс керек. Ал ол өзгеріс осындай сипатта болады деп ойлаймын", - дейді Сайыров.

Саясаттанушы Сағынтаевтың өзгенің пікірін сыйлап, тыңдай білетін, бірақ сонымен қатар өз позициясын да мықтап ұстанатын тұлға екенін айтады.

"Қазір ішкі элитамен үлкен жұмыс істеу керек. Бұл арада білікті модераторлар қажет. Қалай дегенмен де мұны олар қоғамдық процестер либерализациясынан бастаса дейміз", - дейді ол.

"Сол баяғы фигуралар..."

Саясаттанушы Әзімбай Ғали қазір биіктің әр қадамын баққан қоғам мен басқа әлем либералдық даму алғышарттарының көрініс беруін күтіп отырғанын айтады.

Тағы оқыңыз: Назарбаев пен отбасы қандай кепілдікке ие?

"Қазақстанда саяси өзгеріс боп жатыр. Бүкіл әлемнің назары қазір бізде. Әрине, Батыс демократиялық талаптардың орындалуын қадағалайды мұндайда. Сондықтан Тоқаев бас болған саяси команда үлкен сын алдында тұр", - дейді ол.

Алайда саясаттанушы осыған дейінгі кадрлық ауыс-түйістерден өзгеше нышанды байқамағанын айтады.

"Жаңаша леп әкелетін адамды көріп тұрғаным жоқ.. Орнын алмастырғаны болмаса. Мүмкін басты көзірді әзірге артқа қалдырып отырған шығар. Сондықтан әліптің артын баққан біздікі", - дейді саясаттанушы жоғарыдағы ауыс-түйіске қатысты көзқарасында.

Айта кетсек, бұрын ҚР Президенті әкімшілігі басшысының бірінші орынбасары болған Марат Тәжин ҚР Мемлекеттік хатшысы, бұрын үкіметті басқарған Бақытжан Сағынтаев ҚР Президенті әкімшілігінің басшысы боп тағайындады. Ал Ғалымжан Қойшыбаев ҚР Премьер-министрі кеңсесінің басшысы болды. Бұған дейін бұл қызметті Дархан Қалетаев басқарған еді. Қазір ол ҚР Президент әкімшілігі басшысының бірінші орынбасары болды.

4611
Кілт сөздер:
Қасым-Жомарт Тоқаев
Тақырып:
Нұрсұлтан Назарбаевтың отставкасы (32)
Тақырып бойынша
Тоқаев бұрынғы министрді көмекшісі етіп тағайындады
Тоқаев Айдос Үкібайды қызметінен босатты
Тоқаев Астананың атауын өзгерту туралы жарлыққа қол қойды
Назарбаев пен Тоқаев тағы да Путинмен телефон арқылы сөйлесті
Қасым-Жомарт Тоқаев "Қазақстан – Ресей" матчын тамашалауға келді - фото
Жалақы 1 шілдеде көтерілмейді: Тоқаев үкіметке тапсырма берді
Архивтегі фото

Қазақстан Азиядағы өзара іс-қимыл және сенім шаралары кеңесіне төрағалық етеді

24
(Жаңартылды 18:01 24.09.2020)
Қазақстан өз төрағалығы кезінде АӨСШК Даналар кеңесі мен АӨСШК қорын құруға, талдау орталықтарының форумын тұрақты жұмыс істейтін диалог алаңы ретінде қайта қалыптастыруға күш салады

НҰР-СҰЛТАН, 24 қыркүйек – Sputnik. Азиядағы өзара іс-қимыл және сенім шаралары кеңесіне (АӨСШК) мүше мемлекеттердің сыртқы істер министрлері кеңесінің отырысы өтті. Алқалы жиын бейнеконференция форматында ұйымдастырылды, деп хабарлайды Sputnik Қазақстан сыртқы істер министрлігінің баспасөз қызметіне сілтеме жасап.  

Кеңес кезінде АӨСШК төрағалығы Тәжікстаннан Қазақстанға табысталды. Осы орайда министр Мұхтар Тілеуберді Қазақстанның тұңғыш президенті – Елбасы Нұрсұлтан Назарбаевтың 1992 жылы БҰҰ Бас Ассамблеясының 47 сессиясында алғаш рет жариялаған АӨСШК-ті құру туралы идеясын еске алды. Бұл бастама Азиядағы сенімділік пен қауіпсіздікті нығайту саласындағы ынтымақтастықтың жаңа форматын қалыптастыруға ықпал етті.

Оқи отырыңыз: Тоқаев Қазақстанның алдында тұрған басты міндетті атады 

Министрдің айтуынша, Қазақстан өз төрағалығы кезінде АӨСШК Даналар кеңесі мен АӨСШК қорын құруға, сондай-ақ, АӨСШК-тің талдау орталықтарының форумын тұрақты жұмыс істейтін диалог алаңы ретінде қайта қалыптастыруға күш салады. Осы бастамаларды 2019 жылы маусымда Душанбеде өткен саммитте мемлекет басшысы Қасым-Жомарт Тоқаев көтерген. Бұдан бөлек,  басқа да аймақтық ұйымдармен сыртқы байланыстарды кеңейтуге басымдық беріледі.

Министрлердің кездесуінде АӨСШК Хатшылығының атқарушы директоры да сайланды. Бұл қызметке Қазақстанның Аустриядағы елшісі Қайрат Сарыбайдың кандидатурасы бірауыздан мақұлданды.

Айта кетейік, АӨСШК-тің негізгі мақсаты Азияда бейбітшілік пен қауіпсіздікті қамтамасыз ету үшін тиімді және қолайлы құрылымды құруға бағытталған. Қазіргі кезде ұйымға 27 мемлекет кіреді. Бұдан бөлек, 8 мемлекет пен 5 халықаралық ұйым кеңестің жұмысына бақылаушы ретінде қатысады. АӨСШК хатшылығы Нұр-Сұлтан қаласында орналасқан.

24
Тақырып бойынша
Тоқаев БҰҰ форумында сөз сөйлейді
Қазақстан шекарасын кесіп өту тәртібі өзгерді
Тоқаев Мусинді цифрлық даму министрі қызметіне тағайындады
Қазақстан мен Қытайдың туы

Қытайдың сыртқы істер министрі келіп кетті: екі ел қандай келісімге келді?

893
Қазақстан мен Қытайдың жаңа бағдарламасы негізгі жобалар аясында кадр алмасуды жеңілдетуге бағытталған

НҰР-СҰЛТАН, 24 қыркүйек — Sputnik. Қазақстан мен Қытай "Алғашқы мың кадр алмасуды қалпына келтіру жөніндегі бағдарламаның" басталғанын жариялады.

Бұл туралы Қытайдың төтенше және өкілетті елшісі Чжан Сяо ҚХР Сыртқы істер министрлігінің басшысы Ван Идің Қазақстанға жасаған сапарының қорытындысы бойынша мәлімдеді. Қытайдың сыртқы істер министрі Нұр-Сұлтанда қыркүйектің ортасында келіп кеткен еді.

Елші поствирустық кезеңде екі елдің ынтымақтастығы қалай жүзеге асырылатыны туралы айтты.

"Эпидемияның алдын алу және бақылау жүргізу қажеттілігіне байланысты, Қытай мен Қазақстанның арасындағы байланыс бірнеше айдан бері қиындаған еді, бұл әртүрлі салалардағы, соның ішінде инвестиция мен өндірістік қуат саласындағы екіжақты ынтымақтастыққа белгілі бір деңгейде әсер етті", – деп атап өтті Чжан Сяо.

Сапар барысында тараптар эпидемияның алдын алу мен бақылауды реттеу аясында жан-жақты ынтымақтастықты қалпына келтіру туралы келісімге келді.

"Екі елдің сыртқы істер министрлері маңызды жобалар аясында кадрлармен және іскер азаматтармен алмасуды жеңілдету үшін "ҚХР мен Қазақстанда алғашқы мың кадр алмасуды қалпына келтіру жөніндегі бағдарламаның" басталғаны жөнінде мәлімдеді", - деді ҚХР елшісі.

Бағдарлама поствирустық кезеңде кадр алмасуды және қос мемлекет арасындағы офлайн ынтымақтастықты қалпына келтірудің алғашқы сатысы болады.

Отандық сыртқы істер министрлігінің Sputnik Қазақстанға берген мәліметі бойынша, тараптар постпандемиялық кезеңде сауда-экономикалық ынтымақтастықты қалпына келтіру туралы келісімге келді.

"Осы мақсатта бірлескен жобаларға қатысатын Қазақстан мен Қытай мамандарына өзара келіссөз негізінде виза беру мүмкіндігі талқыланды", - деді бұл жөнінде Қазақстанның сыртқы саяси ведомствосында.

Жобаны жүзеге асыру мерзімінің басталуы туралы қосымша хабарланады.

Оқи отырыңыз: "Қытай ұшағы радиоактивті зат шашып жүр": ақпаратқа түсініктеме берілді

 

893
Кілт сөздер:
Қытай
Ішік

Нұр-Сұлтан тұрғыны анасының миллион теңге тұратын ішігін ұрлап, 30 мыңға сатпақ болды

0
Мас ер адам өтіп бара жатқан адамдарға қаракүзен ішігін сатып алуды ұсынған – оны учаскелік инспектор ұстады

НҰР-СҰЛТАН, 24 қыркүйек – Sputnik. Алкогольге тәуелділіктен зардап шегетін ер адам анасының бір миллион теңге тұратын қаракүзен ішігін ұрлап алған.

Ол "Астаналық базардың" маңында өтіп бара жатқан адамдарға ішікті 30 мың теңгеге сатпақ болды, деп хабарлады Нұр-Сұлтанның полиция департаменті.

Оқи отырыңыз: Нұр-Сұлтанда қымбат телефонды ұрлап кеткен оқушының әрекеті видеоға түсіп қалды   

Тон ұстаған мас адамды учаскелік инспектор Бақтияр Байқанов байқап қалып, оны тергеу үшін полицияға жеткізген.

Нәтижесінде ішік заңды иесіне қайтарылды. Ол полиция қызметкеріне қырағылығы мен қызметтік міндетін адал атқарғаны үшін ризашылығын білдірді.   

0
Кілт сөздер:
Нұр-Сұлтан, ұрлық
Тақырып бойынша
Қарағанды облысында ұрланған көлік өртеніп кетті
Нұр-Сұлтанда қарақшылық шабуыл жасаған ағалы-інілі ұсталды
Талдықорғанда 35 жыл түрмеде отырған баукеспе ұры ұсталды
Сарыағашта ана мен баланың бірігіп жасаған қылмысы ашылды – видео